د تېر جمهوري نظام پر مهال د افغانستان د ملي امنیت ادارې مشر رحمتالله نبیل ویلي، احتمال شته چې د ایران اسلامي جمهوریت په نږدې راتلونکي کې د طالبانو حکومت په رسمیت وپېژني.
د افغانستان د رسنیو د ملاتړ سازمان (امسو) په هېواد کې د طالبانو په بند کې د زنداني خبریالانو او رسنیزو فعالانو د وضعیت په اړه ژوره اندېښنه ښودلې او د هغوی پر وړاندې روان چلند یې ناعادلانه بللی دی.
د خيبرپښتونخوا په سویلي ولسوالۍ لکي مروت کې د پوليسو د امن کمېټه وايي، که د پښتونخوا په ټولو سيمو کې د پوليسو امن کمېټې جوړې شي، او د خپلو سیمو خلک یې ملاتړ وکړي، نو په هره سیمه کې به امنيت پر ځای شي.
د کابل ولایت د سوک وهنې ټاکنیزې سیالۍ، چې د طالبانو تر چتر لاندې د المپیک، بدني روزنې او سپورټ ریاست تر سره کړې، له پای ته رسېدو سره ۲۶ تنه ورزشکاران د ولایت د ټاکنیزې لوبډلې لپاره غوره شوي دي.
د روسیې ولسمشر ولادیمیر پوتین او د بحرین پاچا حمد بن عیسی آل خلیفه د ټیلیفوني خبرو پر مهال د منځني ختیځ د روان وضعیت، په ځانګړي ډول د ایران پر شاوخوا د کړکېچ د حل پر اړتیا ټینګار کړی دی.
د مقاومت جبهې په نوم د طالبانو مخالفې ډلې په هرات ولایت کې د دوو جلا عملیاتو پر مهال د یوه طالب وسلهوال د وژلو او د پنځو نورو د ټپي کولو ادعا کړې ده.
په تاجکستان کې د افغانستان د سفارت مرستیالې اسیه توحیدي په یوه نړیوال تخصصي فورم کې ګډون کړی، چې د اوبو کمښت، اقلیمي بدلونونو او د خوړو د خوندیتوب د نړیوالو ننګونو په اړه جوړ شوی وو.
د روغتیا نړیوال سازمان (ډبلیو ایچ او) د لوی اختر له رارسېدو سره هممهاله د څارویو د ذبح کولو پر مهال د روغتیايي او خوندیتوب سپارښتنو پر مراعاتولو ټینګار کړی او ویلي یې دي چې دغه چارې د ګواښونکو ناروغیو د خپرېدو په مخنیوي او د کورنیو د روغتیا په ساتنه کې مهم رول لري.
د ایران په مشهد کې د طالبانو قونسلګرۍ ویلي، چې د ایراني چارواکو سره یې د افغان کډوالو د چارو د ښه تنظیم، ټرانزیټي ستونزو د حل او د سوداګریزې راکړې ورکړې د پراختیا پر لارو چارو خبرې اترې کړي دي.
د روسیې د درمل جوړونې شرکت «فارماسینټېز» ویلي چې په نږدې راتلونکي کې به افغانستان ته د درملو صادرات پیل کړي. دغه شرکت وايي چې په دې اړه یې د طالبانو له روغتیا وزارت سره هوکړه کړې ده.
روسیې اوکراین ته د «سختو بریدونو» ګواښ کړی او له بهرنیانو یې غوښتي چې له پلازمېنې کیېف ووځي. د روسیې د بهرنیو چارو وزارت ویلي چې په کېیف کې به د اوکراین پر پوځي صنعتي اهدافو « پرله پسې او منظم بریدونه» وکړي.
د ایران د پارلمان رییس او د بهرنیو چارو وزیر د قطر له لومړي وزیر سره د خبرو لپاره دوحې ته تللي، چې د تهران او امریکا ترمنځ احتمالي هوکړه و ارزوي. یو جګپوړي چارواکي ویلي چې په دې خبرو کې د هرمز تنګي د پرانېستل کېدو او د بډایه شویو یورانیمو په څېر مسایل شامل دي.
په کابل کې ځايي سرچینو افغانستان انټرنشنل ته وویل، چې طالبانو د پخوانۍ ولسي جرګې غړی الله ګل مجاهد د خپل زوی احسان الله مجاهد په جنازه کې له ګډون وروسته بېرته زندان ته لېږدولی دی. الله ګل مجاهد د یو طالب د قتل په تور طالبانو محاکمه کړ او اوس په څرخي پله زندان کې دی.
د امریکا ولسمشر له ایران سره هر ډول هوکړه ابراهیمي تړونونو ته د نورو هېوادونو له ورګډېدو سره تړلې او وايي، چې له قطر، سعودي عربستان، پاکستان، مصر، اردن او ترکیې یې غوښتنه کړې چې په ډلهییز ډول د ابراهیمي تړونونو برخه شي او له اسراییل سره اړیکې عادي کړي.
د طالبانو د کندهار والي د دغه ولایت د ۱۲ ولسوالیو له ولسوالانو سره په غونډه کې ویلي چې ملاهبت الله د کندهار د امنیتي حوزو او ولسوالیو لپاره کافي امنیتي تشکیل ور کړی او د امنیت په برخه کې هیڅ عذر د منلو وړ نه دی.
د ایران د تایباد ولسوالۍ چارواکو ویلي، چې له افغانستان سره د ګډې پولې له امله د دوغارون رسمي بندر د نشه یې توکو د قاچاق له جدي خطر سره مخ دی او په دغه بندر کې د کنټرول لپاره د پرمختللو کشفي وسایلو (سکنرونو) ډېرول اړین دي.
د طالبانو د زندانونو چارو د تنظیم ادارې ویلي، چې د لوی اختر په مناسبت یې د کابل، بلخ او غزني له زندانونو ۲۴۹ تنه بندیان خوشې کړي دي. دغه بندیان ددې ډلې د سترې محکمې د حکم پر بنسټ له بنده خوشې شوي دي.
د طالبانو تر ولکې لاندې د بلخ د درملو سکټور پلاوي د تاشکند د سفر پر مهال د ازبکستان د درملو تولید له پنځو شرکتونو سره د ۵ میلیونه ډالرو په ارزښت د درملو د وارداتو تړونونه لاسلیک کړي دي. طالبانو ویلي، چې یاد درمل به د هېواد شاوخوا« ۲۵ سلنه اړتیاوې» پوره کړي.
د طالبانو د بهرنیو چارو وزارت وايي، چې په کابل کې د قطر سفیر مردف القاشوطي له امیر خان متقي سره د افغانستان او قطر د دوه اړخیزو اړیکو او یولړ سیمهییزو مسایلو په اړه خبرې کړې دي. متقي دغه راز پر قطر د وروستیو بریدونو په اړه له نوموړي سره خپله خواخوږي شریکه کړې.
د طالبانو د بلخ والي دفتر وايي، چې د ازبکستان د ۳۲۰ ټنه بشري مرستو یوه لویه جوپه د بلخ ولایت په حیرتان بندر کې د طالبانو سیمه ییزو چارواکو ته سپارل شوې ده. په دې مرستو کې اوړه، وریژې، غوړي، بوره او نور خوراکي توکي شامل دي.
د طالبانو د کورنیو چارو وزارت وايي، چې د راتلونکی لوی اختر په شپو ورځو کې په ټول هېواد کې د امنیتي تدابیرو د نیولو لپاره پلان جوړ شوی دی. د طالبانو مشر ملاهبت الله هم په خپل اختریز پېغام کې طالب چارواکو ته سپارښتنه کړې، چې د اختر لپاره د خلکو امنیت وساتي.