د طالبانو د ریاستالوزراء اداري مرستیال عبدالسلام حنفي وايي، په تېرو پنځو کلونو کې له ۸ میلیونو ډېر افغانان له ګاونډیو هېوادونو افغانستان ته ستانه شوي او له همدې امله باید مرستندویه بنسټونه د راستنېدونکو افغانانو په برخه کې خپل مسوولیت ادا کړي.
د امریکا د بهرنیو چارو وزیر مارکو روبیو وايي، پنځه کاله وړاندې په کابل کې د یوه «اسلامي ترهګر» په برید کې وژل شوي ۱۳ امریکايي سرتېري به هېڅکله هېر نه کړي او بیا به اجازه ورنه کړي چې د امریکا له پوځيانو سره ورته «ستر خیانت» وشي.
د طالبانو تر واک لاندې له پېښو سره د مبارزې امادګۍ ادارې او د هنډیکپ انټرنشنل موسسې ترمنځ د څه باندې ۹۵۵ زره ډالرو په ارزښت یو تفاهملیک لاسلیک شو. د هوکړه لیک له مخې به په هرات کې د بشري مرستو د ذخیره کولو لپاره ګودامونه جوړ شي او ګاونډیو ولایتونو ته به د مرستو لېږد اسانه شي.
د بوسنیايي صربانو پخوانی پوځي قوماندان ملادېچ چې د سربرېنیڅا د نسلوژنې او نورو جنګي جرمونو له امله په عمري بند محکوم شوی و، د پنجشنبې په ورځ د ملګرو ملتونو په توقیف کې ومړ. د هغه وکیل دراګان اېوېتیچ د ملادېچ مړینه تایید کړې، خو لامل یې نه دی څرګند کړی.
د ملګرو ملتونو سرمنشي انتونیو ګوترېش هیله ښودلې چې د امریکا متحده ایالات به ډېر ژر د دغه سازمان د بودجې لپاره خپله ونډه ورکړي. د راپورونو له مخې، د ډونالډ ټرمپ ادارې د امریکا کانګرس ته خبر ورکړی چې غواړي د ملګرو ملتونو د منظمې بودجې لپاره ۷۲۵ میلیونه ډالر تادیه کړي.
د ناروې شاهي ماڼۍ د پنجشنبې په ورځ خبر ورکړی چې د دغه هېواد د پاچا هالانډ روغتیايي وضعیت خورا خراب شوی دی. په ورته مهال د ناروې سلګونه اوسېدونکي د روغتون مخې ته ورټول شوي دي.
د جمعیت اسلامي ګوند یو مشر عطا محمد نور وايي، چې په کور دننه او بهر کې هېڅ ډول بانکي حساب نه لري. عطا محمد نور په یوه یادښت کې پر خپلې جنګسالارۍ ویاړ کړی او وايي، ځانمرګي بریدګر معصوم او پاک ګڼل کیږي او دوی ته د بیګانه او کولابي نومونه کاریږي.
د جرمني د برانډنبورګ ایالت په ګوزن-نیو څیتاو کې د یوه ښوونځي په انګړ کې د تاوتریخوالي په پېښه کې یوه نجلۍ او یو سړی وژل شوي او یو شکمن کس په لنډمهالي ډول نیول شوی دی.
د سویس د والې ایالتي محکمې د یوه۵۵ کلن افغان استیناف غوښتل رد کړي او هغه ته یې د خپلې مېرمنې د وژلو د هڅې په قضیه کې د۱۰ کاله بند او له سویس څخه د شړلو حکم تایید کړی. نوموړي په ۲۰۲۲ کال کې خپله مېرمن په۸۰ سانتيمتره لرګي وهلې وه او سر، سترګه او ژامه یې ور ژوبل کړي وو.
مېټا د تنکیو ځوانانو د ټولنیزو رسنیو د کارونې د محدودولو لپاره د امریکا له نږدې ټولو ایالتونو سره تر ۱۸ میلیارد ډالرو هوکړه کړې، خو اوس اروپايي کمیسیون غواړي ورته اقدامات د نړۍ نورو برخو ته هم وغځول شي.
د همالیا په غرونو کې د یخ، خټو او ډبرو تر سترې ښویېدنې وروسته په نيپال او چین کې د سېلابونو له امله لږ تر لږه ۳۶۲ کسان مړه شوي او تر زرو ډېر لادرکه دي. ژغورونکي لا هم د ژونديو کسانو لټه کوي او چارواکو د یوه جهيل د ماتېدو خبرداری ورکړی دی.
روسیې د پنجشنبې په ورځ خبرداری ورکړ چې که اوکراین د روسیې دننه پر اهدافو د بریدونو لپاره د بریتانیا اوږدواټنه کروز توغندي وکاروي، مسکو ښايي په اوکراین کې دننه او له اوکراین څخه بهر د بریتانیا پوځي تاسیسات او تجهیزات په نښه کړي.
د قطر لومړی وزیر شیخ محمد بن عبدالرحمن ال ثاني د امریکا او ایران ترمنځ د ډیپلوماتیکو هڅو د بیا پیلولو لپاره تهران ته سفر کړی او د ایران د بهرنیو چارو له وزیر عباس عراقچي سره یې کتلي دي.
د طالبانو مخالفه ډله متحده جبهه وایي چې له ټول افغانستان څخه لږ تر لږه« ۱۸۰ دیني عالمانو» د یوې فتوا په خپرولو سره د طالبانو خلاف ددې جبهې د بریدونو ملاتړ کړی. د دې جبهې په وینا، دیني عالمانو دغه فتوا په کابل کې صادره کړې، خو جبهې د فتوا سند نه دی خپور کړی.
سیمهییزو سرچینو افغانستان انټرنشنل ته ویلي چې تېره ورځ د طالبانو د امربالمعروف محتسبانو په کندهار کې د «هېواد» او «زما کندهار» په نوم راډیوګانو باندې چاپه وهلې او د یادو رسنیو ځینې کارکوونکي یې د څو ساعتونو لپاره توقیف کړي وو.
د روغتیا نړیوال سازمان وايي، په افغانستان کې د ۲۰۲۶ کال په جولای میاشت کې د ډینګي تبې مشکوکې پېښې د جون پرتله ۸۵،۵ سلنه او د کووېډ-۱۹ تایید شوې پېښې ۷۹،۳ سلنه زیاتې شوې دي.
د طالبانو مشر مولوي هبت الله حکم کړی چې د یادې ډلې د واکمنېدو د پنځمې کلیزې په مناسبت ۸۲۹۹ بندیان خوشي کړي او یا یې هم د بند موده کمه کړي. د طالبانو ستره محکمه وايي، له دې ډلې ۲۶۹ نظاميان او ۳۹۸۰ ملکي بندیان خوشي شوي دي.
د ترکیې د چاناکقلعې ولایت د ایواجیک ولسوالۍ په ساحلي اوبو کې د ناقانونه کډوالۍ خلاف د عملیاتو پر مهال له یوې ربړي کښتۍ ۳۶ افغان کډوال نیول شوي دي. په نیول شویو کسانو کې ۲۰لویان او ۱۷ ماشومان شامل دي.
د لبنان د عمومي امنیت ادارې یو افغان له اسراییلي استخباراتي ادارو سره د اړیکې جوړولو او هغوی ته د لبنان د یوې وسله والې ډلې په اړه د معلوماتو ورکولو په تور نیولی. د لبنان د پوځي محکمې څارنوال پر دغه کس له اسراییل سره د اړیکې جوړولو او هغوی ته د معلوماتو د انتقال د هڅې تور لګولی.
په کابل کې د روسیې سفیر د طالبانو د امارتي شرکتونو له عمومي رییس سره کتلي او په حیرتان بندر کې یې د ځانګړي اقتصادي زون د جوړېدو غوښتنه کړې ده. دیمیتري ژیرنوف ویلي، چې په دغه زون کې د کرنیزو محصولاتو ساتل، پروسس او بسته بندي به نورو اقتصادي فعالیتونو ته لاره پرانیزي.
د قزاقستان او افغانستان ترمنځ دوه اړخیزه سوداګري د ۲۰۲۶ کال په لومړۍ نیمایي کې پراخه شوې او د تېر کال همدې مودې په پرتله ۲.۵ برابره لوړه شوې ده. د قزاقستان د دولتي عوایدو کمېټې د معلوماتو پر بنسټ، د سوداګرۍ ټولیز ارزښت په ۶ میاشتو کې ۵۰۸.۲ میلیونه ډالرو ته رسېدلی.