د امریکا ولسمشر ډونالډ ټرمپ چین ته د نوېډیا شرکت H200 مصنوعي ځیرکتیا د چېپونو د پلور اجازه ورکړه. ټرمپ پر ټروټ خواله رسنۍ لیکلي، چې هغه د چین ولسمشر شي جېن پېنګ ته د دغه اقدام په اړه خبر ورکړی او نوموړي «مثبت ځواب ورکړی دی.»
یو افغان پناهغوښتونکی چې تېر کال یې د طالبانو د ګواښونو او ځورونې له امله امریکا ته پناه وړې، اوس پرته له کوم جرمه له امریکا نه د اېستلو له ګواښ سره مخ دی. د هغه وکیل وايي، یاد کس وروسته له هغې ونیول شو چې د یوې عادي اداري مراجعې لپاره نیویارک کې یوې دولتي ودانۍ ته ننوتی و.
د «ترهدهومس» سازمان لهخوا ترسره شوې یوه نوې څېړنه ښیي، چې په ترکیه کې مېشت افغان ځوانان د قانوني محدودیتونو او بشري مرستو د کمښت له امله د ژوند په بنسټیزو برخو کې له پراخو ستونزو سره مخامخ دي.
په سوډان کې پر یوه روغتون او ښوونځي برید کې د ۶۳ ماشومانو په ګډون ۱۱۴ کسان وژل شوي دي. د روغتیا نړۍوال سازمان مشر ټېډروس اډانوم غیبریوس په سوډان کې پر یوه ښوونځي او روغتون برید غندلی او دا یې «ظالمانه کړنه» بللې ده.
د افغانستان د فوټبال فدراسیون اعلان کړی، چې د هېواد د فوټسال ملي لوبډله به د ۱۴۰۴کال د لېندۍ له ۱۷مې د مرغومې تر ۲مې نېټې پورې د پنځه ورځني روزنیز کمپ لپاره کویټ ته سفر وکړي.
د امریکا د فلوریډا ایالت والي ران دسانتیس د یوه اجرايي فرمان په صادرولو سره په فلوریډا ایالت کې د اخوانالمسلمین او د امریکا- اسلامي اړیکو شورا (CAIR) د بهرنیو ترهګریزو سازمانونو په توګه اعلان کړل.
په ننګرهار کې د ټيپبال کرېکټ سوپرلیګ څلورم پړاو سیالۍ د دوشنبې په ورځ (د لیندۍ ۱۷مه) د کټهپور لوبډلې په اتلولۍ سره پای ته ورسېدې. دغه سیالۍ ۲۰ ورځې مخکې پیل شوې وې.
د جرمني د فدرالي پولیسو نوی راپور ښيي، د هغو نویو راغلو سوریایي او افغان کډوالو ونډه چې لا تر اوسه نهدي منل شوي، په جرمونو په ځانګړي ډول د تاوتریخوالي او وژنې په جرمنو کې د المانیانو پرتله لوړه ده.
د ننګرهار په شيخ مصري صنعتي ښارګوتي کې د يوه افغان پانګهوال په دوه ميليونه امريکايي ډالرو پانګونې سره د «المعيار»په نوم د تېلي نباتاتو د پروسس او غوړيو توليدي فابريکې فعاليت پيل کړ. دغه فابريکه په ۲۴ساعتونو کې د دوه سوه ټُنه نباتاتو د پروسس وړتيا لري او ترې تېل او غوړي تولیدېږي.
د ایران د اقتصاد وزیر علي مدنيزاده ویلي، چې د ایران اقتصادي وضعیت ښه نه دی او دوی ته په تېرو شپږو میاشتو کې د دغه هېواد اداره کول خورا ګران او سخت کار و.
طالبانو له ۲۰۰۱ تر ۲۰۲۱ کال پورې د جمهوري نظام او بهرنیو ځواکونو پر وړاندې په لاس له جوړو شویو بوشکهيي ماینونو ډېره استفاده کوله او اوس د ماین پاکۍ موسسې تر ډېره د دغو بوشکهيي (زېړو بوشکه) ماینونو پر موندلو او شنډولو بوخت دي.
د امریکا له حکومت سره تړلې «له وخته وړاندې د قحطۍ شبکې» وېبپاڼه ښيي، چې سږکال په افغانستان کې د باران موسم له نورمال کچې څخه کم باران، د تودوخې لوړې کچې او د خاورې د ټیټ رطوبت سره پیل شوی دی.
د سوریې د پخواني ولسمشر بشار الاسد د حکومت له نسکورېدو یو کال وروسته هم د هغه د واکمنۍ پرمهال د تري تم شویو لسګونو زرو بندیانو د کورنیو پلټنې بېځوابه پاتې دي.
د طالبانو د عامې روغتیا وزارت د خوړو او درملو مرستیال حمدالله زاهد په هېواد کې د درملو د سترو تولیدي فابریکو له مسوولینو سره لیدنه کې وویل، پر وارداتو تکیه کول هېواد محتاج ساتي، خو پر کورنیو تولیداتو تکیه کول بیا اقتصادي خپلواکي رامنځته کوي.
د ملګرو ملتونو سرمنشي انتونیو ګوترېش په لوېدیځ افریقایي هېواد بنین کې د کودتا په اړه اندېښنه ښودلې او ویلي یې دي، چې په دغه هېواد کې د اساسي قانون خلاف د واک نیولو لپاره د هرې هڅې په اړه ژوره اندېښنه لري.
د هبتالله اخوندزاده په حکم د پکتیا، پکتیکا، خوست، غزني او لوګر ولایتونو طالب مسوولینو د همغږۍ غونډه وکړه. په دې غونډه کې د طالبانو د فرامینو د پلي کېدو، د امنیتي چارو او د نشهیې توکو اړوند مسایلو په اړه خبرې وشوې. د معلوماتو پربنسټ، دا غونډه په پکتیا کې شوې ده.
د طالبانو د کورنیو چارو وزارت ستر امنیتي مرستیال په کندوز کې د طالبانو له ملکي او نظامي مسوولینو سره کتنه کې وویل، نظامي مسوولین په رسمي وختونو کې باید نظامي یونیفورم پر تن ولري. دا په داسې حال کې ده، چې په دې برخه کې له سپارښتنو سره سره لا هم طالبان له یونیفورم پرته «دندې» کوي.
د اوکراين ولسمشر ولاديمير زېلېنسکي د دوشنبې په ورځ لندن ته سفر وکړ او ويې ويل، چې د روسيې پر وړاندې د جګړې د ختمولو لپاره د اوکراين، اروپا او امريکا يووالی ډېر اړین دی.
د محمود شاه حبیبي ورور افغانستان انټرنشنل- پښتو ته وايي، امریکا هڅه کوي د فشارونو په راوړلو سره پر طالبانو دا ومني، چې محمود شاه حبیبي له دوی سره بندي دی. طالبان له څه باندې درېیو کلونو راهیسې د محمود شاه حبیبي له نیولو او بندي کولو منکر دي.
د پښتون ژغورنې غورځنګ مشر منظور احمد پښتین د افغانستان انټرنشنل - پښتو په فرهنګي سپړنه کې ویلي، چې "پنجابي استعمار" یوازې د لر پښتنو دوښمن نه دی، بلکې تل یې د بر پښتنو او افغانانو پروړاندې هم دوښمني کړې ده. نوموړي پر افغانانو غږ کړی، چې خپل اصلي دوښمنان وپېژني.
حزب اسلامي ته نژدې څېره محمد امین کریم وايي، چې طالبانو مالیزیا ته د ګلبدین حکمتیار سفر ۷ میاشتې ځنډولی و. نوموړی افغانستان انټرنشنل ته وویل:« ددې سفر بلنه ۷ میاشتې مخکې ورکړل شوې وه خو د اوسني نظام رهبري ځیني ملاحظات درلودل خو په وروستیو ورځو کې دا ملاحظات حل شول».