ایراني چارواکو منلې، چې په امریکا کې ۵۵ نیول شوي ایراني کډوال بېرته خپل هېواد ته ستانه کړای شوي دي. دا د ایراني کډوالو دویمه ډله ده، چې په وروستیو میاشتو کې د ډونالډ ټرمپ ادارې د کډوالۍ تر سختو پالیسیو وروسته له امریکا نه اېستل کېږي.
په ننګرهار کې د طالبانو د صنعت او سوداګرۍ چارواکو د ایران قونسل مجيد رضا پناه سره په ناسته کې د ویزو د ورکړې پروسې پر چټکتیا او روڼتیا او د دواړو هېوادونو ترمنځ د اقتصادي همکاریو پر پیاوړتیا خبرې کړې دي.
د طالبانو تر واک لاندې د کډوالو ستونزو ته د رسېدنې عالي کمېسیون د سېشنبې په ورځ (د لېندۍ ۱۸مه) خبر ورکړی، د دوشنبې په ورځ له ایران او پاکستان نه ۳۲۰ کورنۍ چې ټولټال ۱۵۷۹ کسان کېږي؛ په جبري توګه افغانستان ته ستنې کړای شوې دي.
د خیبرپښتونخوا په کورمې ولسوالۍ کې وسلهوالو د امنیتي ځواکونو پر یوې پوستې برید کړی، چې په ترڅ کې یې شپږ پاکستاني ځواکونه وژل شوي دي. د خیبرپښتونخوا درېیو امنیتي چارواکو رویټرز ته د یادې پېښې پخلی کړی.
د طالبانو د لوړو زدهکړو وزیر ندامحمد ندیم د اسلامي ازاد پوهنتون له بنسټ اېښودونکي علیاکبر ولایتي سره په لیدنه کې د ایران او افغانستان ترمنځ د لوړو زدهکړو د همکارۍ پر پراختیا ټینګار کړی.
د خراسان رضوي ولایت د بهرنیو وګړو او کډوالو عمومي رییس جعفر سیدابادي ویلي، په دغه ولایت کې ۲۵ سلنه قانوني مېشت افغانان چې شاوخوا ۱۰۰زره کسان کېږي؛ د استوګنې جوازونو له پای ته رسېدو وروسته بېرته خپل هېواد ته ستانه شوي دي.
د افغانانو د کډوالۍ ملاتړ سازمان د افغان اېواک مشر شان وانډیور ویلي، د امریکا د ۲۰۲۶ مالي کال څخه د «دوامداره هرکلي قانون» حذفول د هغه زرګونه افغانانو لپاره لویې ستونزې رامنځته کوي چې لاهم امریکا ته د تګ په تمه دي.
د امریکا ولسمشر ډونالډ ټرمپ چین ته د نوېډیا شرکت H200 مصنوعي ځیرکتیا د چېپونو د پلور اجازه ورکړه. ټرمپ پر ټروټ خواله رسنۍ لیکلي، چې هغه د چین ولسمشر شي جېن پېنګ ته د دغه اقدام په اړه خبر ورکړی او نوموړي «مثبت ځواب ورکړی دی.»
یو افغان پناهغوښتونکی چې تېر کال یې د طالبانو د ګواښونو او ځورونې له امله امریکا ته پناه وړې، اوس پرته له کوم جرمه له امریکا نه د اېستلو له ګواښ سره مخ دی. د هغه وکیل وايي، یاد کس وروسته له هغې ونیول شو چې د یوې عادي اداري مراجعې لپاره نیویارک کې یوې دولتي ودانۍ ته ننوتی و.
د «ترهدهومس» سازمان لهخوا ترسره شوې یوه نوې څېړنه ښیي، چې په ترکیه کې مېشت افغان ځوانان د قانوني محدودیتونو او بشري مرستو د کمښت له امله د ژوند په بنسټیزو برخو کې له پراخو ستونزو سره مخامخ دي.
په سوډان کې پر یوه روغتون او ښوونځي برید کې د ۶۳ ماشومانو په ګډون ۱۱۴ کسان وژل شوي دي. د روغتیا نړۍوال سازمان مشر ټېډروس اډانوم غیبریوس په سوډان کې پر یوه ښوونځي او روغتون برید غندلی او دا یې «ظالمانه کړنه» بللې ده.
د افغانستان د فوټبال فدراسیون اعلان کړی، چې د هېواد د فوټسال ملي لوبډله به د ۱۴۰۴کال د لېندۍ له ۱۷مې د مرغومې تر ۲مې نېټې پورې د پنځه ورځني روزنیز کمپ لپاره کویټ ته سفر وکړي.
د امریکا د فلوریډا ایالت والي ران دسانتیس د یوه اجرايي فرمان په صادرولو سره په فلوریډا ایالت کې د اخوانالمسلمین او د امریکا- اسلامي اړیکو شورا (CAIR) د بهرنیو ترهګریزو سازمانونو په توګه اعلان کړل.
په ننګرهار کې د ټيپبال کرېکټ سوپرلیګ څلورم پړاو سیالۍ د دوشنبې په ورځ (د لیندۍ ۱۷مه) د کټهپور لوبډلې په اتلولۍ سره پای ته ورسېدې. دغه سیالۍ ۲۰ ورځې مخکې پیل شوې وې.
د جرمني د فدرالي پولیسو نوی راپور ښيي، د هغو نویو راغلو سوریایي او افغان کډوالو ونډه چې لا تر اوسه نهدي منل شوي، په جرمونو په ځانګړي ډول د تاوتریخوالي او وژنې په جرمنو کې د المانیانو پرتله لوړه ده.
د ننګرهار په شيخ مصري صنعتي ښارګوتي کې د يوه افغان پانګهوال په دوه ميليونه امريکايي ډالرو پانګونې سره د «المعيار»په نوم د تېلي نباتاتو د پروسس او غوړيو توليدي فابريکې فعاليت پيل کړ. دغه فابريکه په ۲۴ساعتونو کې د دوه سوه ټُنه نباتاتو د پروسس وړتيا لري او ترې تېل او غوړي تولیدېږي.
د ایران د اقتصاد وزیر علي مدنيزاده ویلي، چې د ایران اقتصادي وضعیت ښه نه دی او دوی ته په تېرو شپږو میاشتو کې د دغه هېواد اداره کول خورا ګران او سخت کار و.
طالبانو له ۲۰۰۱ تر ۲۰۲۱ کال پورې د جمهوري نظام او بهرنیو ځواکونو پر وړاندې په لاس له جوړو شویو بوشکهيي ماینونو ډېره استفاده کوله او اوس د ماین پاکۍ موسسې تر ډېره د دغو بوشکهيي (زېړو بوشکه) ماینونو پر موندلو او شنډولو بوخت دي.
د امریکا له حکومت سره تړلې «له وخته وړاندې د قحطۍ شبکې» وېبپاڼه ښيي، چې سږکال په افغانستان کې د باران موسم له نورمال کچې څخه کم باران، د تودوخې لوړې کچې او د خاورې د ټیټ رطوبت سره پیل شوی دی.
د سوریې د پخواني ولسمشر بشار الاسد د حکومت له نسکورېدو یو کال وروسته هم د هغه د واکمنۍ پرمهال د تري تم شویو لسګونو زرو بندیانو د کورنیو پلټنې بېځوابه پاتې دي.
د طالبانو د عامې روغتیا وزارت د خوړو او درملو مرستیال حمدالله زاهد په هېواد کې د درملو د سترو تولیدي فابریکو له مسوولینو سره لیدنه کې وویل، پر وارداتو تکیه کول هېواد محتاج ساتي، خو پر کورنیو تولیداتو تکیه کول بیا اقتصادي خپلواکي رامنځته کوي.