آرشیف

د ملګرو ملتونو د کډوالو عالي کمیشنرۍ له پاکستان څخه غوښتي، د هغو افغانانو چې د کډوالۍ کارتونه(پي او ار) لري ستنول ودروي او د دې کارتونو د اعتبار موده تمدید کړي.

دا چې طالبان واک ته د رسېدو د څلورم کال په درشل کې دي، د افغانستان لپاره د بریټانیا ځانګړي استازي ریچارډ لینډسي، د بشري حقونو د وضعیت په تړاو مهمه بدلون اعلان کړې او ټینګار یې کړی چې اوس د هغو کسانو د حساب ورکولو وخت رارسېدلی، چې په افغانستان کې یې بشري حقونه تر پښو لاندې کړي.

په داسې حال کې چې طالبان لا هم پر نجونو د زده‌کړو سخت بندیزونه لګولي، د دې ډلې د کورنیو چارو وزیر سراج‌الدین حقاني له یوه ذکاوت لرونکي اووه کلن افغان ماشوم سمیع‌الله سره ځانګړې لیدنه کړې، او هغه یې په نغدو پیسو او ډالیو نازولی دی.

د افغانستان د سولې لپاره د امریکا پخواني ځانګړي استازي زلمي خلیلزاد په زندان کې د پاکستان د پخواني لومړي وزیر عمران خان د دویمې کلیزې په تړاو ویلي: «دا د پاکستان او هغو کسانو لپاره یوه غمجنه او خواشینوونکې ورځ ده چې د قانون پر حاکمیت باور لري.»

د خوست د نادرشاه کوټ ولسوالۍ اړوند د نوي کوټ کلي کروندګر او بزګران وايي، د امونو ازمايښتي کښت غوره پایله ورکړې ده. د دوی په خبره، دغه کښت یې د نوې تجربې په توګه پیل کړ او تر دوامداره هڅو، پاملرنې او منظمو اوبو لګونې وروسته یې مثبته نتیجه ورکړې.

دا چې زرګونه افغان کډوال د سختو شرایطو، جبري اېستلو او بې‌وسۍ سره مخ دي، د طالبانو د کډوالو او بېرته راستېدونکو چارو وزارت وایي، چې د یاد وزارت وزیر مولوي عبدالکبیر د کډوالو نړۍوال سازمان «ای او اېم » له مشر «محمد عبدیکر» او مل پلاوي سره کتلي دي.

د طالبانو د امربالمعروف وزارت ویاند د «الحادي افکارو» د خپرولو په تور د کابل پوهنتون د شپږو محصلینو د نیولو خبر ورکړ. سېف الاسلام خېبر وايي، چې دغه کسان د فکري انحراف د ښکاره نښو له کبله تر څار لاندې و او د شواهدو وروسته نیول شوي دي.

دوو عراقي پانګوالو د طالبانو د اوبو او انرژۍ وزارت سرپرست ته د برېښنا د تولید لپاره یوه داسې نوې دستګاه معرفي کړه، چې په دې وروستیو کې د هغوی له لورې اختراع شوې او د برېښنا د تولید لپاره سرچینو ته اړتیا نه لري.

د «فریډم نو» په نوم د بشري حقونو موسسې مشره زبیده اکبر وایي، چې طالبان د افغانستان خلکو ته د خدمت لپاره هېڅ نیت او اراده نه لري او دوی د نړۍوالو بشردوستانه مرستو په وړاندې تر ټولو لوی خنډ دي.

د طالبانو د صنعت او سوداګرۍ وزارت سرپرست نورالدین عزیزي د سې شنبې په ورځ (د زمري ۱۴مه) د ۱۲ هېوادونو له دیني عالمانو، سوداګرو او پانګوالو وغوښتل، چې په افغانستان کې پانګونې وکړي.

د طالبانو سترې محکمې په کابل او میدان وردګ ولایتونو کې نن سې شنبه (د زمري ۱۴مه) ۱۰ کسان له لسو تر ۳۹ دُرو ووهل او ځينې یې تر ۱۸ میاشتو پر تنفیذي بند محکوم کړل.

د ملګرو ملتونو د بشري حقونو ځانګړي راپور ورکوونکي ریچارډ بېنېټ په خپله وروستۍ وینا کې ټینګار کړی، چې د افغانستان اوسنی وضعیت باید د تل‌پاتې واقعیت په توګه ونه منل شي او طالبان به هم د تل لپاره واکمن پاتې نه شي.

په بامیان کې طالب چارواکو د پنجاب ولسوالۍ د رشک په سیمه کې د ځينو کورنیو په زور اېستل او د زورواکو کوچیانو له خوا د ځمکو د غصب راپورونه رد کړي دي. طالبانو ویلي، چې په سیمه کې د کلیوالو او کوچیانو ترمنځ د ځمکې پر سر اوږده شخړه یې عدلي ادارو ته سپارلې او کوچیانو قضیه ګټلې ده.

د تاتارستان د لومړي وزیر مرستیال د سې شنبې په ورځ (د زمري ۱۴مه) د طالبانو د اوبو او انرژۍ وزارت له سرپرست عبداللطیف منصور سره په کتنه کې وویل، هېواد یې له افغانستان سره د اوبو او انرژۍ په پروژو کې همکاریو ته تیار دی.

د اسلامي جمهوري نظام له پرځېدو وروسته، افغانې ښځې له بې‌ساري تاوتریخوالي، بندیزونو او محدودیتونو سره مخ شوې. طالبان چې د ۲۰۲۱م کال د اګسټ په ۱۵ نېټه بیا په غېر مشروع ډول واک ته ورسېدل، د ټول‌ګډونه حکومت او د ښځو د حقونو ژمنې یې وکړې، خو عملي ګامونه یې له دغو ژمنو سره په ټکر کې و.

د طالبانو د صنعت او سوداګرۍ وزارت مرستیال احمد الله زاهد د افغانستان لپاره د اروپايي ټولنې د شارژدافیرې رونیکا بوسکوویچ پوهار سره ولیدل ترڅو د اړیکو پراخولو او له هېوادونو سره د سوداګرۍ پراختیا په اړه بحث وکړي. نوموړي د سوداکرۍ په نړیوال سازمان کې د غړیتوب غوښتنه وکړه.

د خېبرپښتونخوا د حکومت تر مشرۍ لاندې، د کشمیر د استحصال پر ضد نن د پېښور په مرکزي سیمو کې یو ستر لاریون ترسره شو، چې پکې د بېلابېلو ټولنیزو، سیاسي او تعلیمي قشرونو ګڼ شمېر کسانو ګډون کړی و.

د طالبانو د عامې روغتیا وزارت وايي د یاد وزارت د روغتیايي خدمتونو وړاندې کولو مرستیال مولوي عبدالولي حقاني د بېل ګیټس بنسټ له استازو سره ناسته کړې. په دې ناسته کې نوموړي د بېل کېسټ بنسټ له استازو د پولیسو واکسین په برخه کې د لا زیاتې همکارۍ غوښتنه وکړه.

د لندن یو شمېر مېشتو فرهنګیانو د کابل پوهنتون پخوانی استاد لعل پاچا ازمون د هغه د کړو کارونو له امله وستایه. د غونډې جوړوونکي وايي چې په یاده نمانځغونډه کې یې د کونړ زلزله ځپلو لپاره مرسته هم راټوله کړې ده.

د زوریخ «تاگس‌ انتسایګر» سویسي ورځپاڼې لیکلي،چې طالبان د هغو افغان کډوالود اېستلو په لار کې چې جرمي سابقه لري، خنډونه جوړوي، ترڅو لوېدیځ هېوادونه په ځانګړي ډول لکه جرمني، دې ته اړ کړي چې له دوی سره مستقیم تعامل وکړي.

د بلخ پوهنتون لپاره د طالبانو د پخواني رییس مولوي ضیاالحق ضیا کریمي د جنسي اړیکو یوه ویډیو په ټولنیزو رسنیو کې خپره شوې. په دې ویډیو کې ښکاري چې یوه ځوانه نجلۍ د کریمي د خوب له تخت لاندې راوځي، خو نوموړی ادعا کوي چې دغه نجلۍ یوازې د مرستې لپاره ورغلې وه.