آرشیف

په بلخ کې سیمه‌ییز طالب مسوولین وایي، دامهال په مزارشریف ښار کې د بوټانو او پلاستیک ۱۸۰ تولیدي فابریکې فعالیت لري چې د کورني تولید د پیاوړتیا ترڅنګ تر ۲۰۰ زیات کسان په‌کې په کار بوخت دي.

په ننګرهار کې د طالبانو رسنیز دفتر د سې‌شنبې په ورځ (د غبرګولي ۵مه) خبر ورکړی، چې په دغه ولایت کې د یادې ډلې د سترې محکمې د حکم پر بنسټ د لوی اختر د رارسېدو په مناسبت ۲۳ تنه بندیان له زندانه خوشې شوي دي.

د ملګرو ملتونو د سرمنشي ویاند سټیفن دوجارېک د پاکستان په کوټې ښار کې پر یوه مساپر وړونکي اورګاډي مرګونی برید وغانده. دوجارېک وویل، د ملګرو ملتونو سرمنشي ټینګار کوي چې «ترهګري» په هر ډول او بڼه د منلو وړ نه‌ده.

د محمد سرور خوشحال په نوم د افغان پوځ تقاعد شوی ډګروال وايي، طالبان یې له پنځه کلن ځند وروسته حق نه‌ورکوي او دامهال یې د پور، درملنې او کورنۍ هیلې له‌منځه تللې دي. نوموړي ویلي، چې په پرله‌پسې توګه د طالبانو ادارو ته د حق غوښتنې لپاره ورغلی؛ خو هغه ته یې حق نه ورکول کېږي.

د قطر د بهرنیو چارو وزارت ویاند د دوحې د هغه وړاندیز په اړه راپورونه رد کړل، چې له امریکا سره د یوې هوکړې ترلاسه کولو په موخه تهران ته د ۱۲ مېلیارد ډالرو د شتمنیو ازادولو د وړاندیز ادعا په‌کې شوې وه. نوموړي دغه ادعاوې د اوسنیو ډیپلوماتیکو هڅو د تخریب هڅه وبلله.

د ښځو د عدالت غورځنګ یوشمېر غړو «میاشتنی عادت تابو نه‌دی» تر شعار لاندې د میاشتني عادت د حفظ الصحې نړۍوالې اونۍ په مناسبت د پوهاوي پروګرام پیل کړی دی. دوی وايي، میاشتنی عادت باید د ښځو او نجونو د شرم، محدودیت یا ټولنیز محرومیت لامل نه‌شي.

په سعودي عربستان کې د حج تر ټولو مهم رکن د عرفاتو مراسم نن سې‌شنبه (د غبرګولي ۵مه) ترسره کېږي. د نړۍ له بېلابېلو هېوادونو تر ۱.۵ مېليونه ډېر حاجیان به نن د عرفات په میدان کې د حج خطبه واوري.

د بدن جوړونې په برخه کې یو افغان لوبغاړی علي‌رضا شهیداني د جرمني په بایرن ایالت کې د نارینه‌و د فزیک په سیالۍ کې د بدن ښکلا سیالیو اتل شو. له یادې بریا سره، سره شهیداني د جرمني د بدن جوړونې او فزیک ملي لوبډلې په سیالیو کې د ګډون جواز هم ترلاسه کړ.

د بریتانیا د بهرنیو چارو وزارت د منځني ختیځ او شمالي افریقا مرستیال نیکلاس فالکونر ویلي چې د طالبانو د نوو قوانینو په اړه راپورونه چې په کې د ماشومانو ودونو ته اجازه ورکړل شوې، هغه «ډېر سخت وېرولي» دي

د طالبانو د اطلاعاتو او کلتور وزارت ویلي، چې د هبت‌الله زرګونه چاپ شوي پیغامونه یې ملکي او نظامي ادارو او خلکو ته وېشلي او سیمه‌ییزو رسنیو او خبریالانو ته یې سپارښتنه کړې چې د طالبانو د مشر فرمانونه په خپرونو کې په پام کې ونیسي او له هغو مطالبو ډډه وکړي چې «ټولنه بېلارې کوي».

د امریکا مرکزي قوماندانۍ (سینټکام) ویلي، چې امریکايي ځواکونو د ایران په جنوبي سیمو کې پر هغو هدفونو بریدونه کړي چې د دوی په وینا د ماینونو د ځای پر ځای کولو په هڅو بوختې کښتۍ او د توغندیو د توغولو ځینې اډې پکې شاملې وې.

د پاکستان د سنا مجلس غړې شیري رحمان د طالبانو د «زوجینو د تفریق اصولنامې» د منتقدانو له ډلې سره یوځای شوې او د ماشومانو د ودونو قانوني کولو هڅه یې «په بشپړ ډول ټکان ورکوونکې» بللې ده. هغې زیاته کړې، د طالبانو د «زوجینو د تفریق اصولنامه» د بشري حقونو ښکاره نقض دی.

د خيبرپښتونخوا په سويلي ولسوالۍ ټانک کې نامعلومو کسانو يو دولتي ښوونځی او يو روغتيايي مرکز پر چاودېدونکو توکو الوزولي دي.

د بشري حقونو اړوند ادارې «حال‌وش» راپور ورکړی چې د ایران په جنوبي سیمو کې د څو چاودنو د غږونو تر اورېدو وروسته، د احتمالي پوځي تحرکاتو او د سپاه پاسداران د غړو د مرګ‌ژوبلې په اړه بېلابېل او ناهمغږي راپورونه خپاره شوي دي.

د کډوالۍ نړیوال سازمان (اې او ایم) اعلان کړی، چې د روان کال له پیل راهیسې په افغانستان کې د سېلابونو له امله څه باندې ۱۰زره کورنۍ اغېزمنې شوې دي.

د طالبانو دفاع وزارت وزیر مولوي محمد یعقوب مجاهد د روسیې فدراسیون په کوربه‌توب نړیوال امنیتي کنفرانس کې د ګډون په موخه د روسیې پلازمېنې مسکو ته رسېدلی دی.

د طالبانو تر چتر لاندې، له پېښو سره د مبارزې چمتوالي ادارې او د اغاخان بنسټ د ۳۱،۳ میلیون امریکایي ډالرو په ارزښت، تفاهم‌نامه لاسلیک کړې، چې له مخې به یې په ۱۱ ولایتونو کې د طبیعي پېښو پر وړاندې د چمتووالي، د بېړنیو حالاتو مدیریت او د ټولنې د ظرفیت لوړولو پراخ پروګرامونه پلي شي.

د پېښور سترې محکمې مشر قاضي د یوه افغان وګړي د پاکستانۍ مېرمنې د عریضې له اورېدو وروسته د هغه د سمدستي خوشې کېدو امر صادر کړی دی.

د طالبانو د کندز د امنیې قوماندانۍ ویاند جمعه‌الدین خاکسار ویلي، د دغه ولایت د امام‌صاحب بندر په سیمه کې په یوه ترافیکي پېښه کې د یوې کورنۍ شپږ غړي مړه او دوه نور ټپیان شوي دي. د پېښې په قربانیانو کې د پخوانۍ ولسي جرګې د رییس عبدالروف ابراهیمي د کورنۍ غړي هم شامل دي.

د افغانستان د پخواني ولسمشر مرستیال امرالله صالح پورې تړلې ډله «زرغونه قطعه» ادعا کوي چې د پنجشېر ولایت په عبدالله‌خېل دره کې یې د طالبانو پر یوه نظامي موټر برید کړی او ۱۰ تنه طالبان یې وژلي دي.

په امریکا کې د افغانانو د بیامېشتېدو همکار بنسټ «افغان ایواک» ویلي، چې د افغانستان د جګړې پر مهال زرګونه افغان او امریکایي سرتېري وژل شوي او دا قربانۍ یې باید هېرې نه شي.