تحریک طالبان پاکستان (ټيټيپي) ادعا کړې، چې د خيبرپښتونخوا په سويلي وزيرستان کې د پاکستان د پوځ پر دوه کمپونو په برید سره یې څه باندې ۴۰ پاکستاني نظامیان وژلي او ګڼ نور یې ټپیان کړي دي. د پاکستان پوځ بیا پر یادو کمپونو د وسلهوالو دبریدونو له شنډولو خبر ورکړی دی.
ځايي سرچینو افغانستان انټرنشنل ته ویلي چې د بدخشان د جرم ولسوالۍ د خستک درې د کیپ او پلر کلیو د اوسېدونکو ترمنځ د څړځایونو پر سر وسله واله نښته د طالبانو د لوی درستیز فصیحالدین فطرت د اړوندو ځواکونو له لاسوهنې وروسته پراخه شوې ده. سرچینې وايي، دلته د فطرت ۵۰۰ پسونه ساتل کیږي.
د بامیان لپاره د طالبانو والي ګل حیدر شفق د ازبکستان د لومړي وزیر له مرستیال جمشید خواجهیوف سره په لیدنه کې په بامیان کې د کرنې سکتور په برخه کې د یاد هېواد د همکاریو د دوام غوښتنه کړې ده.
د سوریې د روغتیا وزارت یوه چارواکي ویلي چې د دمشق او دیرالزور ترمنځ پر لویه لار د دوو مسافر وړونکو بسونو د ټکر له امله ۳۵ کسان مړه شوي او ۳۰ نور ټپیان دي. په دمشق کې چارواکو ویلي، چې یوه بس ددفاع وزارت سرتېري لېږدول.
د طالبانو د ریاستالوزرا اداري مرستیال عبدالسلام حنفي په مشرۍ ددې ډلې د تشکیلاتو او معاشونو د تنظیم کمېسیون یوه پلاوي د کابل د څرخي پله زندان یو شمېر بلاکونه کتلي او د زندانیانو وضعیت یې له نږدې ارزولی.
د طالبانو د خوست ولایت والي رسنیز دفتر وايي، چې د خوست او پکتیا ولایتونو ترمنځ لویه لار چې د وروستیو سېلابونو له امله تړل شوې وه، بېرته د ترافیکو پر مخ پرانیستل شوې ده. طالب چارواکي وایي چې اوس ټول مسافر کولای شي په پوره ډاډ او خوندیتوب سره پر دې لویه لار سفر وکړي.
د اسراییل رسنیو د شنبې په ورځ، د زمري په درېیمه، راپور ورکړی چې د امریکا ولسمشر ډونالډ ټرمپ پر ایران د پراخو عملیاتو د پیل امر ونه کړ. دا په داسې حال کې ده چې اسراییل اټکل کړی و، ښايي امریکا د جمعې په شپه یا د شنبې په ورځ هغه لوی برید پیل کړي چې ټرمپ یې ژمنه کړې وه.
نیویارک پوسټ د یوې باخبره سرچینې او څو پوځي کارپوهانو له قوله راپور ورکړی چې د امریکا ځانګړي ځواکونه ښايي د ایران له اټومي تاسیساتو څخه د بډایه شویو یورانیمو د اېستلو عملیاتو ته تیاری ونیسي.
په یمن کې ایران پلوه وسله والو د شنبې په ورځ په سره سمندرګي کې د سعودي عربستان د تېلو پر دوو مهمو بندرونو بریدونه کړي دي. دغو بریدونو په سیمه کې د تېلو د لېږد امنیت له جدي ګواښ سره مخ کړی دی.
د هند ځوانانو او محصلانو د هغو پراخو لاریونونو د پای ته رسولو هوکړه کړې چې له څو اونیو راهیسې د طبي پوهنتونونو د داخلې ازموینې د پوښتنو د افشا کېدو پر ضد روان وو.
په سمنګان کې باخبرو سرچینو افغانستان انټرنشنل ته وویل چې د نصرالله رسولي په نوم یو پخوانی څارنوال د ایبک ښار په دویمه ناحیه کې وژل شوی دی. په سمنګان کې د طالبانو امنیه قوماندانۍ هم تایید کړه چې دغه کس ناپېژانده کسانو وژلی دی.
په بدخشان ولایت کې سیمهییزو سرچینو ویلي چې په نسي ولسوالۍ کې د طالبانو یو ناراضي قوماندان جمعه فاتح په کابل کې له یو څه وخت تېرولو وروسته، بېرته خپلې سیمې ته ستون شوی دی. فاتح په بدخشان کې د ډلهییزو نارضایتیو له زیاتېدو وروسته کابل ته غوښتل شوی و.
افغانستان انټرنشنل ته رسېدلي انځورونه ښيي چې د طالبانو د پوځ لوی درستیز فصیحالدین فطرت د بدخشان ولایت په زیباک ولسوالۍ کې د ازادۍ جبهې له ځواکونو سره د نښتې لومړۍ کرښې ته تللی دی.
د ازادۍ جبهې په یوه اعلامیه کې په رسمي توګه خبر ورکړی، چې د بدخشان په زیباک ولسوالۍ کې یې د طالبانو دوه پوځي ډرون څرخکې ویشتلي او له منځه وړې دي. ازادۍ جبهې د ډرونونو ویډیو هم خپره کړې ده.
د بدخشان د زیباک ولسوالۍ په یوه غرنۍ سیمه کې د یوه غورځېدلي ډرون د ټوټو تحلیل ښيي، چې جوړښت او د څرخ بڼه یې د طالبانو له خوا کارول کېدونکو ډرونونو سره ورته والی دي.
د افغانستان د پخواني ولسمشر لومړي مرستیال امرالله صالح ویلي، چې طالبان به هېڅکله په قانوني حکومت بدل نه شي او واکمني به یې پای ته ورسېږي. هغه د ټولګډونه حکومت اصطلاح بې مانا وبلله او زیاته یې کړه چې هېواد به په راتلونکي کې د خلکو په رایو یو ملي حکومت ولري.
ازادۍ جبهې ته نږدې سرچینو افغانستان انټرنشنل ته وویل چې ځواکونو یې د شنبې په غرمه د بدخشان په زیباک ولسوالۍ کې د طالبانو دوه ډرونونه نسکور کړي. افغانستان انټرنشنل د دې پېښې تصویرونه لیدلي چې په یوه غرنۍ سیمه کې د ډرونونو ټوټې ښيي. طالبانو تراوسه ددې ادعا په اړه څه نه دي ویلي.
د طالبانو د سوداګرۍ وزارت وايي، د ازبکستان یو لوړپوړی پلاوی، چې دولتي چارواکي او د دغه هېواد د خصوصي سکتور استازي پکې شامل دي، د لومړي وزیر د مرستیال جمشید خواجهیف په مشرۍ نن کابل ته رسېدلی. په پلاوي کې د ازبکستان شاوخوا ۱۷۰ سوداګر او پانګوال شامل دي.
د افغانستان د مېرمنو سازمان له ۳۰ څخه د زیاتو بنسټونو او د هېواد دننه د ۴۵۰ ښځو په مشوره د ملګرو ملتونو سرمنشي انتونیو ګوتریش او امنیت شورا ته یو لیک لېږلی. دوی لیکلي، چې یوناما باید له افغان ښځو، مدني ټولنې او سیاسي جریانونو سره د منظمو لیدنو یو جوړښت رامنځته کړي.
د هند د پوهنې وزیر د ځوانانو او محصلانو له څو ورځنیو پراخو لاریونونو وروسته د شنبې په ورځ له خپلې دندې استعفا وکړه. لاریون کوونکو له وزیر څخه غوښتنه کوله چې د طبي پوهنتونونو د داخلې د ازموینې د پوښتنو د افشا کېدو له امله استعفا وکړي.
په هلمند ولایت کې د طالبانو د اطلاعاتو او کلتور ریاست سیمه ییزو چارواکو پر رسنیو غږ وکړ چې خپل نشرات د اسلامي اصولو او ملي ګټو په چوکاټ کې برابر کړي. دوی د رسنیو ځینې مطالب «خرافات او بېبنسټه » بللي او دا کار یې د ټولنې لپاره زیانناک ګڼلی.