د ایران د بهرنیو اتباعو او کډوالو چارو مرکز رییس یاراحمدي وايي، د افغان وګړو د مهاجرت د کنټرول د طرحې په لومړي پړاو کې ټاکل شوې چې ۵۰ سلنه کډوال په ایران کې پاتې شي څو په راتلونکو پړاوونو کې د مهاجرتونو د ښه مدیریت زمینه برابره شي.
د اسراییل د لومړي وزیر بنیامین نتنیاهو دفتر اعلان وکړ، چې له امنیتي مشورو وروسته نتنیاهو پوځي څانګو ته امر وکړ چې سمدستي په غزه کې ځواکمن بریدونه ترسره کړي.
مقدمه اته کاله د وزیر او اوس په اروپا کې د افغان سفیر په توګه دنده ترسره کوم او له نړیوالې ټولنې سره مې مستقیم تعامل درلود. په دې برخه کې مې زدهکړې کړې او د نړیوال سیاست ژوره پېژندګلوي لرم. ما په دې بهیر کې ولیدل چې د نړیوالې دیپلوماسۍ د لوري ټاکونکي اصول اوس په ژور بدلون کې دي.
د خیبر پښتونخوا اسمبلۍ د حکومت او اپوزیسیون غړو د دغه ایالت د امنیتي وضعیت، له افغانستان سره د اړیکو د ترینګلتیا او د ترهګرۍ زیاتېدو په تړاو د یو ټولګوندیز کنفرانس د جوړېدو غوښتنه کړې ده.
په ترکیه کې د طالبانو او پاکستان تر منځ خبرې تر اوسه بې نتیجې دي او د خبرو له فضا نه د دواړو خواوو روایت متفاوت او تاوتریخجن دی. د پاکستان اصلي غوښتنه د ډیورنډ کرښې اوږدو کې د ټي ټي پي او نورو جنګیالیو د حضور په تړاو ده، خو طالبان د ټي ټي پي مدیریت د اسلام اباد داخلي مساله بولي.
طالبانو په خوست ولایت کې د صنعتي پارک د جوړېدو چارې د يو لړ مراسمو په ترڅ کې پيل کړې. د خوست د صنعت او معادن اطاق مشر ګل زالي جانان زوی وايي چې دا مهال په خوست کې نږدې ۱۵۰ فابريکې فعاله دي او د نوي صنعتي پارک په جوړېدو سره به تر ۲۰۰ فابريکې په منظم ډول ځای پر ځای شي.
نن د افغانستان او پاکستان تر منځ په استانبول کې د خبرو اترو څلورمه ورځ ده، خو لاهم د یادو خبرو کومه نتیجه نه ده راوتلې او د خبرو د جزئیاتو په اړه معلومات هم رسنیو ته نه دي رسېدلي. هغه څه چې په رسنیو کې خپاره شوي، زیاتره د ژورنالیستانو او څېړونکو د اټکلونو او تحلیلونو پر بنسټ دي.
په واشنګټن کې د پاکستان پخواني سفیر حسین حقاني ویلي، چې نه د افغان طالبانو ملاتړ پرېکړه سمه وه، او نه به له هغوی سره بېځایه دښمني او مخالفت د پاکستان په ګټه تمام شي. د حقاني په وینا، ګاونډیان نه شي بدلیدلی او له هغوی سره د ګډې لارې ټاکل هوښیارۍ او تدبیر ته اړتیا لري.
د طالبانو د لوړو زده کړو وزیر ندا محمد ندیم د پوهنتون زده کړیالانو ته په خطاب کې ویلي، چې خپل وخت ته ارزښت ورکړي او زیار وباسي. ندیم همدراز، د علم پر ارزښت ټينګار کړی دی او په دې برخه کې یې د توجو غوښتنه کړې ده.
د طالبانو تر واک لاندې د ننګرهار وادې کرنيز دولتي شرکت د ثمر خېلو د کبانو روزنې په فارم کې تازه څلور ډوله کبان روزلي، چې ۹ ټنه به يې ډېر ژر بازار ته په وړ بيه عرضه شي. د شرکت د تخنيکي چارو ریيس حکمت الله معروف وايي چې په ثمر خېلو کې په ۳۷ جريبه ځمکه ۴۷ د کبانو روزنې ډنډونه لري.
د پخواني جمهوري نظام د دفاع سرپرست وزیر شاه محمود میاخیل ویلي، چې پاکستان اوس له هماغه سختدریځۍ او ترهګرۍ سره مخ دی، چې کلونه یې خپله روزلې او د هغې له لارې یې له نړیوالې ټولنې مرستې ترلاسه کړې دي.
د طالبانو صنعت او سوداګرۍ وزارت وايي، د قزاقستان په شیمکنت ښار کې د افغان–قزاق ګډې سوداګریزې ناستې په ترڅ کې د دواړو هېوادونو د خصوصي سکتور ترمنځ د ۳۶۰ میلیونه ډالرو په ارزښت ۱۵ جلا هوکړه لیکونه لاسلیک شوي، چې موخه یې د اقتصادي همکاریو پراختیا او ګډو پانګونو ته وده ورکول دي.
د پنجاب سر وزیره مریم نواز وايي، په دغه ایالت کې هېڅوک حق نه لري بهرنیانو، په ځانګړي ډول بېاسنادو افغان کډوالو ته، کورونه په کرایه ورکړي. مریم نواز خبرداری ورکړی، که هر پاکستانی دا کار وکړي، نو پر ضد به یې د جرم قضیه ثبت او قانوني اقدام به وشي.
د ایران ولسمشر د ایکو سازمان د څلورمې سرمشریزې په څنډه کې د پاکستان د کورنیو چارو وزیر محسن نقوي سره لیدنه کې د کابل او اسلام اباد ترمنځ د اختلافاتو د حل لپاره چمتووالی ښودلی دی. بزشکیان ټینګار کړی، چې اوس تر بل هر وخت زیات، مسلمان هېوادونه اړتیا لري چې یووالی او ورورګلوي وساتي.
د امریکا ولسمشر ډونالډ ټرمپ ویلي، چې د جاپان لپاره یې د ایف-۳۵ جنګي الوتکو د توغندیو لومړۍ بسته تایید کړې او دا به د ټاکل شوي وخت نه مخکې، همدا اوونۍ جاپان ته ورسېږي.
د طالبانو کورنیو چارو وزیر سراج الدین حقاني ته نږدې کس او د هغه مرستیال محمد نبي عمري په خوست کې یوې غونډې ته ویلي، که کوم هېواد د افغانستان حریم نقض کړي نو له سخت غبرګون سره به مخ شي. هغه زیاته کړې:«داسې هڅې کېږي، چې یوځل بیا د نورو په اشارو جګړه پر مونږ وتپل شي.»
د تېر جمهوري نظام پر مهال د چارو ادارې مشر فضل محمود فضلي، د تحریک طالبان پاکستان (ټيټيپي) موضوع د پاکستان د پوځ او ملکي ادارو یوه کورنۍ او داخلي مسله بللې ده.
د قزاقستان په شیمکنت ښار کې د طالبانو د صنعت او تجارت وزیر نورالدین عزیزي او د قزاقستان د صدراعظم مرستیال ژومان ګارین، د ملي اقتصاد وزیر او د دې هېواد د نورو سیمهییزو مسوولینو او د دواړو هېوادونو سوداګرو په شتون کې د افغاني تولیداتو او محصولاتو نندارتون پرانیستل شو.
په کابل کې د ملګرو ملتونو مرستندوی ماموریت (یوناما) په خپل تازه درېمیاشتني راپور کې ویلي، چې د ۲۰۲۵ کال د جولای څخه تر سپتمبر پورې په افغانستان کې د طالبانو لخوا د بشري حقونو سرغړونې لا زیاتې شوې دي.
د افغانستان د پخواني ولسمشر لومړي مرستیال ویلي چې د ترکیې په استانبول ښار کې د طالبانو د پخوانیو کویټې او پېښور شوراګانو او د پاکستان د پوځ ترمنځ خبرې اترې له بنبست سره مخ شوې دي.
د طالبانو د لومړۍ واکمنۍ پر مهال په پاکستان کې د دې ډلې پخوانی سفیر عبدالسلام ضعیف وايي ، پاکستان د ترکیې په استانبول ښار کې مذاکرات ناکام کړل او میدان یې پرېښود. خو نوموړی زیاتوي چې دوی به بالاخره مذاکراتو ته بیرته راګرځي.