آرشیف

د متحده ایالاتو د کډوالو او تابعیت ادارې (USCIS) د یو شمېر بهرنیو کډوالو د کار اجازې موده له پنځو کلونو نه ۱۸ میاشتو ته راکمه کړې ده.

د طالبانو د احصايې او معلوماتو اداره وایي، یو شمېر هېوادونو ته به دافغان کډوالو د هویت ستونزې د حل په موخه کاري ډلې واستوي. تر دې وړاندې طالبانو متحده عربي امارات او ایران ته د افغان کډوالو د هویت د تثبیت او ثبت په موخه خپلې ډلې لېږلي دي.

امریکایي چارواکو د جمعې په ورځ وویل، چې د ولسمشر ډونالډ ټرمپ ځانګړي استازي سټیو وټکاف په تېرو دوو ورځو کې په میامي کې د اوکراین له لوړپوړي مرکچي رستم امیدوف سره «مثمرې» خبرې کړې دي او د شنبې لپاره نورې ناستې هم پلان شوې دي.

د امریکا د کورني امنیت وزارت وايي، په واشنګټن کې د ملي‌ ګارد پر سرتیرو له برید وروسته دوی د ارزونې یو مرکز جوړوي.دغه وزارت ویلي، د کورني‌ امنیت وزیره کریسټي نوم به دغه مرکز مدیریت کړي او د هغو ترهګرو، بهرنیو مجرمانو او ګواښ جوړوونکو مخه به نيسي چې عامه خوندیتوب ته زیان اړوي.

د کاناډا حکومت د جمعې په ورځ وویل، سوریه یې له هغه نوملړ څخه ایستلې چې په‌کې د ترهګرۍ د ملاتړ کوونکو بهرنيو دولتونو نومونه شامل وو او همداراز د «حیات تحریرالشام» نوم یې هم د ترهګرو ډلو له نوملړ څخه لرې کړی دی.

د امریکا د ۲۰۲۵ د ملي امنیت په نوې ستراتیژۍ کې، د ډونالډ ټرمپ حکومت اعلان کړی، واشنګټن لا هم ژمن دی چې د هرمز تنګی پرانیستی وساتي او د خلیج فارس پر انرژۍ د «ښکاره دښمنانو» د واکمنۍ مخه ونیسي، په داسې حال کې چې په یاد سند کې د ایران ګواښ د پخوا پرتله کم مهم ښودل شوی دی.

د ۲۰۲۶ د فوټبال د نړۍوال جام د پچې اچونې مراسم د امریکا د واشنګټن ښار د کينډي په هنري مرکز کې ترسره شول او ټاکل شویو لوبډلو په ۱۲ ګروپونو کې خپل سیالان وپېژندل. تر اوسه ۴۲ لوبډلو په نړۍوال جام کې ګډون ساتلی او شپږ نورې لوبډلې به له غوراوي سیالیو وروسته اعلان شي.

په کابل کې د طالبانو د ټرافیک اداره وايي، په غزني او بدخشان کې په درېیو جلا جلا ټرافیکي پېښو کې ۴ کسان مړه او ۱۶ نور ټپيان شوي دي.دغه اداره پر لویو لارو دوامداره ټرافیکي څار د پيښو په کموالي کې اغېزناک ګڼي.

طالبان له پاکستان سره د سوداګریزو اړیکو له پرېکون وروسته د افغانستان کرنیزو محصولاتو ته د بازار موندنې په تړاو د خپلو هڅو له دوامه خبر ورکوي.د طالبانو د کرنې، اوبو لګولو او مالدراۍ وزارت مرستیال صدر اعظم عثماني وايي، افغان کرنیز محصولات هند، ایران او ازبکستان ته صادريږي.

د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنټ، قطر ته د سفر تر پای وروسته په یوې مفصلي بیانیې کې ویلي، چې په افغانستان کې د بشري حقونو وضعیت د اندېښنې وړ دی او نړۍواله ټولنه باید افغانان یوازې پرېنږدي.

په کندهار کې د طالبانو چارواکي وايي، په سپین بولدک ولسوالۍ کې پر ډیورنډ کرښه د طالبانو او پاکستاني لوري تر منځ جګړه تر دوه نیم ساعته ډزو وروسته درېدلې ده. د ولسوالۍ مطبوعاتي مسوول علي محمد حقمل ویلي، چې جګړه د دواړو لورو په همغږۍ درېدلې او دا مهال په سیمه کې وضعیت عادي دی.

طالبانو نن ماخوستن د سپین بولدک او چمن تر منځ د «باب دوستي» په نوم دروازې یوې برخې ته چاودنه ورکړې، خو لا تر اوسه د دغې دروازې د بشپړ تخریب په تړاو معلومات نه‌دي ورکړل شوي. پاکستاني ځواکونو نن ماخوستن په سپین بولدک کې د طالبانو پر پوستو برید وکړ او بیا ورسره جګړه پیل شوه.

د امریکا متحده ایالاتو د ۲۰۲۵ د ملي امنیت تازه ستراتیژي خپره کړې، خو په دې ستراتیژیک سند کې د افغانستان نوم په څرګنده توګه نه‌دی راغلی. دا په داسې حال کې ده چې افغانستان د جمهوري نظام پر مهال د امریکا د سیاسي او نظامي پالیسیو مهم محور و.

د امریکا د استازو د جرګې ۴۴ ډیموکرات غړو د بهرنیو چارو وزیر مارکو روبيو ته په یوه لیک کې د پاکستان پر لوړپوړو چارواکو د بیړنیو بندیزونو غوښتنه کړې ده.دوی دا غوښتنه په پاکستان کې «له پولو هاخوا د ځورونې د پراخېدونکي کمپاین او د بشري حقونو د خرابېدونکي بحران» په نوم یادوي.

د طالبانو ویاند ذبیح الله مجاهد په سپين بولدک ولسوالۍ کې د طالبانو او پاکستاني نظامیانو تر منځ جګړه تایید کړه او زیاته یې کړه چې لومړۍ برید پاکستاني ځواکونو کړی.مجاهد ویلي، چې د دوی ځواکونه هم ځوابي برید ته اړ شوي دي.

سرچینې افغانستان انټرنشنل- پښتو ته وايي، د کندهار په سپین بولدک ولسوالۍ کې د افغان طالبانو او پاکستاني ځواکونو ترمنځ نن ماخوستن شاوخوا ۱۰ بجې جګړه پیل شوې او لا هم روانه ده. سرچینه زیاتوي، لا هم له سیمې د سپکو او درنو وسلو غږونه اورېدل کیږي.

سیمه ییزو سرچینو افغانستان انټرنشنل - پښتو ته وویل چې نن ماښام مهال د ډېورنډ پر کرښه سپین بولدک کې د طالبانو او پاکستان تر منځ نښته پیل شوې ده. تر اوسه د پېښې د تلفاتو په اړه دقیق معلومات نشته.

د پاکستان بهرنیو چارو وزارت ویلي، چې د طالبانو او پاکستان ترمنځ د مذاکراتو د منځګړیتوب لپاره د ترکي پلاوي سفر اسلام اباد ته د طالبانو د نه همکارۍ له امله ځنډول شوی دی. اسلام اباد ته د پلاوي د سفر اعلان د ترکیې ولسمشر د پاکستان له لومړي وزیر سره په باکو کې د لیدنې پرمهال کړی و.

د ترکیې د کورنیو چارو وزیر علي یرلي کایا وایي چې د دغه هېواد امنیتي ځواکونو لږ تر لږه ۲۳۳کسان د داعش ډلې سره د احتمالي اړیکو او مالي همکاریو په تور نیولي دي.

د امریکا ولسمشر ډونالډ ټرمپ د ۲۰۲۶ کال د فوټبال نړیوال جام د قرعه کشۍ په څنډه کې د فیفا د سولې جایزې د ترلاسه کولو د احتمال په اړه ویلي «دا لا روښانه نه ده چې ایا ماته به جایزه راکړل شي یا نه؛خو زه جایزې ته اړتیا نه لرم.»

د پاکستان او سعودي‌ عربستان د بهرنیو چارو وزیرانو په یوې ټيلیفوني اړیکه کې د غزې په اړه خبرې کړې دي.اسحاق ډار او شهزاده فیصل بن فرحان غزې ته د بې خنډه مرستو رسونې پر اهمیت ټینګار کړی دی.