د افغانستان لپاره د پاکستان پخواني ځانګړي استازي اصف دُراني ویلي، د طالبانو اصلي ازموینه دا ده چې ډاډ ورکړي د افغانستان خاوره به د ګاونډیو هېوادونو پر ضد د ګواښونو لپاره نه کارول کېږي.
د پښتون ژغورنې غورځنګ مشر منظور پشتين د پاکستان تر ولکې لاندې کشمیر کې په لاريون کوونکو باندې برید ته په غبرګون کې ويلي، «د خپلو حقونو لپاره د کشمیریانو پر سوله ییز لاریون د استعمار له هر لوري برید، پاکستان د کشمیر سيمه د هغې د تاریخي او حقیقي مالکانو په وینو رنګ کړې ده».
یو افغان وګړي احرار افغان د سرای شمالي د کاغذي تذکرو د وېش په مرکز کې د نومونو د ناسم ثبت شکایت کړی او خبرداری یې ورکړی چې د اسنادو په لیکلو کې تېروتنې کولای شي خلک له جدي ستونزو او بیا بیا سرګردانۍ سره مخ کړي.
د خيبرپښتونخوا ایالت د پوليسو مشر ذوالفقار حميد ويلي، چې پولیس د ترهګرۍ ضد مبارزې په لومړۍ کرښه کې قرار لري او د هغوی د برلاسۍ لپاره به د پرمختللو وسلو، ډرون څرخکو، د ډرون ضد سیسټمونو او څارونکو وسایلو چمتو کولو ته دوام ورکړل شي.
د روغتیا نړیوال سازمان وايي، که څه هم په نړۍ کې د ایډز د نوو پېښو او د دغه ناروغۍ له امله د مړینو کچه راټیټه شوې، خو لا هم میلیونونه کسان درملنې ته لاسرسی نه لري. په ورته وخت کې په افغانستان کې هم شاوخوا تر ۳ زره کسان له ایډز ناروغۍ سره ژوند کوي،
د طالبانو تر کنټرول لاندې د المپیک، بدني روزنې او سپورټ ادارې ویلي، د افغانستان د پهلوانۍ د لومړي پړاو غوره لیګ سیالیو په دوام د سیالیو په اوومه ورځ د قوشتېپې او ستارهها او همدارنګه د اخوت او فتح لوبډلو ترمنځ سیالۍ ترسره شوې.
د ملګرو ملتونو امنیت شورا ویلي، د جولای له نهمې راهیسې په اوکراین کې د روسیې د بریدونو له زیاتېدو سره لږ تر لږه ۱۷۰ ملکي وګړي وژل شوي او تر زرو ډېر نور ټپیان شوي دي. د ملګرو ملتونو چارواکو یو ځل بیا د ملکي وګړو د خوندیتوب او د سمدستي اوربند غوښتنه کړې ده.
د پاکستان د بهرنیو چارو وزارت پر سعودي عربستان وروستي ډرون بریدونه په کلکه غندلي او دا یې د ټولې سیمې ثبات ته یو جدي ګواښ بللی دی. دغه وزارت په یوه رسمي اعلامیه کې ویلي چې دا ډول پاروونکي اقدامات د سیمې امنیت خرابوي.
د امریکا د مرکزي قومندانۍ (سینټکام) ویلي، د ایران پر وړاندې د سمندري بندیزونو د پلي کېدو په لړ کې یې ۱۷ سوداګریزې بېړۍ بلې لارې ته اړولې، دوه بېړۍ یې له فعالیته ایستلي او دوه نورې یې هم توقیف کړې دي.
د امریکا ولسمشر ډونالډ ټرمپ ویلي، واشنګټن له ایران سره په خبرو او لیدنو بوخت دی او امکان شته چې دواړه لوري یوې هوکړې ته ورسېږي. نوموړي ټینګار کړی چې د امریکا له پوځي اقدام پرته به تهران خبرو ته نه وای حاضر شوی.
د امریکا د استخباراتو ادارې (سي اې ای) پخوانۍ مامورې سارا اډمز ادعا کړې چې بدخشان کې د ازادۍ جبهې وروستیو عملیاتو د طالبانو دفاعي لیکې کمزورې کړي دي. نوموړې دغه عملیات د ۲۰۲۱ کال د اګست له تحولاتو وروسته د طالبانو پر وړاندې د وسلهوال مقاومت له مهمو بریدونو څخه بللي دي.
د ازبکستان حکومت د شمېرو له مخې، د ۲۰۲۶ کال په لومړیو میاشتو کې د افغانستان او ازبکستان ترمنځ سوداګري لا پراخه شوې او افغانستان د دغه هېواد له لسو سترو سوداګریزو شریکانو څخه ګڼل کېږي. طالبانو بیا ویلي، دواړو لورو د اقتصادي همکاریو پراختیا لپاره لسګونه سوداګریز تړونونه لاسلیک کړي.
د ملګرو ملتونو په جینوا دفتر کې د افغانستان استازي نصیر احمد اندېشه د بدخشان د وروستیو نښتو په تړاو ویلي، د هرې مبارزې دوامداره بریا یوازې په جګړه کې نه، بلکې د خلکو پر بنسټ د ادارې، اساسي خدمتونو او ولسي مشارکت په رامنځته کولو کې ده.
د افغانستان د څېړونکو شبکې په یوه تازه راپور ویلي، په بالکان کې د افغان کډوالو د قاچاق شبکو په تېره یوه لسیزه کې بڼه بدله کړې او ځینې یې له کوچنیو تنظیموونکو ډلو څخه په جرمي شبکو اوښتي دي. راپور زیاتوي چې د سختو سرحدي محدودیتونو له امله کډوال د قاچاقبرانو پر شبکو لا ډېر متکي شوي.
د بدخشان په زیباک او یو شمېر نورو سیمو کې د طالبانو او د ازادۍ جبهې ترمنځ د پرلهپسې نښتو له دوام سره، یو شمېر پخوانیو افغان چارواکو، سیاستوالو او شنونکو د طالبانو د هغو ادعاوو په اړه غبرګونونه ښودلي چې وسلهوال مخالفین له پاکستان سره تړي.
د کاناډا سيبيسي شبکې راپور ورکړی چې د ټورنټو ښار په مرکز کې د امریکا کونسلګرۍ د دوشنبې په سهار د ډزو هدف ګرځېدلې ده. راپور زیاتوي چې دا په روان کال کې دویم ځل دی چې په ټورنټو کې د امریکا په کونسلګرۍ ډزې کېږي.
د رواداري په نوم د بشري حقونو د څار بنسټ په خپل یوه نوي راپور کې ویلي، د ۲۰۲۴ کال د ډسمبر له لومړۍ نېټې څخه د ۲۰۲۶ کال د جون تر پایه د پاکستان د پوځي عملیاتو له امله په افغانستان کې لږ تر لږه ۱۱۸۷ملکي وګړي وژل شوي او ټپیان شوي دي.
د طالبانو مخالفې ډلې، ازادۍ جبهې ادعا کړې چې طالبان د پراخو تبلیغاتو او پروپاګند له لارې د عامه افکارو د منحرفولو او د واقعیتونو د تحریف هڅه کوي، خو د دغه جبهې په وینا، د خلکو پوهاوي او ویښتیا دا هڅې ناکامې کړي او خلک د ریښتیا او درواغو ترمنځ توپیر کولای شي.
طالبانو ته نږدې حریت راډیو راپور ورکړی چې یادې ډلې د دوشنبې په ورځ، د خیبر پښتونخوا په چترال سیمه کې د داعـ-ش پر پټنځایونو هوايي برید کړی دی.
په نیمروز کې د طالبانو امنیه قوماندانۍ ویلي چې د نامعلومو وسله والو په برید کې قومي مشر عبدالخالق نورزی او د هغه وراره وژل شوي او دوه تنه نور ټپیان دي.
د امریکا ولسمشر ډونالډ ټرمپ ویلي، واشنګټن له ایران سره «ډېرې ژورې خبرې» کوي، خو که ډیپلوماسي ناکامه شي، د «قوي پوځي اقدام» لپاره چمتو دی. نوموړي ویلي، ایران ته د خبرو لپاره ډېر وخت نه ورکوي.