آرشیف

د طالبانو ویاند ذبیح الله مجاهد وايي، د کابل او اسلام اباد ترمنځ روان کړکېچ د هېڅ لوري په ګټه نه دی او دوی هڅه کوي، چې د دواړو لوریو ترمنځ روان کړکېچ په اساسي ډول حل شي.

د افغانستان لپاره د ملګرو ملتونو ځانګړي راپور ورکوونکي ریچارډ بېنېټ د ایرلنډ له کرکټ بورډ نه غوښتي چې د افغانستان د ښځو د کرکټ لوبډله هم ور وغواړي او د ای سي سي له خوا د رسمیت پېژندنی ملاتړ یې وکړي.

د طالبانو د هرات د اطلاعاتو او فرهنګ ریاست وایي، عراق ته د اسلام کلا پولې له لارې په عراق کې د امام حسین د څلوېښتي د زیارت کونکو د لېږد د همغږۍ لپاره یې ګډه کمېټه جوړه کړې ده. د طالبانو د چارواکو په وینا، سږ کال اټکل کېږي تر ۱۵ زرو زیارت کوونکي له همدې لارې کربلا ته لاړ شي.

د پاکستان امنیتي سرچینو خبر ورکړی، چې د خیبر پښتونخوا په هنګو سیمه کې د پولیسو پر پوستې د خونړي برید پلان کوونکی په عملیاتو کې وژل شوی دی. دغه قوماندان چې په معاویه مشهور و، د تحریک طالبان پاکستان غړی و. ټي ټي پي تر اوسه په دې اړه غبرګون نه دی ښودلی.

پخواني ولسمشر حامد کرزي په پاکستان کې د افغان محصلانو د ځورولو او د هغوی د ویزو د نه غځولو په اړه خپاره شوي راپورونه د اندېښنې وړ بللي دي. کرزي دا وضعیت د خواشینۍ وړ بللی او له پاکستاني چارواکو یې غوښتي، چې د محصلانو ستونزو ته جدي پاملرنه وکړي.

د طالبانو مخالفې ډلې «متحدې جبهې» په بادغیس ولایت کې په خپل درېیم برید کې د طالبانو د دوو غړو د وژل کېدو خبر ور کړی. دې جبهې نن د زمري په ۱۱مه د یوې ویډیو په خپرولو سره ویلي، چې وژل شوي طالبان د پخوانیو پوځیانو په شکنجه کولو کې ښکېل وو.

د طالبانو د بغلان د کرنې ریاست وایي، د کرنیز سکتور د ودې، د سبزیجاتو د تولید زیاتوالي او د بزګرانو د مسلکي روزنې په موخه د همکارو موسسو په ملاتړ د دغه ولایت په بېلابېلو ولسوالیو کې ۲۵۰ شنې خونې جوړې شوې دي.

مسکو وایي، د ډله‌ییز امنیت تړون سازمان غړي هېوادونه او د منځنۍ اسیا نور ګاونډي هېوادونه د سیمې د ثبات د ټینګښت لپاره له افغانستان سره خپلې اړیکې پراخوي. په یاد سازمان کې د روسیې استازي ویکتور واسیلییف ویلي، د سیمې امنیتي وضعیت دوامداره څاري.

د پاکستان د پولیسو مرکزي دفتر د رپوټ له مخې، په خیبر پښتونخوا کې په تېرو ۲۵ کلونو کې په ترهګرۍ ضد جګړه او وسله والو بریدونو کې ۲۳۹۶ پولیس افسران او سرتېري وژل شوي دي. د راپور له مخې، له ۲۰۰۲ کال وروسته بمي چاودنې او هدفي وژنې ډېرې شوې دي.

د امریکا ولسمشر ډونالډ ټرمپ اعلان وکړ، چې د چټکې هوکړې په هیله یې پر اسلامي جمهوریت نوي بریدونه ځنډولي دي. نوموړي وویل، چې د تهران د اټومي پروګرام د درولو او د هرمز تنګي د پرانیستلو په تړاو د پرېکړې ترمهاله به بریدونه ودروي.

د کندهار د یو شمېر ولسوالیو هټیوالو افغانستان انټرنشنل ته ویلي، چې طالبانو په شفاهي ډول ورته امر کړی چې باید د شپې تر ۱۱ بجو مخکې خپلې هټۍ وتړي. یاد هټیوال وايي، طالبانو د هټیو د تړلو په اړه هېڅ دلیل نه دی وړاندې کړی.

په روزګان کې د طالبانو د کرنې، اوبولګولو او مالدارۍ ریاست وایي، سږکال په دغه ولایت کې د بادامو حاصلات د تېر پرتله زیات شوي؛ خو کروندګر د خپلو محصولاتو لپاره د مناسب بازار د نشتوالي له امله اندېښمن دي.

د «غېږ نیونې» دودیزه لوبه د افغانستان او پاکستان د پښتنو ترمنځ له کلونو راهیسې مشهوره ده او د ډیورنډ کرښې دواړو غاړو ته زرګونه مینه‌وال لري. پخوا به د دواړو خواوو لوبغاړو د سیالیو لپاره په ازاد ډول تګ‌راتګ کاوه؛ خو پر ډیورنډ کرښه ترینګلتیاوو یادې لوبې ته هم زیان رسولی دی.

د طالبانو ویاند ذبیح الله مجاهد د یکشنبې په ورځ د یوې خبري غونډې پرمهال په افغانستان کې د طالبانو د مخالفو ډلو حضور منلی. نوموړي ویلي، چې دغه ډلو له پخوا راهیسې حضور لاره. د هغه په وینا؛ د طالبانو د مخالفو جبهو ریښې په بهر کې دي.

پر ډیورنډ کرښه له تېرو لسو میاشتو راهیسې د لارو تړل پاتې کېدو پرضد د لنډي کوتل په بازار کې سوداګرو، کارګرو، ټرانسپورټرانو، د ګمرکي تصفیې استازو، د سوداګرو ټولنو او د بېلابېلو سیاسي ګوندونو غړو اعتراض کړی دی.

د اسراییل پوځ د یکشنبې په ورځ (د زمري ۱۱مه) خبر ورکړی، چې د حماس د یوې ځانګړې ډلې قوماندان سالم جمال عبدالرحمان ابولبد یې د شنبې په ورځ د غزې په سویلي تړانګه کې په یوه برید کې وژلی دی.

د طالبانو تر واک لاندې د افغاني سرې میاشتې ټولنې په کابل کې د سوري زړه ناروغیو د درملنې لپاره ځانګړی روغتون پرانیست. د یادې ټولنې په وینا؛ دغه روغتون د ۶.۵ مېلیون ډالرو په لګښت جوړ شوی او هرکال به د نړۍوالو معیارونو له مخې د شاوخوا ۲زره د سوري زړه ناروغانو وړیا درملنه وکړي.

طالبانو ته نږدې حریت راډیو راپور ورکړی، چې د خوست ولایت د سپېرې ولسوالۍ د رېزو سیمې بورخېلو قوم او د پکتیکا ولایت د ګیان ولسوالۍ د ګیانخېلو قوم ترمنځ د غره پر سر له تېرو څلورو ورځو راهیسې سخته جګړه روانه ده.

د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ (د زمري ۱۰مه) ۳۶۱ کډوالۍ کورنۍ چې شمېر یې ۱۹۷۹ کسانو ته رسېږي؛ له ایران او پاکستان نه افغانستان ته ستانه شوي دي.

د ایران د بهرنیو چارو وزیر عباس عراقچي د پاکستان د پوځ له لوی درستیز فیلډ مارشال عاصم منیر او د سعودي عربستان او ترکیې د بهرنیو چارو له وزیرانو سره د ټیلیفون په کرښه د سیمې د وروستیو بدلونونو او امنیتي وضعیت په اړه خبرې کړې دي.

د طالبانو ویاند ذبیح‌الله مجاهد ویلي، چې تېرکال په افغانستان کې د کانونو پر لویو او کوچنیو پروژو تر ۱۰ مېلیارده افغانیو ډېره پانګونه شوې ده. د هغه په وینا؛ تېرکال د کانونو د قراردادونو له امله په مستقیم او غیرمستقیم ډول تر ۲۵۰زره ډېرو کسانو ته د کار زمینه هم برابره شوې ده.