د ازبکستان د بهرنیو چارو وزیر بختیار سعیدوف په دغه هېواد کې د طالبانو له سفیر سره په کتنه کې د دوه اړخیزو مسایلو په تړاو خبرې کړې دي. بختیار سعیدوف وايي په دې کتنه کې یې له سیمه ییزو مسایلو سربېره د سیمې په سوداګریز بهیر کې د افغانستان د یو ځای کیدو پر اهمیت هم ټينګار کړی دی.
د افغانستان د خبریالانو مرکز په خپل تازه راپور کې ویلي، چې د ۲۰۲۵ کال په لومړینو شپږ میاشتو کې د طالبانو له خوا د رسنیو او خبریالانو له ازادۍ څخه د سرغړونې ۱۴۰ پېښې یې ثبت کړې دي، چې د تېر کال د ورته مودې په پرتله شاوخوا ۵۶ سلنه زیاتوالی پکې راغلی.
د بریتانیا د بهرنیو چارو وزارت د جرمونونړیوالې محکمې له لوري د طالبانو د مشر او قاضيالقضات د نیولو د حکم هرکلی کړی دی. د دې وزارت یوه ویاند افغانستان انترنشنل ته ویلي، لندن د افغانستان د خلکو ترڅنګ ولاړ دی او د طالبانو لخوا له ښځو او نجونو سره د کرکجن چلند کلک مخالفت کوي.
د افغانستان پخواني ولسمشر حامد کرزي د عوامي نېشنل ګوند د عالمانو څانګې د مشر او پښتون ملتپال سیاستوال مولانا خانزېب د وژنې له امله د خواشینۍ له څرګندولو سربېره یې یاده پېښه په کلکه غندلې ده.
په داسې حال کې چې افغان نجونې لا هم ښوونځي ته د تګ اجازه نهلري او ښځې له کار او عامه ژوند نه محرومې شوې دي، روسیې طالبان په رسمیت پېژندلي؛ یوه داسې پرېکړه چې نه یوازې یوه «ځپونکي رژیم» ته نړۍوال مشروعیت ورکوي، بلکې د مېلیونونو ښځو او نجونو له هیلو سره لوبه ده.
د افغانستان لپاره د پاکستان استازي محمد صادق او د ایران استازي محمد رضا بهرامي په یوې انلاین غونډه کې د سیمې د امنیت تر څنګ دواړو یو بل سره د ترهګرۍ ګډې اندېښنې شریکې کړې دي.
د ترکیې سمندري ځواکونو د چاناککلا ولایت د ایواجیک ولسوالۍ په اوبو کې د ۱۶ماشومانو په ګډون ۳۸ ناقانونه افغان کډوال او یو ایرانی وګړی ژغورلي دي. د ترکیې دولت اړوند اناډولو خبري اژانس وايي، چې دا کسان د ډوبېدو له ګواښ سره مخ وو.
سوېلي وزیرستان کې ځایي خبریالان وایي، چې په واڼه سیمه کې د جمعې لمانځه ته زرګونه کسان راټول شوي او غواړي په خپله سیمه کې د نا امنۍ خلاف غږ پورته کړي. د دغه لاریون یوه بله موخه د کانونو د ناقانونه کېندنو مخنیوی او د انګور اډې لارې پرانېستل بلل شوي.
په امریکا کې د سرو زرو بیې وروسته له هغې لوړې شوې، چې ولسمشر ډونالډ پر کاناډا تازه ۳۵سلنه ګمرکي تعرفې اعلان کړې او د خپلو نورو سوداګریزو شریکانو پر وړاندې یې هم د پراخو تعرفو لګولو تازه خبرداری ورکړ.
د خېبر پښتونخوا ایالت د خېبر یو شمېر اوسېدونکو افغانستان انټرنشنل ته ویلي، چې نن به د دې ولسوالۍ اوسېدونکي په باړه سیمه کې د نا امنۍ خلاف لویه اعتراضیه غونډه وکړي. سرچینو ویلي، د سیمې ټول جوماتونه نن تړلي دي او د جمعې لمونځ په ګډه د غونډې ځای کې کېږي.
د قزاقستان قزاقمېز بارلاو شرکت افغانستان د سیاسي او امنیتي ننګونو سره، سره د ځمکې لاندې زېرمو په برخه کې یوه هیلهلرونکې سیمه بولي. دغه شرکت چې په منځنۍ اسیا کې د جیولوژیکي اکتشافاتو په برخه کې کار کوي، د افغانستان د کاني ظرفیت لومړنۍ ارزونه پیل کړې ده.
د طالبانو د بهرنیو چارو وزارت وایي، چې د دغه وزارت لپاره د دوی وزیر امیرخان متقي د قزاقستان د بهرنیو چارو له وزیر مرات نورتلیو سره د سياسي تفاهم پر پراختیا خبرې کړې دي.
د ملګرو ملتونو اړوند د بندیزونو څارونکو ویلي، دوی سږ کال داسې هېڅ شواهد نه دي موندلي چې له القاعده شبکې سره د سوریې د اوسني حکومت اړیکې په ډاګه کړي. دغه مالومات په یو ناچاپ شوي راپور کې ځای پر ځای شوي دي.
د واشګنټن او بېجینګ ترمنځ د مخ پر زیاتېدونکي اقتصادي کړکېچ په لړ کې د امریکا د بهرنیو چارو وزیر مارکو روبیو به د جمعې په ورځ په کوالالمپور کې د چین د بهرنیو چارو له وزیر وانګ یي سره وګوري.
د خېبرپښتونخوا په شمالي وزیرستان کې ولسونو د یوې لویې جرګې په ترڅ کې پر ملکیانو د پاکستاني پوځ بریدونه او له خپلو سیمو د هغوی جبري اېستل غندلي دي. پښتنو ولسونو ملکیانو ته زیان رسول له بشري حقونو سرغړونه بللې ده.
په بدخشان کې د طالبانو امنیې قوماندانۍ خبر ورکړی، چې تېره شپه د دې ولایت د تشکان او کشم ولسوالۍ ترمنځ پر لاره له یوه پل څخه د موټرو لوېدو پېښه کې پنځه تنه مړه شوي دي. په پېښه کې یوه ناوې، زوم او یو ماشوم هم مړه شوي دي.
د برېښنايي موټرو مشهور شرکت ټسلا اعلان کړی، چې راتلونکې اونۍ به د هندوستان په ممبۍ ښار کې خپل لومړنی پلورنځی پرانېزي او له دې سره به په یاد هېواد کې د پلور چارې پیل کړي. د پرانېستل کېدو لپاره نېټه (د جولای ۱۵مه) ښوول شوې ده.
بېټکوېن او نورې ډیجیټلي پیسې د یو شمېر افغان مېرمنو لپاره په ځانګړي ډول د طالبانو د ځپونکې واکمنۍ پر مهال، د اقتصادي خپلواکۍ او د هغوی د حقونو د دفاع یوه وسیله ګرځېدلې ده.
د امریکا ولسمشر ډونالډ ټرمپ او د اسراییل لومړي وزیر بنیامین نتنیاهو ترمنځ په واشنګټن کې له وروستۍ لیدنې راهیسې په غزه کې ۹۵ فلسطینیان وژل شوي دي. دا په داسې حال کې ده، چې حماس له اسراییل سره د اوربند لپاره چمتووالی ښودلی.
د جاپان حکومت د ملګرو ملتونو د ماشومانو وجهي صندوق یا یونېسف ته په افغانستان کې د پولیو د لهمنځه وړلو او د واکسیناسیون د پیاوړتیا لپاره ۵ مېلیونه ډالر مرسته کړې ده. دا مرسته د جاپان د نړۍوالې همکارۍ ادارې (JICA) له لارې شوې ده.
قاضي: ته خو مسلمان يې، په دې نه يې خبر چې زنا حرامه ده؟