آرشیف

پاکستاني روغتیا پلان وايي، د تورخم دروازې بندیدو له امله د پېښور په خصوصي او دولتي روغتونونو کې د افغان ناروغانو ګڼه ګوڼه کمه شوې ده. روغتیا پالان زیاتوي چې د تورخم دروازې له تړل کېدو وړاندې په یادو روغتونونو کې هره ورځ له ۱۰۰۰ څخه ډېرو افغان ناروغانو مراجعه کوله.

د طالبانو تر کنټرول لاندې ملي راډیو تلویزیون د کندهار د سپین بولدک ولسوالۍ د سوداګرۍ او پانګونې خونې رییس له قوله راپور ورکړی، چې تر راتلوونکو درېیو ورځو به د سپین بولدک دروازه د سوداګرۍ پر مخ پرانېستل شي.

شمشاد ټلویزیون کې سرچینو افغانستان انټرنشنل ته وویل، چې طالبانو خپله پرېکړه بېرته اخیستې او شمشاد ټلویزیون یو ځل بیا خپل عادي نشرات پیل کړل. طالبانو د یاد ټلویزیون نشرات د تېرې جمعې په ورځ بند کړل، خو د علت په اړه یې لا تراوسه وضاحت نه دی ورکړی.

د امريکايي رسنيو د راپورونو له مخې، د ټرمپ د حکومت پر تګلارو د معترضو وګړو له‌خوا د شنبې په ورځ د امريکا په ټولو پنځوسو ايالتونو کې د «پاچاهانو ته نه وايو» تر نوم لاندې له ۲۵۰۰ زيات لاريونونه ترسره شول.

شننه؛ لیکوال: اسماعیل میاخېل پاکستان یو ځل بیا زموږ پر خاوره تېری وکړ او بې‌ګناه افغانان یې شهیدان کړل. دا یرغل د افغانستان د خپلواکۍ، ځمکنۍ بشپړتیا او ملي حاکمیت ښکاره سرغړونه ده. یو افغان ته هم دا عمل د منلو وړ نه دی.

دغه سازمان د شنبې په ورځ په خپل تازه راپور کې ویلي، د سپتمبر میاشتې په اوږدو کې د انټرنېټ عمومي پرې کېدو د زرګونو افغان ښځو ورځنی ژوند ګډوډ کړ او د دوی د زده کړو او کار کولو وروستی امکان یې هم ختم کړ.

ایرنا خبري اژانس شنبه (د تلې ۲۶مه) په ایران کې د افغان سوداګرو لپاره د سوداګریزو مالونو د نندارتون په اړه لیکلي، چې افغانستان او ایران د چین په نوښت جوړ شوي «یو کمربند او یوې لارې» اقتصادي پلان سره یو ځای کېدای شي. خو اقتصاد پوهان وايي، چې په دې کار سره امریکا ناراضه کېدای شي.

د حزب اسلامي مشر ګلبدین حکمتیار وايي، په کابل ښار کې په ډېره ناسمه او عجولانه توګه د واټونو پراخولو او نويو سړکونو جوړولو هڅې روانې دي او د اعلان شوي پلان له‌مخې په ډېرو ناحيو کې سلګونه کورونه په بشپر ډول يا څو سلنه ورانېږي.

شل اروپايي هېوادونو له اروپايي کمېسیون څخه غوښتي، چې د هغو افغانانو د اېستلو یوه پروسه پیل کړي، چې د اوسېدو قانوني اسناد نه لري. یاد شمېر هېوادونو ویلي، چې دا پروسه په خپله خوښه یا اجباري کېدای شي او ان له طالبانو سره خبرې اترې هم پکې شاملېدلی شي.

د پاکستان د دفاع وزیر له طالبانو سره د اوربند د هوکړې په تایید سره ویلي، چې دویم پړاو خبرې به د اکټوبر په ۲۵مه د ترکيې په استانبول ښار کې ترسره شي. خواجه اصف له قطر او ترکيې څخه د پاکستان او طالبانو ترمنځ د منځګړیتوب لپاره مننه وکړه.

د کندهار د سپین‌بولدک ولسوالۍ د سوداګرۍ خونې مسوولین وايي، د ډیورنډ کرښې له هغې غاړې د سوداګرۍ خونې لس کسیزه پلاوي د سولې او د ټرانزیټ پر مخ د دروازې د ژر خلاصېدو پیغام راوړی دی. سرچینه زياتوي: «په ډېر احتمال د یکشنبې یا دوشنبې په ورځ به دغه دروزاه د ټرانزيټ پر مخ خلاصه شي.»

د قطر د بهرنیو چارو وزارت په یوې خبرپاڼه کې ویلي، چې پاکستان او افغانستان د خبرو پر مهال پر سمدستي اوربند هوکړه وکړه. په خبرپاڼه کې ویل شوي، چې د دواړو هېوادونو ترمنځ د تلپاتې سولې او ثبات لپاره به نور میکانیزمونه هم رامنځته شي.

په تېر جمهوري نظام کې د کورنیو چارو وزارت پخوانی وزیر علي احمد جلالي وايي، سره له دې چې د نړۍ لومړیتوبونه نور دي، خو د اوس لپاره د طالبانو بدیل نه ویني. د نوموړي په وینا، طالبان سره له دې چې ماتېدونکي دي، خو بیا هم د خپل حاکمیت له دوامه ډاډمن دي.

په جنیوا کې د افغانستان استازي نصیر احمد اندېشه له افغانستان انټرنشنل سره په مرکه کې ویلي، چې د طالبانو په شتون کې په دغه هېواد کې «د هویت یو واحد فکر» نشته. نوموړي زياته کړې: «افغانستان مشروع حکومت نه لري، پر نړۍوال سټېج د غږ څوک نشته او له همدې امله په نړۍواله انزوا کې دی.»

په افغانستان کې د طب فارغین د خپل مسلکي راتلونکي په اړه اندېښنه لري او وايي، طالبان د طبي شورا د ازموینې په اخیستلو کې پاتې راغلي. دوی وایي، طالبانو له میاشتو راهیسې ازموینه نه ده اخیستې او د طب محصلین له دې ازموینې پرته کار کولی نه شي، چې له همدې امله بې‌برخلیکه پاتې دي.

پاکستان یو ځل بیا شوی اوربند مات کړ او نن ماخوستن یې (شنبه د تلې ۲۶مه) د ډیورند کرښې په اوږدو کې د کونړ پر شلتن ولسوالۍ توغنديز بریدونه کړي او افغان طالبان هم ځوابیه برید ته اړ شوي او ویل کېږي اوس هم جګړه روانه ده.

د ډیورند کرښې په اوږدو کې د طالبانو او پاکستاني ځواکونو تر منځ د پرله‌پسې نښتو له امله نن (شنبه د تلې ۲۶مه) ۷مه ورځ ده، چې د دواړو هېوادونو ترمنځ د تګ راتګ ټولې لارې بندې دي. د دغو لارو بندښت له امله د کرښې دواړو خواو سوداګرو ته ګڼ تاوانونه رسېدلي دي.

د طالبانو د اطلاعاتو او کلتور وزارت د خپرونو چارو مرستیال مهاجر فراهي په قطر کې د طالب چارواکو او پاکستان پوځ تر منځ کېدونکو خبرو ته په اشارې وايي، طالب مرکچي پلاوی به په قطر کې د امریکا په نیابت پر جنګېدونکې پوځ هم بریالی کېږي.

د طالبانو مشر د ۲۱۵م العزم قول‌اردو او د ۲۱۷م العماري قول‌اردو د قوماندانانو او د هلمند، بدخشان او ارزګان د والیانو په کچه بدلونونه راوستي دي. د دغو بدلونونو له مخې، محمد اسماعیل د بدخشان والي، امان‌الدین منصور د هلمند والي او عبدالرحمان کندوزي د ارزګان والي ټاکل شوي دي.

د افغانستان د اسلامي وحدت ګوند مشر د جنرال عبدالرازق اڅکزي د ترور د اووم تلین په مناسبت وویل، چې هغه د هېواد د ملي یووالي په سمبول بدل شوی او نوم به یې د خلکو په ذهنونو کې تلپاتې وي. جنرال عبدالرازق د طالبانو مخالف قوماندان و، چې په کندهار کې د طالبانو په ډزو کې ووژل شو.

د تېر جمهوري نظام د ملي دفاع وزارت پخوانی سرپرست شاه محمود میاخېل وايي، د اوس وخت لپاره د یوې واقعي لویې جرګې رابلل اړین دي چې هم د پاکستان پر وړاندې ملي انسجام رامنځته او هم د افغانستان د راتلونکې نظام د مشروعیت لپاره د ملي اجماع له لارې زمینه مساعده شي.