جرمني او فرانسې پرېکړه کړې چې د نوې نسل د جنګي الوتکې ګډه پروژه لغوه کړي، دا هغه پروګرام دی چې شاوخوا ۱۰۰ میلیارد یورو ارزښت لري او د اروپا تر ټولو لویه دفاعي پروژه بلل کېده.
د بښنې نړیوال سازمان د اسیا څانګې ویلي، چې په هرات ښار کې په وروستیو دوو ورځو کې د طالبانو له لوري د لسګونو ښځو او نجونو نیول په افغانستان کې د ښځو او نجونو پر حقونو د روانو محدودیتونو او ځپلو دوام څرګندوي.
د خيبرپښتونخوا اعلی وزیر سهيل اپریدی او د جمعيت علمای اسلام ګوند مشر مولانا فضل الرحمان د ايالت پر واک او حقونو غږېدلي او ويلي یې دي چې دوی پر دې خبره موافق دي چې مرکزي حکومت ايالت ته خپل اساسي حقونه پوره نه ورکوي.
د امریکا ولسمشر ډونالډ ټرمپ ویلي، ایران له واشنګټن څخه غوښتي چې اسراییل ته د بریدونو د درولو پیغام ورسوي. نوموړي زیاته کړې چې د اسراییل له لومړي وزیر بنیامین نتنیاهو سره یې په اړیکه کې د جګړې د پراخېدو د مخنیوي لپاره خبرې کړې دي.
د طالبانو تر چتر لاندې د کډوالو د دایمي مېشتېدنې او ځمکو وېش کمېټې ویلي، په تېره اوونۍ کې ۴۶۹۴ راستنېدونکو کورنیو ته د هېواد په بېلابېلو ولایتونو کې د هستوګنې ځمکې وېشل شوې دي.
د پاکستاني طالبانو تحریک (ټي ټي پي) د خيبرپښتونخوا په سوات ولسوالۍ کې د افضل خان ګجر په نوم یوه کس باندې وسله وال بريد کړی او په برید کې یې د درېو کسانو د وژلو پړه منلې ده. ياده پېښه تېره شپه رامنځته شوې وه.
د نجونو د زده کړو ملاتړی بنسټ «ملاله بنسټ» ویلي، د ښځو پر وړاندې د طالبانو د محدودیتونو د پراخېدو له پنځو کلونو وروسته، حکومتونه باید د افغانستان د ښځو او نجونو پر وړاندې روان «جنسیتي اپارتاید» د نړیوال قانون له مخې د جرم په توګه په رسمیت وپېژني.
په خوست کې د طالبانو والي مولوي عبدالرحمن حقاني د امر بالمعروف اړوند قانون د تطبیق په اړه یوې ناستې ته ویلي، د طالبانو د مشر د اوامرو اطاعت پر ټولو واجب دی او د اسلامي احکامو عملي کول د ټولنې د اصلاح او د نظام د پیاوړتیا اساسي بنسټ ګڼل کېږي.
د ننګرهار د یوه طالب چارواکي په غږیز پیغام کې چې افغانستان انټرنشنل – پښتو ترلاسه کړی، ویل کېږي د ملا هبتالله اخوندزاده د هدایت له مخې د غونډې پر مهال د ځیرکو موبایلونو د راټولولو او بندولو پرېکړه شوې او ټول چارواکي او کارکوونکي اړ دي چې یا خپل موبایلونه وسپاري او یا یې مات کړي.
باوري سرچینو افغانستان انټرنشنل ـ پښتو ته ویلي، چې د دغه ولایت طالب والي د یوې اداري غونډې پر مهال د رییسانو او ولسوالانو ځیرک (سمارټ) موبایلونه مات کړي او هغوی ته یې امر کړی چې د خپلو اړوندو ادارو د کارکوونکو ځیرک موبایلونه هم ولایتي ادارې ته وسپاري.
د بلوچستان ایالت د مرکزي ښار، کوېټې په وحدت کالونۍ سیمه کې یوه کس لومړی خپله مېرمن او څلور ماشومان وژلي او وروسته یې د ځان وژنې هڅه کړې، خو په روغتون کې یې د درملنې پر مهال ساه ورکړې ده.
په ملګرو ملتونو کې د ایران استازي، د امنیت شورا غونډې ته ویلي چې په افغانستان کې د طالبانو له ادارې سره د نړیوالې ټولنې د تعامل دوام د ثبات د ټینګښت او د دغه هېواد د ننګونو د حل لپاره اړین دی.
د بشر حقونو څار بنسټ ویلي، چې پاکستان د الکترونیکي جرمونو قانون د بشري حقونو د مدافعینو او د حکومت د منتقدانو پر ضد د فشار د وسیلې په توګه کاروي. یاد بنسټ دا څرګندونې د ایمان مزاري او هادي علي چټې د لس کلن بند له سزا وروسته کړې دي.
د طالبانو د عامې روغتیا وزارت وايي، د خوړو، درملو او روغتیايي محصولاتو د قاچاق د مخنیوي قانون د تطبیق بینالوزارتي کمېټې په غونډه کې د دغه قانون د پلي کېدو لپاره ۱۱ موارد تایید شوي او اړوندو ادارو ته د عملي اقداماتو سپارښتنه شوې ده.
د ملګرو ملتونو په سازمان کې د بحرین استازې د افغانستان په تړاو د دغه سازمان د امنیت شورا د غونډې پر مهال په خپلو خبرو کې د طالبانو له لوري پر ښځو او نجونو د لګېدلو محدودیتونو، په ځانګړي ډول د زدهکړو، کار او په ټولنیز ژوند کې د ګډون پر بندیزونو اندېښنه څرګنده کړه.
د ملګرو ملتونو په امنیت شورا کې د هند استازي وویل، چې نوی ډیلی په افغانستان کې د سولې او ثبات ملاتړ جاري ساتي. هغه له افغانستان سره د پاکستان د سوداګرو لارو بندول له تجارت نه د حربې په توګه کار اخېستل وبلل.
د طالبانو د تخار ولایت والي رسنیز دفتر ویلي، چې د کانونو د ساتنې کمېټې د دغه ولایت په غونډه کې پرېکړه وشوه چې په سیمه کې د کانونو د ناقانونه استخراج او په ځانګړي ډول د بېجوازه او له نقشې څخه بهر د زروینځلو د فعالیتونو مخنیوی کوي.
د ملګرو ملتونو په امنیت شورا کې د ډنمارک استازې د زوجینو د تفریق په تړاو د هبت الله نوی فرمان د ښځو او نجونو د حقونو د سلب پر لور یو بل اندېښمنوونکی ګام وباله.
د ملګرو ملتونو په امنیت شورا کې د یونان استازې وايي، طالبان باید نړیوالو تعهداتو ته ژمن پاتې شي او نجونې او ښځې زده کړو او کار ته پریږدي. نوموړې وویل، چې دوی د طالبانو او پاکستان د ستونزو د ډیپلوماتیک حل ملاتړ کوي.
د ملګرو ملتونو په امنیت شورا کې د امریکا استازي وايي چې د دوی لومړیتوب په افغانستان کې د خپلو وګړو ساتنه او د ملي امنیت خوندي کول دي او ټینګار یې وکړ چې طالبان لا هم “یرغمل نیونه” د فشار د وسیلې په توګه کاروي. نوموړي د افغان مېرمنو پر وضعیت هم اندېښنه وښوده.
د چین استازي د دوشنبې په ورځ د ملګرو ملتونو د امنیت شورا په غونډه کې وویل چې د افغانانو بنسټیز حقونه باید رعایت شي او طالبان باید له شپږم ټولګي پورته نجونو پرمخ د ښوونځیو دروازې پرانیزي.