د طالبانو د ریاستالوزرا اقتصادي معاونیت ویلي، چې د ملا عبدالغني برادر په مشرۍ یې د ګلبهار استوګنیز او سوداګریز ښارګوټي جوړولو طرحه په پرنسیپ کې تایید کړه. دغه ښارګوټی چې په ۱۱ زره جریبه ځمکه کې جوړېږي، خصوصي سکټور د شاوخوا ۸ میلیارده ډالرو پانګونې ته لېوالتیا ښودلې ده.
په بدخشان کې د طالبانو د ادارې وروستي بدلونونه د سیمهییزو چارواکو له ګوښه کولو نیولې د زر کسيزې ځانګړې قطعې تر استولو پورې، د سرو زرو د کانونو پر سر د پراخو اختلافاتو نښې څرګندوي.
د طالبانو د عامې روغتیا وزیر نور جلال جلالي او د ازبکستان د روغتیا وزیر اسیلبیک خدایاروف په بلخ ولایت کې د لیدني پرمهال د روغتیایي همکاریو پر پراختیا، د درملو پر تولید، د متخصصینو پر روزنې او د افغانستان د روغتونونو لپاره د عصري طبي تجهیزاتو د برابرولو په تړاو خبرې کړې دي.
رویټرز د اوکراین د سیمهییزو چارواکو له قوله راپور ورکړی، چې تېره شپه پر اوکراین د روسیې په بریدونو کې له ۶۶۰ څخه ډېرې بېپیلوټه الوتکي او او توغندي کارول شوي، چې په پایله کې ۷ اوکراینیان وژل شوي او لسګونه نور ټپیان دي.
د طالبانو د پېښو پر وړاندې د مبارزې ادارې ویلي چې د یادې ادارې د ولایتي ریاستونو د لومړنیو راپورونو له مخې، په تېرو ۲۴ ساعتونو کې د سختو بارانونو او سېلابونو له امله لږ تر لږه ۱۳ کسان مړه شوي او ۹ نور ټپیان دي.
په غزني کې د طالبانو د اطلاعاتو او کلتور ریاست ویلي، چې کشف شوي تاریخي او لرغوني اثار په غزني کې د وروستیو سېلابونو په پایله کې له خاورو راوتلي دي.
د طالبانو د کورنیو چارو وزیر سراجالدین حقاني په کابل کې د دودیزې غېږنیونې د نړۍوالو سیالیو له استازو او لوبغاړو سره په لیدنه کې ورزشکاران د خپلو هېوادونو غیررسمي سفیران بللي او له هغوی یې وغوښتل، چې له افغانستان څخه د سولې او ورورولۍ پیغام خپلو هېوادونو ته ولېږدوي.
د افغانستان انټرنشنل موندنې ښيي، چې د طالبانو له بیا واکمنېدو راهیسې د ۲۰۲۱ کال له اګست څخه د ۲۰۲۶ کال د مارچ تر پایه پورې د افغانستان په وګړو له ۱۰۷ زره او ۵۲۳ څخه ډېر د دُرو ګوزارونه شوي دي.
د طالبانو د بهرنیو چارو وزارت امریکا ته د تګ په تمه په قطر کې مېشتو افغانانو ته بلنه ورکړې، چې بېرته هېواد ته ستانه شي. طالبانو دا غبرګون تر هغه وروسته ښودلی، چې ګواکې امریکا غواړي دا کډوال افریقايي هېواد کانګو ته استوي.
د طالبانو د سرحدونو، قومونو او قبایلو چارو وزیر ملا نورالله نوري وايي، چې مغرضې کړۍ په افغانستان کې قوي «اسلامي نظام» نه شي زغملای او د یادې ډلې پر لاسته راوړنو سترګي پټوي.
د طالبانو رییسالوزرا ملا محمد حسن اخوند د بدخشان د کانونو رییس له دندې ګوښه کړی او پر ځای یې عبدالمتین رحیمزی نوی رییس ټاکلی دی. افغانستان انټرنشنل ته د رسېدلي مکتوب له مخې، رحیمزی د کانونو او پټرولیم وزارت په وړاندیز او د رییسالوزرا په تایید په دغه دنده ګومارل شوی دی.
د برېتانیا د کورنیو چارو وزیرې د هغو افغان پناه غوښتونکو د بېرته ستنولو احتمال رد نه کړ، چې د پناه غوښتنې غوښتنلیکونه یې د دغه هېواد له لوري رد شوي دي. هغې وویل، چې لندن د دې موضوع پر څېړلو بوخت دی او د طالبانو او اروپايي ټولنې ترمنځ په دې اړه روانې خبرې اترې له نږدې څاري.
د ایران دولتي ټلویزیون راپور ورکړی، چې د دغه هېواد د بهرنیو چارو وزیر عباس عراقچي په اسلاماباد کې د پاکستان د پوځ له مشر عاصم منیر سره د لیدنې پرمهال له امریکا سره د مذاکراتو په اړه د تهران ځوابي وړاندیزونه ورسپارلي دي.
د امریکا د عدلیې وزارت د نیویارک په سویلي ولسوالۍ کې د پاکستاني الاصله ډاکټر پر ضد مدني دعوه ثبت کړې، چې موخه یې د هغه د امریکايي تابعیت لغوه کول دي. دغه ډاکټر د ماشومې د جنسي ځورونې په یوه جدي قضیه کې په ۱۷ کلونو بند محکوم شوی.
د طالبانو کورنیو چارو وزارت وایي چې د هېواد په بېلابېلو ولایتونو کې د ترسره شویو عملیاتو په ترڅ کې ۸۰ کسان د نشهيي توکو د قاچاق او خرڅلاو په تور او د کابل په بګرامیو ولسوالۍ کې ۵ نور کسان د غلا او نشهيي موادو د ساتلو په تړاو نیول شوي دي.
په ننګرهار کې یوې کورنۍ افغانستان انټرنشنل ته ویلي، چې طالبانو تېره شپه د هغوی د کورنۍ یو غړی بشیرخان په جلالاباد ښار کې پرته له کومې محکمې په ډزو وژلی دی. دغه کورنۍ د عدالت غوښتنه کوي او وايي، د پېښې په اړه دې څېړنه وشي.
د طالبانو امر بالمعروف وزارت ادعا کړې چې لوګر، میدان وردک، غزني، کندز، بلخ، تخار او فراه ولایتونو کې یې د خلکو د راپورونو پر بنسټ ۱۵ښځې له کورنيو ستونزو او تاوتریخوالي ژغورلې دي.
کاپیسا ولایت کې د طالبانو تر چتر لاندې د پېښو پر وړاندې د مبارزې امادګۍ ریاست وایي چې د نړیوالو مرستندویو ادارو په همکارۍ یې ۲۳۲ هغو کورنیو ته خوراکي او غیرخوراکي مرستې وېشلې چې د وروستیو بارانونو او سېلابونو له امله زیانمنې شوې وې.
د ملګرو ملتونو د خوړو نړیوال پروګرام په افغانستان کې د لوږې او خوارځواکۍ د زیاتېدو په اړه خبرداری ورکړی. دې ادارې ویلي چې پراخېدونکې لوږه او خوارځواکي د افغان ماشومانو راتلونکی له جدي خطر سره مخ کوي.
دملګرو ملتونود خوړو نړیوال سازمان تازه راپور ښيي چې پاکستان د نړۍ له لسو تر ټولو زیانمنو هېوادونو څخه دی، چې شاوخوا ۱۱ میلیونه وګړي پکې له جدي لوږې او د خوړو له سخت کمښت سره مخ دي.
د اوکراین ولسمشرولادیمیر زیلنسکيوایي چې د روسیې د وروستیو بریدونو له امله لږ تر لږه څلور کسان وژل شوي او تر ۳۰ډېر ټپیان دي. نوموړي ټینګار کړی چې د وضعیت د کنټرول لپاره د هوايي دفاع عاجله پیاوړتیا او پر مسکو د نوو بندیزونو لګول اړین دي.