د طالبانو د کورنیو چارو وزارت وایي، چې په کندهار کې یې ۱۳زره کیلوګرامه نشهيي توکي او نږدې ۸۰زره نشهيي ټابلیټونه وسوځول. د یاد وزارت په وینا؛ دغه نشهيي توکي په تېرو درېیو میاشتو کې د بېلابېلو عملیاتو پرمهال نیول شوي وو.
په بدخشان کې د طالبانو امنیې قوماندانۍ خبر ورکړی، چې د دغه ولایت لپاره د یادې ډلې د اطلاعاتو او فرهنګ رییس ذبیحالله امیري د سېشنبې په سهار (د زمري ۶مه) د فیضاباد – بهارک پر سړک په یوه وسلهوال برید کې په نښه او ووژل شو.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ له ایران او پاکستان نه ۵۴۱ کډوالې کورنۍ چې د غړو شمېر یې ۲زره او ۹۴۳ کسان کېږي؛ هېواد ته ستنې شوې دي. یاد کډوال د تورخم، سپین بولدک، د ورېښمو پله او اسلامکلا له لارو ستانه شوي دي.
د ایران د سویلي خراسان چارواکي وايي، د ایران، افغاستان او چین ترمنځ د ګډې ازادې سوداګریزې او صنعتي سیمې د جوړولو اداري بهیر د پام وړ پرمختګ کړی دی. نوموړي ویلي، ایران چمتو دی چې د یادې پروژې لپاره اړین بنسټیز تاسیسات، کاري ځواک او صنعتي وړتیاوې برابرې کړي.
له پاکستان نه افغانستان ته د افغان کډوالو د ستنولو بهیر لاهم په چټکۍ سره روان دی؛ خو د یادې پروسې تر ټولو حساس اړخ هغه پېښې دي، چې ماشومان هم پهکې شامل دي. تېره ورځ له کورنیو پرته په پنجاب کې دوه نیول شوي افغان ماشومان افغانستان ته ستانه کړل شول.
نن د (جولای ۲۸مه) د زیړي «هيپاټایټس» نړۍوالې ورځې سره سمون لري. د روغتیا نړۍوال سازمان ویلي، که څه هم افغانستان د ویروسي هپاتیت (زیړي) پر وړاندې د مبارزې په برخه کې یو څه پرمختګ کړی؛ خو لاهم ګڼ شمېر ناروغان نهدي تشخیص شوي او له درملنې بېبرخې دي.
د خېبر پښتونخوا سر وزیر د اساسي قانون محکمې ته په یوه لېږلي لیک کې ویلي، چې «د عمران خان د خلاصون لپاره د ازادۍ غورځنګ هېڅ ډول وسلهواله ډله یا نیمه پوځي جوړښت نهدی؛ بلکې یوه سولهییزه، بېوسلې او سیاسي مبارزه ده.
د اسراییل لومړی وزیر بنیامین نتنیاهو واشنګټن ته رسېدلی او ټاکل شوې، چې د سېشنبې په ورځ (د زمري ۶مه) د امریکا له ولسمشر ډونالډ ټرمپ سره په سپینه ماڼۍ کې وګوري.
د رویټرز او اېپسوس د ګډې وروستۍ نظرپوښتنې پایلې ښيي، چې یوازې یو پر درېیمه برخه امریکایي وګړي له ایران سره د جګړې ملاتړ کوي او ډېری یې په دې باور دي چې د امریکا ولسمشر ډونالډ ټرمپ په دغه جګړه کې د امریکا موخې په روښانه توګه نهدي بیان کړې.
یوشمېر افغان کډوال چې په دې وروستیو کې له پاکستان نه بېرته کونړ ولایت ته ستانه شوي افغانستان انټرنشنل ته ویلي، چې تراوسه مناسبه سرپناه نهلري. هغوی له طالبانو غوښتي، چې د ځمکو د وېش بهیر ژر تر ژره پیل کړي او د تازه ستنو شویو کډوالو د مېشتېدو په اړه خپلې ژمنې عملي کړي.
د پاکستان د پنجاب ایالت په لاهور ښار کې د مېشتو افغان کډوالو پرضد د پولیسو عملیات په چټکۍ سره دوام لري. د لاهور د پولیسو ویاند ویلي، چې تراوسه پورې په دغه ښار کې مېشت ۲۰۰۵ افغان کډوال نیول شوي دي.
د هرات یوه اوسېدونکي افغانستان انټرنشنل پښتو ته ویلي، د دغه ولایت ۸مې ناحیې اړوند د پخوانۍ قول اردو په سیمه کې هغه کورنۍ چې شاوخوا ۲۵ کاله وړاندې یې په ویجاړو او شاړو ځمکو کې په خپل شخصي لګښت ساده کورونه جوړ کړي وو؛ اوس طالبان دوی له خپلو کورونو باسي او ځمکې یې غصبوي.
د افغانستان د کورنیو چارو پخواني وزیر علي احمد جلالي ویلي، په بدخشان کې وروستي بدلونونه د طالبانو د سیاستونو پر وړاندې د خلکو د تدریجي غبرګون د پیل نښه ده. هغه ویلي، تاریخي تجربې ښيي چې د «استبدادي حکومتونو» پر وړاندې مقاومت معمولا په تدریجي ډول پیلېږي او د وخت په تېرېدو پراخېږي.
د پاکستان د بلوچستان ایالت د کیچ ولسوالۍ پولیسو د یو لړ عملیاتو پرمهال ۲۸ بېاسناده افغان کډوال نیولي دي. د کیچ پولیسو په خبرپاڼه کې راغلي، دغه کسان د هیرونک په امنیتي پوستې کې د یوه مساپر وړونکي موټر د پلټنې پرمهال نیول شوي دي.
د افغانستان، سوډان او کامرون اووه ښځینه محصلانو د بریتانیا د کورنیو چارو وزارت پر ضد د دغه هېواد سترې محکمې ته شکایت کړی او ویلي یې دي چې د دوی د هېوادونو د وګړو لپاره د زدهکړو ویزو د صادرېدو درول، د لوړو زدهکړو هیلې له منځه وړي دي.
د امریکا د ولسمشر ډونالډ ټرمپ ادارې د پناه غوښتنې د ارزونې په بهیر کې نوی بدلون راوستی او د لنډمهالي مقرراتو له مخې به د ځینو پناه غوښتونکو دوسیې د مرکې له ترسره کېدو پرته د عدلیې وزارت د کډوالۍ محکمو قاضیانو ته سپارل کېږي.
د ترکیې په سوېل ختیځ کې د شرناک ښار پولیسو ویلي، د افغانستان ۱۲ وګړي یې د دغه هېواد خاورې ته د ناقانونه ننوتلو په تور نیولي دي. هممهاله دوه ترکي وګړي هم د کډوالو د ناقانونه لېږد په تور نیول شوي او د قضايي بهیر د بشپړولو لپاره څارنوالۍ ته ورپېژندل شوي دي.
د طالبانو د المپیک، بدني روزنې او سپورټ عمومي ریاست وايي، په بغلان ولایت کې د «یو اېف سي» رزمي سبک سیالۍ د اوو ولایتونو د ۸۰ ورزشکارانو په ګډون ترسره شوې چې د بغلان لوبغاړو لومړی، کندز دویم او بلخ درېیم مقام خپل کړ.
د امریکا ولسمشر ډونالډ ټرمپ ویلي، متحده ایالاتو د ایران اسلامي جمهوریت «سخت ځپلی» او زیاته کړې یې ده چې تهران اوس د یوې هوکړې په اړه خبرې کوي.
د پاکستان زنداني پخواني لومړي وزیر عمران خان د دغه هېواد پر پوځي مشر عاصم منیر سختې نیوکې کړې دي او هغه یې د «تاریخ تر ټولو ظالم دیکتاتور او رواني ناروغ» بللی دی.
د امریکا فضايي څېړنیزې ادارې (ناسا) د «نانسي ګرېس رومن» فضايي تلسکوپ د توغولو په لور یو مهم ګام پورته کړی او د دې پرمختللي څارونکي د سونتوکو د ډکولو چارې یې بشپړې کړې دي. ټاکل شوې دغه تلسکوپ د اګست په ۳۰مه د سپېساېکس په «فالکن هېوي» توغندي کې فضا ته ولېږدول شي.