د بشري حقونو سازمان حالوش راپور ورکړی، د ایران د سراوان ولسوالۍ د روتک سرحدي سیمې اړوند په مکسوخته کې د ښځو او ماشومانو په ګډون لږ تر لږه ۱۷ افغان کډوال د سختې تندې له امله مړه شوي دي.
د کندز ښار د «سر دورې» په سیمه کې لسګونه راستنې شوې کډوالې کورنۍ د پيلېدونکې سړې هوا له امله د ژوند د لومړنیو اړتیاوو او مناسبې سرپناه د سمدستي چمتو کېدو غوښتنه کوي.
ننګرهار کې د طالبانو ښار جوړولو ریاست وايي، د افغان کډوالو د پراخو راستنېدنو په دوام يې په تېرو دوو میاشتو کې، په ځانګړو ښارګوټو کې د بېرته راستنو شوو افغانانو لپاره ۵،۳۸۲ د استوګنې نومرې وېشلي، خو د راستنېدونکو د زیات شمېر په پرتله د استوګنې د زمینې برابرولو اړتیا لا هم ډېره ده.
د طالبانو تر واک لاندې د کډوالو ستونزو ته د رسېدنې عالي کمېسیون وايي، په تېره یوه ورځ کې له بېلا بېلو لارو هېواد ته ۱۹۲ کورنۍ چې د غړو شمېر یې ۸۸۷ تنه کېږي هېواد ته را ستنې شوې دي.
د پاکستان لاهور ایالت عالي محکمې د افغان طبي محصلینو د زدهکړو د دوام په اړه لنډمهاله حکم کړی، خو محصلین وايي لا هم بشپړ ډاډ نه لري او ځینې یې له لیلیو هم ایستل شوي دي.
په افغانستان کې د ملګرو ملتونو عالي کمېشنرۍ مشر عرفات جمال ویلي، چې راتلونکې میاشت د ایران، د ملګرو ملتونو عالي کمېشنرۍ او طالب استازو ترمنځ د افغان کډوالو د ستونزو د حل په موخه درې اړخیزه ناسته جوړېږي.
د پاکستان په کراچۍ ښار کې مېشت د خیبر پښتونخوا او بلوچستان پښتانه وايي، په دغه ښار کې د افغان کډوالو د نیولو پر مهال د یادو ایالتونو پښتانه هم نیول کېږي. په دوی کې د بي بي ګل په نوم د پاخه عمر يوه مېرمن هم نیول شوې او د کډوالو لپاره په جوړ شوي کمپ کې ده.
د ملګرو ملتونو د ماشومانو ملاتړ صندوق (یونېسف) وايي، د ۲۰۲۶کال د جنورۍ او جولای میاشتو ترمنځ تر ۵۰۰ ډېر داسې افغان ماشومان ثبت شوي چې یا بېسرپرسته او یا هم له خپلو کورنیو جلا افغانستان ته ستانه شوي دي.
د پاکستان تحریک انصاف مرکزي غړی او د دغه هېواد د ملي اسمبلۍ پخوانی رییس اسد قیصر ویلي، چې له پاکستان نه د افغان محصلانو د اېستلو په اړه دې د دغه هېواد د طبي شورا پرېکړه سملاسي بېرته واخیستل شي.
په پاریس کې د ۱۴ کسانو محاکمه پیل شوې چې ډېری یې د افغانستان وګړي دي او د مانیښ کانال له لارې د پناهغوښتونکو د تېرېدو پر مهال د لږ تر لږه ۳۱ کسانو د مړینې په تړاو تورن دي.
د کډوالو لپاره د ناروې د شورا عمومي منشي یان اېګلنډ افغانستان ته د خپل سفر پر مهال خبرداری ورکړی چې نړیوالې ټولنې دا هېواد په بشپړ ډول هېر کړی او پرېښی یې دی، چې له امله یې بشري بحران میاشت په میاشت په ځانګړې توګه د ښځو او نجونو پر وړاندې مخ په خرابېدو روان دی.
د پاکستان طبي شورا له هغه افغان محصلانو چې په دغه هېواد کې د طب په برخه کې پر زدهکړو بوخت دي غوښتي، چې دغه هېواد پرېږدي او بېرته افغانستان ته ستانه شي. د یادې پرېکړې له امله پاکستان کې ګڼ افغان محصلان د خپلو زدهکړو د بشپړولو او راتلونکي په اړه له ناروښانه برخلیک سره مخ شوي دي.
د خیبر پښتونخوا د پېښور د پولیسو عملیاتي مشر فرحان خان وايي، د روان کال په لومړیو اتو میاشتو کې په دغه ښار کې تر ۳۰۰ ډېر افغانان د بېلابېلو جدي او درنو جرمونو په تړاو بندیان شوي دي.
د ګیانا حکومت اعلان کړی چې شپږ افغان او کیوبايي کډوال له امریکا څخه تر ایستلو وروسته دې هېواد ته لېږدول شوي دي.
د ملګرو ملتونو د کډوالو عالي کمېشنرۍ وايي، هغه کسان چې په جبري ډول بېځایه شوي، د ګڼو ستونزو له زغملو سره سره هره ورځ د خپل ژوند د ښه کولو لپاره هڅې کوي. دغه نړیوالې ادارې زیاته کړې چې دا خلک نړیوال ملاتړ ته اړتیا لري.
د بشري حقونو د فعالانو خبري اژانس «هرانا» وایي، د ایران په مشهد او ګورګان زندانونو کې څلور بندیان اعدام شوي چې دوه یې افغان وګړي وو.
په ننګرهار ولایت کې د طالبانو د کور او ښار جوړونې ریاست وايي، له پاکستانه د تورخم له لارې بېرته راستنو شویو افغان کډوالو لپاره په جوړو شویو ښارګوټو کې تر دې دمه له ۲۳ زرو ډېرې د ځمکې نومرې وېشل شوې دي.
د ګویانا حکومت اعلان کړی، چې د امریکا د یوه نوي پروګرام په چوکاټ کې د شپږو افغان او کیوبایي پناهغوښتونکو لومړنۍ ډله ګویانا ته لېږدول شوې ده.
د اسیا د بېځایه شویو د حللارو پلیټفارم په یوه تازه څېړنه کې ویلي، افغانستان ته د راستنېدونکو د شمېر له زیاتېدو سره سره، د هغوی د اوږدمهاله بیا ادغام لپاره لا هم یوه تازه، جامع او عملي تګلاره نشته.
جرمني، اتریش، یونان، ډنمارک او هالند غواړي د روان میلادي کال تر پایه له اروپايي ټولنې بهر هېوادونو سره داسې تړونونه وکړي چې له قانوني استوګنې پرته کډوالو لپاره کمپونه جوړ او بیا پهکې یاد ناقانونه کډوال د بېرته ستنولو لپاره وساتي.
د ههنګاو په نوم د ایران د بشري حقونو څار سازمان خبر ورکړی، چې ایران د دوو افغانانو په ګډون درې کسان د مشهد په مرکزي زندان (وکیلاباد) کې د عمدي وژنې په تور اعدام کړي دي. یاد سازمان ویلي، چې دغه دوه افغانان په پټه او پرته له دې چې کورنۍ یې خبرې شي اعدام شوي دي.
د کډوالو لپاره د ملګرو ملتونو عالي کمېشنرۍ په خپل تازه راپور کې د پاکستان لهخوا د افغانانو د بېرته ستنولو بهیر په اړه اندېښنه ښودلې او د پاکستان له حکومته یې د هغه افغانانو د جبري ستنولو لړۍ درولو غوښتنه کړې، چې له ګواښ سره مخ دي او نړۍوال خوندیتوب ته اړتیا لري.