د طالبانو له پېښو سره د مبارزې چمتووالي ادارې رييس نورالدین ترابي د سولیډریټي انټرنشنل موسسې له رييسې مرچولن کترن باس سره په کتنه کې وویل، په کابل کې زیات کډوال مېشت دي او لا هم مرستو او په ځانګړي ډول نغدو پیسو ته اړتیا لري.
کابل کې د ترکیې شارژدافیر سادین اییلدیز وايي، د چاپېریال ساتنې برخه کې نړۍوال د افغانستان پوروړي دي، ځکه افغانستان د اقلیمي بدلون له ناوړه اغېزو څخه ډېر زیانمن دی. دا په داسې حال کې ده، چې د طالبانو له بیا واکمنېدو وروسته د چاپېریال ساتنې اړوندې نړۍوالې پروژې په ټپه درېدلي دي.
د «طالبانو بېرته راستنېدل» کتاب لیکوال او نامتو څېړونکی ډاکټر حسن عباس باور لري، چې د طالبانو او اسلاماباد ترمنځ جګړه کولای شي د پاکستان سرچینې کمې کړي، پانګوال ووېروي، داخلي درزونه ژور کړي او په پایله کې پاکستان ته زیان ورسوي.
له اسلاماباده خپرېدونکې ډان ورځپاڼې د پاکستان د يوه لوړپوړي امنيتي چارواکي له قوله ليکلي، چې هېواد یې د «غضبللحق» عملياتو د پای ته رسولو لپاره بېړه نهلري او په افغانستان کې دننه د وسلهوالو پر پټنځايونو خپلو بريدونو ته به دوام ورکړي.
د اتلانتیک شورا لوړپوړی څېړونکی مایکل کوګلمن وايي، د ایران د جګړې له پیلېدو سره په منځني ختیځ کې د نښتو پراخېدل د اسلاماباد او طالبانو په تاوان تمامېدای شي، د هغوی اختلافات نور هم ژور کولی شي او د سیمې ثبات ته پراخ ګواښونه پېښوي.
په کابل کې د روسیې سفارت وايي، چې پاول دمچنکو هغه روسي وګړی چې په افغانستان کې د طالبانو لهخوا نیول شوی و، خوشې شوی دی. د روسیې د دولتي خبري اژانس «ټاس» په حواله، دمچنکو په ننګرهار کې د جاسوسۍ په تور نیول شوی و او بیا کابل ته لېږدول شوی و.
د هند دفاع وزیر راجنات سینګ وايي، د پاکستان پر ضد د هند «سندور» عملیات لا هم نهدي درول شوي او همداراز یې پاکستان ته خبرداری ورکړی، که دغه هېواد د هند پر وړاندې له خپلو ناسمو چلندونو لاس وانخلي، دا ځل به داسې ځواب ورکړي چې نړۍ به یې ننداره کوي.
د افغانستان او پاکستان د واکمنو اړیکې د وروستیو لسیزو تر ټولو خطرناک پړاو ته رسېدلې دي. دواړه لوري له ۲۰۲۶ کال راهیسې په هغه پوځي کړکېچ کې ښکېل دي چې پاکستان یې «پرانیستی جنګ» بولي او طالبان یې «ځوابي عملیات» ګڼي.
د امرالله صالح په مشرۍ زرغون بهیر وايي، چې پاکستان د طالبانو پر وړاندې څو اړخیزه تګلاره تعقیبوي او د دې ډلې له مخالفو ځواکونو سره د طالبانو د حاکمیت تر سقوط وروسته دورې د ترتیباتو په اړه مشورې کوي.
د طالبانو ویاند مرستیال وايي، چې د طالبانو د ریاست الوزرا رییس دفتر ملا عبدالواسع د افغانستان لپاره د بریتانیا ځانګړي استازي سره انلاین ناسته کړې ده. ریچرډ لینډزي ویلي چې «جنګ د حل لاره نه ده، نو ښه به وي چې منځګړي هیوادونه لاس په کار او ستونزې د خبرو له لارې حل شي.»
د کابل په ګډون د یو شمیر ولایتونو اوسېدونکي وايي، چې پر ایران د امریکا او اسراییل له بریدونو او د طالبانو او پاکستان ترمنځ روانې جګړې وروسته د ډالرو په مقابل کې د افغانۍ ارزښت کم شوی په بازار کې د ی شمېر خوراکي توکو بیې لوړې شوې دي.
د طالبانو د بهرنیو چارو وزارت وايي، چې د بهرنیو چارو وزیر امیرخان متقي د ایران د بهرنیو چارو وزیر عباس عراقچي سره په ټیلیفوني خبرو کې پر ایران د امریکا او اسراییل بریدونه وغندل او د خامنه يي د وژل کېدو په اړه ېې د ایران ولس او حکومت سره خواخوږي وښوده.
د افغانستان د رسنیو ملاتړ سازمان (امسو) وایي، د طالبانو او پاکستان ترمنځ نښتو او همداراز پر ایران د اسراییل او امریکا وروستیو بریدونو په سیمه کې امنیتي وضعیت ترینګلی کړی چې مستقیم اغېز یې په ګاونډیو هېوادونو کې پر مېشتو افغان خبریالانو او د رسنیو په کارکوونکو پرېوتی دی.
په کابل کې د طالبانو امنیه قوماندانۍ وايي، شپږ هغه حرفوي غله یې نیولي چې د سرو زرو له هټیو به یې خلک څارل او بیا به یې سره زر ترې غلا کول. طالبانو ویلي، چې له دغه کسانو سره یې سره زر او دوه موټرسایکلونه هم نیولي دي.
له «پولیو پاک افغانستان» سازمان وايي، چې د دوشنبې په ورځ (د کب ۱۱مه) د فاریاب او بادغیس ولایتونو په یو شمېر ولسوالیو کې د ګوزڼ ضد واکسینو کمپاین پیل شوی دی.
په جوزجان کې د طالبانو د امنیه قوماندانۍ ویاند عبدالستار حلیمي وایي، چې تېره شپه د جوزجان-سرپل پر لویه لار د دوو کوچنیو موټرونو د ټکر له کبله ۴ کسه مړه او ۵ نور ټپیان شوي دي. نوموړي ویلي، چې په مړو او ټپیانو کې ښځې او ماشومان هم شامل دي.
د طالبانو د ټولګټو چارو وزارت ویاند محمداشرف حق شناس وايي، د روان ۱۴۰۴کال په تېرو ۱۱ میاشتو کې د تېرکال د ورته مودې پرتله د اوسپنې پټلۍ له لارې په انتقالاتو کې ۳۳.۳ سلنه زیاتوالی راغلی. نوموړي زیاته کړې، چې په همدې موده کې یې بېلابېلو هېوادونو ته ۷۱زره ټنه سوداګریز توکي صادر کړي.
د طالبانو د اطلاعاتو او فرهنګ وزارت د لرغون پېژندنې اداره وايي، چې ۱۵۶ تاريخي اثار یې تر ترمیم، پاک کولو او ثبت وروسته له مرکزي لابراتوار څخه ملي موزیم ته لېږدولي دي. یادې ادارې زیاته کړې، چې په دغه اثارو کې کتیبې، جامونه او له خټينو ډبرو جوړ شوي وسایل شامل دي.
د طالبانو اړوند المرصاد رسنۍ وایي، د خیبرپښتونخوا د اورکزیو ولسوالۍ په تورکاڼي او نریک سیمه کې تېره شپه د داعش ډلې پر ضد ځانګړي عملیات ترسره شوي چې په پایله کې یې د یادې ډلې د دوو مهمو قوماندانانو حاجي عبدالرحمن (ابو ناصر) او فاروقي ملا په ګډون نهه غړي وژل شوي دي.
د سيایاې پخوانۍ ماموره سارا اډمز وایي، د مارچ په لومړۍ نېټه د شپې له پیل څخه تر دویمې نېټې پورې پاکستان په پنجشېر ولایت کې د طالبانو د ځانګړو ځواکونو په مرکز هوایي بریدونه کړي.
د خېبر پښتونخوا ځایي چارواکي وایي، د یاد ایالت په بېلابېلو سیمو کې د بېاسناده افغانانو پر ضد عملیات پراخ شوي چې په ترڅ کې یې لسګونه افغانان نیول شوي او یو شمېر د تورخم له لارې افغانستان ته لېږدول شوي دي.