سرچینو افغانستان انټرنشنل ته وویل چې د طالبانو استخباراتو په کابل کې د وزیر اکبر خان په سیمه کې د پارلمان د پخواني غړي زلمي خان مجددي کور تصرف کړی دی. د سرچینو په وینا، د طالبانو استخباراتو د مجددي خپلوان له دغه کوره ایستلي او په کور کې یې څلور وسله وال کسان ځای پر ځای کړي دي.
د ایران د سپاه پاسداران د عامه اړیکو ادارې په یوه اعلامیه کې ویلي چې د جمعې په ورځ یې سهار وختي په هرمز تنګي کې پر دوو تېل وړونکو بېړیو برید کړی دی.
د طالبانو د خوست ولایت د مخابراتو او معلوماتي ټکنالوژۍ ریاست په دغه ولایت کې د سټارلېنک شرکت دوې انټرنېټي دستګاوې نیولې دي. د طالبانو محلي چارواکي وايي، دغه دستګاوې د خوست ښار په یو مارکېټ کې په پټه فعالې شوې وې.
د نړیوال بانک د افغانستان اقتصادي څار له مخې، اقتصاد د بیا رغېدو نښې لري، خو وده یې د افغانانو د ژوند ښه کېدو لپاره کافي نه ده. د ۲۰۲۶ مالي کال په لومړیو ۲ میاشتو کې دولتي لګښتونه ۴۰،۴ میلیارده او عواید ۴۱،۷ میلیارده افغانۍ وو. پر امنیتي برخې ۵۱،۵ سلنه لګښتونه شوي.
د ملګرو ملتونو د امنیت شورا د ۱۹۸۸ پرېکړه لیک د بندیزونو کمېټې د طالبانو د کورنیو چارو وزیر سراج الدین حقاني، د استخباراتو رییس عبدالحق وثیق، د حج او اوقاف وزیر نور محمد ثاقب، د کابل پخواني ښاروال حمدالله نعماني او ګل اغا اسحاقزي په تړاو معلومات نوي کړي دي.
د خېبر پښتونخوا د ډېره اسماعیل خان ولسوالۍ په درابن سیمه کې ناپېژاندو وسلهوالو د پولیسو پر موټر ډزې کړې، چې له امله یې دوه پولیس وژل شوي دي. د ترهګرۍ ضد ادارې په وینا؛ دغه پېښه د درابن سیمې د شاه عالم موړ سره نږدې شوې ده.
د ۲۰۲۵ کال په فبرورۍ کې یو ۲۵ کلن افغان د جرمني په مونشن کې د کارګرانو اتحادیې پر لاریون موټر ور وخېژاوه، یوه ښځه او د هغې کوچنۍ لور یې ووژل. څارنوالۍ فریدون ته د عمربند سزا غوښتې ده. د وژل شویو کسانو کورنۍ محکمې ته نه ده ورغلې، خو قاتل یې کوچنی بې احساسه انسان او بزدله بللی.
په ننګرهار کې سرچینو افغانستان انټرنشنل ته خبر ورکړی، چې طالبانو په دغه ولایت کې د جوماتونو له امامانو او قومي مشرانو غوښتي چې د اګسټ ۱۵مې لپاره چمتووالی ونیسي، د یادې ډلې د لاسته راوړنو په اړه خبرې وکړي او د طالبانو په ګټه تبلیغ وکړي.
د ډبرو سکرو لوګي او د درندو ماشینونو دروند غږ، چې له نیمې پېړۍ زیات وخت راهیسې روان دي، د بغلان د پلخمري ښار پر فضا خپرېږي. د غوري سیمنټو تاریخي دولتي فابریکه لا هم د افغانستان ځانګړې ډبرې او خام منرالونه په لوړ کیفیت سیمنټو بدلوي او د هېواد ۷ سلنه سمنټ چمتو کوي.
په کندهار کې د انګورو بڼوال او سوداګر وایي، د طالبانو د اقتصادي او سوداګریزو پالیسیو، د پاکستان له لارې د صادراتو درېدو او د بدیلو لارو نه موندلو له امله د دوی د یو کال زحمت په اوبو لاهو شوی، انګور یې په باغونو او بازارونو کې خوسا کېږي او ان په نیمه بیه یې هم څوک نه پېري.
د نیمروز ولایت د چهاربرجک ولسوالۍ «ګرد لالو» سیمه کې د یوشمېر هغه افغانانو مړي موندل شوي، چې ایران ته د ناقانونه تګ پرمهال لادرکه شوي وو. د تازه موندل شویو مړو کره شمېر لاروښانه نهدی؛ خو په هغه ویډیوګانو کې چې افغانستان انټرنشنل ته رسېدلې، نږدې لس مړي لیدل کېږي.
د سویلي وزيرستان په پرېس کلب کې د سليمان خېلو قومي مشرانو په یوې خبري ناسته کې ویلي، د افغان کډوالو پرضد د روانو عملياتو په نوم ځينې پاکستاني وګړي هم بېدليله نيول کېږي او ځورول کېږي. دوی خبرداری ورکړی، که دغه لړۍ ونه درېږي نو احتجاجي غورځنګ به پيل کړي.
ځايي سرچینو افغانستان انټرنشنل ته ویلي، چې د پنجشنبې ورځې په ماښام د بدخشان ولایت د وردوج ولسوالۍ په «استرپ» کلي کې د طالبانو د پوځ لوی درستیز فصیحالدین فطرت پر کور وسلهوال برید شوی دی.
د لبنان دولتي خبري اژانس راپور ورکړی، چې د اسراییل پوځ یو وار بیا د دغه هېواد پر سوېلي سیمو پراخ هوايي او توپچي بریدونه کړي دي. د راپور له مخې؛ دغه بریدونه تېره شپه ترسره شوي او د سوېلي لبنان په بېلابېلو سیمو کې یې زورورې چاودنې رامنځته کړې دي.
د خېبر پښتونخوا په پېښور او مانسهره کې د افغان کډوالو پرضد د روانو عملیاتو په ترڅ کې پرون شاوخوا ۲۰۵ افغانان نیول شوي او د قانوني چارو له بشپړېدو وروسته د تورخم له لارې افغانستان ته لېږدول شوي دي.
د طالبانو تر واک لاندې د کډوالو ستونزو ته د رسېدنې عالي کمېسیون ویلي، د پنجشنبې په ورځ له بېلابېلو لارو ۴۵۷ کورنۍ چې د غړو شمېر یې ۲زره او ۵۴۶ کسانو ته رسېږي؛ افغانستان ته ستنې شوې دي. طالبانو ویلي، چې ۲۰۲۰ نور کسان یې خپلو مېنو ته لېږلي.
له پاکستان نه افغانستان ته د افغان کډوالو د ستنېدو لړۍ لاهم روانه ده؛ خو وروستیو سختو بارانونو او سېلابي اوبو د ستنېدونکو کډوالو سفر لاستونزمن کړی دی. د خيبر ولسوالۍ په بېلابېلو سيمو په ځانګړي ډول لنډي کوتل او په تورخم لاره د اوبو ډنډونو له امله ګڼې کورنۍ له ستونزو سره مخ شوې دي.
بلومبرګ راپور ورکړی، چې د پنټاګون لپاره د سږکال په بېړنۍ بودجې کې د ۶۷ مېلیارد ډالرو په وړاندیز کې شاوخوا ۱۸ مېلیارد ډالره د پرمختللو پیټریوټ توغنديو، توماهاک توغنديو او د THAAD لوړ دفاعي سیسټم ځای پرځای کول شامل دي.
د ننګرهار ولایت په شینوارو ولسوالۍ کې د سختو ورښتونو له امله د یوه کور چت راپرېوتی، چې له امله یې یو کس مړ او درې نور چې یوه ماشومه هم پهکې شامله ده ټپیان شوي دي.
د باړې سیاسي اتحاد د پاکستان له حکومت او افغان طالبانو غوښتي، چې د بشري خواخوږۍ له مخې دې د تورخم لاره سملاسي پرانیزي؛ څو د ډیورنډ کرښې په دواړه خواوو کې خلکو ته ورپېښې ستونزې هوارې شي.
ازادۍ جبهې په یوې خبرپاڼه کې ویلي، د کندوز پر پوځي هوایي ډګر او هغو چورلکو یې توغندیز بریدونه کړي چې د طالبانو ځواکونه یې بدخشان ته لېږدول. د دوی په وینا؛ طالبانو په وروستیو ورځو کې د ازادۍ جبهې تر نفوذ لاندې سیمو ته د ځواکونو لېږد او اکمالات زیات کړي دي.