روسیې اعلان وکړ، چې د سپټمبر له لومړۍ نېټې څخه به د دولتي پیغام رسونې اپلېکېشن «MAX» لګول په دغه هېواد کې پر پلورل شويو ټولو ټېلفونونو او ټابلیټونو جبري وي. دغه اپلېکېشن چې د واټساپ سیال بلل کېږي؛ منتقدین یې د څارنې وسیله ګڼي.
د عزیزي ګروپ د دفتر رییس عزت الله نیازمند په بامیان ولایت کې د طالبانو والي سره ناسته کې خبر ورکړی، چې په دغه ولایت کې د ۸۰۰مېګاواټه برېښنا تولید پروژه پیلوي. په همدې تړاو خبرپاڼه کې راغلي، چې دغه پروژه د بامیان په سیغان او کهمرد ولسوالیو کې د سکرو له زېرمو څخه پلي کېږي.
د پاکستان سترې محکمې د ۲۰۲۳کال د مئ ۹مې د ناکراریو په اړه په اتو قضیو کې له واکه د پرځېدلي او بندي لومړي وزیر عمران خان د ضمانت غوښتنلیکونه منلي دي.
د پاکستان د بهرنیو چارو وزارت اعلان کړی، چې د چین د بهرنیو چارو وزیر وانګ يي د پنجشنبې په ورځ اسلاماباد ته رسېدلی؛ څو د پاکستان او چین د «سټراټېژیکو خبرو شپږم پړاو» ناسته کې ګډون وکړي.
په کونړ کې د طالبانو د کانونو او پټرولیم ریاست وايي، ۱۵.۵کیلو ګرامه ګران بیه او نیمه ګران بیه «بیروج ډبرې» د یوې بولۍ له لارې په ۶۹مېلیونه افغانیو پلورل شوې دي. دا په داسې حال کې ده، چې د دغو ګران بیه ډبرو بېساري پلور د افغان ولس شکونه راپارولي دي.
د بېځایه شویو نړۍوال سازمان د خپلو موندنو له مخې ادعا کړې، په هرات ولایت کې د موټر سوځېدنې د وروستۍ پېښې د قربانیانو شمېر له ۸۰ لوړ دی او یو شمېر پخواني پوځیان هم پهکې شامل دي چې د ایران له لوري په جبري توګه اېستل شوي وو.
حزبالله وسلهوالې ډلې یو وار بیا د لبنان حکومت ته د مقاومت د وسلو پر وړاندې د پرېکړې د پایلو په اړه خبرداری ورکړی دی. د لبنان په پارلمان کې د یادې ډلې استازي حسین حسن ویلي، چې حکومت باید د لبنان د ځواک بنسټ کمزوری نهکړي؛ بلکې د اسراییل د تېري پر وړاندې اقدام وکړي.
د خېبر پښتونخوا د چترال ولسوالۍ مدني فعالانو او سیاستوالو د پاکستان له مرکزي حکومت غوښتي، چې د افغان کډوالو د ستنېدنې لړۍ دې لږ تر لږه درې میاشتې نوره وځنډوي؛ څو دوی وکولای شي خپلې شخصي چارې، ملکیتونه او سوداګریز معاملات را غونډ کړي.
د اسراییل لومړي وزیر بنیامین نتنیاهو د اسټرالیا پر لومړي وزیر انتوني البانیزي توندې نیوکې کړې او هغه یې یو «کمزوری سیاستوال» بللی دی. البانیزي ویلي، چې هغه د اسراییل د لومړي وزیر بنیامین نتنیاهو لفظي بریدونه پر ځان نهاخلي او له هغه سره به ډېپلوماټیک چلند وکړي.
د برلین اداري محکمې د جرمني بهرنیو چارو وزارت ته خبرداری ورکړی، که یې هغو افغانانو ته چې لا له وړاندې یې په دغه هېواد کې د مېشتېدو ژمنې ترلاسه کړې ویزې ورنه کړي؛ نو درنې مالي جریمې به پرې ولګوي.
د ملګرو ملتونو سرمنشي انتونیو ګوترېش وايي، چې په غزې ښار کې د اسراییل نوي عملیات کولای شي د پراخې مرګ ژوبلې او ویجاړۍ لامل شي. هغه همداراز د یرغملشویو د سملاسي خوشې کېدو او په لوېدیځه غاړه کې د ناقانونه ښارګوټو د جوړونې پراختیا لپاره د اسراییل د پلان بندېدو غوښتنه کړې ده.
د پاکستان تحریک انصاف ګوند له لوري د پښتونخوا ملي عوامي ګوند مشر محمود خان اڅکزی د دغه هېواد په ولسي جرګه کې د شهباز شریف د حکومت لپاره د اپوزېسیون د رییس په توګه ټاکل شوی. د یاد ګوند چارواکو ویلي، چې اڅکزی د عمران خان په مستقیمه لارښوونه ټاکل شوی.
د خوست ولایت لږترلږه دوو سیمهییزو سرچینو افغانستان انټرنشنل-پښتو ته ویلي، چې ناڅرګندو وسلهوالو په دغه ولایت کې یو ځوان په ډزو وژلی دی. د سرچینو په وینا؛ د «بهارګل» په نوم ځوان نه دوه مېرمنې او ۱۰ ماشومان بېسرپرسته پاتې شوي دي.
د افغانستان د سیاسي او قونسلي استازولیو د همغږۍ شورا اعلان کړی، چې په هېواد کې پرلهپسې پېښېدونکی ناورین ښيي چې افغانستان پرته له یوه مشروع، ځواب ورکوونکي او ملي پروګرام لرونکي نظام نهشي کولای د خپلو وګړو ژوند خوندي کړي.
د ترکیې ولسمشر رجب طیب اردوغان او د روسیې ولسمشر ولادیمیر پوتین د ټېلیفون په کرښه د الاسکا سرمشریزې پایلو، سوداګریزو اړیکو او د دواړو هېوادونو د اړیکو په اړه خبرېاترې کړې دي.
د چین د بهرنیو چارو وزیر وانګ یي له پاکستان او طالبانو غوښتي، چې په امنیتي برخه کې ورسره درې اړخیزه همکارۍ لا پراخې کړي. نوموړي کابل ته له خپل سفر وروسته په یوې خبرپاڼه کې ویلي، چې غواړي خپلو ګاونډیانو سره امنیتي همکارۍ لا ټینګې کړي.
پولیټیکو راپور ورکړی، چې د امریکا د دفاع وزارت لوړپوړو چارواکو متحدینو ته ویلي چې واشنګټن به د اوکراین لپاره هر ډول امنیتي تضمینونو کې ډېر محدود رول ولوبوي.
د امریکا دولسمشر ډونالډ ټرمپ مرستیال «جی ډي ونس»فاکس نیوز ته ویلي، چې د اوکراین د امنیتي تضمینونو لویه برخه باید اروپايي هېوادونه پر غاړه واخلي.
د کرېکټ نړېوالې شورا په تازه درجه بندۍ کې د افغانستان کرېکټ دوه پياوړي لوبغاړي عظمت الله عمرزی او محمدنبي عیسی خېل د غوره الراونډراو په لیکه کې لومړی او دویم ځای ساتلی دی. دواړو افغان لوبغاړو په غبرګولي میاشت کې دغه مقامونه ترلاسه کړي.
د ملګرو ملتونو سرمنشي انتونیو ګوټرېش په خپل کلني راپور کې چې امنیت شورا ته وړاندې شوی، طالبان د ښځو او نجونو پر وړاندې د جنسي تاوتریخوالي په تور تورن کړي دي. هغه په طالبانو غږ کړی، چې سمدستي دې ټول هغه قوانین او پالیسۍ لغوه کړي چې د ښځو ازادي محدودوي.
د اسراییلي پوځ ویاند اعلان کړی، چې دوی د غزې ښار پر وړاندې د پلان شوي برید لومړیو پړاوونو ته داخل شوی او له حماس سره تر نښتو وروسته یې د دې ښار د شاوخوا سیمو کنټرول ترلاسه کړی دی.