په کندهار کې د طالبانو امنیتي مسوولینو یو ځل بیا د پخوانیو پوځیانو او چارواکو د کور په کور تالاشۍ، د ټېلیفون په کرښه د حاضرۍ او څار لړۍ ګړندۍ کړې ده. طالبانو د نورو محدودیتونو ترڅنګ پر دغه پوځیانو د سفر او دوی ته د پاسپورت او پېژندپاڼو په ورکړې هم بندیز لګولی دی.
افغانستان کې د رواني درملنې او مشورې څو مرکزونو افغانستان انټرنشنل پښتو ته ویلي، چې د طالبانو لهخوا د لګېدلو محدودیتونو او د سختو تګلارو له پلي کېدو وروسته د رواني ناروغانو شمېر د پخوا پرتله د پام وړ زیات شوی او ډېری مراجعین یې ښځې دي.
کله کله ملتونه یوازې له دې امله نه ماتېږي چې دښمن یې پیاوړی وي؛ بلکې له دې امله ماتېږي چې د ګواښ زنګونه نه اوري. پیغامونه اوري، خو ځان پرې نه پوهوي. خبرې اوري، خو اخیستنه یې بل څه وي.
په لغمان کې ځایي سرچینو خبر ورکړی، چې د دغه ولایت په الینګار ولسوالۍ کې د مغفورالله په نوم د ښوونځي یو زدهکوونکی په خپل کور کې په ډزو وژل شوی. سرچینې وایي، دغه پېښه وړمه شپه (پنجشنبه د چنګاښ ۱۰مه) د الینګار ولسوالۍ په ملک کلا سیمه کې رامنځته شوې.
د مقاومت جبهې مشر احمد مسعود او د افغانستان د اسلامي وحدت ګوند مشر محمد محقق د ایران د مخکېني مشر ایتالله علي خامنهيي د جنازې په مراسمو کې ګډون کړی. د ایران د مشر علي خامنهیي او د هغه د کورنۍ د وژل شویو غړو تابوت ته د درناوي مراسم نن په تهران کې پیل شول.
د خیبر پښتونخوا او بلوچستان ایالتونو ترمنځ د دانه سر په سیمه کې یو مساپر وړونکی بس ژورې کندې ته لوېدلی، چې له امله یې لږترلږه ۴۰ کسان مړه او ۸ نور ټپیان شوي دي. د شیراني ولسوالۍ مرستیال کمېشنر حضرت علي کاکړ افغانستان انټرنشنل پښتو ته ویلي، په دغه بس کې ټولټال ۴۸ مساپر سپاره وو.
په تورخم کې له پاکستان نه ستانه شوي افغانان د هویت اسنادو د نشتوالي له امله د ښوونې، روغتیا، مرستو، بنسټیزو حقونو او خدمتونو د بېبرخې کېدو له ګواښ سره مخ دي. د کډوالۍ نړۍوال سازمان ویلي، د ۶.۱ مېلیونه ستنو شویو افغانانو له ډلې تر ۸۶ سلنې ډېر یې د هویت رسمي اسناد نهلري.
د ایران د مشر علي خامنهیي او د هغه د کورنۍ د وژل شویو غړو تابوت ته د درناوي مراسم په تهران کې پیل شول. د طالبانو د ریاست الوزرا اقتصادي مرستیال ملا عبدالغني برادر او د بهرنیو چارو وزیر امیرخان متقي هم په دغه مراسمو کې ګډون کړی.
په ملګرو ملتونو کې د اروپايي ټولنې د استازي مرستیالې هدا سامسون ویلي، چې داعش، القاعده او د هغوی اړوندې ډلې لاهم په افغانستان او د سیمې په ځینو نورو برخو کې فعالې دي او د نړۍوالې سولې او امنیت لپاره جدي ګواښ جوړوي.
د بلوچستان په کوټې، خضدار او ژوب سیمو کې د وروستیو سختو ورښتونو له کبله د درېیو کورونو چتونه راپرېوتي، چې له امله یې د ښځو او ماشومانو په ګډون ۴ کسان مړه او ۱۶ نور ټپیان شوي دي.
په لغمان کې د طالبانو رسنیز دفتر خبر ورکړی، د دغه ولایت اړوند د کابل–جلالاباد پر لویه لار د خیروخېلو په سیمه کې د تازه ستنې شوې کډوالې کورنۍ یو موټر سیند ته لوېدلی چې له امله یې ۴ کسان مړه، ۸ ټپیان او ۱۰ نور لادرکه دي.
د طالبانو د بهرنیو چارو وزارت د سوریې په پلازمېنې دمشق ښار کې پر ملکي وګړو برید غندلی او دا یې د هر ډول ارزښتونو خلاف عمل یاد کړی. د دمشق ښار په مرکزي سیمه کې د یوې کافې دننه د ځای پرځای شویو چاودېدونکو توکو د چاودنې له امله لږترلږه ۹ کسان وژل شوي او ۲۰ نور ټپیان دي.
د پرتګال لوبډلمشر کریسټیانو رونالدو د ۲۰۲۶کال نړۍوال جام په ۱۱م پړاو کې د کرواسیا پر وړاندې د اصلي ترکیب په لوبېدو سره د دغه سیالیو په تاریخ کې نوی ریکارډ ثبت کړ. هغه ۴۱ کاله او ۱۴۹ ورځې عمر لري، چې په نړۍوال جام کې تر ټولو ډېر عمر لرونکی لوبغاړی شو.
ایران د ۱۴۰۶ ښوونیز کال لپاره د بهرنیو وګړو په ځانګړي ډول د کډوالو ماشومانو د نوملیکنې شرایط اعلان کړي. د دغه هېواد د پوهنې وزارت یوه چارواکي محمد سلیمي ویلي، د افغانانو په ګډون کډوال زدهکوونکي باید لومړی له کفالت دفترونو یا د بهرنیو وګړو له ادارې پېژندلیک ترلاسه کړي.
په رزوګان کې د طالبانو د کرنې ادارې د طبیعي سرچینو مسوول عبدالمنان فاروقي وایي، سږکال په دغه ولایت کې د بادامو حصلات ښه دي او تمه لري چې ۲۳زره او ۹۶۰ ټنه د بادامو حلاصلات به ترلاسه شي. هغه بزګرو ته د پوهاوي ورکولو پروګرام د حاصلاتو د ښه والي لامل یاد کړی.
د افغانستان د بدن ښکلا ملي لوبغاړو د سویلي اسیا د بدن ښکلا ۱۶م پړاو سیالیو په لومړۍ ورځ یو د سرو زرو، دوه د سپینو زرو او یو د برونزو مډال په ګټلو سره په دغه سیالیو کې بریالی مزل پیل کړ.
د ترکیې د پارلمان غړې سرا کاديګل د دغه هېواد له بهرنیو چارو او کلتور وزیرانو غوښتي، چې د افغان ښځو او نجونو د حقونو ملاتړ او د طالبانو په بند کې د صدیقې په نوم د یوې ۱۷ کلنې پېغلې د خلاصون لپاره د انقرې د اقداماتو په اړه وضاحت ورکړي.
ناپېژانده کسانو د خیبر پښتونخوا د بنو ولسوالۍ په خیرکي کلي کې د نجونو یو ښوونځی په بمونو الوځولی، چې له کبله یې د یاد ښوونځي دېوال ویجاړ شوی دی. پوليس وایي، چاودېدونکي توکي د ښوونځي بهر ځای پر ځای شوي وو.
د اسراییل د پوځ لوی درستیز ایال زمیر د اکتوبر د اوومې بریدونو له زرمې ورځې سره هممهاله ویلي، چې د ایران [حکومت] لا هم د اسراییل د پوځ د پاملرنې او چمتووالیو تر ټولو مهم محور دی.
د امریکا بهرنیو چارو وزارت ویلي، واشنګټن د ترهګریزو بریدونو پر وړاندې د پاکستان د ځاندفاع له حق څخه ملاتړ کوي. په داسې حال کې چې د پاکستان او طالبانو ترمنځ شخړې لا هم دوام لري او د ملګرو ملتونو په وینا، د پاکستان په وروستیو هوايي بریدونو کې لږ تر لږه ۲۸ ملکي وګړي وژل شوي دي.
د سوریې د کورنیو چارو وزارت وایي، د دمشق ښار په مرکزي سیمه کې د یوې کافې دننه د ځای پر ځای شویو چاودېدونکو توکو د چاودنې له امله لږ تر لږه ۹ کسان وژل شوي او ۲۰ نور ټپیان شوي دي. تر اوسه هېڅ ډلې د دغه برید مسوولیت نهدی منلی.