د طالبانو د کورنیو چارو وزارت وايي، چې د راتلونکی لوی اختر په شپو ورځو کې په ټول هېواد کې د امنیتي تدابیرو د نیولو لپاره پلان جوړ شوی دی. د طالبانو مشر ملاهبت الله هم په خپل اختریز پېغام کې طالب چارواکو ته سپارښتنه کړې، چې د اختر لپاره د خلکو امنیت وساتي.
افغان سوداګر وايي، د هرمز تنګي د تړل کېدو له امله افغانستان ته د یو کانټینر توکو بیه له درې زرو څخه ۷زرو او ځینې وخت ۱۱ زره ډالرو ته لوړه شوې. سوداګر وايي، د ایران له لارې له چین نه د واردېدونکو توکو بیه هم له ۱۵ سوه ډالرو نه ۱۵ زره ډالرو ته لوړه شوې، چې لس برابره ګرانښت ښيي.
د ایران د بهرنیو چارو وزارت وايي، تهران په سیمه کې د جګړې د پای ته رسولو او د کړکېچونو د کمولو پر هڅو تمرکز کړی دی. د یاد وزارت ویاند ویلي، چې ایران د طالبانو او پاکستان ترمنځ د تاوتریخوالي د کمولو او کړکېچ د ختمولو لپاره هر ډول همکارۍ ته چمتو دی.
د طالبانو مالیې وزارت ویلي، چې په تېرو دوو اونیو کې یې د کندهار، نیمروز، ننګرهار او هلمند په ولایتونو کې په لوړه کچه قاچاقي توکي نیولي دي. په دغو توکو کې له پاکستان نه ۲۲ زره کیلوګرامه قاچاق کېدونکي درمل هم شامل دي.
له پېښو سره د طالبانو د مبارزې چمتووالي ادارې ویلي، چې په تېرو ۲۴ ساعتونو کې په پکتیا، بغلان، پنجشېر او تخار ولایتونو کې د سختو ورښتونو، سېلابونو، تالندې او برېښنا له امله ۱۱ تنه مړه شوي او ۱۵ نور ټپیان دي.
د نورستان لپاره د طالبانو امنیه قوماندانۍ په دغه ولایت کې د اختر په ورځو کې پر سېلانیانو د موسیقۍ په تړاو د بندیزونو د پلي کېدو خبر ورکړی دی. د دغو نویو بندیزونو له مخې، په نورستان کې د موسیقۍ هر ډول الات منع دي او د پارون ښار په دروازه کې به ضبط او له منځه وړل کېږي.
د بلوچستان د کوټې ښار د سریاب کيچي بېګ پوليستاڼې اړوند سيمه کې د ځمکې پر سر د نښتې له امله د يوې ښځې په ګډون پنځه کسان وژل شوي دي. د پولیسو په وینا؛ په دغه نښته کې وسلې هم کارول شوې دي.
د طالبانو ټرانسپورټ او هوایي چلند وزارت د ملاهبت الله د حکم په خپرولو سره ویلي، چې د هېواد په ټولو زونونو، د موټرو اډو او ترمینلونو کې یې د مسافر وړونکو او بار وړونکو موټرو د کرایې لایحه چمتو کړې او زر به عملي شي.
د طالبانو د هرات ولایت د نشه يي توکو پر وړاندې د مبارزې مدیریت وایي، په تېرو څلورنیمو کلونو کې په دغه ولایت کې د شاوخوا ۴۰ زره هغو کسانو درملنه شوې، چې په نشه يي توکو روږدي وو.
د کندهار د پنجوايي د ناخونې له خړو کوڅو او د تختهپُل د تنګي له ریګونو د یوه داسې سړي کیسه پیلېږي چې افغانستان یې په حکمونو او فرمانونو چلیږي، خو څېره یې لا هم له خلکو پټه ده. د هبتالله اخوندزاده د شخصي ژوند په اړه لا هم ډېر څه د روایتونو، کیسو او محدودو معلوماتو ترمنځ ورک دي.
د ترکیې پولیس د یکشنبې په ورځ (د غبرګولي په ۳مه) د دوو ډلو د پلویانو ترمنځ تر درې ورځني کړکېچ وروسته په انقره کې د خلق جمهوري غوښونکو ګوند (سياېچپي) مرکزي دفتر ته ننوتلي.
په داسې حال کې چې د هېواد زرګونه ښوونکي د دوو میاشتو راهیسې د خپلو تنخواوو د نه ترلاسه کولو له امله له سخت اقتصادي فشار سره مخ دي؛ سرچینې وایي د طالبانو د مشر ملاهبت الله اخوندزاده د دفتر لهخوا په ولایتونو کې مدرسو ته د اختر په مناسبت مېلیونونه افغانۍ ځانګړې شوې دي.
د طالبانو د کډوالو د دایمي مېشتېدنې او د ځمکو وېش کمېټې خبر ورکړی، پرون یې په ننګرهار، فاریاب، کندوز، هلمند او زابل ولایتونو کې ۱۰۴۸ راستنېدونکو کورنیو ته استوګنیزې نمرې وېشلې چې له دې سره د وېشل شویو استوګنیزو نمرو شمېر ۳۵زره او ۱۸۹ ته لوړ شو.
د ایران د بهرنیو چارو وزارت ویاند اسماعیل بقایي د امریکايي چارواکو بېلابېلو څرګندونو ته په اشارې ویلي، هېڅوک ادعا نهشي کولی چې ایران او امریکا یوې هوکړې ته نږدې شوي دي. هغه زیاته کړه: «ایران دامهال د خبرو اترو پر بهیر تمرکز کړی دی».
د طالبانو د کډوالو او بېرته راستنېدونکو چارو وزارت خبر ورکړی، په تېرو درېیو ورځو کې ۳۷۳ هغه افغانان چې د پاکستان په زندانونو کې بندیان وو؛ تر خوشې کېدو وروسته بېرته افغانستان ته ستانه شوي دي.
د طالبانو عدلیې وزارت د دوشنبې په ورځ (د غبرګولي ۴مه) خبر ورکړی، چې په کابل او ننګرهار ولایتونو کې یې د «ناقانونه فعالیتونو» او یوشمېر سرغړونو له امله څو دارالوکالې، خیریه بنسټونه او ټولنې تړلې دي.
د طالبانو د برېښنا شرکت ویاند محمدصادق حق پرست وايي، په افغانستان کې د کاسا ۱۰۰۰ پروژې چارې په درېیو برخو کې پيل شوې چې ۸۰ سلنه بشپړې شوې دي. نوموړي زیاته کړې، چې د یادې پروژې لومړي لاټ چارې بشپړې او د دوو نورو لاټونو چارې بشپړېدو ته نږدې شوې دي.
د طالبانو د ټولګټو چارو وزارت خبر ورکړی، د سختو بارانونو او سېلابونو له امله د بغلان ولایت اړوند د بغلان ـ کندوز عمومي مسیر او خنجان ـ بنو مسیر په ګډون یوشمېر لارې چې په لنډمهالي ډول تړل شوې وې؛ بېرته د تګراتګ لپاره پرانیستل شوې.
یو کابل مېشتي افغانستان انټرنشنل ته ویلي، د اختر لپاره د وېښتانو جوړولو لپاره سلمانۍ ته تللی و؛ خو د وېښتانو د اصلاح کولو هټۍ څښتن د طالبانو د امر بالمعروف او نهې عن المنکر محتسبینو د راتګ له وېرې خپل ټول پېرودونکي له هټۍ اېستلي دي.
روسیې د افغانستان لپاره د یوناما ماموریت د غځېدو ملاتړ کړی دی. د افغانستان په چارو کې د روسیې د ولسمشر ځانګړي استازي ضمیر کابلوف ویلي، چې د یوناما ماموریت به د «ځانګړو شرایطو» سره وغځول شي. هغه زیاته کړه: «د دغه جوړښت د فعالیت په اړه پوښتنې شته».
روسیې په کابل کې د خپل علمي او فرهنګي مرکز له لارې د سلاوي خط او فرهنګ ورځ ونمانځله. دغه مرکز د یکشنبې په ورځ وویل، چې یاد مراسم د لیکدود د تاریخ، زدهکړې او د سلاوي ملتونو د پېړیو پخوانیو دودونو د معرفي کولو په موخه جوړ شوي وو.