افغان دیني عالم مولوي حبیب الله حسام د ښځو د کرامت او عقل څخه په دفاع کولو سره ویلي چې ښځه بې عقله نه ده، بلکې د بشریت او ټولو پیغمبرانو او پوهانو مور ده. هغه زیاته کړې چې د ښځو تحقیرول او هغوی ته د عقل د نقص نسبت کول د قران کریم د صریحو ایتونو خلاف عمل دی.
د امریکا د استازو جرګې جمهوريپال غړي جو ویلسن، له افغانستان څخه د امریکايي ځواکونو وتل د امریکا د بهرني سیاست او پوځي تاریخ له «تر ټولو سترو ناورینزیږوونکو تېروتنو» څخه یوه بللې ده.
د طالبانو ستره محکمه وايي، په تېرو پنځو کلونو کې د هېواد له زندانونو څه باندې ۱۶ زره بندیانو ته «عفوه» شوې ده. د دغې محکمې لپاره طالب مسوولین زیاتوي، په دې موده کې د څه باندې ۱۱ زره نورو بندیانو د بند په موده کې کموالی راغلی، خو دا چې دمګړۍ څومره کسان بندیان دي څه نهدي ویل شوي.
د طالبانو مخالفې ډلې، ازادۍ جبهې په کونړ کې د طالبانو پر وړاندې د عملیاتو د پیل خبر ورکړ او ادعا یې کړې، چې د طالبانو پر یوې پوستې یې خپل لومړنی برید ترسره کړی. دوی زیاتوي دغه برید د وږي په څلورمه نېټه د اسعداباد او جلالاباد پر لویه لاره د طالبانو پر یوې پوستې شوی دی.
د کرملین ماڼې اعلان کړې چې د امریکا د مرکزي استخباراتو ادارې (سيایاې) مشر جان رټکلیف مسکو ته په یوه نااعلان شوي سفر کې د روسیې له استخباراتي چارواکو سره خبرې کړې، خو له ولسمشر ولادیمیر پوتین سره یې لیدنه نه ده کړې.
اپل شرکت اعلان وکړ چې د خپلو نویو محصولاتو د معرفي کولو مراسم به د سپټمبر پر نهمه (د وږي ۱۸مه) ترسره کړي. تمه ده چې په دې مراسمو کې د ایفونونو نوی نسل او ښایي د دې شرکت لومړنی تاوېدوونکی ایفون هم نندارې ته وړاندې شي.
د مقاومت جبهې د بهرنیو اړیکو مسوول علي میثم نظري د هغو کسانو پر چلند سختې نیوکې کړي دي، چې په یو وخت کې د دوو بشپړ متضادو سیاسي او ایډیالوژیکو بهیرونو ملاتړ کوي. هغه زیاته کړې چې دغه کسان په ټولنه کې د سختو سیاسي تضادونو ښکارندویي کوي.
د هلمند ولایت لپاره د طالبانو د والي په مشرۍ د امنیتي او تصفیوي کمېسیون په اونیزه غونډه کې وویل شوي، چې ۲ طالبان د «نفوذیانو» په توګه نیول شوي دي. دا په داسې حال کې ده، چې په دې وروستیو کې په سویلي ولایتونو کې د متحدې جبهې په نوم د طالبانو د وسلهوالو مخالفینو بریدونه پراخ شوي.
د امریکا ولسمشر ډونالډ ټرمپ له کاناډا سره د سوداګریزو خبرو له ناکامېدو وروسته ویلي، «وخت رارسېدلی چې کاناډا ته وښیو نور تاسې کار نه شي کولی». ټرمپ تازه د ۲۰ میلیارد ډالرو په ارزښت پر کاناډايي وارداتو ۵۰ سلنه تعرفه هم لګولي ده.
د کابل د سروبي ولسوالۍ یو شمېر اوسېدونکي شکایت کوي چې د شپې له خوا یې برېښنا د ساعتونو لپاره پرې کېږي او پرلهپسې پرچاوۍ د خلکو ورځنی ژوند، کاروبارونه او د ناروغانو او ماشومانو اړتیاوې له ستونزو سره مخ کړې دي.
په اسلام اباد کې د امریکا سفارت په کابل هوايي ډګر کې پر امریکايي ځواکونو د داعش د خراسان څانګې د خونړي برید د پنځمې کلیزې په درشل کې له پاکستان څخه د دغه برید د عامل په پېژندلو، نیولو او سپارلو کې د همکارۍ له امله ستاینه کړې ده.
د نیپال او چین په ګډه پوله کې د واورې، ډبرو او خټو له ښوېدنې وروسته سخت سېلابونه راوتلي چې له امله یې لږ تر لږه ۹۵ کسان مړه شوي او ۳۴۱ نور کسان لا درکه دي.
د امریکا ولسمشر ډونالډ ټرمپ وايي، فکر نه کوي چې د ایران مذهبي مشر مجتبی خامنهيي دې وژل شوی وي، خو په وینا یې هغه سخت ټپي شوی دی.
د امریکا د جګړې وزارت د کابل هوایي ډګر پر «ابې ګېټ» دروازې د مرګوني برید له پنځمې کلیزې سره هممهاله اعلان وکړ، چې د دغې پېښې د څېړلو ځانګړي پلاوي داسې محرمو اسنادو ته لاسرسی موندلی چې مخکې نه وو افشا شوي.
د طالبانو د سترې محکمې د ویاند مرستیال قاري منصور احمد حمزه ویلي، په تېرو پنځو کلونو کې د هېواد په کچه ۷۹۷ زره او ۶۷۸ قضیو ته رسېدنه شوې ده.
د طالبانو د بهرنیو چارو وزیر امیرخان متقي او د سره صلیب نړیوالې کمېټې د عملیاتي چارو مشرې یاسمین پراز ډسیماز د لیدنې پرمهال د راستنېدونکو کډوالو د ستونزو او روغتیايي خدمتونو په اړه غږېدلي دي.
د بښنې نړیوال سازمان د طالبانو د «پولیسو نوی قانون» د بشري حقونو پر وړاندې یو بل پراخ برید بللی او ویلي دي چې دغه قانون د عادلانه محاکمې، بیان ازادۍ، محرمیت، د ماشومانو حقونو او د پولیسو د واکونو په برخه کې خورا بدې اغېزې لري.
د افغانستان د عدلیې پخواني وزیر فضل احمد معنوي د طالبانو د پولیسو نوی قانون تر جدي پوښتنې لاندې راوستی او ویلي یې دي، یوازې د شریعت نوم په کارولو سره یو قانون شرعي کېدای نه شي، بلکې باید وکتل چې ایا په حقیقت کې د دغه قانون مواد له حنفي فقې سره مطابقت لري او که نه.
د افغانستان پخواني ولسمشر اشرف غني ویلي، که د ۱۴۰۰ کال د زمري پر ۲۴مه په افغانستان کې پاتې شوی وای نیول کېده، شکنجه کېده او اړ کېده چې د طالبانو واک ته رسېدل مشروع وبولي. هغه وایي، له وتلو پښېمانه نه دی او غوښتل یې د تاریخ «ژوندی شاهد» پاتې شي.
د طالبانو د خوست ولایت د امنیې قوماندانۍ په تېرو دوو اوونیو کې د بېلابېلو جنایي جرمونو په تړاو ۳۲ کسان نیولي دي. چارواکي وایي چې دا کسان د غلا، فزیکي شخړو، کورني تاوتریخوالي، عامه نظم ګډوډولو، وژنې او نورو قانوني سرغړونو په تور نیول شوي دي.
د پښتونخوا د کورمې اجنسۍ اوسېدونکي وايي د پاکستان د پوځ جیټ الوتکو دوه شپې وړاندې د څمکنیو د سپین غر په سیمه کې بمبار وکړ، چې له امله یې دوه ملکي وګړي وژل شوي دي. د سیمې اوسېدونکي وایي، په دغه برید کې ګڼ شمېر څاروي هم له تلف شوي دي.