د ملګرو ملتونو کارپوهانو له طالبانو سره د اړیکو عادي کولو او دې ډلې ته د مشروعیت ورکولو لپاره د ځینو اروپايي هېوادونو هڅې وغندلې. دوی د اروپايي ټولنې له غړو هېوادونو غوښتې چې د افغان پناه غوښتونکو له شړلو ډډه وکړي.
د طالبانو د افغاني سرې میاشتې رييس شهابالدین دلاور د یوناما د بشري حقونو برخې له مسوولې فیانو فریزر سره کتنه کې ویلي، د تېرو دوو لسیزو ناخوالو ګڼ شمېر کورنۍ بې سرپرسته کړي دي. د چارو د شنونکو په باور، په تېرو ۲ لسیزو کې د دغو کورنیو د بېسرپرسته کېدو لامل همدا طالبان دي.
په کوېت کې د طالبانو سفیر محمد شفیق خطیب د بیت التمویل الکویتي بانک د پلاوي له شرعي غړي او پانګوال خالد شجاع العتیبي سره کتنه کې د اقتصادي همکاریو په تړاو د خبرو په ترڅ کې په افغانستان کې د پانګونې د فرصتونو په اړه هم بحث کړی دی.
د ملګرو ملتونو سرمنشي انتونیو ګوترېش په یمن کې د پوځي نښتو پر پراخېدو او پر سعودي عربستان د حوثي یاغیانو د بریدونو پر دوام سخته اندېښنه ښودلې ده. نوموړي ټینګار کړی چې د ملکي اهدافو په نښه کول په هېڅ ډول د منلو وړ نه دي.
د طالبانو مخالفې وسلهوالې ډلې، متحدې جبهې د پنجشنبې په ورځ ادعا کړې، چې په تېرو ۲۴ ساعتونو کې یې په هلمند او کاپیسا ولایتونو کې څلور «موخهییز» عملیات ترسره کړي دي. د دغې جبهې د ادعا لهمخې، په دغو عملیاتو کې ۵ طالبان وژل شوي، خو طالبانو یې په تړاو څه نهدي ویلي.
د مقاومت جبهې په بامیان ولایت کې د ملګرو ملتونو د مرستندویه پلاوي (یوناما) پر ځايي کارکوونکي وسلهوال برید په کلکه وغانده او طالبان یې د دغې پېښې اصلي مسوول وبلل.
یوه امریکايي فدرالي قاضي د پنجشنبې په ورځ امر کړی چې ولسمشر ډونالډ ټرمپ باید د ډسمبر تر ۱۱مې نېټې پورې د بيبيسي پر ضد د ۱۰ میلیارد ډالرو د افترا دعوې په تړاو د دې رسنۍ د وکیلانو پوښتنو ته ځوابونه ورکړي.
د کاناډا لومړي وزیر مارک کارني او د ترکیې ولسمشر رجب طیب اردوغان نن د پنجشنبې په ورځ په انقره کې د خپلمنځي سوداګرۍ، امنیت او پانګونې د زیاتولو لپاره د ستراتیژیکې همکارۍ تړون لاسلیک کړ.
د غزې روغتیايي چارواکي وايي، چې د پنجشنبې په ورځ د غزې په تړانګه کې د اسراییل په بېلابېلو بریدونو او ډزو کې لږ تر لږه څلور کسان وژل شوي دي. د روغتیايي کارکوونکو په وینا، په غزه ښار کې پر یوه موټر په برید کې یو کس وژل شوی دی.
د طالبانو د معیار او کیفیت ادارې ویلي چې د ۴۰ ټنه بې کیفیته کاشيو یوه جوپه یې له فراه ولایت څخه بېرته ایران ته ګرځولې ده.
کابل څېړنیز انسټیټیوټ په خپل تازه راپور کې ویلي، چې افغانستان ته د بشري مرستو شاوخوا ۱،۴ میلیارده ډالره له هغو لارو له لارې لېږدول شوي چې په مالي اسنادو کې «محرمانه» ثبت شوې دي. دغه بنسټ ټینګار کړی چې د معلوماتو نه عام کېدل په دې معنا نه دي چې له مرستو ناوړه ګټه اخیستل شوې ده.
د پاکستان لومړي وزیر شهباز شریف یوځل بیا په خپلو تازه څرګندونو کې ویلي چې د افغانستان له خاورې په پاکستان کې شپه او ورځ «ترهګري روانه ده» او په دغه هېواد کې بېګناه خلک وژني.
د امریکا د پوځ متقاعد جنرال او د ملي امنیت پخواني چارواکي کېت کېلوګ په یوه مقاله کې د طالبانو د یوې مخالفې جبهې له یوه غړي سره د خپلې لیدنې یادونه کړې او ویلي یې دي چې امریکا باید د طالبانو د واکمنۍ د بدیل په لټه کې له باوري افغان سیاسي جریانونو سره اړیکې وساتي.
د ننګرهار پوهنتون محصلینو ته د «سلام اچولو» د ارزښت او فضیلتونو په اړه د یوه سیمینار له جوړېدو وروسته، د ټولنیزو رسنیو یو شمېر کاروونکو د پوهنتون د لومړیتوبونو پر څرنګتیا نیوکې کړې دي. ځینو کاروونکو دا ډول سیمینارونه د محصلینو د علمي کچې له اړتیاوو سره نامتناسب بللي دي.
د نیویارک ټایمز د د خپلو سرچینو له قوله ویلي، چې د پاکستان پوځي او استخباراتي چارواکو په وروستیو میاشتو کې د طالبانو د مخالفو وسلهوالو ډلو له مشرانو سره لیدلي او د احتمالي ملاتړ وړاندیز یې ورته کړی دی.
پاکستاني رسنیو راپور ورکړی چې د افغانستان او پاکستان ترمنځ د سوداګرۍ د اوږدمهالې بندېدا له امله پاکستاني صادروونکي له درنو زیانونو سره مخ دي، توکي یې بند پاتې دي او د منځنۍ اسیا بازارونو ته بدیلې لارې هم خورا ګرانې پرېوځي.
د یونسکو او یونیسف ګډ راپور ښيي چې په افغانستان کې د زدهکړو ناورین د نجونو تر محرومیت ورهاخوا پراخ شوی دی. د راپور له مخې، د افغانستان په پوهنتونونو کې د نارینه محصلانو شمېر په ۲۰۱۹ کال کې له شاوخوا ۳۰۶ زرو څخه په ۲۰۲۶ کال کې ۲۰۸ زرو ته راکم شوی دی.
اروپايي ټولنې ویلي چې په افغانستان کې د بشري مرستو لپاره ېې ۱۲ میلیونه یورو ځانګړې کړې دي. دغه پیسې په سویلي او سویل لویدیزو ولایتونو کې د ۳۴۷ زره کسانو لپاره د روغتیا، خوړو خوندیتوب او اوبو او د روغتیا ساتنې خدمتونو په برخه کې لګول کېږي.
د طالبانو د کور او ښار جوړولو وزارت اعلان کړی چې د شیخ زاید ښارګوټي د هغو ۵۲۱ اپارتمانونو د بېرته اخیستو لپاره یې ټول اداري او تخنیکي چمتووالی بشپړ کړی، چې مالکانو یې په ټاکلي وخت کې د اپارتمانونو ۵۰ سلنه قسطونه نه دي ورکړي.
د کابل انسټیټیوټ اعلان کړی چې د طالبانو تر کنټرول لاندې افغانستان ته د ۹۱ سلنه بشري مرستو د لېږد بهیر نامعلوم دی. دغه بنسټ د پنجشنبې په ورځ، د تلې په ۳۰مه، په یوه انلاین خبري غونډه کې په دې اړه خپلې موندنې په ډاګه کوي.
د طالبانو د ټولګټو وزارت خبر ورکړی چې د خواف ـ هرات رېل پټلۍ له لارې یې د ایران د رېل پټلۍ شبکې په مرسته له هرات څخه ترکیې ته ۶۰۰ ټنه پنبه صادره کړې ده.