آرشیف

د کندوز په امام صاحب ولسوالۍ کې د ۶۵ چاپ‌اندازانو په ګډون د وزلوبې سیالۍ ترسره شوې. په دغو سیالیو کې د کوربه چاپ‌اندازانو سربېره، د تخار ولایت لوبغاړو هم برخه اخیستې وه.

د طالبانو د اقتصاد وزارت د ثبت شویو معلوماتو له‌مخې، په ۲۰۲۵ زېږدیز کال کې د نړۍوالې ټولنې له‌خوا د افغانستان بېلابېلو برخو ته نږدې یو میلیارد او نهه میلیونه ډالره ځانګړې شوې دي.

د نایجیریا د دفاع وزارت ویاند ویلي چې د یادې ډلې پر ضد د مبارزې د عملیاتو د پراخولو لپاره شاوخوا ۱۰۰نور امریکایي سرتېري نایجیریا ته رسېدلي دي. د امریکا ولسمشر ډونالډ ټرمپ پر نایجیریايي چارواکو تور پورې کړی چې ددغه هېواد په شمال لوېدیځ کې د میشتو عیسویانو په ساتنه کې پاتې راغلي.

رویټرز د یوه امریکایي چارواکي له قوله لیکلي، چې له ایراني پلاوي سره په مذاکراتو کې پرمختګ شوی، خو لا هم ډېر جزیات پاتې دي چې باید وڅېړل شي.

د طالبانو د معیار او کیفیت ادارې اعلان کړی، چې د کورنیو تولیداتو د کیفیت لوړولو او د هغوی د سیالۍ وړتیا پیاوړي کولو بهیر یې په ډېر جدیت پیل کړی دی. دغه اداره وایي، په کابل کې یې پر تولیدي شرکتونو او فابریکو منظمه او پرېکنده څارنه روانه ساتلې ده.

د عمان د بهرنیو چارو وزیر بدر البوسعیدي، چې د ایران او امریکا ترمنځ د اټومي مذاکراتو منځګړی دی، وایي، د دواړو هېوادونو ترمنځ د خبرو اترو دویم پړاو د ګډو موخو او تخنیکي مسایلو په پېژندنه کې له «ښه پرمختګ» سره پای ته رسېدلی.

د امریکا سویلي قوماندانۍ د سې شنبې په ورځ وویل چې په ختیز ارام سمندر او کارابین سمندر کې یې پر بېړیو درې جلا بریدونه کړي، چې په پایله کې یې ۱۱ کسان وژل شوي دي. د امریکا پوځ د معلوماتو له مخې، په لومړي برید کې څلور کسان، په دویم کې هم څلور کسان او په درېیم کې درې کسان وژل شوي دي.

په افغانستان کې د ملګرو ملتونو مرستندویه پلاوي(یوناما) ویلي، روژه د یووالي، تفکر، مینې او سولې میاشت ده او ملګري ملتونه په دې مبارکو شېبو کې د افغانستان له خلکو سره اوږه په اوږه ولاړ دي.

د ایران د بهرنیو چارو وزیر سید عباس عراقچی په جینوا کې د بې‌وسلې کولو په کنفرانس کې ویلي چې د ایران د اټومي انرژۍ د کارولو پر حق مذاکره د منلو وړ نه ده او تهران به له خپلو حقوقو پر شا نه شي.

د روغتیا نړېوال سازمان ( ډبلیو ایچ او) تازه راپور ښیي چې د هېواد په ختیزو او جنوب ختیزو ولایتونو کې میلیونونه کسان د ملاریا له جدي ګواښ سره مخ دي. دا په داسې حال کې ده، چې افغانستان لا هم له ګڼو روغتیايي او اقلیمي ننګونو سره مخ دی.

د سعودي عربستان د میاشتې لیدو کمېټې اعلان وکړ، چې میاشت یې لیدلې او سبا د چارشنبې په وځ، د فبروري ۱۸مه، د روژې لومړۍ ورځ ده.

په کندهار کې ځایي سرچینو افغانستان انټرنشنل - پښتو ته ویلي، چې په دغه ولایت کې د طالبانو د امر بالمعروف ریاست افغان ممثل او د ټولنیزو رسنیو فعال عبدالله ابدالي د طالبانو پر جزایي اصولنامې د نیوکې له امله احضار کړی او بښنې غوښتلو ته یې اړ اېستی دی.

طالبانو اعلان کړی چې د روژې میاشتې د رارسېدو په درناوي او له ټولو هېوادونو سره د مثبتو اړیکو د پالیسۍ په چوکاټ کې یې درې پاکستاني نظامیان ازاد کړي دي. د طالبانو ویاند ذبیح‌الله مجاهد ویلي چې دغه پرېکړه د سعودي عربستان د غوښتنې په ځواب کې شوې ده.

د طالبانو د دولتي شرکتونو اداره وایي، چې د یادې ادارې مشر احمدجان بلال او ورسره مل پلاوي، بېلاروس ته د خپل سفر پر مهال له بېلاروسي چارواکو سره د اقتصادي او تخنیکي همکاریو د پراختیا په اړه خبرې اترې کړې دي.

سرچینو افغانستان انټرنشنل ته ویلي چې د فراه ولایت په میل ۷۸ سیمه کې د ګمرک د ځینو کارګرانو اعتراض په تاوتریخوالي اوښتی. د معلوماتو له مخې، طالبانو د معترضانو د خورولو لپاره ډزې کړې دي. د ځايي خلکو په وینا، په دې پېښه کې څو تنه ټپیان شوي هم دي.

اريانا افغان هوايي شرکت وایي چې د اريانا-افغان شرکت د ریيس ملا بخت الرحمن شرافت په مشرۍ یې له دوو بهرنیو شرکتونو سره د یوې ایرباس او یوې بوینګ الوتکې د پېرلو په تړاو خبرې کړې دي.

د طالبانو د مخابراتو او معلوماتي ټېکنالوژۍ وزیر وايي، چې فساد په ادارو او سیسټم کې ننوتلی او بې برکتي یې راوستې ده. نوموړي د متخصصو ډاکټرانو د فراغت په غونډه کې وویل، چې چې ډاکټران د ښځو لپاره محرم دي او دا صلاحیت هم ډاکټر لري، چې له «ښځې جامې وباسي او هر ځای ته یې لاس ور وړي».

د طالبانو مشر ملا هبت‌الله اخوندزاده وایي، د علماوو د شرعي حکمونو په اطاعت ټول امت او امیران مکلف دي. د هغه په وینا، «د اسلامي نظام بقا، بریالیتوب او ساتنه په دیني علم پورې اړه لري او د اسلامي نظام مهم مسوولیت دیني علم ته ترقي ورکول دي، چې دیني علم خپور او نشر شي».

د بشري حقونو د څار نړیوال بنسټ وایي، چې متحده ایالاتو له سوریې نه شاوخوا ۵۷۰۰بندیان عراق ته لېږدولي، چې هلته د جبري ورکېدو، شکنجې، ناوړه چلند، غیرعادلانه محاکمو او حتا د ژوند د حق د نقض له جدي ګواښونو سره مخ دي.

د ایران ستر مذهبي مشر علي خامنه‌يي ویلي، چې امریکا د ایران اسلامي جمهوریت د له منځه وړلو توان نه لري او د دغه هېواد نظام د ولس په ملاتړ ولاړ دی. خامنه یي سیمې ته ورغلې امریکایۍ بېړۍ خطرناکې بللې دي، خو وايي، تر دې هغه وسلې خطرناکې دي، چې دغه بېړۍ د سمندر تل ته غورځولی شي.

په قرغیزستان کې د طالبانو سفارت وایي، چې د دوی سفیر عبدالشکور حقاني د دغه هېواد لپاره د ازبکستان له سفیر سید اکرم فرهادوویچ سره لیدلي او د دوه‌اړخیزو اړیکو او اقتصادي همکاریو پر پراختیا یې خبرې اترې کړې دي.