د طالبانو د امر بالمعروف، نهی عن المنکر وزیر خالد حنفي په افغانستان کې د کډوالو عالي کمېشنرۍ له رییس عرفات جمال سره په خبرو کې ویلي، چې دوی چمتودي «۲۴ ساعته د ښځو ستونزې واوري».
په ۲۰۲۵ کال کې جرمني ته د پخوا په پرتله لږ کسان کډه شوي دي. د جرمني د احصایې فدرالي ادارې په وینا، په دغه کال کې ټولټال شاوخوا ۱،۴۸ میلیونه کسان جرمني ته داخل شوي، چې د ۲۰۲۴ کال په پرتله نږدې ۱۳ سلنه کموالی ښيي. له افغانستان څخه خالصه کډوالي۴۱ سلنه کمه شوې.
د طالبانو د ننګرهار والي رسنیز دفتر وايي، چې د درونټې برښناکوټ د بند کاسې د خټو او رسوباتو د پاکولو په موخه به د غبرګولي له ۱۲مې تر ۱۴مې نېټې پورې د بند اوبه خوشې شي. د دغو درېیو ورځو په لړ کې به هره ورځ د سهار له شپږو د ماښام تر شپږو بجو پورې د اوبو د خوشې کېدو بهیر دوام ولري.
د طالبانو د خوست والي عبدالرحمن حقاني له یو شمېر سوداګرو او پانګوالو سره د خوست پر اقتصادي وده، ابادۍ او د نویو پانګونو پر راجلبولو خبرې کړې دي. نوموړي په دې ناسته کې سوداګر د هېواد اقتصادي لښکر وباله او زیاته یې کړه چې د طالبانو اداره د سوداګرو ملاتړ ته ژمنه ده.
د پکتیکا ولایت یوې اوسېدونکې افغانستان انټرنشنل ته ویلي، چې طالبانو د اختر په ورځو کې د ښځو د حضور له امله کورنیو ته د سردې بند له سیمې د لیدنې او ورتګ اجازه نهده ورکړې.
د طالبانو عدلیې وزارت د غایبو اشخاصو د منقولو او غیرمنقولو ملکیتونو د بررسۍ نوی قانون خپور کړی، چې په ۹مه، ۲۳مه او ۲۸مه ماده کې یې د «ساعین بالفساد» په نامه د مخالفانو او بغاوت کوونکو د ملکیتونو او د هغو د عوایدو او شرعي وکیل درلودو حق د هبت الله په حکم پورې مشروط کړی.
له افغانستان نه لسګونه نجونو په لیکل شویو لیکونو کې د ملګرو ملتونو له سرمنشي انتونیو ګوترېش غوښتي، چې د نجونو پر زدهکړو د محرومیت او پر ښځو د لګېدلو محدودیتونو پر وړاندې چوپ پاتې نهشي.
له فراه ولایت نه یو کروندګر افغانستان انټرنشنل ته په دغه لېږلي غږیز پیغام کې ویلي: «طالبان جبري عشر غواړي؛ که یې ورنه کړو بندیانوي مو». نوموړي زیاته کړې، چې طالبان پر هر ۱۰۰۰ متره کرنیزې ځمکې ۶زره افغانۍ عشر اخلي.
د روسیې او طالبانو ترمنځ د پوځي-تخنیکي همکارۍ د تړون تر لاسلیک وروسته په افغانستان کې د روسیې د سوداګرۍ مرکز مشر ویلي، چې د تاتارستان جمهوریت شرکتونه کولای شي د طالبانو تر واک لاندې پوځي تجهیزات ترمیم او بیاورغوي.
یوې افغانې مېرمنې افغانستان انټرنشنل ته په لېږلي غږیز پیغام کې د طالبانو ویاند ذبیحالله مجاهد هغه ادعا رد کړې، چې د طالبانو په زندانونو کې هیڅ ډول ناوړه چلند نهکېږي. یادې مېرمنې ویلي: «تر ټولو بد ځای، بد تاوتریخوالی او ناوړه چلند د طالبانو لهخوا له زندانیانو سره کېږي».
د طالبانو د ارشاد، حج او اوقافو وزارت وایي، چې له سعودي عربستان نه د افغان حاجیانو د بېرته ستنېدو لړۍ د دوشنبې په ورځ (د غبرګولي ۱۱مه) پیل شوه. د دغه وزارت د معلوماتو له مخې؛ د حاجیانو لومړۍ الوتنه نن سهار له جدې نه د کابل نړۍوال هوايي ډګر ته ورسېده.
اکسیوس راپور ورکړی، چې په لبنان کې د اوربند لپاره د امریکا نوې هڅه ناکامه شوې او هممهاله اسراییل خپل ځمکني عملیات پراخ کړي. اکسیوس ته سرچینو ویلي، چې تر دغه ناکامۍ وروسته اسراییل د امریکا لهخوا د شین څراغ په لټه کې دی؛ ترڅو په بیروت کې د حزبالله پر اهدافو پراخ بریدونه وکړي.
د ملګرو ملتونو د بشري مرستو د همغږۍ دفتر (اوچا) وایي، افغانستان لاهم د هغو هېوادونو په ډله کې شامل دی چې د مېندو د مړینې کچه پهکې لوړه ده. د اوچا د معلوماتو له مخې؛ په افغانستان کې د هرو ۱۰۰زره زېږونونو پرمهال شاوخوا ۶۰۰ مېندې خپل ژوند له لاسه ورکوي.
د اسراییل پوځ په لبنان کې پر ملیخ او کفرحون ښارونو د بریدونو خبرداری ورکړی او د یادو سیمو له اوسېدونکو یې غوښتي، چې سملاسي خپل کورونه پرېږدي او له سیمې ووځي. ورته مهال الجزیرې راپور ورکړی، چې د لبنان په سویل کې د نښتې پرمهال یو اسراییلی پوځي وژل شوی او درې نور ټپیان شوي دي.
په هرات کې د طالبانو د کرنې، اوبو لګولو او مالدارۍ ریاست وایي، په دغه ولایت کې هره ورځ شاوخوا ۸۰ ټنه تازه شیدې تر تولید وروسته بازار ته وړاندې کېږي. د یاد ریاست په وینا؛ دغه شیدې د لبنیاتو د پروسس په لسو فابریکو کې تولیدېږي او د ولایت په کچه پر شاوخوا ۱۸۰ هټیو وېشل کېږي.
د شمال ختیځ سیمو اوسېدونکي وایي، د وروستیو سېلابونو له امله د تخار-بدخشان لويې لارې ځینې برخې تړل شوې چې له امله یې ټرافیکي ګڼه ګوڼه زیاته کړې او پر دغه لارو تلونکو کسانو ته یې ګڼې ستونزې جوړې کړې دي.
د طالبانو عدلیې وزارت خبر ورکړی، چې د غایبو او مفقودو اشخاصو د ملکیتونو څېړنې لپاره د یادې ډلې د مشر ملا هبتالله اخوندزاده له لوري قانون توشیح او وروسته په رسمي جریده کې خپور شوی دی.
سپاه پاسداران په یوې خبرپاڼه کې ویلي، هغه ځای یې په نښه کړی چې د امریکا د پوځ له لوري د هرمزګان د سیریک ټاپو پر یوه مخابراتي برج یې برید کړی و. سپاه پاسداران خبرداری ورکړی، که دغه ډول برید یو وار بیا تکرار شي؛ نو ځواب به «په بشپړ ډول» توپير ولري.
ایران د مهرداد محمدي نیا او اشکان مالکي په نوم هغه دوه لاریون کوونکي اعدام کړل، چې د مرغومي میاشتې لاریونونو پرمهال د تهران د کوی نصر (ګېشا) په سیمه کې د جعفري جومات د سوځولو په تور نیول شوي وو. ایراني چارواکو ویلي، چې دغه سزا د سترې محکمې له تایید وروسته عملي شوې.
په کونړ او نورستان کې د طالبانو ځایي چارواکي وایي، د اختر په ورځو کې په دغه دوو ولایتونو کې د ټرافیکي پېښو له امله ۶ کسان مړه او ۱۶ نور ټپیان شوي دي. په کونړ کې د طالبانو د ټرافیکو مدیریت وایي، چې د څو ټرافیکي پېښو له امله په دغه ولایت کې ۲ کسه مړه او ۱۴ نور ټپیان شوي دي.
په دایکنډي کې د طالبانو د امنیې قوماندانۍ رسنیز دفتر په یوې خبرپاڼه کې ویلي، چې د دغه ولایت په میرامور ولسوالۍ کې د یوې کورنۍ دوه غړي په سیند کې د ډوبېدو له امله مړه شوي دي. د یاد دفتر په وینا؛ د پېښې قربانیان دوه وړونه وو، چې سیند ته د تفریح او کب نیولو لپاره تللي وو.