د سعودي عربستان د بهرنیو چارو وزارت د یوې اعلامیې په ترڅ کې د کوچني اختر په رارسېدو د پاکستان او طالبانو ترمنځ د لنډمهالې اوربند د اعلان هرکلی کړی. اعلامیه وايي، ریاض د دواړو لوریو هغه مثبت غبرګون ستایي چې د سعودي عربستان، قطر او ترکیې غوښتنو ته یې ښودلی.
افغانستان انټرنشنل په کابل کې د ډیپلوماتیکو سرچینو، د سپوږمکۍ انځورونو څېړلو او د دوشنبې شپې د بمبارۍ له ژغورل شویو کسانو سره د مرکو له لارې د پاکستان د هوايي برید د ابعادو په اړه نوي معلومات ترلاسه کړي دي.
د پاکستان ملي هوايي شرکت پي ای اې د خلیجي هېوادونو د امنیتي وضعیت له ارزونې وروسته اعلان کړی چې د راتلونکو ۴۸ساعتونو لپاره به خپلې الوتنې د متحده عربي اماراتوفجیرې ته وځنډوي.
له کابل څخه ډیپلوماتیکو سرچینو افغانستان انټرنشنل ته ویلي، چې د کابل د روږدو د درملنې روغتون د وژل شویو کسانو شمېر کېدای شي سلګونو تنو ته لوړ شي. د دغو سرچینو په وینا، چې څو ساعته مخکې یې له کابل نه خبرې وکړې، د ملګرو ملتونو شمېرې لومړنۍ دي او زیاتره یې د پرونې ورځې دي.
طالبان وايي، چې د کابل د روږدو درملنې پر روغتون د پاکستان د برید د ځینو هغو قربانیانو مړي، چې د پېژندلو وړ نه دي، په ډله ییز ډول په سرای شمالي کې خاورو ته سپاري. له سیمې نه ترلاسه شوې ویډیوګانې ښيي چې د قبر اېستلو چارې روانې دي.
د طالبانو ستره محکمه وايي، چې د کوچني اختر په مناسبت د مولوي هبتالله اخوندزاده د حکم پر بنسټ له زندانونو څخه نږدې لس زره بندیان خوشې شوي یا یې د بند په موده کې تخفیف ورکړل شوی دی. په دغه شمېر کې ۴۵۹۶ تنه خوشي شوي او د ۴۴۰۷ تنو د بند سزا کمه شوې ده.
د طالبانو امر بالمعروف وزارت اعلان کړی، د دوی محتسبانو د بیو د کنټرول د ګزمو پرمهال لسګونه هټۍ او سوداګریز مارکېټونه له «اسلامي اصولو او احکامو د سرغړونې» له امله تړلي دي. دغه هټۍ او مارکېټونه په کابل، پروان، زابل، جوزجان، بادغیس او بغلان ولایتونو کې مهرولاک شوي دي.
د اختر په درشل کې که څه هم په کندهار کې بازارونه د خلکو له ګڼې ګوڼې ډک دي او ګڼ شمېر خلک د اړتیا وړ توکو د پېرلو لپاره له کورونو راوتلي دي؛ خو په بازار کې پلورونکي وايي، له دغه ګڼې ګوڼې سره، سره د اختر پر چمتووالي د بېوزلۍ سیوری غوړېدلی.
د خبریالانو خوندیتوب کمېټې د رسنیو ملاتړو دوو نورو بنسټونو سره یوځای په یوه پرانیستي لیک کې د پاکستان له لومړي وزیر شهباز شریف غوښتي، چې په دغه هېواد کې دې د جلاوطنه افغان خبریالانو د نیولو، ځورولو او اېستلو لړۍ ودروي.
د پېښور سترې محکمې د شاوخوا هغه ۵۰ افغانانو د ضمانت غوښتنه رد کړې، چې په پاکستان کې د «ناقانونه» اوسېدو په تور نیول شوي وو. دغه محکمې ویلي، چې په پاکستان کې د افغانانو لپاره د (پي او ار) او (اېسيسي) کارټونه نور اعتبار نهلري.
د افغانستان د خبریالانو مرکز (د کب ۲۷مه) د خبریالانو ملي ورځې په مناسبت په افغانستان کې د خبریالانو او رسنیو د حقونو د سرغړونو پېښو پربنسټ چمتو شوي راپور کې ویلي، چې د طالبانو واکمنې ادارې پر رسنیو کنټرول سخت کړی او د ځپلو او سانسور لړۍ په بېساري ډول پراخه شوې ده.
د شنبههای ارغواني په نوم د افغان مېرمنو یو غورځنګ وایي، چې طالبان د نوروز پر تاریخي جشن له بندیز سره هڅه کوي د افغانانو د کلتور او تاریخ مهمې برخې لهمنځه یوسي. یاد غورځنګ ویلي، چې د طالبانو سیاست افغانستان د نازک او دردناک انساني او کلتوري ناورین پر لوري بیایي.
د طالبانو د اطلاعاتو او کلتور وزارت د فرهنګ او هنر معین مولوي عتیق الله عزیزي ویلي، دغه وزارت ژمن دی چې په نږدې راتلونکې کې د شهرارا برج د بیارغونې چارې د همکارو بنسټونو په همغږۍ پیل کړي؛ ترڅو دغه تاریخي اثر د لهمنځه تلو له ګواښ څخه وژغورل شي.
د طالبانو د کډوالو او بېرته راستنېدونکو چارو وزارت خبر ورکړی، په روانه اونۍ کې ۳۰۰ افغان کډوال چې د پاکستان په زندانونو کې بندیان وو؛ له زندانه تر خوشې کېدو وروسته بېرته افغانستان ته ستانه شوي دي.
د طالبانو سترې محکمې د رویت هلال کمېټې له خلکو غوښتي، چې نن چهارشنبه له غرمې وروسته په خپلو سیمو کې د میاشتې د لیدو هڅه وکړي. یادې محکمې ویلي، چې د میاشتې د لیدو په صورت کې دې هر کس د خپلې سیمې محکمې او رویت هلال کمېټې ته شاهدي وړاندې کړي.
د پاکستان پخوانی سناتور مصطفی نواز خوخار پر اېکس پاڼه لیکلي، چې افغانان د طالبانو له سخت دريځۍ نه یرغمل دي او په پاکستان کې هم زرګونه کسان د طالبانو د «ترهګرۍ» قرباني دي. هغه زیاته کړې، چې پاکستان واک ته د افغان طالبانو په رسېدو کې رول لاره.
د ګډ امنیتي تړون سازمان ویلي، چې د پاکستان او طالبانو ترمنځ د شخړو د زیاتېدو اړوند پرمختګونه له نږدې څاري. دغه سازمان خبرداری ورکړی، چې په سیمه کې د وضعیت لا کړکېچنېدل امنیتي ګواښ رامنځته کوي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې د سېشنبې په ورځ (د کب ۲۶مه) ۸۷ کورنۍ له ایران او پاکستان نه افغانستان ته ستنې شوې دي. یاد کمېسیون زیاته کړې، چې د کډوالو سره یې لومړنۍ مرستې هم کړې دي.
د اوکراین ولسمشر ولادیمیر زېلېنسکي په منځني ختیځ کې د دغه هېواد تر ۲۰۰ څخه زیاتو متخصصینو د حضور او په راتلونکو ورځو کې سیمې ته د ۳۴نورو د لېږد یادونه کړې او ویلي یې دي، چې دغه کسان له متحده عربي اماراتو، سعودي عربستان، قطر او کوېټ سره د بېپیلوټه الوتکو په نسکورولو کې مرسته کوي.
صور ښار او په سیمه کې د فلسطیني کډوالو پنډغالو اوسېدونکو ته تر خبرداري څو ساعته وروسته اسراییلي پوځ اعلان وکړ، چې دوی په سویلي لبنان کې «د بریدونو نوې څپه» پیل کړې ده.
د افغانستان لپاره د روسیې د ولسمشر ځانګړی استازی ضمیر کابلوف وايي، مسکو د پاکستان او طالبانو ترمنځ د تاوتریخوالي د زیاتوالي په اړه اندېښمن دی. نوموړي ویلي، چې روسیه د همدې شخړې د حل لپاره منځګړیتوب ته چمتو ده.