د کابل یوشمېر اوسېدونکي وایي، چې په وروستیو ورځو کې د اوبلن ګازو بیه په بېساري ډول لوړه شوې او د هر کیلوګرام بیه تر ۹۰ او ۹۵ افغانیو پورې رسېدلې ده. دا په داسې حال کې ده، چې د طالبانو د نرخنامې له مخې د هر کیلوګرام ګازو بیه ۶۵ افغانۍ ټاکل شوې ده.
د امریکا د جګړې وزارت د خپلو نظامیانو د تلفاتو په تړاو د رسمي ډېټابېس په نوي کولو سره اعلان کړی، چې له ایران سره په جګړه کې تر اوسه ۱۸ امریکايي سرتېري وژل شوي دي. د پنټاګون په وینا، په دې لړ کې ۶۲۴ نور امریکايي سرتېري ټپيان شوي دي.
په پاکستان کې د طبيعي پېښو پر وړاندې د مبارزې ملي ادارې (اېن ډي اېم اې) د شمېرو له مخې، د ۲۶م جون څخه تر ۲۶مې جولای پورې په ټول هېواد کې د موسمي بارانونو له امله رامنځته شوو پېښو او سېلابونو کې ۱۰۷ کسان مړه شوي او ۳۴۴ نور ټپيان شوې دي.
د سوریې ولسمشر احمد الشرع ویلي، دمشق له اسراییل سره د یوې امنیتي هوکړې د ترلاسه کولو هڅه کوي؛ داسې هوکړه چې د هغه په وینا، د دواړو هېوادونو ترمنځ د هر اړخیزې سولې لپاره زمینه برابره کړي، خو سوریه به د جولان د لوړو اړوند له خپلې دعوې تېر نه شي.
له وړمې جمعې (د چنګاښ ۲۶مې) راهیسې د بدخشان امنیتي وضعیت ترینګلی شوی او شنونکي دغه وضعیت د طالبانو د پالیسیو پایله ګڼي او خبرداری ورکوي، که طالبان د افغان ولس پر وړاندې په خپلو پالیسیو کې بدلون رانهولي، نه یوازې بدخشان بلکې ټول افغانستان به یې تر پښو لاندې «تنور» شي.
د «هیلو کړکۍ» په نوم د ښځو د حقونو غورځنګ د «د افغانستان له ښځو سره مرسته وکړئ» تر شعار لاندې یو نړیوال کمپاین پیل کړی او د جنسیتي اپارتاید او په افغانستان کې د بشري حقونو د پراخو سرغړونو د پای ته رسولو لپاره یې د بېړنیو نړیوالو اقداماتو غوښتنه کړې ده.
د افغانستان د حقونو څار بنسټ د نجونو پر زدهکړو د بندیز د دوام په غبرګون کې ویلي، هره هغه ورځ چې افغان نجونې له زدهکړو بېبرخې پاتې کېږي، هېڅکله بېرته نه راګرځېدونکې او نه جبرانېدونکې ده.
د امریکا او ایران له لوري د متقابلو بریدونو تر درولو وروسته، د دواړو هېوادونو ترمنځ د خبرو د بیا پیل احتمال زیات شوی دی. په همدې حال کې د شخړو د پای ته رسولو لپاره ډیپلوماټیکې هڅې هم روانې دي.
د عوامي نشنل ګوند د سيند ایالتي مشر شاهي سید په کراچۍ کې د پښتنو پر وړاندې د روانو ستونزو او د پولیسو د ناسم چلند په اړه سخت غبرګون ښودلی دی. هغه وویل چې د کراچۍ پښتانه بېوارثه نه دي او ګوند به یې په هر فورم کې د هغوی د حقونو لپاره غږ پورته کړي.
د پاکستان جمعیت علمای اسلام ګوند د یوې خبرتیا په خپرولو سره ویلي، چې په راتلونکو ورځو کې به د بې قانونۍ او له اساسي قانونه د پورته قانون جوړونې پر ضد د دغه هېواد په ټولو ایالتونو کې د سلا مشورو بهیر پیل کړي. دغه ګوند خبرداری ورکړی، چې د ولسواکۍ جګړه به په میدانونو کې هم وکړي.
د ایران د بهرنیو چارو وزارت ویاند اسماعیل بقايي، ویلي چې د تهران او واشنګټن ترمنځ د پیغامونو تبادله لا هم دوام لري او منځګړي د ډیپلوماټیک بهیر د پرمخ بېولو لپاره خپلو هڅو ته دوام ورکوي.
د افغانستان د تېر جمهوري نظام د ملي دفاع وزارت سرپرست شاه محمود میاخېل د پاکستان د اټوم په تړاو د یوه مستند په اړه ویلي، پاکستان پوځ وسلهوالې ډلې د خپلو سیمهییزو موخو او بهرنۍ تګلارې لپاره د ستراتیژیکو وسیلو په توګه کاروي.
د هند د دفاع وزیر راجنات سنګ د کارګل جګړې د یادغونډې په مراسمو کې ويلي، چې هېواد یې له پاکستان سره هېڅ ډول خبرې اترې نه کوي او که په راتلونکي کې کومې خبرې کېږي، هغه به یوازې د پاکستان تر ولکې لاندې کشمیر په اړه وي.
د ملګرو ملتونو د ماشومانو د ملاتړ وجهي صندوق (یونیسف) ویلي، د نورستان په وروستیو سېلابونو کې زیانمنو شویو سیمو ته یې د بېړنیو مرستو ډلې رسېدلې او د اغېزمنو کورنیو د ملاتړ چارې یې پیل کړې دي.
د پاکستان د ملي احصایې ادارې ویلي، دغه هېواد کې د اوړو بیه د تېر کال پر تله ۱۳،۷۴ سلنه لوړه شوې، چې د روان کال د انفلاسیون د زیاتوالي یو مهم لامل بلل کېږي. دا په داسې حال کې ده، چې د خیبرپښتونخوا حکومت او اوسېدونکي پر پنجاب تور لګوي، چې پښتونخوا ته د اوړو له لېږدېدو مخنیوی کوي.
د پاکستان په کراچۍ ښار کې د طالبانو کونسلګري وايي، افغانستان دولت په کراچۍ ښار کې دوه جایدادونه (ودانۍ) لري، خو دا ودانۍ د افغانستان د کونسلګرۍ په واک کې نه دي، بلکې نږدې دوه لسیزې کېږي چې د نورو خلکو په ولکه کې دي او د مالکیت په اړه یې قضیه لا هم د پاکستان په محکمه کې روانه ده.
د نورستان د والي مرستیال فیصل مختار وايي، د تېرې اونۍ په سېلابونو کې د مړو شمېر څه باندې ۳۰ ته رسېدلی او تر اوسه یوازې د شلو جسدونه موندل شوي دي. د نوموړي په وینا، شاوخوا ۱۰ جسدونه لا هم نهدي موندل شوي او زیاتوي: «څلور جسدونه خو یقیني ورک دي».
د افغانستان کرکټ بورډ ویلي چې د کرکټ ملي لوبډله د ایرلنډ پر وړاندې د یو ورځنیو نړیوالو سیالیو د لړۍ لپاره د ښه چمتووالي په موخه د انګلستان برمنګهم ښار ته رسېدلې ده.
د ایران د بهرنیو چارو وزیر سید عباس عراقچي، ویلي چې د کسپین سمندر په یوه بېړۍ د اوکراین برید د اسراییل په هڅونه ترسره شوی او دا اقدام به بېځوابه پاتې نه شي.
د جرمونو د نړۍوالې محکمې تر څار لاندې د طالبانو مشر هبتالله اخوندزاده د سویلي زون د پنځو ولایتونو له مسوولینو، دیني عالمانو او متنفذینو سره په کتنه کې د امربالمعروف دنده تر ټولو لومړۍ وبلله او ویې ویل، د «جــ.هاد» له ځانګړو موخو څخه یوه د معروفاتو«اقامه» او د منکراتو «ازاله» ده.
د طالبانو د ټرانسپورټ او هوايي چلند وزارت د هواپوهنې ادارې ویلي، د هېواد په شپږو ولایتونو کې د زورورو ورښتونو او د سېلابونو د ناڅاپي راوتلو احتمال شته.