په کاناډا کې یوازې په تېرې جولای میاشت کې تر ۴۰زره ډېرو کسانو خپلې دندې له لاسه ورکړې دي او په تېرو اتو میاشتو کې یې د استخدام کچه خورا ټیټه شوې ده. د دغه بېکارۍ لامل پر کاناډايي محصولاتو د امریکا لهخوا د تعرفو لوړوالی ښودل شوی دی.
د ملګرو ملتونو د استوګنې اداره (UN-Habitat) وايي، افغانستان په بېسارې توګه د کډوالو د جبري ستنولو له کړکېچ سره مخامخ دی او تر نیمايي زیات د ستنېدونکو کسانو عمرونه تر ۱۸ کالو کم دي.
په افغانستان کې د ښځو د نیونو، ځپنو او پر وړاندې یې د پراخو بندیزونو سره هممهاله؛ د طالبانو د امر بالمعروف، نهې عن المنکر او شکایتونو اورېدو وزارت وایي، چې د دغه وزارت محتسبینو د هرات ولایت په ادرسکن ولسوالۍ کې د یوې ۱۱ کلنې نجلۍ د جبري نکاح مخه نیولې ده.
د امریکا مرکزي استخباراتو یا سيایاې پخوانۍ ماموره سارا اډمز وایي، چې حبيبي تېر کال طالبانو القاعده شبکې ته سپارلی او اوس تر سختو شکنجو لاندې دی. هغه وایي، د امريکايي چارواکو دغه خبره ناسمه ده چې د هغه په اړه هیڅ معلومات نهلري.
د پاکستان د پلازمینې اسلاماباد په افغان مېشتو ښارګوټو کې د پولیسو له لوري د افغانانو د نیولو لړۍ بیا زور اخیستی. دې سره جوخت په اسلاماباد کې افغان کډوال شکایت کوي، چې اوسمهال په دغه ښار کې د افغانانو نیونه پولیسو ته د عاید سرچینه ګرځېدلې.
د امریکا مرستیال ولسمشر جې ډي وېنس د جمعې په ورځ د برېتانیا د بهرنیو چارو وزیر ډېوېډ لامي سره د لیدنې پر مهال ویلي، امریکا او برېتانیا د غزې په اړه د نظر اختلاف لري؛ خو دواړه هېوادونه د دغه کړکېچ حل غواړي.
د پاکستان د بهرنیو چارو وزارت د طالبانو د اوبو او برېښنا وزیر عبداللطیف منصور د وروستیو څرګندونو په اړه وايي، چې اسلاماباد په افغانستان کې د یوه پیاوړي حکومت غوښتونکی دی او په دې تړاو منفي څرګندونې بېبنسټه دي.
د یونان په ځنګلونو کې د بادونو او تېزو سېلیو له امله د پلازمېنې ایتنز له سوېل لوېدیځو څنډو څخه تر اولمپیا ځنګلونو پورې اورلګېدنه غځېدلې، چې له امله یې لږ تر لږه یو کس مړ شوی، ګڼ کورونه او کرنیزې ځمکې سوځېدلې دي.
د روسیې ولسمشر ولادیمیر پوتین د جمعې په ورځ د چین، هند او پخواني شوروي اتحاد د درېیو هېوادونو له مشرانو سره ټیلیفوني خبرې کړې او په دې خبرو کې یې له امریکا سره د خپلو راتلونکو خبرو او د اوکراین د جګړې په اړه معلومات شریک کړي دي.
د اسراییل امنیتي کابینې په غزه کې د پراخو عملیاتو او همداراز د غزې د لاندې کولو طرحه تصویب کړې وه، خو له پراخو نړۍوالو غبرګونونو وروسته د اسراییل لومړي وزیر نتنیاهو ویلي دي چې غزه نه نیسي بلکې د حماس له ولکې یې ازادوي.
د نړيوالو څېړونکو یوې ډلې، چې ډېری یې بریتانوي څېړونکي دي، موندنې ښيې هغه کسان چې په اونۍ کې لږ تر لږه درې ځله په غوړو کې سور شوي کچالو خوري د دویم ډول شکرې ناروغۍ له ۲۰ سلنې زیات خطر سره مخ کېږي. دا څېړنه دا هم ښيې چې پاخه او په اوبو کې جوش شوي کچالو دا ډول خطر نه لري.
د سعودي عربستان پاچا، ترکیې او اروپايي ټولنې د امریکا په منځګړیتوب د ارمنستان او اذربایجان تر منځ د سولې هوکړې له اعلانه هرکلی کړی، او په دې برخه کې یې د امریکا د ولسمشر رول ستایلی دی.
د سعودي عربستان د بهرنیو چارو وزیر شهزاده فیصل بن فرحان له خپل ترکي سیال هاکان فېدان، جرمني سیال یوهان وادفول، فرانسوي سیال ژان نوېل بارو او مصري سیال بدر عبدالعاطي سره په جلا جلا ټيلفوني اړیکو کې په غزه کې پر وروستي وضعیت او همداراز د امنیتي او انساني پایلو په تړاو خبرې کړي دي.
د استرالیا، جرمني، ایټالیا، نوي زیلاند او بریټانیا بهرنیو چارو وزیرانو په یوې ګډې اعلامیې کې په غزه کې د پراخو عملیاتو په تړاو د اسراییل د امنیتي کابینې پرېکړه په کلکه رد کړه.
د امریکا ولسمشر ډونالډ ټرمپ وايي، چې د روسیې له ولسمشر ولادیمير پوتین سره به د راتلونکې جمعې په ورځ په الاسکا کې وګوري. نوموړي پوتین ته د اوکراین سره د اوربند د منلو لپاره نېټه ټاکلې وه.
د افغان ښځو د سیاسي مشارکت شبکې په افغانستان کې د جمهوري نظام د رانسکورېدو او د طالبانو د بیا واکمنېدو د څلورمې کلیزې په درشل کې د ۲۰۲۱ کال د اګست ۱۵مه د هېواد په تاریخ کې یوه توره او شومه ورځ بللې، او وایي چې افغان ولس طالبان خپل استازي نه ګڼي.
د امریکا ولسمشر ډونالډ ټرمپ په منځګړیتوب د اذربایجان او ارمنستان تر منځ د سولې تړون لاسلیک شو. ټرمپ ویلي، دواړه هېوادونه به اوس د جګړې پر ځای سوداګرۍ او اقتصادي همکاریو ته لومړیتوب ورکوي.
د پاکستان بهرنیو چارو وزارت ویاند «شفقت علي خان» وایي چې اسلام اباد ته د طالبانو د بهرنیو چارو وزیر امیر خان متقي د سفر پر نېټې لا تراوسه هوکړه نده شوې، خو کار پرې روان دی.
د ایران دولت ویاندې فاطمې مهاجراني پر خپله اېکس پاڼه لیکلي، چې دوی ځان د خبریالانو د ازادۍ، امنیت او عزت د ملاتړ مسول ګڼي. هغې په ایران کې د خبریالانو د هڅو ستاینه کړې.
بخښنې نړیوال سازمان د اسراییل د امنیتي کابینې هغه تازه پرېکړه غندلې،چې له مخې یې پلان لري د غزې ښار بشپړ کنټرول ترلاسه کړي. دغه سازمان دا پرېکړه «ظالمانه، کرکچنه او د نړیوالو قوانینو خلاف» بللې او د هغې د سمدستي لغوه کېدو غوښتنه یې کړې ده.
د طالبانودټرانسپورټ او هوايي چلند وزارت تازه اعلان کړی، چې له دې وروسته به د سړک او لوی لارو د ټرانسپورټ فیسونه یا حقالزحمه په برېښنايي ډول راټولېږي. دغه وزارت وايي، د نغدو پیسو اخیستل بند شوي او دا نوی بهیر یې په کابل کې د یو منظم بانکي سیسټم له لارې پیل کړی دی.