د طالبانو د شمال لوېدیځ زون د پنځو ولایتونو واليانو، امنیه قوماندانانو، د استخباراتو مسوولانو او د نظامي محاکمو مشرانو د بلخ په کوربه توب د همغږۍ اتمه ګډه غونډه کړې او د امنیت، ادارې او د حکومتولۍ اړوند موضوعات یې ارزولي دي.
د افغانستان کرېکټ بورډ له ایرلنډ سره د پنځو یو ورځنیو نړیوالو سیالیو لپاره د رحمت شاه په لوبډلمشرۍ ۱۵ کسیزه لوبډله اعلان کړه. په لوبډله کې رحمت شاه لوبډلمشر او رحمانالله ګربز مرستیال لوبډلمشر ټاکل شوي دي.
کرملین وايي، روسیه په دې باور ده، چې د امریکا ولسمشر ډونالډ ټرمپ د اوکراین جګړې د پای ته رسولو لپاره په خپلو هڅو کې رښتینی دی او سره له دې چې متحده ایالتونه لا هم کییف ته وسلې ور کوي، د واشنګټن نویو وړاندیزونو ته به انتظار وباسي.
د ایران د کرمان ولایت د بم ښاروال وايي، چې د بم او د کرمان ختیزې سیمې له افغانستان سره د صنعت، کانونو، کرنې او ګرځندوی په برخو کې د اقتصادي همکاریو لوړ ظرفیت لري او له همدې امله له کابل سره د اقتصادي همکاریو پراخولو ته چمتو دی.
د ۱۹۳۳ کال د نومبر ۸مه، د ماسپښین شاوخوا ۳ بجې وې، د افغانستان پاچا محمد نادر شاه د ممتازو زدهکوونکو د ستاینې لپاره د شاهي ماڼۍ تالار ته ننوت. مراسم روان وو، لا به شل دقیقې نه وې تېرې چې له تالار څخه یې جسد راووت. نادر شاه د یو زده کوونکي عبدالخالق هزاره له خوا په ډزو ووژل شو.
په ننګرهار کې یوې سرچینې افغانستان انټرنشنل ـ پښتو ته ویلي چې د طالبانو د امر بالمعروف او نهی عن المنکر محتسبانو سیمهییز خبریال او ښوونکی عزیزالله عزیز نیولی دی. د سرچینې په وینا، عزیز د شینوارو په لویه ولسوالۍ کې له خپل کور څخه نیول شوی دی.
د طالبانو مخالفې ډلې ازادۍ جبهې ادعا کړې چې ځواکونو یې د بدخشان د زیباک ولسوالۍ په څو برخو کې د طالبانو پر پوستو او پوځي اډو پراخ بریدونه کړي چې له امله یې ۲۱ طالبان وژل شوي او ۳۷ نور ټپیان دي. جبهې زیاته کړې ددوی یو جنګیالی هم وژل شوی او عملیات لا هم دوام لري.
یوه ښوونکي افغانستان انټرنشنل پښتو ته په رالیږلي پیغام کې ویلي، چې د ټیټ معاش او د کور د لوړې کرایې له امله له سختو اقتصادي ستونزو سره مخ دی او نور له دې وضعیته «لېونی» کیږي. دغه نوی راستون شوی افغان ښوونکی وايي، چې معاش یې۷ زره افغانۍ دی خو د کور ۸ زره افغانۍ کرایه ور کوي.
د ایران د پارلمان د اقتصادي کمېسیون غړي وایي، افغانستان د ایران د غیرنفتي صادراتو دویم ستر بازار دی او د دواړو هېوادونو ترمنځ د کلنۍ سوداګرۍ حجم له درې میلیاردو ډالرو اوړي. نوموړي ویلي، افغان سوداګرو په ایران کې پانګونه زیاته کړې ده.
نهتاوتریخوالی، عدم تشدد، عدم خشونت یا (Nonviolence) څه دی؟ دا د سیاسي مبارزې کومه شیوه و لاره ده؟ که د فیلوسوفیک تفکر کومه عملي پایله؟ له استبداد، بېعدالتۍ او نیواک سره عاطفي چلند دی؟ که په دینونو او ګروهو کې ریښه لري؟
د روسیې د بهرنیو چارو وزیر سرګي لاوروف اعلان وکړ، چې د شانګهای همکاریو سازمان د اوسنیو خبرو اترو شریکان او څارونکي هېوادونه به د یاد سازمان د یوه واحد «شریک» مقام تر چتر لاندې راټول شي. افغانستان او منګولیا د دغه سازمان د څارونکو هېوادونو په ډله کې دي.
د طالبانو تر واک لاندې له پېښو سره د مبارزې د چمتووالي ادارې ویلي، چې په تېرو ۲۴ ساعتونو کې د هېواد په نهو ولایتونو کې د سېلابونو له امله ۹ کسان مړه شوي او یو بل ټپي دی. د یادې ادارې په وینا، سېلابونو سلګونه کورونه او زرګونه جریبه کرنیزه ځمکه هم ویجاړ کړي.
د کندهار یو شمېر د انځرو سوداګر وايي، سږ کال د «زیړي» او «سپیرغوږي» په نوم نباتي ناروغیو له امله د انځرو حاصلات د تېر کال په پرتله کم شوي دي. دوی وایي، چې دغو ناروغیو د انځرو ونې او مېوې زیانمنې کړې او که مخنیوی یې ونه شي، بزګران به مالي زیانونه وویني.
سرچینو افغانستان انترنشنل ته ویلي، د طالبانو استخباراتو د بدخشان د شهر بزرگ ولسوالۍ د زرک کلي هغه اته اوسېدونکي چې له وروستیو نښتو سره د تړاو په شک نیول شوي وو، یوه ورځ وروسته د ځایي مخورو په منځګړتوب خوشې کړل.
د بدخشان ولایت په زیباک ولسوالۍ کې د طالبانو او مخالفو وسله والو ترمنځ له نښتو وروسته، د ازادۍ جبهې د سیاسي کمېټې مشر داوود ناجي اعلان وکړ چې له طالبانو سره جګړه نوي پړاو ته داخله شوې ده. ناجي تایید کړه چې ازادۍ جبهې په بدخشان کې د زیباک ولسوالۍ پر طالبانو بریدونه پیل کړي دي.
د جرمني د کالسروهه اساسي قانون فدرالي محکمې پرېکړه کړې چې برلین د افغانانو د منلو ژمنې یا ویزې په عمومي ډول او له انفرادي ارزونې پرته نه شي لغوه کولی. محکمه وايي، د هر کس غوښتنه باید جلا جلا وڅېړل شي او د هغوی شخصي وضعیت او ځانګړي شرایط باید په پام کې ونیول شي.
د خېبر پښتونخوا د ټانک ولسوالۍ د مانجه خېلو په سیمه کې د پاکستاني پولیسو او امنیتي ځواکونو پر ګډې امنیتي پوستې د موټربم برید کې د وژل شویو سرتېرو شمېر ۱۲ او د ټپیانو ۲۵ ته لوړ شو. تر برید وروسته له بریدګرو سره د سختې نښتې راپورونه هم ورکړل شوي دي.
پېښور کې مېشت یوشمېر افغان کډوال وایي، چې د اوسېدو قانوني سند ترلاسه کولو لپاره یې محکمو ته مراجعه کړې او دغه سند یې ترلاسه کړی هم دی؛ خو بیاهم د افغان کډوالو پرضد د پولیسو د عملیاتو پرمهال نیول شوي دي.
د ایران د بهرنیو چارو وزارت ویاند اسماعیل بقايي د جمعې په ورځ (د زمري ۲مه) په قرغزستان کې د شانګهای همکارۍ سازمان د بهرنیو چارو وزیرانو د غونډې له پای ته رسېدو وروسته وویل، چې ایران له هر فرصت څخه د خپلو دریځونو د بیان او تشریح لپاره استفاده کوي.
د افغانستان د سوداګرۍ او پانګونې خونې رییس په کابل کې د ازبکستان له سفیر سره د ازبکستان د لوړپوړي پلاوي د راتلونکي سفر پر چمتووالي خبرې کړې دي. ټاکل شوې ده چې له دغه پلاوي سره تر ۳۰۰ ډېر سوداګر او پانګوال هم افغانستان ته راشي.
طالبانو ته نږدې حریت راډیو د دغه ډلې د ۲۱۹ ثالث عمر فرقې د رسنیز دفتر په حواله راپور ورکړی، دغه پنځه وسلهوال هغه مهال د طالبانو لهخوا وژل شوي او یوشمېر نور ټپیان شوي چې غوښتل یې له پاکستان نه د «ورانکاره» فعالیتونو لپاره را واوړي.