په ترکیه کې ۲۹ افغان کډوال نیول شوي دي
د ترکیې ارزوروم ولایت رسنیز دفتر د پنجشنبې په ورځ (د وږي ۱۳مه) د یوې خبرپاڼې په خپرولو سره ویلي، چې د ترکیې پولیسو تېره میاشت په ارزوروم ښار کې د بېلابېلو عملیاتو پر مهال ۲۹ افغان کډوال نیولي دي.
د ترکیې ارزوروم ولایت رسنیز دفتر د پنجشنبې په ورځ (د وږي ۱۳مه) د یوې خبرپاڼې په خپرولو سره ویلي، چې د ترکیې پولیسو تېره میاشت په ارزوروم ښار کې د بېلابېلو عملیاتو پر مهال ۲۹ افغان کډوال نیولي دي.
د خبرپاڼې له مخې؛ دغه کډوال پر ناقانونه لارو ترکیې ته د ورتګ په تور نیول شوي او څه باندې ۲۰ زره ډالره جریمه شوي هم دي.
په یادې خبرپاڼه کې د دغه کډوالو د هویت په اړه جزییات نه دي ورکړل شوي. خبرپاڼه زیاتوي، چې په دغه عملیاتو کې د انساني قاچاق په تړاو هم څلور کسان تر عدلي او قضايي څار لاندې دي او یو یې نیول شوی دی.
د ترکیې د ساحلي ګارډ قوماندانۍ د وېبپاڼې له مخې؛ په تېرو اتو میاشتو کې ۱۲زره او ۷۲۰ هغه کډوال چې د اعتبار وړ اسناد یې نه لرل، د سمندري کډوالو په نوم پېژندل شوي او په دې موده کې د ترکیې په بېلابېلو سیمو کې ۳۲ کډوال مړه شوي دي.