د بښنې نړیوال سازمان د پاکستان تر واک لاندې کشمیر کې د سیمه ییزو ټاکنو په لومړۍ ورځ پر لاریونوالو د امنیتي ځواکونو له لوري د وژونکې ځواک کارولو او هلته د مخابراتي شبکو د بندېدو په غبرګون کې له اسلاماباده غوښتي چې دا بندیزونه ژر تر ژره لیرې کړي.
پاکستانی سياستوال او د مير تاج محمد خان د کورنۍ نږدې ملګری غلام احمد بلور وايي چې د شاه رخ خان پلار مير تاج محمد خان له کډوالۍ مخکې پېښور کې اوسېده. د بلور په وينا، تاج محمد خان د پاکستان د جوړېدو په لومړيو کلونو کې د سياسي فشارونو او د ځپلو له ویرې پاکستان پرېښود او هند ته ولاړ.
د طالبانو مخالفې ډلې، مقاومت جبهې ادعا کړې چې د هرات ولایت په فرسي ولسوالۍ کې یې د طالبانو پر یوې امنیتي پوستې برید کړي، یو طالب جنګیالی یې وژلی او درې نور یې ټپیان کړي دي.
د پاکستاني طالبانو تحریک (ټي ټي پي) د سوات څانګې ادعا کړې چې د بر سوات ولسوالۍ په مټه سيمه کې یې د پاکستان د پوځ او ترهګرۍ ضد پوليسو (سي ټي ډي) سره نښته شوې او د څلورو پوځيانو د وژلو ادعا یې کړې ده.
په بدخشان کې د طالبانو له نښتو سره هممهاله د طالبانو د اقتصاد وزارت مرستیال لطیف نظري ادعا کړې چې افغانستان د سیمې له نورو هېوادونو سره په پرتله د «ثبات او امنیت پر ټاپو» بدل شوی او د امنیت، اقتصاد او سوداګرۍ وضعیت یې له ایران او پاکستان څخه ښه دی.
په داسې حال کې چې د پاکستان سره ترینګلتیاوې او نښتې زیاتې شوي، طالبانو د کونړ ولایت په هغو ولسوالیو کې چې پر ډیورڼد کرښه پرتې دي، د خپل پوځ لپاره د نویو جنګیالیو د جذب بهیر پیل کړی دی.
د ملګرو ملتونو د بشري حقونو د عالي کمېشنرۍ دفتر او په افغانستان کې د ملګرو ملتونو مرستندویه پلاوي (یوناما) په خپل نوي راپور کې ویلي، چې د ۲۰۲۵ کال د مې میاشتې راهیسې په هرات ښار کې د طالبانو د امر بالمعروف او نهي عن المنکر ریاست محتسبینو د ښځو پر حجاب څارنه سخته کړې ده.
د خيبرپښتونخوا د پېښور سترې محکمې د قايداعظم په نوم د نوښار اوسېدونکي د عريضې په اورېدنه کې امر کړی چې دغه کس دې له هېواده ونه شړل شي او قايداعظم ته یې هم امر کړی چې د خپل هویت د تایید لپاره د پاکستان د ملي معلوماتو او ثبت ادارې «نادرا» ته حاضر شي.
د اسراییل د لومړي وزیر دفتر د سېشنبې په ورځ د سپینې ماڼۍ څخه هغه انځورونه خپاره کړل چې په کې د اسراییل لومړي وزیر بنیامین نتنیاهو د امریکا له ولسمشر ډونالډ ټرمپ لیدلي او د ایران د جګړې په اړه یې خبرې اترې کړي دي.
د پاکستان تر ولکې لاندې کشمير کې ګډې ولسي کارې کمېټې ادعا کړې چې د جون له پنځمې نېټې څخه تراوسه پورې یې ۶۷ غړي وژل شوي دي. د پاکستان د اطلاعاتو وزير عطاالله تارړ پر کمېټۍ د بهرنۍ ايجنډاوو پرمخ وړلو تور پورې کړی دی.
د کندهار په پټو کړیو او د کابل په زغروالو کوڅو کې د واک داسې یو جوړښت واکمن دی چې د سیاسي علومو دودیز تعریفونه ننګوي. په دې راپور کې کتنه شوې چې د طالبانو مشر، د کابینې غړي او د دغه ډلې مهم کسان څه ډول ساتل کېږي او د هبت الله استوګنځای ته نږدې مخابراتي سېسټم ولې نشته؟
د روغتیا نړیوال سازمان (ډبلیو ایچ او) د افغانستان څانګې ویلي، د ژېړي ناروغي لا هم په افغانستان کې د زرګونو خلکو پر ژوند اغېز کوي او د عامې روغتیا له مهمو ننګونو څخه ګڼل کېږي.
د پاکستان په پارلمان کې د اپوزیسیون مشر محمود خان اڅکزي، ویلي چې په ټول پښتون وطن کې ناامني روانه ده او په پنجاب او سند ایالتونو کې له پښتنو سره ناسم چلند کېږي. هغه ویلي، پښتونخوا ملي عوامي ګوند به د اګست په ۲۹مه، ۳۰مه او ۳۱مه په کوېټه کې د پښتنو د ستونزو په اړه جرګه جوړه کړي.
د طالبانو یوه جنګیالي په خپله فېسبوک پاڼه د طالبانو د دوو جنګیالیو د انځورنو په خپرولو سره پر خپلو مشرانو سختې نیوکې کړې او وایي، هغه کسان چې د تېر جمهوري نظام او بهرنیو ځواکونو پر وړاندې جنګېدلي وو، اوس بېبرخلیکه پاتې دي.
د تېر جمهوري نظام پر مهال د سولې عالي شورا د دارالانشا مشر محمد اکرم خپلواک وایي، د طالبانو او نړیوالو اړخونو ترمنځ شوې هوکړې ناکامې شوې او د افغانستان د سیاسي راتلونکي په اړه یې مهمې برخې نه دي عملي شوې.
د طالبانو د لوړو زده کړو وزیر ندا محمد ندیم د ترکیې له سفیر سادین ایلیډیز سره په لیدنه کې له هغه غوښتې چې د افغانستان پوهنتونونو ته د تدریس لپاره ترکي استادان او د عملي روزنې لپاره متخصص ډاکټران واستوي.
د جرمني د کورنیو چارو وزیر الکساندر دوبرینت ویلي، دغه هېواد د طالبانو له بیا واکمنېدو وروسته د لومړي ځل لپاره یو افغان وګړی، چې جرمي سابقه یې نه لرله، افغانستان ته شړلی دی. د هغه په وینا، دغه کس د پناه غوښتنې له رد کېدو وروسته د اخراج وړ ګرځېدلی و.
په کندهار کې یو شمېر هغه لوستې ښځې چې د طالبانو له لوري د ښځو پر کار له بندیز وروسته خپلې دندې له لاسه ورکړې، اوس یې د لاسي خامکي غاړو ګنډلو ته مخه کړې ده. دوی وايي، که څه هم دا کار د کورنۍ د اړتیاوو په پوره کولو کې مرسته کوي، خو د ډېر زحمت په بدل کې یې عاید کم دی.
د کارګر ګوند استازی او د بریتانیا د بهرنیو چارو وزارت مرستیال سټییفن ډاوټي د افغانستان او پاکستان، منځني ختیځ او شمالي افریقا، د بندیزونو، قونسلي چارو او د کړکېچونو د مدیریت د مسوول په توګه وټاکل شو.
یوه طالب جنګیالي پر فېسبوک پاڼه د طالبانو د مشرانو او عامو خلکو د اولادونو ترمنځ د فرصتونو پر توپیر نیوکه کړې او پوښتنه یې کړې چې «عدالت چېرته دی»؟
د طالبانو د بهرنیو چارو وزیر امیرخان متقي د ملګرو ملتونو د پراختیايي پروګرام له نوي استازي تورهان صالح سره په لیدنه کې ویلي افغانستان د بشري مرستو ترڅنګ پراختیايي او بنسټیزو پروژو ته هم اړتیا لري او د دغو پروژو پلي کېدل مهم دي.