د امریکا ولسمشر ډونالډ ټرمپ وایي، چې افغانستان د څو نورو هېوادونو ترڅنګ اوس هم د نشهيي توکو د تولید او قاچاقو مرکز دی. ټرمپ کانګرس ته په خپله کلنۍ بیانیه کې ویلي، چې د طالبانو ځینې غړي اوس هم د نشهيي توکو په کاروبار کې لاس لري او له دې لارې ګټه ترلاسه کوي.
د ډونالډ ټرمپ ادارې تازه اعلان کړی، چې په راتلونکي مالي کال کې یې په دغه هېواد کې د تور پوستو او قبایلي ښوونیزو مرکزونو او پوهنتونونو لپاره ۵۰۰ مېلیونه ډالره اضافي بودجه ځانګړې کړې ده.
د ۲۰۲۵کال د اسیا جام په شل اوریزو سیالیو کې افغانستان خپله دویمه لوبه نن له بنګله دېش سره کوي. دغه لوبه به نن سېشنبه د افغانستان په وخت د ماښام په ۷:۳۰ بجو په ابوظبي کې پیل شي.
د طالبانو د افغاني سرې میاشتې ټولنې مرستیال حافظ عزیز الرحمان په افغانستان کې د سره صلیب له مشرې کترینا ریتز او د ملي ټولنو نړۍوال فدراسیون پلاوي سره لیدلي دي. د یادې ټولنې په خبرپاڼه کې راغلي، چې په دغه لیدنه کې سره صلیب ورسره د همکارۍ ژمنه کړې ده.
د امریکا د بهرنیو چارو وزارت اعلان کړی، چې د تازه پرېکړې له مخې به یې له دې وروسته د پوځي وسایلو او د پرمختللو بېپیلوټه الوتکو په صادراتو کې اساني راشي.
د ایران د خراسان رضوي مرستیال والي امیرالله شمقدري وایي، که څه هم د ایران په پوله د بېاسناده افغانانو تېرېدلو هڅې ګړندۍ شوې دي؛ خو دغه هېواد ته د هغو بېاسناده افغانانو تګ صفر ته رسېدلی، چې له ایران نه اېستل شوي دي.
په بغلان ولایت کې د طالبانو د کرنې، اوبو لګولو او مالدارۍ ریاست مسوولینو ویلي، چې په بغلان، کندوز او تخار ولایتونو کې یې ۱۶زره مټریک ټنه غنم راټول او د بېړنیو حالاتو لپاره زېرمه کړي دي.
د پاکستان په لاهور ښار کې مېشتو ځینو افغانانو افغانستان انټرنشنل پښتو ته د ویډیو په لېږلو سره ویلي، چې پاکستاني پولیسو دوی د پاسپورټونو او ویزو په لرلو سره نیولي دي.
د کندهار ولایت لپاره د طالبانو برېښنا ریاست د برېښنا د دوامداره پرچاویو په تړاو له پرلهپسې شکایتونو وروسته ویلي، اوسمهال په کجکي بند کې د اوبو سطحه ډېره ټیټه شوې او نور نه شي کولای چې کندهار ښار ته د اړتیا وړ برېښنا برابره کړي.
د جرمني د سوسیال ډېموکرات ګوند عمومي منشي ټیم کلوسندورف چې د فریدرېښ مېرڅ د اېتلافي حکومت شریک دی، وایي چې دغه ګوند د هغو افغان کډوالو د بېرته لېږلو ملاتړ کوي چې جرمي سابقه لري، خو له طالبانو سره مستقیمې خبرې د منلو وړ نه دي.
د پاکستان پخوانی بندي لومړی وزیر عمران خان وايي، په پاکستان کې د پوځ مشرۍ ته د عاصم منیر له رسېدو وروسته له افغانستان سره په قصدي توګه اړیکې خرابېږي، څو لوېدیځوالو ته ځان «ژغورنکی» وښيي.
د امریکا ولسمشر ډونالډ ټرمپ د حماس له لوري د انساني سپر په توګه له یرغمل شویو کسانو څخه استفاده ظلم او بېرحمي بولي.
د «ولت» ورځپاڼې د دولتي محرمو راپورونو پر بنسټ لیکلي، د جرمني حکومت پر دې پوهېږي چې په پاکستان او په ځانګړې توګه په اسلام اباد کې د سلګونه منل شویو افغانانو وضعیت ډېر خراب دی.
د طالبانو تر کنټرول لاندې د چاپېریال ساتنې ملي اداره او د ټرافیک ریاست د کابل ښار په شاوخوا سیمو کې د لوګي خپرونکو ۷۰ موټر ارزولي او له یاد شمېر څخه یې ۳۵ موټر ضبط کړي دي.
طالبانو په کندوز ولایت کې ۲ کسان د دوی پر ضد د «منفي تبلیغاتو» او «ناسمو» ویډیوګانو د جوړولو او همدارنګه د «نامشروع اړیکو او غلا» په تور د یوې ښځې په ګډون ۶ کسان نیولي دي.
د مقاومت په نوم د طالبانو مخالفې جبهې ادعا کړې، چې د بغلان په ګذرګاه نور ولسوالۍ کې یې تېره شپه (د وږي ۲۳مه) له طالبانو سره په مخامخ جګړه کې ۲ طالبان وژلي او یو بل یې ټپي کړی دی.
د پاکستان ډان ورځپاڼې په یوې خپرې شوې مقاله کې ویلي، چې د طالبانو او پاکستان اړیکې د ترینګلتیا تر ټولو ټیټې کچې ته رسېدلې دي. د اختلاف اصلي ټکی د اسلاماباد امنیتي اندېښنې دي چې د تحریک طالبان پاکستان «ټيټيپي» د فعالیتونو سره تړاو لري.
د نیمروز ولایت لپاره د طالبانو د والي مرستیال تورجان احمدي د دغه ولایت د تېلو واردونکو سوداګرو سره په کتنه کې ویلي، هغه تېل چې د بندرونو په دروازو کې د پخوانیو مشخصاتو له مخې ولاړ دي او نورمونه یې پوره نه دي، د مرکز له پرېکړې سره سم باید مسترد شي.
د چین د بهرنیو چارو وزارت اعلان کړی، چې د افغانستان لپاره د دې هېواد ځانګړي استازي یو شیایویونګ د ازبکستان د ولسمشر له ځانګړي استازي عصمتالله ارګاشف او د تاجکستان د بهرنیو چارو وزارت له ځانګړي استازي خسرو صاحبزاده سره د افغانستان په تړاو ځانګړې کتنې کړې دي.
د قطر امیر تمیم بن حمد ال ثاني په دوحه کې د اسلامي هېوادونو د مشرانو د بېړنۍ غونډې په پیل کې پر قطر د اسراییل برید «خاینانه او بزدلانه» وباله.
د ننګرهار ولایت لپاره د طالبانو د امنیه قومندانۍ ویاند وايي، د دغه ولایت د سره رود ولسوالۍ په مربوطاتو کې یوې ۲۶ کلنې ښځې د کورني تاوتریخوالي له امله ځان زندۍ کړی دی.