د عوامي نشنل ګوند مشر اېمل ولي خان د پاکستان د کورنیو چارو د وزیر وروستیو څرګندونو ته په غبرګون کې ویلي: «هغه کسان چې د نظام ناکامي منونکي دي، باید واک ولس، اساسي قانون او پارلمان ته وسپاري». محسن نقوي ویلي، د پاکستان د حکومتولۍ نظام «پرېوتی» او بنسټیزو اصلاحاتو ته اړتیا لري.
د افغانستان لپاره د پاکستان پخوانی ځانګړی استازی اصف دراني وايي، د طالبانو لهخوا د تحریک طالبان پاکستان موضوع د پاکستان کورنۍ ستونزه بلل ښيي چې کابل د دغې ډلې پر ضد د اقدام نیت نهلري. افغان طالبان له یادو څرګندونو سربېره دا هم وايي، چې په افغان خاوره کې هېڅ ترهګره ډله نهشته.
د امریکا د خزانې وزیر سکاټ بسنټ د ډیوېډ کمپ د کابینې په غونډه کې پر ایران د لګول شویو محدودیتونو په اړه وویل: «په ټوله نړۍ کې د ایران رژیم د مالي څانګو د محدودولو لپاره لارښوونې شوې دي. موږ دا کار د ټرمپ په امر پیل کړ. د ۲۰۲۵ کال په ډسمبر کې، د ایران تر ټولو لوی بانک وپاشل شو».
سرچینو افغانستان انټرنشنل ته وویل، چې په راتلونکو ورځو کې به د طالبانو د هلمند اوسنی والي مولوي امان الدین امان منصور د بدخشان د والي په توګه اعلان شي. د سرچینو په وینا، «دغه پرېکړه د بدخشان د امنیتي وضعیت له خرابېدو وروسته شوې». طالبانو په رسمي ډول په دې اړه څه نه دي ویلي.
ټېلګراف ورځپاڼې د لوړپوړو اسراییلي سرچینو له قوله راپور ورکړی چې امریکا او اسراییل د ایران خلاف د ځمکنۍ محاصرې امکان څیړي. ورځپاڼه وايي، که د ایران ګاونډیان اذربایجان، افغانستان، ترکمنستان او ترکیه له دغه پلان سره همکاري وکړي، د تهران له غبرګون سره مخ کېدای شي.
د امریکا د دفاع پخواني وزیر لېون پنیټا خبرداری ورکړی چې امریکا له ایران سره په داسې جګړه کې ښکېله شوې چې دده په وینا، «ګټل یې ستونزمن دي» او دا شخړه ښايي د افغانستان او عراق د جګړو په څېر وغځیږي.
د طالبانو باخبره سرچینو افغانستان انټرنشنل ته وویل، چې د تیرې چارشنبې په ورځ د دې ډلې د کورنیو چارو وزیر سراج الدین حقاني د پکتیا په ګرده څیړۍ کې له خپلو پلویانو سره پټه ناسته کړې ده. د سرچینو په وینا، ناسته د بندو دروازو ترشا د افغانستان پر روان وضعیت شوې ده.
د امریکا ولسمشر ډونالډ ټرمپ له فاکس نیوز سره په مرکه کې ویلي چې د ایران له اسلامي جمهوریت سره روانه شخړه «په ښه ډول پرمخ روانه ده» او ادعا یې کړې چې امریکايي ځواکونو پر ایران «درانه ګوزارونه» کړي دي.
د طالبانو د بهرنیو چارو وزارت په یوه اعلامیه کې د بلوچستان په سورینج سیمه کې د ډبرو سکرو په یوه کان کې د چاودنې له امله د ۳۴ کان کیندونکو پر مړینې خواشیني څرګنده کړې ده. یاد وزارت د قربانیانو کورنیو ته د تسلیت مراتب وړاندې کړي او د پاتې کسانو د ژغورلو هیله یې ښودلې ده.
د نورستان ولایت یو شمېر اوسېدونکو د دغه ولایت د ترافیکو پر مدیر تور پورې کړی، چې د سیلاب ځپلو لپاره ځانګړې شوې نغدي مرستې یې پر خپلو نږدې خپلوانو وېشلې دي. د ترلاسه شویو معلوماتو له مخې، په دغو کسانو کې د ترافیکو د مدیر ورور، زوی، زوم او اوښي شامل دي.
قزاقستان د ۲۰۲۶ کال د جنورۍ او مې میاشتو ترمنځ د تېر کال د همدې مودې په پرتله د څارویو او چرګانو صادرات ۱،۷ برابره زیات کړي دي. قزاقستان په دې موده کې ۱۲۹ اسونه چین، ۸۱ اسونه افغانستان او ۶۲ اسان اذربایجان ته صادر کړي دي.
په پاکستان کې د ژغورنې ډلو پر یوه غره د واورې ښویېدنې له امله د څلورو لادرکه شویو غر ختونکو جسدونه موندلي دي. تر دې وړاندې لږ تر لږه لس تنه غرختونکي په دې سیمه کې لادرکه شوي وو.
د ازبکستان او طالبانو د ترانسپورټي ادارو د استازو په غونډه کې هوکړه شوې، چې د دواړو هېوادونو د باروړونکو شرکتونو ستونزو ته رسیده ګي وکړي. دواړو لوریو ټینګار کړی، چې فیسونه باید د متقابلې ګټې او برابرۍ پر اصولو ولاړ وي.
د پاکستان د پوځ ویاند پر طالبانو تور پورې کړی چې «ترهګري» یې د خپل اقتصاد د تامین، د حکومت د پایښت او بهرني سیاست په وسیلې بدله کړې ده. نوموړي په یوه خبري ناسته کې وویل: «د طالبانو سوداګرۍ ترهګري ده او د ترهګرۍ له لارې خپل اقتصاد او د خپل حکومت بقا تامینوي.»
هسپانیا او مراکش د جمعې په ورځ د هسپانوي سیوتا سیمې پر سرحدي کټارو ځواکونه زیات کړل او داسې ښکاري چې د یوې ورځې په ترڅ کې د سمندر او ځمکې له لارې د لسګونو زرو کسانو له اوښتلو وروسته یې د غیرقانوني اوښتنو مخه نیولې ده. په همدې ترڅ کې په اوبو کې لږ تر لږه د ۱۹ کسانو مړي موندل شوي.
د پاکستان د پوځ ویاند جنرال احمد شریف چودري وايي چې د روان ۲۰۲۶ کال له پیله تر اوسه په خیبرپښتونخوا کې ۱۹۷۱، په بلوچستان کې ۱۱۴۸ او د پاکستان په نورو برخو کې ۲۶ وسله وال بریدونه شوي دي. نوموړی وايي، په دغو بریدونو کې ۸۱۹ نظامیان او ملکیان وژل شوي دي.
په افغانستان کې مېشتو پاکستاني محصلانو په کابل کې د خپل هېواد له سفارت څخه غوښتي چې د تورخم له لارې د دوی د بېرته تګ زمینه برابره کړي. دغو محصلانو په یو لیک کې ویلي چې د اوړي رخصتۍ پیل شوي او ۹۱۳ تنه غواړي پاکستان ته ستانه شي.
په افغانستان کې واک ته رسېدل تل د یوې سختې سیاسي مبارزې پایله ده، خو د واک پرېښودل تر دې هم ستونزمن ثابت شوي دي. د معاصر تاریخ ډېری واکمنان هغه وخت له واکه وتلي چې یا یې هېواد د جګړې په منځ کې و، یا یې مخالفینو په زور قدرت نیولی و، یا وژل شوي او یا هم جلاوطنه کړی شوي دي.
سږکال،په کابل ادبي انجمن کې د ملي هینداره د لیکوال ارواښاد محمدګل نوري د کار د پیل ۹۰ کاله پوره شول. همدا راز په کتابي بڼه د ارواښاد نوري د تلپاتې اثر ملي هینداره د دویم ټوک د خپرېدو اتیا کاله ووتل. د دې کتاب لومړی ټوک لا تر دې وړاندې په ۱۳۱۸ کال کې خپور شوی و.
د تاجکستان ترانسپورټ وزارت ویلي، چې د دوشنبې، تهران او کابل ترمنځ د نوي ټرانسپورټي دهلېز له لارې به لومړی ازمویښتي سفر په راتلونکې یوه میاشت کې وشي. ټاکل شوې د درېواړو هېوادونو استازي د ۲۰۲۶ کال د اکتوبر په وروستیو یا د نومبر په لومړیو کې په کابل کې بله غونډه وکړي.
سرچینو افغانستان انټرنشنل ته وویل چې د طالبانو استخباراتو په کابل کې د وزیر اکبر خان په سیمه کې د پارلمان د پخواني غړي زلمي خان مجددي کور تصرف کړی دی. د سرچینو په وینا، د طالبانو استخباراتو د مجددي خپلوان له دغه کوره ایستلي او په کور کې یې څلور وسله وال کسان ځای پر ځای کړي دي.