د دایکنډي ولایت اوسېدونکو روان کال په دغه ولایت کې د زدهکړو د ملاتړ او پوهنې برخې سره د همکارۍ په موخه د ښوونځیو د بیارغونې په برخه کې ۲۶مېلیونه او ۹۱زره افغانۍ راټولې کړې دي.
د طالبانو د کرنې، اوبو لګولو او مالدارۍ وزارت د تولیداتو خونه وایي، چې روان لمریز کال کې په افغانستان کې ۱۵۰ معیاري سړې خونې جوړې شوې دي. د یاد وزارت په وینا؛ دغه سړې خونې له ۲۰ څخه تر ۵زره ټنو پورې د ساتنې ظرفیت لري.
د طالبانو تر واک لاندې د کډوالو ستونزو ته د رسېدنې عالي کمېسیون (د مرغومي ۱۲مه) خبر ورکړی، چې پرون د ۲۰۲۶کال په لومړۍ ورځ له ایران او پاکستان نه ۴۶۲ کورنۍ افغانستان ته ستنې شوې دي.
د خبریالانو نړۍوال فدراسیون (IFJ) په خپل وروستي راپور کې ویلي، په ۲۰۲۵کال کې ټولټال ۱۲۸ خبریالان او د رسنیو کارکوونکي چې ۱۰ ښځې هم پهکې شاملې دي د خپلو رسنیزو فعالیتونو له امله وژل شوې دي.
د افغانانو د کډوالۍ ملاتړ سازمان «افغاناېواک» مشر شان وانډایور د امریکا د کانګرس ټولو دفترونو ته په یوه رسمي لیک کې له هغوی څخه د افغانانو د ملاتړ لپاره د عملي اقدام غوښتنه کړې ده.
په پېښور کې د پاکستان پرضد د څرګندونو له امله یو افغان کډوال تېره ورځ په جبري توګه افغانستان ته واېستل شو. دغه کس وروسته له هغه د خیبرپښتونخوا په مرکز پېښور کې د پاکستاني پولیسو لهخوا ونیول شو، چې پر خواله رسنیو یې د پاکستان پر ضد د څرګندونو یوه ویډیو خپره شوه.
د پېرو په شمال پاتاز ولسوالۍ کې د نوي کال د شپې پر مهال پر نارسمي کانکېندونکو د برید له امله لږ تر لږه درې کسان وژل شوي دي. ځایي چارواکو او د کانکېندنې یوې کمپنۍ د پنجشنبې په ورځ وویل، دا په دغه هېواد کې د سرو زرو پر کانکېندونکو د پرلهپسې بریدونو وروستۍ پېښه ده.
سویسي چارواکي وايي، د سویس د کرانس–مونتانا د سکي په تفریحي سیمه کې د یوه رسټورانت دننه د اورلګېدنې له امله شاوخوا ۴۰ کسان مړه او لږترلږه ۱۱۵ نور ټپیان شوي چې د ځینو روغتیایي حالت نازک ښودل شوی دی.
د ایران د تایباد ولسوالۍ د دوغارون له پولې څخه راپورونه ښيي، چې د افغانستان په اسلامکلا ګمرک کې د بنسټیزو اسانتیاوو د نشتوالي له امله شاوخوا څلور زره ایراني او افغان باروړونکي موټرونه درېدلي او دا مهال افغانستان ته د ننوتلو اجازه نهلري.
د امریکا ملي هوايي ادارې ناسا ویلي، د ۲۰۲۶ کال په لومړیو کې څلور ستور مزلي د سپوږمۍ پر لور لېږي. دغه ماموریت «ارټمېس ۲» نومول شوی دی. دغه ستور مزلي د امریکا د فلورېدا له کېنېډي فضايي مرکز څخه خپل سفر پیلوي او دا به د انسانانو لومړنی سفر وي چې د ځمکې له ټيټې سطحې ترسره کېږي.
د برېتانیا د اصلاحاتو ګوند مشر نایجل فراج په ایران کې د لایونونو په ملاتړ ویلي:«د ایران ظالم رژیم باید لهمنځه لاړ شي.»
د اسراییل پوځ په خپل کلني راپور کې ویلي، چې د ۲۰۲۵ کال په اوږدو کې یې د زرګونو هوايي، ځمکنيو او سمندري بریدونو له لارې د حماس، حزبالله، حوثیانو او د ایران د پوځي نظام لسګونه لوړپوړي قومندانان او چارواکي په نښه کړي دي.
د طالبانو د کورنیو چارو وزارت امنیتي مرستیال محمد ابراهیم صدر د کابل ولایت او د کابل امنیه قومندانۍ د کارونو د ارزونې او همغږۍ غونډه کې وویل، د تېرو شلو کلونو دوره یو لوی امتحان و، خو اوسنی مسوولیت تر هغه لا سخت او دروند دی
د طالبانو تر واک لاندې د طبیعي پېښو پر وړاندې د مبارزې ادارې ویلي، چې په ۲۰۲۵ کال کې یې له طبیعي پېښو څخه اغېزمنو اړمنو کورنیو ته د نورو مرستو تر څنګ څه باندې ۱ میلیارد او ۷۹۳ میلیونه افغانۍ نغدي مرستې وېشلې دي.
د وروستیو معلوماتو لهمخې، د پاکستان د انفلاسیون کچه په ډسمبر میاشت کې ۵،۶ سلنې ته راټیټه شوې، د انفلاسیون یاده کچه په نوامبر میاشت کې ۶،۱ سلنه وه.
د طالبانو د دغې پروژې لهمخې، په هېواد کې به ټول درملتونونه سروې، جواز لرونکي درملتونونه په برېښنايي بڼه بیا ثبت، خپلسري درملتونونه تشخیص او د اړتیا وړ سیمو کې د نفوس لهمخې نويو درملتونونو ته ځایونه ځانګړې شي. پر دغې پروژې چې نن پیل شوه، ۶۰ میلیونه او ۸۰۰ زره افغانۍ لګښت راځي.
مصر، قطر او ترکیې د لبنان حزبالله ته په یوه پیغام کې خبرداری ورکړی، چې د بېوسلې کېدو او د لبنان دولت ته د خپلو پوځي تجهیزاتو د سپارلو له غوښتنې سره موافقه وکړي.
د هرات له حوزوي روغتون څخه سرچینو افغانستان انټرنشنل ته ویلي، چې طالبانو په یاد روغتون کې یوې ښځینه ډاکټرې ته سپکاوی کړی او هلې یې ده. د دې پیښې په غبرګون د روغتون یو شمېر نورو ډاکټرانو او کارکوونکو اعتصاب کړی دی.
د افغان کرېکټ مخکښ توپاچونکی نور احمد لکڼوال د سوېلي افریقا او عظمتالله عمرزی د بنګلهدېش په لیګ سیالو کې ښه لوبېدلي او لوبډلې یې تر بریا رسولي دي. دواړه د لوبو غوره لوبغاړي نومول شوي.
طالبانو په تېر یوه کال کې د یو لړ ابلاغیو او لارښونو په صادرولو سره په افغانستان کې د محدودیتونو لمن لاپسې پراخه کړه. په دې محدودیتونو کې رسنۍ، کتابونه، انټرنېټ، زدهکړې، کلتور، موسیقي او د ښځو ورځنی ژوند شامل دي او په جدیت سره عملي کېدونکې دي.
د پاکستان د بهرنیو چارو وزارت ویاند ویلي، چې د ایران د اټومې پروګرام د مخنیوي لپاره د ګډو شریکانو له امله رامنځته شوې شخړې او پر ایران د اسراییل د بریدونو په اړه د پاکستان دریځ اصولي دی.