د ملګرو ملتونو د روغتیا نړیوال سازماخبرداری ورکړی چې د وینې لوړ فشار یا هایپرټنشن کولی شي د اوږدې مودې لپاره له ښکاره نښو پرته د انسان زړه، د وینې رګونه او پښتورګي زیانمن کړي.
د پاکستان تحريک انصاف ګوند وایي، سره له هغو راپورونو چې د داخلي اختلافونو او مشرتابه د کړکېچ ادعاوې کوي، د ګوند ټول مشران او غړي د عمران خان تر شا کلک ولاړ دي.
د بریتانیا حکومت اعلان کړی چې په منځني ختیځ کې یې د ډرون ضد یوې نوې او کملګښته وسلې سیستم ځای پر ځای کړی دی.
د طالبانو د ټولګټو وزارت وايي، د افغان ټرانس پروژې د تخنیکي مطالعاتو عملي چارې به نږدې راتلونکې کې پیل شي چې له بشپړېدو سره به یې د افغانستان اقتصادي او سوداګریزې اړیکې له سیمې سره لا پیاوړې شي.
په پاکستان کې د انرژۍ د بیو له لوړېدو سره اقتصادي ستونزې نورې هم ژورې شوې دي. د پاکستان حکومت هڅه کوي چې د انرژۍ وارداتي لګښتونه په داسې ډول برابر کړي، څو بار یې پر خلکو او د برښنا پر سکټور ونه لوېږي، خو د نړیوالو بازارونو لوړو قیمتونو دا کار ستونزمن کړی دی.
د ملګرو ملتونو د روغتیا نړیوال سازمان اعلان کړی چې کانګو او یوګانډا کې د «بونډيبوجیو» ویروس له امله د ایبولا ناروغۍ خپرېدل د نړیوالې اندېښنې وړ عامه روغتیايي بېړنی حالت رامنځته کړی.
د پاکستان دبلوچستان ایالتپه چاغي او پنجګور ولسوالیو کې وسلهوالو د امنیتي تاسیساتو پر ضد بریدونه کړي، چې له امله یې امنیتي وضعیت یو ځل بیا ترینګلی شوی دی. په دغه بریدونو کې د دوه کسانو د ټپي کېدو خبر ورکړل شوی.
په خوست کې د طالبانو د رسنیو دفتر خبر ورکړی، چې د ځايي ولایتي روغتون ډاکټرانو په تېر یوه کال کې ۳۳۱۲ بریالي جراحي عملیات ترسره کړي دي. د خوست د رسنیو دفتر د معلوماتو له مخې، په دې شمېر کې ۱۷۱۸ ستر او ۱۵۹۴ واړه جراحي عملیات شامل دي.
په تېرو درېيو لسيزو کې طالبانو او له دغې ډلې سره تړلو شبکو په افغانستان کې لسګونه بهرني وګړي نيولي يا برمته کړي دي؛ هغه لړۍ چې په ۱۹۹۰يمه لسيزه کې له محدودو نيونو سره پيل شوه او له ۲۰۲۱ کال وروسته په هدفي زنداني کېدو بدله شوه.
په خيبرپښتونخوا کې د پولیو مخنیوي پروګرام د چارواکو په وینا، د خیبر پښتونخوا په ۲۳ ولسوالیو کې د پیلېدونکي ۷ ورځني پولیو ضد د واکسیناسیون کمپاین لپاره ټولې تابیاوې بشپړې شوې دي.
د افغانستان د ټکواندو ملي لوبډله د ۲۰۲۶ کال د جاپان د ناګويا اسيايي لوبو د سهميې ترلاسه کولو سياليو کې د ګډون لپاره منګوليا ته لاړه. دا لوبډله په یادو سیالیو کې د لوبډلمشر مُحسن رضايي په نشتوالي کې برخه اخلي او د دوو روزونکو له خوا به رهبري کېږي.
د تېر جمهوري نظام یوې سناتورې راحلې دوستم د جوزجان قرهکېنت سیمه کې پر یوې بېوزلې ازبک کورنۍ شوی برید په سختو ټکو غندلی دی. هغې ویلي، چې د سیمې خلک باور لري په اوسنیو شرایطو کې له طالبانو پرته بل څوک د دې ډول «جنایت» جرات نهلري.
په پاکستان کې د بشري حقونو کمېسیون په خیبر پښتونخوا او بلوچستان کې د خرابېدونکي امنیتي وضعیت په اړه جدي اندېښنه ښودلې ده. دغه کمېسیون د پاکستان پر حکومت غږ کړی، چې له «غندنو» تېر شي او عملي اقدامات وکړي، څو «وښيي چې د انسان ژوند او عامه ځایونه لا هم خوندي کېدای شي».
ازادۍ جبهې اعلان کړی، چې په بدخشان کې یې د طالبانو پر ضد پسرلني عملیات پیل کړي دي. دغې جبهې ویلي، چې له تېرو دوو میاشتو راهیسې یې په دغه ولایت کې خپل عملیاتي او کمانډویي واحدونه ځای پر ځای کړي دي.
د طالبانو د عامې روغتیا وزارت ویاند شرافت زمان امرخېل له قصابانو غوښتي، چې د څارویو د حلالولو پر مهال له شخصي محافظتي وسایلو استفاده وکړي. هغه ویلي، چې دا سپارښتنه د کانګو ناروغۍ له خپرېدو د مخنیوي په موخه شوې ده.
د طالبانو یو تبلیغاټي او رسنیز فعال محمد مبین چې په جنرال مبین مشهور دی په یوه ویډیويي پېغام کې ویلي، چې تر دیارلس نیمو میاشتو بند وروسته نن (شنبه د غويي ۲۶مه) خوشې شو. هغه ویلي، چې د طالبانو نظامي محکمې پرې د اتلس میاشتو بند حکم کړی وو، خو د هبتالله په امر یې معافیت ترلاسه کړ.
د پاکستان تحریک انصاف ګوند مشر ګوهر خان د پاکستان تر ولکې لاندې کشمير کې د ټاکنو کمېسيون د تحریک انصاف ګوند د راجسترېدو ردول توپيري چلند بللی دی. په کشمیر کې د ټاکنو کمېسیون د دغې چارې لامل د یاد ګوند په مالي چارو کې بېنظمي بللې ده.
کابل کې د پاکستان سفیر عبیدالرحمن نظاماني د خپل هغه ساتونکي سرتېري د زړورتیا ستاینه کړې، چې په ۲۰۲۲ کال کې یې د پاکستان پر سفارت د داعش د برید پر مهال د ده ژوند ژغورلی وو. نظاماني یوې مرکه کې ویلي، سرتېري اسرار محمد د خپل ځان په ډال کولو سره دی د وسلهوالو له برید څخه روغ واېست.
د پاکستان د علماوو شورا مشر طاهر محمد اشرفي وایي، په افغانستان کې له جمهوري نظام څخه تر اوسه د پاکستان پر ضد «دسیسې جوړونې» دوام لري. طالبانو تر دې مخکې د پاکستان اړوند مسایل کورني مسایل بللي او پهکې یې هر ډول لاسوهنه رد کړې ده.
د ختیځ انګلستان پوهنتون په نوې څېړنه کې موندلې، هغه افغان ځوانان چې له کورنیو پرته برېتانیا ته تللي، له ژور رواني کړاو، یوازېتوب او خپګان سره مخ دي. دا ځوانان چې د طالبانو له واکمنېدو وروسته برېتانیا ته کډوال شوي، لا هم له تېرو ترخو یادونو او رواني فشارونو څخه سخت ځورېږي.
نصیر احمد فایق په دایکندي کې د طالبانو له لوري د ښځو د جنسي ځورونې اړوند د افغانستان انټرنشنل راپور ته غبرګون ښودلی دی. نوموړي، دغه کړنې له بشري او اسلامي حقونو ښکاره سرغړونه بللې او د طالبانو تر واکمنۍ لاندې یې د «فساد او ظلم» یوه بېلګه ګڼلې ده.