د پاکستان د جمعیت علمای اسلام (ف) ګوند مشر مولانا فضلالرحمان وايي، چې له طالبانو سره د ښو اړیکو جوړول د پاکستان د حکومت مسوولیت دی، نه د شخصي ګوندونو یا ډلو. هغه دا څرګندونې د پښتونخوا په چارسده ولسوالۍ کې د یوې خبري غونډې پر مهال کړې دي.
د پاکستان حکومت د دوشنبې په ورځ د زیات شمېر افغانانو ویزې له دې امله لغوه کړي، چې له یوې میاشتې زیات وخت په سیسټم کې پاتې شوې وې. بل پلو افغان کډوال وایي، چې حکومت د وېزو تمدید بند کړی وو ځکه یې ویزې له یوې میاشتې زیات وخت په سیسټم کې پاتې وې.
د امریکا د خوړو او درملو ادارې (اېف ډي اې) د فایزر (کومیرناټي) او مودرنا (سپایکوېکس) واکسینونو د معلوماتي پاڼې په تازه شوي متن کې د زړه د عضلې او شاوخوا پردې د التهاب (مایوکارډایټس او پیریکارډایټس) د نادر، خو احتمالي خطر په اړه خبرداری ورکړی دی.
د روسیې پارلماني غړي لیونید سلوڅکي ویلي، که ډونالډ ټرمپ غواړي د اوکراین جګړه ختمه کړي، باید خپلې سختې خبرې د روسیې پر ځای د کییف پر رژیم متمرکزې کړي. هغه دا څرګندونې وروسته له هغې وکړې، چې ټرمپ د روسیې او د هغې د شریکانو پر ضد د بندیزونو ګواښ وکړ.
په کابل کې د کتاب فسټیوال د پرانیستې په مراسمو کې د ملګرو ملتونو ځانګړې استازې رزا اوتونبایوا په هېواد کې د زده کړو وضعیت په اړه ژوره اندېښنه څرګنده کړې او ویلي یې دي، چې یوازې شل سلنه ښځې او پنځوس سلنه نارینه د لیک لوست وړتیا لري.
یو ۵۳ کلن افغاني الاصله ډنمارکي وګړی چې ایران ته د جاسوسۍ په شک په ډنمارک کې نیول شوی و، د دوشنبې په سهار د المان پولیسو ته وسپارل شو. د راپورونو له مخې، دغه کس هڅه کوله چې د برلین ښار کې د یهودي ټولنې پورې اړوند کسانو او ځایونو په اړه معلومات راټول کړي.
د امریکا ولسمشر ډونالډ ټرمپ د فدرالي ریزرف بانک پر مشر سختې نیوکې کړي او هغه یې «بې کفایته او احمق» بللی، ځکه چې د سود کچه یې تر ۱ سلنې یا تر هغې را کمه کړې نه ده.
په متحده ایالاتو کې د افغان کډوالو لپاره د "موقتي خوندیتوب حالت" (TPS) موده نن پای ته ورسېده. د دې پرېکړې له امله، زرګونه افغانان چې له طالبانو تښتېدلي وو، اوس د جبري اېستل کېدو له ګواښ سره مخ دي.
د افغانستان د پخواني جمهوري نظام د چارو ادارې مشر فضل محمود فضلي وایي، افغاني ټولنه د خپل معاصر تاریخ په اوږدو کې تل یوازې هغه سیاسي حرکتونه زغملې او ورته یې وده ورکړې، چې د ولس له غوښتنو او ارزښتونو راوتلې وي.
د پښتون ژغورنې غورځنګ مشر منظور احمد پښتین ویلي، چې د خېبرپښتونخوا حکومت، پولیس، او انتظامیه نه یوازې د پښتنو پر وړاندې ظلمونو ته چوپ پاتې دي، بلکې د قربانیانو پر ځای له هغو کسانو سره بد چلند کوي، چې د حق غږ پورته کوي.
پر افغانستان د طالبانو له واکمنېدو وروسته په هېواد کې پر ښځو لګېدلو پراخو بندیزونو د هغوی رواني روغتیا له جدي ګواښونو سره مخ کړی دی. له زدهکړو، کار، ورزش او تفریح څخه محرومې شوې ښځې ځانونه زندانیان احساسوي او د ځوانو نجونو ترمنځ د ځانوژنې هڅې ورځ تر بلې ډېرېږي.
مشهور حماسي شاعر مطیعالله تراب د زړه د ناڅاپي حملې له امله وفات شو. نوموړي د وطندوستۍ، مبارزې او ملي احساس په شاعرۍ کې ځانګړی نوم درلود.
د افغانستان په تېر جمهوري نظام کې د کورنیو چارو وزیر مسعود اندرابي وایي، چې د روسیې له لوري له طالبانو سره د اړیکو پراخېدل باید یوازې د ډیپلوماسۍ له زاویې ونهکتل شي، بلکې دا بهیر د سیمهییز امنیت د یوې ژورې اندېښنې په رڼا کې درک شي.
د امریکا د ماساچوسټس ایالت په فالس ریور ښار کې د سپینږیرو د ساتنې په یوه مرکز کې د یکشنبې په شپه اور لګېدنه شوې، چې له امله یې لږ تر لږه ۹ تنه مړه او تر ۳۰ زیات ژوبل شوي دي.
د افغانستان لپاره د متحده ایالاتو له خوا د ۵۰۰ میلیونه ډالرو بشري مرستو بندېدل، د هېواد نازک حالت لا پسې کړکېچن کړی دی. د دې پرېکړې له امله په روغتیايي خدمتونو او د خوړو خوندیتوب کې د پام وړ کمښت راغلی دی.
ملګري ملتونه وايي، چې ښايي سږکال تر درې میلیونو ډېر افغان کډوال له ګاونډیو هېوادونو بېرته افغانستان ته راوګرځي او دا یو داسې حالت دی، چې د هېواد نازک بشري وضعیت به له لا ګواښ سره مخ کړي.
د اروپايي اتحاديې د سوداګرۍ وزیرانو د دوشنبې په ورځ په بروکسل کې د يوې ناستې پر مهال د امريکا د ولسمشر ډونالډ ټرمپ له خوا پر اروپايي وارداتو د ۳۰ سلنه تعرفو اعلان "په بشپړه توګه د نه منلو وړ" وباله.
د امریکا ولسمشر ډونالډ ټرمپ اعلان وکړ، چې اروپايي هېوادونه به له امريکا څخه پرمختللي وسلې په ځانګړي ډول د هوايي دفاع سیسټمونه واخلي او اوکراين ته به یې واستوي.
په بلخ ولایت کې د طالبانو د عامې روغتیا ریاست د معلوماتو له مخې، د تېر یوه کال په موده کې د ابوعلي سینا بلخي حوزوي او تدريسي روغتون له خوا ۴۳،۷۷۶ وړیا جراحي عملیات ترسره شوي دي.
د امریکا د سنا د بهرنیو اړیکو کمیټې ډیموکراټانو د دوشنبې په ورځ په یوه راپور کې وویل، چین د امریکا د ولسمشر د پالیسۍ له امله رامنځته شوې خلاوې ډکوي او په نړیواله کچه خپل نفوذپراخوي خو امریکا بیا په نړۍواله کچه خپل حضور راکموي.
د امریکا ولسمشر ډونالډ ټرمپ ګواښ کړی چې که له روسیې سره د اوکراین د جګړې د ختمېدو لپاره د ۵۰ ورځو دننه کومه موافقه ونه شي، پر مسکو به "ډېرې ډېرې سختې" ګمرکي تعرفې ولګوي. نوموړي وویل چې له روسیې سخت ناخوښه دی.