د ملګرو ملتونو په امنیت شورا کې د امریکا استازي وايي چې د دوی لومړیتوب په افغانستان کې د خپلو وګړو ساتنه او د ملي امنیت خوندي کول دي او ټینګار یې وکړ چې طالبان لا هم “یرغمل نیونه” د فشار د وسیلې په توګه کاروي. نوموړي د افغان مېرمنو پر وضعیت هم اندېښنه وښوده.
د چین استازي د دوشنبې په ورځ د ملګرو ملتونو د امنیت شورا په غونډه کې وویل چې د افغانانو بنسټیز حقونه باید رعایت شي او طالبان باید له شپږم ټولګي پورته نجونو پرمخ د ښوونځیو دروازې پرانیزي.
د ملګرو ملتونو په امنیت شورا کې د پاکستان استازی وايي، چې افغانستان د ترهګرو ډلو لپاره په خوندي پټنځای بدل شوی او د طالبانو له بیا واکمنېدو وروسته د سیمهییز امنیت وضعیت لا خراب شوی دی.
د افغانستان لپاره د ملګرو ملتونو ځانګړي راپور ورکوونکي ریچارډ بینیټ په هرات کې د طالبانو له خوا د لسګونو ښځو خپلسري نیول کېدل په کلکه غندلي دي.
د ملګرو ملتونو په امنیت شورا کې د بریتانیا استازي د افغان ښځو او مذهبي لږه کیو پر وضعیت اندېښنه وښوده او ویې ویل، چې د طالبانو اقدامات او قوانین د افغانستان نړیوالې ژمنې ماتوي. نوموړي د طالبانو وروستی اقدامات سخت دریځه وبلل او ویې غندل.
د ملګرو ملتونو د امنیت شورا په غونډه کې د روسیې استازې وویل چې د افغانستان په تړاو د روسیې د سیاست کلیدي ټکو تغییر نه دی کړی او له طالبانو سره په اعتماد ولاړ تعامل په کار دی او دا باید له ضرب الاجل او فشار پرته وي. نوموړې د داعــ.ـش خلاف د طالبانو هڅې ناکافي وبللې.
په ملګرو ملتونو کې د فرانسې استازي نن د امنیت شورا په غونډه کې ویلي چې د افغانستان خلک له نږدې پنځو کلونو راهیسې د طالبانو د “قصدي تبعیضي سیاست” لاندې ژوند کوي او د ښځو او نجونو اساسي حقونه په سیستماتیک ډول تر پښو لاندې شوي دي.
د ملګرو ملتونو د بشري چارو د همغږۍ دفتر استازې د ملګرو ملتونو د امنیت شورا په غونډه کې ویلي چې افغانستان د نړۍ له “تر ټولو پېچلو بشري بحرانونو” څخه یو تجربه کوي او نږدې نیم نفوس بېړنیو مرستو ته اړتیا لري. نوموړې وايي، د تېر کال په پرتله پنځوس سلنه د خوړو ناامني زیاته شوې.
د ښځو حقونو فعالې او د جنسیتي اپارتاید پای ته رسولو کمپاین غړې میترا مهران د ملګرو ملتونو د امنیت شورا په غونډه کې پر نړیوالې ټولنې او ملګرو ملتونو غږ وکړ، چې له طالبانو سره له سیاسي او ډيپلوماتیک تعامل نه ډډه وکړي.
د ملګرو ملتونو د امنیت شورا په غونډه کې د یوناما مرستیالې جورجیت ګانیون د طالبانو او پاکستان وروستیو نښتو ته په اشاره وویل، چې ملګري ملتونه د دواړو خواوو ترمنځ د منځګړتوب د روانو هڅو ملاتړ کوي. نوموړې وویل، چې له طالبانو سره تعامل د هغوی د تایید په معنا نه دی.
د ملګرو ملتونو د امنیت شورا په غونډه کې د یوناما مرستیالې د افغانستان په تړاو په خپل رپوټ کې وویل، چې د ښځو پر زده کړو او کار د طالبانو بندیزونه د افغانستان د اقتصاد لپاره زیانناک تمام شوي او باید دغه بندیزونه لرې شي.
د طالبانو د کرنې، اوبو لګولو او مالدارۍ وزارت وایي چې د قوشتیپې کانال د لومړي پړاو پروژه به د راتلونکو شپږو میاشتو په لړ کې بشپړه او د ملي پراختیا شرکت له خوا به د چارو ادارې ته وسپارل شي.
په نوي ډیلي کې د پاکستان عالي کمېشنرۍ وايي، چې هندي زیارت کوونکو ته یې په دغه هېواد کې د ګورو ارجن دیو جي د مړینې ورځې په کلنۍ مېله کې د ګډون لپاره ۷۳۷ ویزې صادرې کړې دي. دغه مذهبي مراسم د ۲۰۲۶ کال د جون له ۱۰مې نېټې څخه تر ۱۹مې نېټې پورې په پاکستان کې ترسره کېږي.
د نېټفلېکس فلم «ما بهن» چې مرکزي لوبغاړې یې مادوري دیکشت ده، د طنزي کامیډۍ ژانر په قالب کې وړاندی شوی، خو زما په نظر دا فلم تر طنز ډېر د ټولنې د هغه واقعیت انځور دی چې موږ یې هره ورځ وینو، اما ډېر وخت یې عادي ګڼو.
له هرات نه یوې افغانې مېرمنې په یوه را استولي پیغام کې ویلي، چې د طالبانو د محدودیتونو او نیونو له امله افغانستان په زندان ورته بدل شوی. هغه وایي، روغتون ته د تګ په څېر اساسي اړتیاوو کې هم له کوره نه شي وتلای. نوموړې د سیاسي وضعیت د بدلېدو غوښتنه کړې ده.
د کردستان د بشري حقونو سازمان خبر ورکړی، چې په سرپل ولایت کې د طالبانو یوه محلي چارواکي مفتي محمدالله یوه کرده مېرمن او د هغې لور وژلې دي. سازمان ادعا کړې، چې یاد قوماندان د سارا یوسفي په نامه ۱۵ کلنه نجلۍ د ځان لپاره غوښته، خو کله یې چې مقاومت کړی، ډزې یې پرې کړې دي.
په داسې حال کې چې پر ازادو رسنیو او ژورنالیستانو د طالبانو بندیزونه ورځ تر بلې زیاتېږي، د یادې ډلې د اطلاعاتو او فرهنګ وزارت په میدان وردګ ولایت کې د خپل پخواني مشر ملامحمد عمر په نوم د «عمر راډیو» د خپرونو د پیل کېدو خبر ورکړی دی.
د طالبانو د معیار او کیفیت ادارې ویلي چې د هېواد د بازارونو د خوندیتوب او د ودانیزو غیرمعیاري توکو د مخنیوي په موخه یې د ۳۲ ټنو بېکیفیته ایزوګام د واردېدو مخه نیولې ده.
د طالبانو د ټولګټو وزارت وايي، چې د ددې ډلې د اورګاډي پټلۍ ادارې یوه پلاوي د د اورګاډي پټلۍ همکاریو د پراختیا په موخه ایران ته سفر کړی. د وزارت په وینا، دواړو لوریو د هرات - مزارشریف پټلۍ پروژې د جوړولو، تخنیکي معیارونو او مالي تمویل په اړه خبرې کړې دي.
د طالبانو د مشر ملا هبتالله اخوندزاده د نوي فرمان له مخې هیڅوک په خپل سر سرزه زر نه شي استخراج کولی او نه یې هم مینځلی شي. د فرمان له مخې، چې یوه کاپي یې افغانستان انټرنشنل ته رسېدلې، په دولتي ځمکو کې د سرو زرو په استخراج کې یوه پر پنځمه برخه باید طالبانو ته وسپارل شي.
د طالبانو د عدلیې وزارت د یو سند له مخې، چې افغانستان انټرنشنل ترلاسه کړی، د دې ډلې مشر هبتالله اخوندزاده په یوه نوي شفاهي حکم کې پر ټولو طالبانو او دولتي کارکوونکو د ځیرک موبایل کارول بند کړي. په سند کې سرغړوونکي کسان مجرمان یاد شوي او وايي، نظامي محکمو ته به معرفي شي.