د خیبر پښتونخوا پخواني اعلی وزیر حیدر خان هوتي پر تحریک انصاف ګوند نیوکه کړې او ویلي یې دي، چې د دغه ګوند بنسټګر عمران خان په پېنډۍ کې بندي دی، خو تحریک انصاف په خیبر پښتونخوا کې لاریونونه کوي. هغه وايي، باید هلته لاریون وشي، چې عمران خان بندي دی.
د ايران د سينما پېژندل شوی لوبغاړی او د ټلوېزيون کارکوونکی اکبر عبدي د جمعې په ورځ د زړه د ناڅاپي درېدو له امله د ۶۵ کلونو په عمر ومړ. نوموړی په وروستيو کلونو کې د زړه او پښتورګو د ناروغيو له امله څو ځله روغتون ته لېږدول شوی وو او په تېرو مياشتو کې هم تر درملنې لاندې وو.
د طالبانو کابل ښاروالۍ ويلي، له تېرو نږدې پنځو کلونو راهیسې په کابل ښار کې یې څه باندې ۴ زره د ودانيو جوړولو جوازونه صادر کړي او په دغه بهير کې د ښار جوړونې معيارونه او نورې اړوندې چارې په پام کې نيول شوي، څو ودانيز فعاليتونه په قانوني ډول ترسره شي.
په بدخشان کې سرچينو افغانستان انټرنشنل ته ويلي، د جمعې په شپه څو راکټونه د درايم ولسوالۍ د مرکز پر لور توغول شوي دي. د سرچينو په وينا، په دې راکټي بريدونو کې د ولسوالۍ د امنيه قوماندانۍ ودانۍ او د درايم ولسوالۍ مرکز شهر صفا په نښه شوي دي.
د طالبانو د ارشاد، حج او اوقافو وزارت د هېواد په مرکز او ولایتونو کې ټولو خطيبانو ته د جمعې د ورځې د خطبې یو لیکلی لارښود استولی او پهکې یې په ودونو او خوښیو کې پر موسیقۍ، د ښځو او سړو پر ګډو ناستو او «غیرشرعي» رواجونو بندیز لګولی دی.
د خیبر پښتونخوا د حکومت لوړپوړو چارواکو ویلي، په دغه ایالت کې د وسلهوالو د تمویل، وسلو، مهماتو او د استخباراتي معلوماتو د برابرولو شبکو او سرچینو د لهمنځه وړلو لپاره جدي اقدامات روان دي. په دې وروستیو کې په دغه ایالت کې د ناامنیو لمن ډېره پراخه شوې ده.
د جرمونو د نړیوالې محکمې غړو هېوادونو د جمعې په ورځ (د زمري ۲مه) د دغې محکمې څارنوال کریم خان د جنسي ناوړه چلند د تورونو له امله له خپلې دندې لرې کړ. ډیپلوماټیکو سرچینو رویټرز اژانس ته ویلي، دا پرېکړه په نیویارک کې د ملګرو ملتونو په مرکزي دفتر کې د رایې اچونې په ترڅ کې شوې ده.
د امريکا د ډيموکراټ او جمهوريپال ګوندونو يو شمېر استازو داسې طرحه وړاندې کړې، چې لهمخې به يې د افغانانو لپاره د لنډمهالي خونديتوب (ټيپياېس) موده وغځول شي او ورسره به افغانستان ته د افغان پناه غوښتونکو د اېستلو مخه ونيول شي.
د طالبانو د المپیک، بدني روزنې او سپورټ ادارې رییس احمدالله وثیق وايي، د فوټبال فدراسیون په هڅو او د فیفا په مالي مرسته د هرات فوټبال لوبغالي د مصنوعي چمن د پروژې چارې پایته ورسېدې. د نوموړي په وینا، په دغه لوبغالي کې نن (جمعه د زمري ۲مه) په رسمي ډول لوبې هم پیل شوې.
سیمهییزو سرچینو د جمعې په ماښام افغانستان انټرنشنل ته وویل، هغه چورلکې چې بدخشان ته یې د طالبانو تازه دمي ځواکونه لېږدول، د «ازادۍ جبهې» لهخوا د راکټي برید موخه ګرځېدلي دي. د سرچینو په وینا، دغه برید په غرنیو سیمو کې د طالبانو د تازه دمو ځواکونو د ځای پر ځای کېدو مخه نیولې ده.
د افغانستان د تېر جمهوري نظام د کډوالو او راستنېدونکو چارو پخواني وزیر نور رحمان اخلاقي وایي، چې په بدخشان کې وروستۍ پېښې په افغانستان کې د طالبانو د «زوال» او کمزورۍ د یوه نوي پړاو د پیل نښه ده. اخلاقي زیاته کړې، چې د دغې ډلې د «ظلم او دهشت» دوره پای ته رسېدلې ده.
د نورستان په برګمټال ولسوالۍ کې په یوه کان کې د کان کېندنې پر مهال د چاودنې له امله ۳ کان کېندونکي وژل شوي دي. دغه پېښه نن (جمعه د زمري ۲مه) په پچیګرام سیمه کې رامنځته شوې ده.
د بادغیس ولایت لپاره د طالبانو د امنیه قومندانۍ مسوولین وايي، د دغه ولایت په مرکز کې د یوې ټرافیکي پېښې له امله یو کس مړ او ۸ نور ټپيان شوي دي. د یادو مسوولینو په وینا، دغه پېښه تېره شپه (پنجشنبه د زمري لومړۍ) په بند سبزک سیمه کې رامنځته شوې ده.
سپینې ماڼۍ ویلي، د اوکراین ولسمشر ولادیمیر زیلېنسکي به د راتلونکې سېشنبې په ورځ په واشنګټن کې د امریکا له ولسمشر ډونالډ ټرمپ سره وګوري. تر دې مخکې سپینې ماڼۍ ویلي و چې ټرمپ به له ولادیمیر پوتین سره هم په همدې ورځ ګوري.
د بشري حقونو سازمان ههنګاو وایي، د ایران د اصفهان انقلابي محکمې درې افغان وګړي د پولیسو حوزې د سوځولو په تور د اعدام په سزا محکوم کړي دي. د دغه سازمان په وینا یاد کسان ۴۰ ورځې په بې خبرۍ کې ساتل شوي وو او د همدې دوسیې یو بل ۲۳ کلن افغان هم د جولای په ۱۹مه په پټه اعدام شوی دی.
د اسراییل د لومړي وزیر بنیامین نتنیاهو دفتر اعلان کړی، چې نوموړی به د دوشنبې په ورځ واشنګټن ته سفر وکړي او د سې شنبې په ورځ به د امریکا له ولسمشر ډونالډ ټرمپ سره وګوري.
روغتیايي متخصصین وایي، زیتون او د زیتون غوړي د ګټورو غوړو، ویټامین اي او انټي اکسیدنټونو بډایه سرچینه ده. د څېړنو له مخې، د زیتون منظم استعمال د زړه او دماغ روغتیا پیاوړې کوي، التهاب کموي، هاضمه ښه کوي او د ځینو مزمنو ناروغیو د خطر په راکمولو کې مرسته کوي.
د پاکستان لومړي وزیر شهباز شریف یوځل بیا پر طالبانو غږ وکړ، چې د افغانستان له خاورې د پاکستان پر ضد د وسله والو د فعالیتونو مخه ونیسي. شهباز شریف دا څرګندونې په اسلاماباد کې د «بلوچستان نیشنل ورکشاپ» غونډې ته د وینا پر مهال وکړې.
د لویدیزې تړانګې نابلس ښار ته نږدې په تال کلي کې د اسراییلي ځواکونو او فلسطینیانو ترمنځ نښته کې څلور فلسطینیان او دوه اسراییلي سرتېري وژل شوي دي. اسراییل د پراخو پوځي عملیاتو خبر ورکړی، خو فلسطینیان وایي، چې نښته د اسراییلي میشتځایونو د اوسېدونکو له برید وروسته پیل شوې ده.
د طالبانو د شمال لوېدیځ زون د پنځو ولایتونو واليانو، امنیه قوماندانانو، د استخباراتو مسوولانو او د نظامي محاکمو مشرانو د بلخ په کوربه توب د همغږۍ اتمه ګډه غونډه کړې او د امنیت، ادارې او د حکومتولۍ اړوند موضوعات یې ارزولي دي.
د افغانستان کرېکټ بورډ له ایرلنډ سره د پنځو یو ورځنیو نړیوالو سیالیو لپاره د رحمت شاه په لوبډلمشرۍ ۱۵ کسیزه لوبډله اعلان کړه. په لوبډله کې رحمت شاه لوبډلمشر او رحمانالله ګربز مرستیال لوبډلمشر ټاکل شوي دي.