د طالبانو تر واک لاندې د المپیک ملي کمېټې رییس احمدالله وثیق وایي، د کورش نړیوال فدراسیون د مشرتابه غړی امید جان رستموف د دودیزې غېږ نیونې سیالۍ لپاره کابل ته رسېدلی دی. د نوموړي په وینا، ۴۶ نور بهرني لوبغاړي هم کابل ته رسېدلي دي.
د طالبانو د کورنیو چارو وزارت وايي چې ددغه وزارت له نشه یي توکو سره د مبارزې مرستیال عبدالرحمن منیر ازبکستان هیواد ته د خپل سفر په لړ کې د یاد هېواد د کورنیو چارو له وزیر عزیز تاشپولادویچ سره لیدلي.
هغه خلک «لیوني» دي چې د نوښت، ټېکنالوژۍ او بدلون نوې کیسې لیکل غواړي!. له مصنوعي ځیرکتیا ونیسه تر چاپېریال ساتنې پورې په «غېرضروري» چارو کې وختونه بربادوي. هوښېاران، د انسانیت او په ځانګړې توګه د پښتون ولس اصلي غمخواران د یوسفزيو د نوې جوړې شوې نړیوالې جرګې مشران دي.
په کابل کې ځايي سرچینو افغانستان انټرنشنل ته وویل، چې نن سې شنبه طالبانو د کابل د پلچرخې عالي لیسې د اسلامیاتو ښوونکی مولوي عبدالقدیم له څو زده کوونکو سره یوځای نیولي دي. تېره ورځ افغانستان انټرنشنل د عبدالقدیم ویډيو خپره کړه، چې له یو زده کوونکي سره له تاوتریخوالي ډک چلند کوي.
د عبدالله عبدالله پخواني ویاند مجیبالرحمان رحیمي ویلي چې پاکستان د خپلو اوسنیو پولو سره په رسمیت پېژني او ټینګار یې کړی چې له اسلام اباد سره باید هېڅ ډول سرحدي شخړه موجوده نه وي.
د سوریې لنډمهاله ولسمشر احمد شرع د خلیج هېوادونو ته په سفر کې د سې شنبې په ورځ سعودي عربستان ته رسېدلی. د سوریې خبري اژانس د راپور له مخې، نوموړی به د سعودي عربستان له ولیعهد محمد بن سلمان سره لیدنه او خبرې وکړي.
ناټو د سېشنبې په ورځ د روسیې او چین د اټومي وسلو پر تګلارو نیوکه وکړه او ویې ویل، چې دوی نن له داسې روسیې سره مخ دي، چې د مهمو وسلو د کنټرول له ټولو تړونونو وتلې ده. ناټو ویلي، چې «روسیې د وسلو د کنټرول مهمو ژمنو ته درناوی نه دی کړی».
د روسیې د بهرنیو چارو وزیر سرګي لاوروف په مسکو کې د ګډ امنیت تړون سازمان د پارلماني جرګې غونډې ته وویل چې په افغانستان او شاوخوا سیمو کې بېثباتي جدي اندېښمنوونکې ده. هغه زیاته کړه، چې د ترهګرۍ او نشه يي توکو پر ضد جګړه دوام لري او باید لا ډېر پام ورته وشي.
د طالبانو د اطلاعاتو او کلتور وزارت وايي، چې په تېر ۱۴۰۴ کال کې د کابل، ننګرهار، بلخ، سمنګان، جوزجان، فاریاب او کندهار ولایتونو ۱۹ زره کسانو ته د فریلانس کار، کمپیوټر، انګلیسي ژبې، ګرافیک ډیزاین، پروګرامینګ او د موبایل او کمپیوټر ترمیم په برخو کې زده کړې ورکړل شوې دي.
د طالبانو د چاپېریال ساتنې ادارې ریییس مولوي مطیعالحق خالص د یوه پلاوي په مشرۍ د ۲۰۲۶ کال د سیمهییزې ایکولوژۍ په سرمشریزه غونډه کې د ګډون په موخه قزاقستان ته ولاړ.
د طالبانو د بهرنیو چارو وزارت یوه چارواکي ویلي چې له امریکا سره د اړیکو د بیا پیل امکان شته، خو په افغانستان کې د امریکایي ځواکونو بیا حضور په کلکه ردوي. نوموړي ویلي، چې دوی پر ایران د امریکا او اسراییل د پوځي برید ملاتړ نه کوي، خو پر نورو هېوادونو د ایران بریدونه هم ناسم بولي.
د طالبانو د پېښو پر وړاندې د مبارزې ادارې ویلي، چې د ماین پاکۍ موسسو د روان ۱۴۰۵ لمریز کال په وري میاشت کې ټولټال ۹،۹ کیلومتره مربع ځمکه له ماینونو او ناچاوده توکو څخه پاکه کړې ده.
د طالبانو د هرات والي رسنیز دفتر وايي، چې دا مهال په دغه ولایت کې له ۴۰۰۰ څخه زیاتې معیاري شنې خونې فعالې دي. د یاد دفتر په وینا، له دې لارې د کال په مختلفو فصلونو کې د هرات ولایت د سبزیجاتو په برخه کې د بازار شاوخوا ۹۰ سلنه اړتیاوې پوره کیږي.
د حزب وحدت مردم افغانستان ګوند مشر محمد محقق په تازه څرګندونو کې پر خپلو سیاسي منتقدینو نیوکې کړې او ویلي یې دي چې د هېواد د خاورې د پلورنې تورونه ناسم دي او باید د تېرو تاریخي پرېکړو مسوولیت پر دوی وانچول شي.
په بروکسل کې دیپلوماتیکو سرچینو ویلي، تمه ده چې په راتلونکو اونیو کې د طالبانو د یوه پلاوي او د اروپایي اتحادیې ترمنځ افغانستان ته د افغان پناه غوښتونکو د ایستلو په اړه خبرې وشي. دغه پلاوی د دوبي له را رسېدو وړاندې بروکسل ته بلل کیږي.
د افغانستان د پخواني ولسمشر مرستیال محمد سرور دانش وايي چې د فدرالي نظام مخالفان د دغه سیاسي جوړښت په اړه ناسم نظر لري. هغه د انورالحق احدي پر څرګندونو نیوکه وکړه او ویې ویل چې فدرالي نظام په افغانستان کې د قومي تنوع او د واک عادلانه ویش لپاره یو اغیزناک حل کېدای شي.
د اسیا په کچه د بدني ښکلا اتل زمری ځلاند چې درې ورځې وړاندې یې د خپلو اقتصادي ستونزو له کبله د اتلولۍ ستاینلیکونه او مډالونه د پلور لپاره بازار ته وړاندې کړي وو، طالبانو نیولی. سرچینې وایي، نوموړی تېره ورځ طالبانو خبرو ته اړ اېستی او په زور یې ترې د اقرار ويډیو اخیستې ده.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ (د وري ۳۱مه) ۱۰۰۴ کډوالې کورنۍ چې ټولټال ۵زره او ۳۸۵ کسان کېږي؛ له ایران او پاکستان نه افغانستان ته ستنې شوې دي.
د ملګرو ملتونو د ماشومانو ملاتړ صندوق (یونېسف) د خپل ۲۰۲۵کال په راپور کې ویلي، چې له ۲۰ مېلیونه زیاتو خلکو او ۵.۶ مېلیونه ماشومانو د یونېسف د ملاتړو روغتيايي مرکزونو له لارې لومړني روغتيايي خدمتونه ترلاسه کړي دي.
د طالبانو د کورنیو چارو وزارت ویلي، د دوی د عامه امن پولیسو ریاست ځواکونو کابل ښار ته د ۴۱۸بېاسناده موټرو د ننوتلو مخه نیولې ده. د یاد ریاست په وینا؛ دغه موټر د پولیسو د لومړي او دویم کنډک له لوري د ارغندي او سنګنوشته په دروازو کې درول شوي او بېرته خپلو اصلي سیمو ته لېږل شوي.
د کوټې په قادرياباد سیمه کې د افغان کډوالو له پرېښېدو وروسته دغه پنډغالی اوس په کنډواله اوښتی او دامهال لږ شمېر کورنۍ پهکې مېشتې دي. له دغه پنډغالي تر ۶زره ډېرې کورنۍ وتلې او افغانستان ته ستنې شوې دي. ځایي اوسېدونکي وايي، ژوند تر پخوا ناکراره شوی دی.