د طالبانو د هرات والي مولانا اسلام جار وایي چې طالبان د کورنیو رسنیو هر اړخیز ملاتړ کوي. هغه له خبریالانو وغوښتل چې د «اسلامي شریعت د اصولو په چوکاټ کې» خپرونې وکړي او د محتوا د تولید او د فکري روزنې په بهیر کې له علماوو او د پوهنتون له استادانو ګټه واخلي.
د طالبانو تر کنټرول لاندې د جوزجان ولایت مقام خبر ور کړی چې ددې ډلې د جوزجان والي عبدالله سرحدي د ترکیې له سرکونسل مراد دیکمن سره لیدلي او ترکیه به ژر په دغه ولایت کې له ۱۵۰ تر ۲۰۰ میلیونه امریکايي ډالرو په ارزښت د سمنټو د تولید فابریکه جوړه کړي.
ایران د سازمان شوې چوپتیا په حالت کې دی. د دې چوپتیا موخه یوازې «امنیتي کنترول» نه دی، بلکې حقیقت پټول هم دي. پراخ انټرنېټي بندیز، د رسنیو بې مخینې بندول او د خبریالانو او شاهدانو ځورونه ټول یوه معنا لري: د یو ستر او تاریخي جنايت د ثبت، څارنې او تعقیب مخنیوی.
د طالبانو تر واک لامدې له پېښو سره د مبارزې امادګۍ اداره وايي، چې د زابل مرکز کلات اړوند اومکي کلي کې د ماین پاکۍ د عملیاتو په ترڅ کې څلور په لاس جوړ شوي ماینونه موندل شوي. طالبانو ددې پیښې په اړه نور جزییات نه دي ورکړي، چې دا ماینونه کومې ډلې ځای پر ځای کړي ول.
د هند حکومت د سې شنبې په ورځ د یو شمېر پاکستاني رسنیو دا ادعاوې رد کړې، چې ګني نوي ډیلي د ایران د وضعیت له امله له افغانستان سره سوداګري درولې ده. ايران په اوس وخت کې د هېواد په کچه پراخې مظاهرې تجربه کوي.
افغانستان انټرنشنل په یوې پراخې څېړنې کې د اعترافونو یوې ټولګې، ویډیوګانو، رسمي اسنادو او د طالبانو د ادارې داخلي راپورونو ته لاسرسی موندلی، چې په څو ولایتونو کې په هدفي او ناقانونه وژنو کې د دغې ډلې د غړو مستقیم رول بربنډوي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ (د مرغومي ۲۲مه) ۲۸۱ کډوالې کورنۍ له بېلابېلو لارو افغانستان ته ستنې شوې دي. د دغه کمېسیون د معلوماتو پر بنسټ؛ راستنو شویو کورنیو سره بېړنۍ مرستې شوې او خپلو ولایتونو ته هم لېږدول شوې دي.
په داسې حال کې چې طالبانو له شپږمو ټولګیو پر لوړو نجونو د ښوونځیو دروازې تړلې دي؛ د یادې ډلې د ریاستالوزرا اقتصادي کمېسیون تخنیکي کمېټې د طالبانو د پوهنې وزارت هغه طرحه منلې، چې له مخې به یې د خصوصي ښوونیزو مرکزونو فیسونه تنظیم او خدمتونه یې معیاري شي.
د اېټالیا په همکارۍ د ملګرو ملتونو د نشهيي توکو او جرمونو پر وړاندې د مبارزې دفتر (UNODC) په افغانستان کې د زیان منوونکو مېرمنو او ځوانانو لپاره د کوچنیو کاروبارونو د پراختیا پروګرام دویم پړاو تصویب کړ.
د طالبانو سترې محکمې د یوې خبرپاڼې په خپرولو سره ویلي، چې په کونړ ولایت کې یې درې کسان په دُرو وهلي دي. د یادې محکمې په خبره؛ دغه کسان یې «د لواطت» په تور په دُرو وهلي دي.
د طالبانو د کرنې، اوبو لګولو او مالدارۍ وزارت خبر ورکړی، چې د هېواد په کچه د شاتو مچیو د روزنې او د شاتو د تولید لپاره تر ۳۰زره ډېر فارمونه جوړ شوي. دغه وزارت څرګنده کړې، چې افغانستان اوسمهال د شاتو په برخه کې پر ځان بسیا دی او اړتیا نهشته چې له نورو هېوادونو شات وارد شي.
په جینوا کې د افغانستان استازي نصیر احمد اندېشه ویلي، افغانستان د طالبانو تر واک لاندې یوازې له سیاسي او بشري ناورینونو سره نه؛ بلکې له یوې ژورې هویتي او وجودي کړکېچ سره هم مخ دی. هغه ټینګار کړی، چې طالبان د ولس استازي نه؛ بلکې «د فرهنګ قاتلان» دي.
د نیمروز ولایت چهاربرجک ولسوالۍ لپاره د طالبانو ولسوال محمود سعید خبر ورکړی، چې په دغه ولسوالۍ کې یې د ۸ ټنه او ۴۵۰ کیلوګرامه انساني درملو، ټوکرو او نورو توکو د قاچاق مخه نیولې ده.
د طالبانو د کرنې، اوبو لګولو او مالدارۍ وزارت خبر ورکړی، چې سږکال د کورني تولید د ملاتړ او د مالدارۍ سکتور د پراختیا په موخه په بلخ ولایت کې تولید شوي له دوه ټنو ډېر طبیعي شات د مچیو پالونکو او په دغه سکتور کې د فعالو ټولنو په همکارۍ بهرنیو هېوادونو ته صادر شوي دي.
د طالبانو تر کنټرول لاندې د اترا اداره وایي، چې په تېر ۲۰۲۵کال کې په ټول هېواد کې د مخابراتي شرکتونو لهخوا شاوخوا ۵۹۰ مخابراتي سایټونه جوړ شوي دي. د یادې ادارې په وینا؛ په تېرو څه باندې دوو کلونو کې یوازې د اترا ادارې په ټول هېواد کې شاوخوا ۳۹۰ مخابراتي سایټونه جوړ کړي دي.
د پاکستان فدرالي حکومت د خیبر پښتونخوا سر وزیر سهیل اپریدي وروستیو څرګندونو په اړه سخت غبرګون ښودلی. اپریدي وړمه ورځ ویلي و، که د افغانستان خاوره د پاکستان پر ضد د ترهګرۍ لپاره کارول کېږي؛ نو ثبوت دې وړاندې شي.
طالبانو په هرات ولایت کې د تکواندو یوه ښځینه روزونکې نیولې ده. سیمهییزو سرچینو افغانستان انټرنشنل ته ویلي، چې د طالبانو د امر بالمعروف ادارې دوه ورځې وړاندې دغه روزونکې ونیوله او زندان ته یې ولېږدوله.
د خوړو نړۍوال پروګرام د ژمي په موسم کې د لوږې د زیاتوالي په اړه اندېښنه څرګنده کړه او خبرداری یې ورکړی، چې په ماشومانو کې به د خوارځواکۍ کچه سږ کال خورا لوړه شي.
د پاکستان پوځ غواړي د پښتونخوا د خېبر په تیرا دره کې د وسلهوالو پر ضد عملیات وکړي او د دغې درې اوسېدونکو ته یې امر کړی، چې په ۱۵ورځو کې له خپلو کورونو ووځي. د دې سیمې اوسېدونکو ته د جنورۍ له لسمې تر ۲۵مې وخت ورکړل شوی. منظور پښتین د پاکستاني پوځ دغه عملیات «ډالري جګړه» بولي.
د طالبانو استازي په نوي ډیلي کې د افغانستان سفارت د سرپرست په توګه د خپلې دندې د پیل خبر ورکړ. نور احمد نور د دوشنبې په ورځ د هند د بهرنیو چارو وزارت کې د افغانستان او پاکستان د څانګې له مسوول انند پرکاش سره وکتل.
د امریکا د بهرنیو چارو وزارت وايي، د ولسمشر ډونالډ ټرمپ په لارښوونه یې په ۲۰۲۵کال کې د بهرنیو وګړو څه باندې ۱۰۰زره ویزې لغو کړې دي. دغه شمېر دوه کاله وړاندې د جو بایډن د ولسمشرۍ د وروستي کال پر تله له دوه برابره هم ډېر دی.