آرشیف

د ازادۍ جبهې د سیاسي کمېټې مشر داوود ناجي د طالبانو د ویاند ذبیح‌الله مجاهد هغو څرګندونو ته غبرګون ښودلی چې ویلي یې وو د طالبانو «فدایان» د دې ډلې د واکمنۍ د دفاع لپاره چمتو دي.

د طالبانو د عامې روغتیا وزیر نور جلال جلالي وایي، افغانستان د درملو له کمښت سره نه دی مخ او د پاکستاني درملو تشه په هېواد کې د درملو د تولیداتو په زیاتېدو او له هند، بنګله دېش او نورو هېوادونو څخه واردیدونکو درملو ډکه کړې ده.

د روغتیا نړیوال سازمان او د تغذیې متخصصین وایي، د سهار ناشته یا سهارنۍ د ورځې تر ټولو مهم خواړه دي. مناسبه سهارنۍ بدن ته انرژي ورکوي، تمرکز ښه کوي او د چاغښت، شکر او زړه ناروغیو خطر کموي، خو د سهارنۍ پرېښودل روغتیا ته زیان رسولای شي.

د طالبانو د اطلاعاتو او کلتور وزیر شیر احمد حقاني په کابل کې له رسنیزو مسوولانو سره په یوه غونډه کې په بدخشان کې د دې ډلې او مخالفانو ترمنځ د وروستیو نښتو په اړه خپل تحلیل شریک کړ.

سرچینو اقغانستان انترنشنل ته ویلي، طالبانو د بغلان د اندراب د قاسان په دره د یادې ډلې پر پوستو د راکټي برید وروسته کور په کور پلټنې پیل کړې دي. د سرچینو په وینا، په پلټنو کې طالب ښځینه ځواکونه هم ګډون لري. د ازادۍ جبهې د برید مسوولیت منلی، خو طالبانو یې په اړه څه نه دي ویلي.

د هند فعالانو د محصلانو د اعتراضونو پر مهال د مصنوعي ځیرکتیا پر بنسټ د څارنې له امله د مودي حکومت پر ضد محکمې ته عریضه کړې ده. دوی وايي، د مخ پېژندنې ټکنالوژۍ کارول د اساسي قانون خلاف دي، خو د هند حکومت دا کار د عامه نظم او امنیت لپاره اړین بللی.

د افغانستان پخوانی ډیپلومات، لیکوال او علمي شخصیت ډاکټر عبدالغفور روان فرهادي د ۹۶ کلونو په عمر په امریکا کې ومړ. نوموړی د یو پېژندل شوي لیکوال تر څنګ په ملګرو ملتونو کې د لس کلونو لپاره د افغانستان دایمي استازی هم و.

د هند او پاکستان ترمنځ د سیندونو د اوبو د وېش شخړه، چې له ۱۹۴۷ کال راهیسې د دواړو هېوادونو ترمنځ یوه مهمه موضوع پاتې شوې، په ۲۰۲۵ کال کې د اباسین د اوبو د تړون د ځنډولو له اعلان وروسته یو ځل بیا جدي شوې ده.

د کونړ یو شمېر اوسېدونکي چې تازه پاکستان څخه راستانه شوي، افغانستان انټرنشنل ته په رالېږلي پیغام کې ویلي، په خپل هېواد کې د سرپناه نه لري او طالبان دې ژر تر ژره دوی ته ځمکې ووېشي.

وسله والو د دوشنبې په ورځ د نایجریا په شمال لوېدیځ کې د کادونا ایالت اړوند پر یوه کلي برید کړی او د ښځو او ماشومانو په ګډون یې لږ تر لږه ۳۰ کسان وژلي دي.

د پاریس پولیسو ویلي، یوه کس د دوشنبې په ورځ پر دریو ښځو د چاقو برید کړی چې له امله یې دوه ښځې سختې ټپیانې شوې دي. پېښه د پاریس ښار د «پورت دو کلیشي» سیمې ته نږدې رامنځته شوې او د برید انګېزه لا نه ده څرنګه شوي.

د میوند جګړه د یوې داسې جګړې، یوه قوماندان او یوې پېغلې کیسه ده، چې نږدې یوه نیمه پېړۍ وروسته هم ژوندۍ ده. د میوند ملاله؛ هغه نوم چې د تاریخي روایتونو له مخې، د جګړې په یوه حساسه شېبه کې یې د افغان سرتېرو روحیه بدله کړه او ناکامه شوې جګړې ته یې بریا ورکړه.

د طالبانو د عامې روغتیا وزارت وایي، دهرات ولایت په ګذره ولسوالۍ کې یې د څارنې پر مهال ۱۱ درملتونونه د خپل سرو فعالیتونو او د روغتیايي قوانینو د سرغړونې له امله تړلي دي. چارواکي وایي، دا اقدام یې د روغتیايي معیارونو د پلي کېدو لپاره ترسره کړی دی.

د طالبانو د مالیې وزیر او د ازبکستان د معیار ادارې ریس د لیدني پرمهال د اقتصادي او ګمرکي همکاریو پر پراختیا خبرې کړې دي. ازبکستاني چارواکو ویلي، په حیرتان بندر کې به د نفتي توکو د ګمرکي ارزونې لپاره مجهز لابراتوار جوړ کړي.

د کرملین ماڼۍ ویاند ویلي، د امریکا د ولسمشر ډونالډ ټرمپ او د اوکراین د ولسمشر ولادیمیر زېلېنسکي تر ټاکل شوې لیدنې مخکې یې د اوکراین د جګړې د پای ته رسېدو لپاره د سولې د نویو وړاندیزونو په اړه کوم مشخص یا عملي معلومات نه دي ترلاسه کړي.

ایران د امریکا د بریدونو له درېدو وروسته د دوشنبې په ورځ اعلان وکړ چې لا هم د هرمز تنګي کنټرول په لاس کې لري او له امریکا سره د سولې د خبرو د بیا پیل غوښتنه نه کوي.

په هلمند کې د طالبانو د اطلاعاتو او کلتور ریاست وايي، په تېره یوه اوونۍ کې یې د دغه ولایت په مرکز لښکرګاه، ګرمسېر او بهرامچې ولسوالیو کې ۲۲۲۲۲ کیلوګرامه خوراکي او غیرخوراکي قاچاقي توکي نیولي دي.

د پاکستان د تحریک انصاف ګوند بنسټګر عمران خان خور علیمه خان د یاد ګوند له کارکوونکو غوښتنه کړې، چې (د اګست په ۵مه) د اډیاله زندان پر لور د احتجاج لپاره چمتووالی ونیسي او له خیبر پښتونخوا څخه دې لوی کاروانونه راولپنډۍ ته روان شي.

ایران د افغان او پاکستاني ګرځندویانو د برېښنايي او دوامدارې څارنې ازمایښتي بهیر پیل کړی دی. د دې طرحې موخه ایران ته د ګرځندویانو د ننوتلو، استوګنې او وتلو څارنه، د سفر امنیت پیاوړتیا او د غیرقانوني پاتې کېدو مخنیوی بلل شوی دی.

په هرات کې د طالبانو رسنیز دفتر خبر ورکړی، چې په دغه ولایت کې د شاتو تولید د تېرکال پرتله د پام وړ زیات شوی او سږکال د مچیو د ساتنې له فارمونو شاوخوا ۲۵۰ ټنه خالص شات تولید شوي دي.

د طالبانو د صنعت او سوداګرۍ وزارت خبر ورکړی، چې افغانستان ته د ازبکستان لوړپوړي پلاوي د سفر پرمهال د افغان ـ ازبک سوداګریز فورم په ترڅ کې د ۲۰۰ مېلیون ډالرو په ارزښت ۲۲ سوداګریز هوکړه‌لیکونه لاسلیک شوي دي.