د طالبانو د بهرنیو چارو وزیر امیرخان متقي د ملګرو ملتونو د پراختیايي پروګرام له نوي استازي تورهان صالح سره په لیدنه کې ویلي افغانستان د بشري مرستو ترڅنګ پراختیايي او بنسټیزو پروژو ته هم اړتیا لري او د دغو پروژو پلي کېدل مهم دي.
رویټرز د یوې سرچینې له قوله راپور ورکړی چې عمان ایران ته د هرمز تنګي د ګډ سیمهییز مدیریت طرحه وړاندې کړې ده. د دې وړاندیز له مخې به ایران د اوبو پر دې لارې انحصاري کنټرول نه لري او د تنګي کاروونکي به په خپله خوښه د تګ راتګ، چاپېریال ساتنې او ژغورنې چارو لپاره مالي ونډه ورکوي.
د کابل ولایت د سروبي ولسوالۍ د کڅ میرخېل سیمې یوې کورنۍ افغانستان انټرنشنل ـ پښتو ته په استولي پیغام کې ادعا کړې چې د برېښنا د ټولو بیلونو له پر وخت تادیه کولو سره سره، د دوی د کور برېښنا له تېرو دوو ورځو راهیسې په ناحقه پرې شوې ده.
انسان که څه هم یو ټولنیز موجود دی او د ژوند ډېره برخه کړهوړه، انتخابونه، افکار، ارزښتونه او اړتیاوې یې له نورو او ټولنې سره د اړیکو له مفهومه تعریفېږي، خو بیا هم هر انسان غواړي د خپل محرمیت او شخصي حریم شاوخوا داسې سره کرښه ولري چې هېڅوک یې ور ونهړنګوي.
طالبانو ویلي چې په پنجشېر کې یې ۶۷۵۵ قیراطه زمرد او کونړ کې ۱۵۸۵ کیلوګرامه بېروج د ازادې داوطلبۍ له لارې د څه باندې ۱۳۳ میلیونه افغانیو په ارزښت پلورلي دي.
د ملا عبدالغني برادر په مشرۍ د طالبانو د اقتصادي کمېسیون په غونډه کې د شیرخان بندر له لارې له تاجکستان، قرغزستان او چین سره د سوداګرۍ د پراختیا لپاره د زیربناوو او د لوجستیکي مرکز د جوړولو، د ریل پټلۍ د تاسیساتو او د ۳۷ معیارونو او ۱۲ ازمایښتي طریقو طرحه تایید شوې ده.
د ملګرو ملتونو مرستندوی پلاوي (یوناما) په خپل تازه راپور کې ویلي، طالبانو د روان میلادي کال د اپرېل له لومړۍ څخه د جون تر ۳۰مې پورې د ۲۵ ښځو په ګډون لږ تر لږه ۱۳۷ کسان په عام محضر کې په دُرو وهلي دي.
په متحده عربي اماراتو کې د طالبانو کونسل د دوبۍ د سوداګرۍ خونې له مشر سره د افغانستان او دوبۍ ترمنځ د اقتصادي همکاریو د پراختیا، د سوداګرۍ د زیاتوالي، د افغان توکو د لېږد او په نړیوالو نندارتونونو کې دافغان سوداګرو دګډون په اړه خبرې کړې دي.
د خیبر ولسوالۍ د تيراه درې هغو کورنیو چې د ناامنۍ، پوځي عملیاتو او بېځایه کېدو پر مهال یې خپلوان له لاسه ورکړي، له حکومت څخه غوښتي چې د زیانمنو کورنیو لپاره اعلان شوی مالي مرستندویه بستې دې ژر تر ژره عملي او ټولو مستحقو کورنیو ته دې بشپړه مالي مرسته ورکړل شي.
د ایران دسویلي خراسان چارواکي وایي، له افغانستان سره د یزدان پولې له لاري د سوداګرۍ د پراختیا، د پانګونې د هڅونې او د سرحدي اسانتیاوو د ښه کولو لپاره پر یو هر اړخیز پلان کار کوي.
په پاکستان کې د افغان کډوالو د بېرته ستنېدو له روان بهیر سره ګڼې داسې کورنۍ هم شته، چې کلونه یې په پاکستان کې تېر کړي؛ خو اوس د ستنېدو ترڅنګ له سختو اقتصادي ستونزو سره هم مخ دي. افتخار خان، اشرف ګل او شفیعالله هم د همدې کورنیو له ډلې دي.
یوناما په خپل تازه درې میاشتني راپور کې د افغانستان د بشري حقونو د وضعیت په اړه ویلي، چې په دې موده کې لږترلږه ۵۷ ملکي وګړي وژل شوي او ۳۴۲ نور ټپیان دي.
د طالبانو مخالفې ډلې ازادۍ جبهې د یوې خبرپاڼې په خپرولو ادعا کړې، چې ځواکونو یې د بدخشان ولایت د زیباک ولسوالۍ اړوند د طالبانو بریدونه په شا تمبولي او ځوابي بریدونو کې یې پنځه طالبان وژلي او څلور نور یې ټپیان کړي دي.
د طالبانو ویاند ذبیحالله مجاهد د یادې ډلې د شپږو وزارتونو د لاسته راوړونو په غونډه کې ویلي، چې ځواکونه یې پیاوړي دي او د وروستۍ پېښې عاملین یې په ۲۴ ساعتونو کې لهمنځه وړي. که څه هم نوموړي د وروستۍ پېښې او ځای نوم وانهخیست؛ خو اشاره یې د بدخشان پېښو ته وه.
په ننګرهار کې د طالبانو رسنیز دفتر خبر ورکړی، چې د تېرو دوو اونیو په ترڅ کې په دغه ولایت کې ۱۹۰۲ راستنو شویو کډوالو کورنیو ته استوګنیزې نمرې وېشل شوې دي.
د ملګرو ملتونو د استوګنې ادارې (UN-Habitat) ویلي، چې لاهم په افغانستان کې مېلیونونه خلک د څښاک پاکو او خوندي اوبو ته لاسرسی نهلري. دغه ادارې د اوبو سرچینو د ساتنې، د ښاري پلان جوړونې او د اوبو او ښځلو د اغېزمن مدیریت پر اړتیا ټینګار کړی.
د سویلي وزیرستان په لنډي ډوګ سیمه کې د ډرون (کواډکاپټر) برید له امله یو کس وژل شوی او یو بل ټپي دی. د پولیسو په وینا؛ برید د حیات جومات ته څېرمه شوی.
له کابل نه سرچینو افغانستان انټرنشنل پښتو ته خبر ورکړی، چې طالبانو د مخابراتو او معلوماتي ټېکنالوژۍ لومړني ملي او نړۍوال نندارتون کې ښځو ته د ګډون بلنه نهده ورکړې. دغه نندارتون چې د یکشنبې په ورځ (د زمري ۴مه) پرانیستل شو، تر پنجشنبې به دوام وکړي.
د پاکستان د بلوچستان ایالت په بېلابېلو پېښو کې شپږ کسان وژل شوي، ۱۲ ټپیان او شپږ نور د وسلهوالو له لوري تښتول شوي دي. د راپورونو له مخې؛ په لورلايي ولسوالۍ کې د دوو ډلو ترمنځ د ډزو په پېښه کې درې کسان وژل شوي او یو بل ټپي دی.
د طالبانو د کورنیو چارو وزارت وایي، چې په کندهار کې یې ۱۳زره کیلوګرامه نشهيي توکي او نږدې ۸۰زره نشهيي ټابلیټونه وسوځول. د یاد وزارت په وینا؛ دغه نشهيي توکي په تېرو درېیو میاشتو کې د بېلابېلو عملیاتو پرمهال نیول شوي وو.
په بدخشان کې د طالبانو امنیې قوماندانۍ خبر ورکړی، چې د دغه ولایت لپاره د یادې ډلې د اطلاعاتو او فرهنګ رییس ذبیحالله امیري د سېشنبې په سهار (د زمري ۶مه) د فیضاباد – بهارک پر سړک په یوه وسلهوال برید کې په نښه او ووژل شو.