په پاکستان کې د مېوو او سبزيجاتو اتحادیې ويلي، د افغانستان سره د لارو د بنديز، په ايران او منځني ختيځ کې د جګړې له امله د پاکستان څخه د امونو صادرات اغېزمن شوي، او دې سره به د صادراتو عايد په ميلينونو ډالره راکم شي.
د طالبانو تر چتر لاندې د پېښو پر وړاندې د مبارزې او چمتووالي ادارې خبرداری ورکړی چې د هېواد په ۱۲ ولایتونو کې د نسبتا سختو بارانونو، تالندې او سېلابونو د راوتلو احتمال شته. دغې ادارې له خلکو غوښتي چې د سیندونو او هغو سیمو ته له نږدې کېدو ډډه وکړي چې د سېلابونو له ګواښ سره مخ دي.
د افغانستان د بشري حقونو د خپلواک کمېسیون پخوانۍ مشرې شهرزاد اکبر ویلي، په سویلي افریقا کې د افغان ښځو غږ اورېدل شوی او د دغه هېواد د ازادۍ مبارزین نن د افغان ښځو د حقونو د دفاع په برخه کې ورسره اوږه په اوږه ولاړ دي.
د اسراییل پوځ اعلان کړی، چې د حـ . ـزبالله ډلې د توغندیز ځواک یو قوماندان محمد موسی متیرک یې وژلی دی. د پوځ په وینا، نوموړی پر اسراییلو د سلګونو راکټي او بېپیلوټه الوتکو د بریدونو د طرحه او عملي کولو مسوول و.
د افغانستان لپاره د پاکستان ځانګړي استازي، محمد صادق ویلي چې د اروپايي ټولنې له چارواکو سره یې د سیمې د سیاسي او امنیتي وضعیت او له افغانستان څخه د فعالو وسلهوالو ډلو د فعالیتونو په اړه خبرې کړې دي.
جینوا کې د افغانستان استازی نصیر احمد اندېشه وایي، د ملګرو ملتونو د ماشومانو حقونو کمېټې د طالبانو د مشر ملا هبتالله هغه فرمان غندلی چې په وینا یې د ماشومانو ودونه مشروع او د نجونو چوپتیا د رضایت په معنا ګني. هغه له هېوادونو وغوښتل چې د افغان نجونو د حقونو د خوندیتوب ملاتړ وکړي.
د افغانستان د پخواني جمهوري نظام د چارو ادارې مشر فضل محمود فضلي د اروپايي ټولنې د بهرنۍ پالیسۍ د مشرې کایا کالاس پر وروستیو څرګندونو نیوکه کړې او ویلي یې دي چې پاکستان ته د افغانستان دننه د پوځي عملیاتو د «ځاندفاع» حق ورکول، د افغانستان د برخلیک په اړه جدي پوښتنې راپورته کوي.
د سایبري امنیت څېړونکو موندلې چې له پاکستان سره تړلې یوې شکمنې هېکري ډلې د طالبانو د مالیې وزارت، د ولایتي عوایدو ادارې او مستوفیتونه او یو شمېر ولایتي چارواکي په نښه کړي دي.
د ایران د خاتمالانبیا مرکزي قرارګاه چارواکو د اسراییل تر کنټرول لاندې شمالي سیمو او پوځي ښارګونو اوسېدونکو ته خبرداری ورکړی چې د اوربند د تکراري نقض په صورت کې به وضعیت لا خطرناک شي.
د پاکستان د لومړي وزیر دفتر وايي، چې شهباز شریف د اروپايي ټولنې د بهرنۍ تګلارې له مشرې کایا کالاس سره کتلي او دواړو د افغانستان او سویلې اسیا پر وضعیت هم خبرې کړې دي.
د ایران نیمه رسمي خبري اژانس «تسنیم» راپور ورکړی چې تهران له متحده ایالاتو سره غیرمستقیمې خبرې اترې دروي، ځکه اسراییلي ځواکونو په لبنان کې د ایران ملاتړو ملیشو پر ضد بریدونه پراخ کړي دي.
د طالبانو د سرحدي پولیسو عمومي ریاست ویلي، چې تېره اونۍ په کابل نړیوال هوايي ډګر کې د جعلي اسنادو له لارې بهر ته تلونکي اته کسان نیول شوي دي.
د طالبانو مشر هبتالله اخوندزاده په بدخشان ولایت کې د طالبانو د اوسنیو او پخوانیو چارواکو او قوماندانانو د پخوانیو او اوسنیو شتمنیو او جایدادونو د ارزونې او پلټنې لپاره یو لوړپوړی پلاوی ټاکلی دی.
د بلوچستان ایالت په چمن ولسوالۍ کې د پښتونخوا ملي عوامي ګوند د مرکزي مشر او د پاکستان د ملي اسمبلۍ د اپوزیسیون د مشر محمود خان اڅکزي پر ضدد پولیسو په یوهحوزه کې قضیه ثبت شوې ده. اڅکزي په یوه غونډه کې ویلي چې پښتانه باید د افغانستان تذکرې هم واخلي.
د طالبانو د بامیان ولایت د چارواکو په وینا، د لوی اختر د رخصتیو پر مهال نږدې ۳۰۰ زره کورنیو او بهرنیو سیلانیانو د بامیان ولایت له تاریخي او تفریحي سیمو لیدنه کړې، چې د بند امیر ملي پارک هم پکې شامل دی.
د ملګرو ملتونو د ماشومانو د حقونو کمېټې د زوجینو د تفریق په تړاو د طالبانو نوې اصولنامه چې د کمکیو نجونو ودونو ته قانوني بڼه ورکوي، غندلې ده. دغې کمېټې دا پرېکړه د بشري حقونو له نړیوالو قوانینو څخه یوه لویه او سیستماتیکه سرغړونه بللې ده.
ټاکل شوې د جون میاشتې پر اتمه او ۱۶مه د ملګرو ملتونو د امنیت شورا په غونډه کې د افغانستان د روان سیاسي، امنیتي او بشري وضعیت ترڅنګ د ملګرو ملتونو د مرستندویه پلاوي (یوناما) د ماموریت پر بیا غځولو بحث وشي.
د اروپايي ټولنې لوړپوړې ډیپلوماټې ویلي چې پاکستان له افغانستان سره په شخړه کې ښکېل پاتې شوی او وروستیو نښتو جدي بشري پایلې رامنځته کړې، چې د لا بېثباتۍ او افراطیت د زیاتېدو خطر لري. هغې له دواړو خواوو د زغم او تاوتریخوالي د کمولو غوښتنه کړې ده.
د حزب تحریر ډلې د افغانستان څانګې د یوې خبرپاڼې په خپرولو سره د طالبانو او روسیې ترمنځ د پوځي او تخنیکي همکاریو د هوکړې په تړاو اندېښنه ښودلې ده. یادې ډلې ویلي، چې له روسیې سره هر ډول همکاري د مسلمانانو له ګټو سره په ټکر کې ده.
د افغانستان لپاره د روسیې ځانګړي استازي ضمیر کابلوف ویلي، چې له طالبانو سره د مسکو پوځي او تخنیکي هوکړه لیک یوازې په افغانستان کې د پخوانیو روسي پوځي وسایلو او چورلکو د ترمیم لپاره دی. هغه زیاته کړه چې دا یو عملي چوکاټ دی او په راتلونکي کې د نورو تړونونو لار پرانیزي.
د طالبانو د امر بالمعروف، نهی عن المنکر وزیر خالد حنفي په افغانستان کې د کډوالو عالي کمېشنرۍ له رییس عرفات جمال سره په خبرو کې ویلي، چې دوی چمتودي «۲۴ ساعته د ښځو ستونزې واوري».