طالبانو په تېر یوه کال کې د یو لړ ابلاغیو او لارښونو په صادرولو سره په افغانستان کې د محدودیتونو لمن لاپسې پراخه کړه. په دې محدودیتونو کې رسنۍ، کتابونه، انټرنېټ، زدهکړې، کلتور، موسیقي او د ښځو ورځنی ژوند شامل دي او په جدیت سره عملي کېدونکې دي.
د پاکستان د بهرنیو چارو وزارت ویاند ویلي، چې د ایران د اټومې پروګرام د مخنیوي لپاره د ګډو شریکانو له امله رامنځته شوې شخړې او پر ایران د اسراییل د بریدونو په اړه د پاکستان دریځ اصولي دی.
د چین ولسمشر شي جینپینګ ویلي، هېڅوک نهشي کولی ټایوان له چین سره له یو ځای کېدو راوګرځوي او دا چاره به حتمي ترسره کېږي. نوموړي ټینګار کړی، چې د ټایوان تنګي دواړو غاړو ته مېشت چینایان له یو بل سره د وینې او خپلوۍ اړیکې لري.
د هرانا خبري وېبپاڼې راپور ورکړی، چې د ایران د سراسري اعتراضونو په پنځو ورځو کې لږ تر لږه ۱۱۹ کسان نیول شوي او اووه نور وژل شوي دي. د راپور لهمخې، دا اعتراضونه د ایران د بېلابېلو ولایتونو لږ تر لږه ۳۲ ښارونو ته غځېدلي دي.
د طالبانو د امر بالمعروف وزارت ویلي، چې په روانه اوونۍ کې یې د بازارونو د اصلاح او احتکار د مخنیوي تر څنګ د ښځو د حقونو اړوند ۸۰ قضيې حل کړې دي.
د طالبانو ویاند ذبیحالله مجاهد په یوې تازه مرکه کې ویلي، چې د تحریک طالبان پاکستان ډله له ۲۰۰۳ کال راهیسې د پاکستان د ناسمو پالیسیو له امله رامنځته شوې او اوس په پاکستان کې پټنځایونه او واکمنې سیمې لري چې افغانستان ته د ورتګ اړتیا نهلري.
د ټایوان ولسمشر لایچینګتي د خپلې خاورې د ملي حاکمیت د کلکې دفاع ژمنه کړې او وايي، چې د چین وروستي پوځي تمرینونو ته په کتو سره باید د دفاعي وړتیاوو پیاوړتیا ته لومړیتوب ورکړل شي.
یو شمېر بلوڅ بندیانو په یوه بیان کې د سیستان او بلوچستان له خلکو غوښتي، چې په اعتراضونو کې برخه واخلي او ټینګار یې کړی، چې «مه پرېږدئ دغه د ازادۍ څپه ستاسو د پیاوړي حضور پرته مخکې ولاړه شي» او د تهران، اصفهان، شېراز او د ایران د ټولو ښارونو له خلکو سره مرسته وکړئ.
که څه هم ۲۰۲۵ کال د تېرو لسو کلونو پرتله د پاکستان لپاره خونړی و او تېر کال په دغه هېواد کې د تاوتریخوالي پېښې ۳۴ سلنه زیاتې شوې وې، خو وروستیو میاشتو کې د افغانستان او پاکستان ترمنځ د لارو بندېدو له امله په پاکستان کې د بریدونو کچه ۱۷ سلنه راټیټه شوې.
پاکستاني رسنیو راپور ورکړی، چې د بلوچستان د سبي په سیمه کې د نجونو ښوونځي ته نږدې په یوه بمي چاودنه کې یو ملکي کس وژل شوی او پنځه نور ټپيان دي. په سیمه کې پولیسو ویلي، چې ټپیان یې روغتیايي مرکز ته لېږدولي دي.
د طالبانو د عامې روغتیا وزیر له افغان پانګهوالو غوښتي، چې په کور دننه د درملو په تولید کې پانګونه زیاته کړي، تر څو له بهرنیو هېوادونو د بېکیفیته درملو د واردېدو مخه ونیول شي.
د افغانستان د کرنې او مالدارۍ د سړې خونې مسوولینو له یو شمېر سوداګرو سره په ناسته کې ویلي، چې په روان کال کې د هېواد په بېلابېلو ولایتونو کې ۱۵۰ سړې خونې جوړې شوې دي. دوی زیاته کړې، چې د دې خونو په جوړېدو سره د کرنیزو محصولاتو د زیان مخه نیول شوې ده.
د طالبانو د کانونو او پټرولیم وزارت ویاند ویلي، چې په تېرکال کې یې د کوچني مقیاس ۱۰۳ کانونه په قراداد ورکړي او په یادو کانونو کې به په ټولییزه توګه ۸،۲ میلیارده افغانۍ پانګونه وشي.
د افغانستان په پوهنتونونو کې پر زده کړو بوخت پاکستاني محصلین وایي چې له تېرو څو اونیو راهیسې له جدي ستونزو سره مخ دي او خپل هېواد ته د ستنېدو هڅې یې تر اوسه بېپایلې پاتې دي. د پاکستان بهرنیو چارو وزارت پخلی کوي چې نږدې ۱۲۰۰پاکستاني وګړو د بېرته ستنېدو لپاره د مرستې غوښتنه کړې .
په تورخم کې د پاکستان لوري لارۍ چلوونکي وايي، چې ځینې کسان په ملکي جامو کې د «ټرانسپورټ یونین» په نوم له دوی څخه غېرقانوني پیسې اخلي او بیا ورک کېږي. سرچینې وايي، چې هره ورځ پر دغه لار تر سلو زیات لوی موټر تګراتګ کوي یا ولاړ وي.
د تازه شمېرو لهمخې، په ۲۰۲۵ کال کې ۴۱۴۷۲ کډوال د کوچنیو بېړیو په وسیله د مانش کانال له لارې برېتانیا ته اوښتي دي. د یاد کانال له لارې برېتانیا ته د کډوالو د اوښتو تر ټولو ډېر شمېر چې ۴۵ زره کسان کېدل په ۲۰۲۲ کې ثبت شوي وو.
اسراییلي رسنیو راپور ورکړی چې د امنیتي ادارو د اټکلونو لهمخې، تر اوسه د غزې په تړانګه کې د «ژېړې کرښې» په اسراییلي برخه کې د حماس نیمایي تونلونه ویجاړ شوي دي.
د امریکا د جګړې وزارت د یوه امریکایي شرکت(لاک هیډ مارټین)له لارې پر تایوان له ۳۲۸میلیون ډالرو څخه د زیاتو پوځي تجهیزاتو پلورل تصویب کړل. د رویټرز خبري اژانس دراپور له مخې، پنټاګون دا ګام د هغه څه د پوره کولو لپاره پورته کړ چې واشنګټن د تایوان لپاره «بیړنۍ عملیاتي اړتیا» بللې ده.
د اوکراین په سوېل خرسون کې د روسیې لهخوا ټاکل شوي والي ولادیمیر سالدو کییف تورن کړ، چې د ډرون په یوه برید کې یې لږ تر لږه ۲۴ کسان چې یو ماشوم هم پهکې شامل دی، وژلي دي. نوموړي وویل، دا کسان هغه مهال ووژل شول چې په یوه هوټل کې یې د نوي کال مراسم نمانځل.
د ایران ولسمشر مسعود پزشکيان د قاسم سلیماني د تلین مراسمو کې وویل: «موږ د شهادت لپاره چمتو یو، ځکه شهادت د انسان لپاره تر ټولو ښکلی نصیب دی.»
اسراییل د پنجشنبې په ورځ اعلان وکړ چې د غزې په تړانګه کې د ۳۷ لویو نړیوالو مرستندویه سازمانونو د فعالیت جوازونه ځنډول شوي دي. اسراییل ویلي چې د دې سازمانونو جوازونه د امنیت او شفافیت د شرایطو نه پوره کولو له امله ځنډول شوي.