د طالبانو د اوبو او انرژۍ وزیر عبداللطیف منصور د ازبکستان د انرژۍ له وزیر جورابېک میرزا محمدوف سره د انرژۍ سکتور په برخه کې د متقابلو اقتصادي ګټو، تخنیکي همکاریو او دوامداره اړیکو په پیاوړتیا خبرې کړې دي.
د اسراییل پوځ وایي، چې تېر ماښام ناوخته یې له یمن څخه د دغه هېواد پر لور د حوثيانو توغول شوی توغندی شنډ کړی دی. د رویټر د راپور له مخې، د یمن حوثیانو، چې ویل کیږي د ایران له ملاتړه برخمنه ډله ده، د دې برید مسوولیت په غاړه اخیستی دی.
د ایران د اېراف ورځپاڼې د راپور له مخې؛ ایران پرېکړه کړې، چې د سیمې په یوې لویه پانګونه کې برخه واخلي او د افغانستان د اوسپنې په کانونو کې پنځه میلیارد ډالره پانګونه وکړي.
د عرب نیوز د راپور له مخې، وايي طالبان په دې هڅه کې دي، چې د هغو افغان کډوالو د بیرته ستنیدو په اړه د ټرمپ له ادارې سره «خبرو اترو» ته چمتو شي، چې په جولای میاشت کې به یې په متحده ایالاتو کې قانوني خوندیتوبونه لغوه شي.
د افغانستان له خبریالانو د ملاتړ سازمان د طالبانو د امر بالمعروف او نهی عنالمنکر وزارت لهخوا د خواله رسنیو څارنه او د قانوني څار ګواښ د بیان ازادۍ او د خبریالۍ فعالیتونو پر وړاندې یو جدي ګواښ بللی دی.
د اسراییل یوه لوړپوړي چارواکي نیوزویک ته ویلي، چې بنیامین نتنیاهو لا هم د ډونالډ ټرمپ له هغه لیدلوري ملاتړ کوي، چې غزه باید د منځني ختیځ د پام وړ په سیمې بدل شي.
د برېټانیا د بهرنیو چارو وزیر ډيوېډ لېمي وايي چې هېواد یې له ایران سره اټومي هوکړې ته د رسېدو لپاره د متحدهایالاتونو د هڅو ملاتړ کوي.
له پوهنتونونو د مسلکي استادانو د ګوښهکېدو پر دوام، طالبانو د ننګرهار پوهنتون د ښوونې او روزنې پوهنځي ۱۰ استادان او اداري کارکوونکي د «تنقیص» په نوم له خپلو دندو ګوښه کړي دي. په یادو کسانو کې دوه مېرمنې هم شاملې دي، چې یوه یې استاده او بله اداري کارکوونکې ده.
په افغانستان کې د برېتانیا استازولۍ د روغتيا د نړۍوال سازمان له قوله ليکلي، چې افغان واده شوې ښځې له فزيکي، جنسي او عاطفي ځورونو سره مخ دي. د دوی د معلوماتو له مخي، ۴۶ سلنه افغانې واده شوې ښځې فزيکي تاوتريخوالی تجربه کوي.
په سعودي عربستان کې د امریکا د ولسمشر ډونالډ ټرمپ له خوا پر سوریې د بندیزونو د لرې کولو له اعلان وروسته د دې هېواد په بېلابېلو ښارونو لکه دمشق، لاذقیه او طرطوس کې خلک سړکونو ته راوتلي او خوشالي یې کړې ده.
اسراییلي پوځ ویلي، د خان یونس ښار د ناصر روغتون شاوخوا کې یې «دقیق برید» ترسره کړی، چې په ترڅ کې یې د حماس ډلې څو لوړپوړي غړي هدف وګرځول او ووژل شول. په وژل شویو کسانو کې حسن اصليح هم شامل و، چې د حماس غړی او رسنیز فعال و.
د نړۍوالو رسنیو د راپورونو پر بنسټ، اسراییل یو وار بیا پر غزې هوايي برید کړی چې په ترڅ کې یې ۲۸ کسان وژل شوي او لسګونه نور ټپیان دي.
په کندهار کې طالبانو تر هغه وروسته د ښځينه سوالګرو د راټولولو لړۍ پيل کړې، کله چې افغانستان انټرنشنل د کوچني اختر د لمانځه پرمهال په ګڼه ګوڼه کې د ښځينه سوالګرو ويډيو خپره کړه. دغه سوالګرې اوسمهال د کمزوري اقتصاد له امله د ښارونو او ولسواليو پر لویو لارو ناستې او سوال کوي.
ځینو رسنیو د طالبانو له قوله لیکلي، چې په تهران کې د دغې ډلې سرپرست سفير د بورکینافاسو له استازي سره لیدلي او دواړو خواوو د کانونو د استخراج او سوداګريزو همکاريو په تړاو خبرېاترې کړې دي. د لوېديځې افریقا دغه هېواد د نویو سوداګريزو شریکانو د موندولو په هڅه کې دی.
د پاکستاني طالبانو تحریک یا ټيټيپي وایي، چې په باجوړ کې د قاري عبادالله ډله له دغه تحریک سره یو ځای شوې ده. دوی په یوه خپاره کړي بیان کې ویلي، دغې ډلې د یاد تحریک له مشر نور ولي محسود څخه بیعت اعلان کړی او ژمنه یې کړې، چې د ټيټيپي له پالیسیو سره سم به فعالیتونه کوي.
ډېپلوماټ مجلې په یوې مقاله کې لیکلي، چې افغانستان له ډېرې مودې راهیسې د پولې هاخوا د ترهګریزو فعالیتونو د مرکز په توګه پېژندل شوی دی. په مقاله کې راغلي، چې بېلابېلو ترهګرو ډلو د هند او پاکستان پر وړاندې د بریدونو د ترسرهکېدو لپاره د افغانستان خاوره کارولې ده.
د پاکستان په کراچۍ ښار کې سږکال د پوليو ضد د دویم ملي کمپاین په ترڅ کې له ۳۷ زره زيات ماشومان د پوليو ضد واکسین څخه پاتې شوي دي. جيونيوز راپور ورکوي، چې په کراچۍ کې له ۲۰ لکه او ۶۶ زرو څخه زياتو ماشومانو ته پوليو واکسين ورکړل شوي.
د سپینې ماڼۍ یوه چارواکي ويلي، چې د امریکا ولسمشر ډونالډ ټرمپ او د سوریې د انتقالي حکومت ولسمشر احمد الشرع به د چهارشنبې په ورځ (د غويي ۲۴مه) په سعودي عربستان کې سره ګوري. دغه چارواکي وویل: «ولسمشر موافقه کړې چې سبا په سعودي عربستان کې له احمد الشرع سره ګوري.»
سياېناېن شبکې د یوې باخبره سرچینې په حواله راپور ورکړی، چې د امریکا ولسمشر ډونالډ ټرمپ خپله هغه برنامه لغوه کړه، چې غوښتل یې د «فارس خلیج» نوم «عربي خلیج» یا «د عربستان خلیج» ته واړوي.
تر هغه وروسته چې ډونالډ ټرمپ پر سوریې د بندیزونو د لرېکېدو اعلان وکړ، د دغه هېواد د بهرنیو چارو وزیر اسعدالشیباني په دې برخه کې د سعودي عربستان له همکارۍ مننه کړې ده.
د امریکا ولسمشر ډونالډ ټرمپ په سعودي عربستان کې د خبرو پرمهال له افغانستانه د امریکايي ځواکونو وتل د متحدهایالاتونو د تاریخ شرموونکې شېبه بللې ده.