د طالبانو د کانونو او پټرولیم وزارت ویلي، هدایتالله بدري د ازبکستان د لومړي وزیر له مرستیال سره په لیدنه کې د کندلان د مسو کان د اکتشاف هوکړې د عملي کېدو او د طوطي میدان د ګازو پروژې د تړون پلي کېدو په اړه خبرې کړې دي. په دغه لیدنه کې دواړه خواوو د پانګونې د لاپراختیا ژمنې کړې.
د افغانستان په ختیځو ولایتونو په ځانګړي ډول ننګرهار کې طالبانو له خبریالانو او رسنیو غوښتي، په افغانستان کې د دوی د واکمنۍ او د ناټو ځواکونو د وتلو د کلیزې په مناسبت داسې راپورونه چمتو او خپاره کړي چې پهکې د طالبانو د حکومت او لاسته راوړنو ستاینه شوې وي.
په افغانستان کې د طالبانو له بیا واکمنېدو وروسته ډېری ځوانان د اقتصادي ستونزو، بېکارۍ او د زدهکړو د محدود فرصتونو له امله د خپل راتلونکي په اړه له جدي ننګونو سره مخ دي. د بېکارۍ پراخو څپو بشري ناورین نور هم ژور کړی او ګڼ ځوانان یې دې ته اړ کړي چې ناقانونه کډوالۍ ته مخه کړي.
د طالبانو ویاند ذبیحالله مجاهد ویلي: «هېواد د فدایانو او سرونو په قربانیو ازاد شوی او د ساتلو لپاره به یې دوه برابره قرباني ورکوو». هغه زیاته کړې، چې ځینې رسنۍ د ډیورنډ کرښې، بدخشان او بګرام اډې په اړه کوچنيو موضوعاتو ته انعکاس ورکوي.
د طالبانو مخالفه وسلهواله ډله مقاومت جبهه وایي، چې د بدخشان په کرانومنجان ولسوالۍ کې یې د طالبانو پر یوې پوستې برید کړی چې په پایله کې یې د یادې ډلې یو غړی وژلی او دوه نور ټپیان دي. خبرپاڼه زیاتوي، دغه برید (د زمري ۴مه) د یادې ولسوالۍ په شهران سیمه کې شوی.
د پاکستان د بلوچستان ایالت په بېلابېلو سیمو کې د چاودنې، هدفي وژنو او د کورني تاوتریخوالي په پېښو کې د یوې ښځې په ګډون څلور کسان وژل شوي او ۳۲ نور ټپیان دي. د کوټې ښار د پټېل سړک پر یوه خصوصي روغتون د لاسي بم برید کې د یوه ماشوم په ګډون څلور کسان ټپیان شوي دي.
د امریکا ولسمشر ډونالډ ټرمپ له ایران سره د جګړې پرمهال د امریکا د مهماتو د زېرمو د کمښت په اړه راپورونه رد کړل او ویې ویل: «موږ د نړۍ د بل هر هېواد پرتله ډېر مهمات لرو او زموږ د مهماتو اندازه تر هغه هم ډېره ده چې اړتیا ورته لرو».
د طالبانو دولتي شرکت په یوې خبرپاڼه کې ویلي، په تېرکال کې د افغانستان او ازبکستان ترمنځ د سوداګرۍ کچه نږدې دوه مېلیارډ ډالرو ته رسېدلې وه. خبرپاڼه زیاتوي، چې د یادې ادارې مشر احمدجان بلال د ازبکستان د لومړي وزیر له مرستیال سره د همکارۍ پر پراختیا خبرې کړې دي.
د طالبانو د ټولګټو چارو وزیر محمد عیسی ثاني د ازبکستان د لومړي وزیر له مرستیال جمشېد خواجهیف سره په ارګ کې د دواړو هېوادونو ترمنځ د اقتصادي او ترانزیټي همکاریو او د اوسپنې پټلۍ د بنسټیزو پروژو په اړه خبرې کړې.
د پاکستان په راولپنډۍ ښار کې د بېاسناده افغان کډوالو پرضد د پولیسو عملیات لاهم دوام لري، چې په ترڅ کې یې یوازې د جولای له ۴مې تر ۲۵مې نېټې پورې ۱۵۸ افغان کډوال نیول شوي دي.
د خیبر پښتونخوا د تیرا ولسوالۍ د لوړ پوړو ملکي او پوځي چارواکو ۲۴ کسیزې مشورتي کمېټې ترمنځ په ترسره شوې جرګه کې پرېکړه شوې، چې له تیراه درې څخه د بېځایه شویو کورنیو بېرته ستنول به د اکتوبر په ۱۰مه نېټه په څو پړاوونو کې پیل شي.
د خیبر پښتونخوا د نوښار ولسوالۍ د خان شېر ګړۍ په سیمه کې ناپېژاندو کسانو یو افغان کډوال په ډزو وژلی دی. د پولیسو د معلوماتو له مخې؛ وژل شوی کس سرتاج او پلار یې سرتور نومېږي، چې د افغانستان اوسېدونکی و او په پبي سیمه کې یې ژوند کاوه.
د امریکا په سیاټل ښار کې «سپېس نېډل» تاریخي برج ته نږدې د ډزو په یوې پېښه کې لږترلږه دوه کسان وژل شوي او پنځه نور چې یو دوه کلن ماشوم هم پهکې شامل دی ټپیان شوي دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ له ایران او پاکستان نه ۴۳۱ افغان کډوالې کورنۍ چې د غړو شمېر یې ۲زره او ۱۹۹ کسان کېږي؛ هېواد ته راستنې شوې دي. یاد کډوال د تورخم، سپین بولدک، د ورېښمو پله او اسلامکلا له لارو ستانه شوي دي.
د تورخم لارې د تړل پاتې کېدو پرضد د لنډي کوتل په سیمه کې د کارګرو، سوداګرو او قومي مشرانو غونډه جوړه شوه. د غونډې ګډونوالو په تورخم لاره د سوداګرۍ د ځنډ، اقتصادي ستونزو او د زرګونه کسانو د روزګار د لهمنځه تلو په اړه ژوره اندېښنه څرګنده کړه.
په لغمان کې د طالبانو د کرنې، اوبو لګولو او مالدارۍ ریاست خبر ورکړی، چې په دغه ولایت کې د چرګانو روزنه د پام وړ زیاته شوې ده او اوسمهال شاوخوا ۱۰۰ د چرګانو فارمونه پهکې فعالیت کوي.
د طالبانو د کرنې، اوبو لګولو او مالدارۍ وزیر عطاء الله عمري د ازبکستان د لومړي وزیر له مرستیال جمشید خواجه یف سره په لیدنه کې د کرنې په برخه کې د ګډو پروژو پر پلې کولو خبرې کړې. د طالبانو د کرنې وزارت په وینا؛ ازبکستان په دې برخه کې پانګونې ته لېوالتیا ښودلې ده.
د پېښور سترې محکمې د ۳۰ ورځو لپاره په سرطان ناروغۍ د اخته افغان انارګل او د هغه د کورنۍ دوو غړو د نیولو او اېستلو بهیر وځنډاوه او اړوندو ادارو ته یې امر کړی، چې یاد کسان دې په دغه موده کې نه نیول کېږي او نه دې هم له پاکستان نه اېستل کېږي.
د دوشنبې په ورځ د امریکا او ایران د بریدونو تر درېدو وروسته د نړۍ په بازارونو کې د تېلو بیه له ۵ سلنې څخه ډېره راټیټه شوه. شنونکي وایي، د دغه کمښت اصلي لامل له منځني ختیځ څخه د تېلو د عرضې د احتمالي ګډوډۍ په اړه د اندېښنو کمښت او د سیمې د کړکېچونو په تړاو ډیپلوماټیک پرمختګونه دي.
د کابل یوشمېر اوسېدونکي وایي، چې په وروستیو ورځو کې د اوبلن ګازو بیه په بېساري ډول لوړه شوې او د هر کیلوګرام بیه تر ۹۰ او ۹۵ افغانیو پورې رسېدلې ده. دا په داسې حال کې ده، چې د طالبانو د نرخنامې له مخې د هر کیلوګرام ګازو بیه ۶۵ افغانۍ ټاکل شوې ده.
د امریکا د جګړې وزارت د خپلو نظامیانو د تلفاتو په تړاو د رسمي ډېټابېس په نوي کولو سره اعلان کړی، چې له ایران سره په جګړه کې تر اوسه ۱۸ امریکايي سرتېري وژل شوي دي. د پنټاګون په وینا، په دې لړ کې ۶۲۴ نور امریکايي سرتېري ټپيان شوي دي.