د خېبر پښتونخوا د هنګو په خزینه بانډه سیمه کې پر یوې امنیتي پوستې د وسلهوالو په برید کې د یوه جګپوړي پولیس افسر ډيايسپي دیار خان په ګډون لږ تر لږه ۷ پولیس وژل شوي او ۲۲ نور ټپیان شوي دي.
د طالبانو د کار او ټولنیزو چارو وزارت وايي، د دغه وزارت د سرپرست ملا عبدالمنان عمري په مشرۍ د کار عالي شورا شپږمه نوبتي ناسته کې د سوداګرۍ او پانګونې خونې او د کسبګرو او هټیوالو خونې د وړاندېزونو پر ارزونې او د کارګرو لپاره د حداقل مزد د ټاکلو د څرنګوالي په اړه خبرې اترې شوې دي.
د اسراییل د لومړي وزیر دفتر ویلي، د دغه هېواد لومړي وزیر بنیامین نتنیاهو د امریکا د سفر پر مهال په واشنګټن کې د امریکا د جګړې له وزیر پیټ هېګست سره کتلي دي.
د افغانستان د خبریالانو مرکز وايي، خبریال بشیر هاتف د طالبانو په بند کې له یوه کال تېرولو وروسته له «بګرام» بندخونې ازاد شوی دی. دغه مرکز د هاتف له خوشې کېدو هرکلی کوي او ټینګار لري، چې د دې رسنیز فعال د عادلانه محاکمې حق په برخه کې بنسټیز حقونه تر پښو لاندې شوي دي.
د پخوانۍ ولسي جرګې مرستیال عبدالظاهر قدیر ورور عبدالقهار قدیر په هېواد کې د داعش د پراخېدو پر وړاندې د خپل ورور د تېر دریځ دفاع کړې او ویلي یې دي چې هغه د خپل ولس د امنیت او راتلونکي لپاره غږ پورته کړی و چې د همدې اقداماتو قرباني شو.
د طالبانو د امر بالمعروف محستبانو د چهارشنبې په ماښام د هرات ښار په بېلابېلو سیمو کې پنځه ښځې دحجاب د نه مراعت په تور نیولې دي. عیني شاهدانو ویلي، دغه ښځې پر سړکونو او د سوداګریزو مرکزونو مخې ته شوې.
د ایران د خراسان رضوي ولایت چارواکي وایي، په دغه ولایت کې مېشت ۲۷ زره افغانانو د عراق د اربعین زیارت په مراسمو کې د ګډون لپاره نوملیکنه کړې ده. د دوی په وینا، د دوغارون پوله د زیارت کوونکو د تګ لپاره چمتو شوې او د لېږد او نورو خدمتونو لپاره لازمې اسانتیاوې هم برابرې شوې دي.
تحریک طالبان پاکستان (ټيټيپي) په یوه تازه خپاره شوي ۱۷۴ مخیز کتاب کې هڅه کړې چې د پاکستان پر ضد خپله شاوخوا دوې لسیزې وسلهواله جګړه له مذهبي، تاریخي او سیاسي اړخه مشروعه وښيي.
په کابل کې د طالبانو امنیه قومندانۍ ویلي چې په د یارلسمې حوزې په سیمه کې د یوې ښځې په ګډون درې کسان د نیم کیلو ګرام سره زرو د غلا په تور نیولي دي. په نیول شويو کسانو کې ښځه د هغې خاوند او یو زرګر شامل دي.
د ترکیې ساحلي ګارد ویلي، د دغه هېواد امنیتي ځواکونو د چاناکقلعه ښار په ازینه ولسوالۍ کې د عملیاتو پرمهال ۳۲ بېاسناده کډوال نیولي دي. د پولیسو د معلوماتو له مخې، په نیول شویو کډوالو کې اووه ماشومان هم شامل دي او ټول د افغانستان وګړي دي.
د افغانستان د کرېکټ پیژندل شوي ستوري راشد خان د ملي بیرغ ورځې په مناسبت، درېرنګه ملي بیرغ سره خپل انځور خپور کړی دی. خان دا کار داسې مهال کړی چې د طالبانو له بیا واکمنېدو وروسته ملي بیرغ د ورځې پر نمانځلو او د ملي بیرغ پر کارولو سخت بندیز لګول شوی.
د ۲۰۲۵ کال د پهلګام له پېښې وروسته د هند له خوا د انډس (سند) اوبو تړون ځنډول، د جنوبي اسیا د اوبو د مدیریت په تاریخ کې یو جدي بدلون بلل کېږي. دا تړون چې په ۱۹۶۰ کال کې د نړیوال بانک په منځګړیتوب شوی و، له اوږدې مودې راهیسې د هند او پاکستان ترمنځ د ثبات یو مهم بنسټ پاتې شوی و.
باوري سرچینو افغانستان انټرنشنل ویلي چې په بدخشان کې د طالبانو د مخالفو جبهو د بریدونو له زیاتېدو سره، دغه ډله د پراخو پوځي عملیاتو لپاره چمتووالی نیسي. د سرچینو په وینا، طالبانو یاد ولایت ته د خپلو لوړپوړو قوماندانانو په ګډون اضافي ځواکونه استولي دي.
په ننګرهار کې د طالبانو د اطلاعاتو او کلتور پخواني رییس ساجد خوږیاڼي د افغانستان د ملي بیرغ د ورځې په مناسبت پر خپلې فېسبوکپاڼې لیکلي:«زما بیرغ خو له رنګونو جوړ دی اې ته یې دا تور رنګ د وحشت رنګ بولې»
د طالبانو تر واک لاندې د ملي پراختیا شرکت مسوولان وایي، د بغلان د غوري سمنټو فابریکه په هرو ۲۴ ساعتونو کې لږ تر لږه ۷۰۰ ټنه سمنټ تولیدوي. د شرکت په وینا، په دوو فابریکو کې دمګړی ۷۵۰ کسان په مستقیم ډول پر کار بوخت دي.
د بلخ په مزارشریف ښار کې د ۱،۲ میلیونه ډالرو په پانګونې د چرګوړو د تولید یوه کارخونه جوړه شوې چې هره اوونۍ له ۱۰۰ زره څخه ډېر چرګوړي تولیدوي.
د افغانستان د تېرو څو لسیزو تحولات ښيي چې سیمهییزو او نړیوالو جیوپولیټیکو سیالیو تل د دغه هېواد پر برخلیک سیوری غوړولی دی.
په کابل کې دچین سفیر ژاو شېنګ او د طالبانو د کور او ښار جوړولو وزیر نجیب الله حیات حقاني د لیدنې پر مهال د چینايي شرکتونو تر کار لاندې پروژو په اړه غږېدلي دي. په کابل کې د چین سفیر ویلي چې د نیله باغ استوګنیزې پروژې چارې د ځینو ستونزو له امله درېدلې دي.
د طالبانو د اطلاعاتو او کلتور وزارت وايي، د «کندهار تاریخ کور» موزیم له معیاري کېدو وروسته د سېشنبې په ورځ د سیلانیانو او نورو لیدونکو پر مخ پرانېستل شو.
« زه څه یم؟» دا په پیل کې یوه فیلوسوفیکه پوښتنه ده، چې ښايي هر انسان یې د ځانپېژندنې د شعوري فعالیت په پیل کې له ځانه وپوښتي. د دې پوښتنې بله برخه دا ده چې «زه څوک یم؟» او که دا پوښتنه ټولیزه شي، ، نو ښايي یوشمېر وګړي وپوښتي چې «موږ څوک یو؟»
د پاکستان پوځ وايي په تېرو ۲۴ ساعتونو کې یې د خیبر پښتونخوا د خیبر ولسوالۍ او د بلوچستان د نوشکي ولسوالۍ په بېلابېلو سیمو کې د عملیاتو پر مهال ۳۲ وسله وال وژلي دي.