د طالبانو تر واک لاندې د دولتي شرکتونو عمومي ریاست وایي، د روان کال په لومړیو څلورو میاشتو کې د افغان ټوور شرکت له لارې ۱۵۴۰ بهرني سېلانیان د افغانستان بېلابېلو ولایتونو ته د سیاحت لپاره تللي دي.
د پنجاب د طبیعي پېښو پر وړاندې د مبارزې ادارې د روان کال د موسمي بارانونو له امله د اوښتو ځاني او مالي زیانونو تازه راپور خپور کړی دی. د یادې ادارې د راپور له مخې؛ تراوسه پورې په ټول پنجاب کې د بارانونو اړوند بېلابېلو پېښو کې ۲۱ کسان مړه او ۱۵۴ نور ټپیان شوي دي.
د کاپیسا ولایت د نجونو له یوه ښوونځي یوې ښوونکې افغانستان انټرنشنل ته په رالېږلي پیغام کې ویلي، چې نږدې یو کال کېږي هره میاشت د یاد ولایت د ټولو ښوونکو له تنخوا له ایران او پاکستان نه د ستنو شویو کډوالو په نوم ۱۰۰ افغانۍ ګرځول کېږي.
په خوست کې د طالبانو د والي ویاند مستغفر ګربز وایي، چې د یاد ولایت په مرکز، ځاځي میدان، صبریو-یعقوبیو، باک، اسماعیلخېلو-مندوزیو او نادرشاه کوټ ولسوالیو اړوندو سیمو کې د سختو ورښتونو او سېلابونو له امله ۱۰ استوګنیز کورونه، ۲۰ هټۍ، ۸۰ جریبه کرنیزه ځمکه او یو پلچک زیانمن شوی دی.
د بښنې نړیوال سازمان ویلي، جرمني د لومړي ځل لپاره غواړي یو افغان وګړی، چې هېڅ جرمي سابقه نه لري، له دغه هېواده وباسي. دغه سازمان خبرداری ورکړی چې د ایستلو په بهیر کې له طالبانو سره همکاري به جرمني د دې ډلې د سیاسي او ډیپلوماتیکو غوښتنو پر وړاندې زیانمن کړي.
د امریکا د متحده ایالاتو مرکزي قوماندانۍ (سېنټکام) اعلان کړی چې ځواکونو یې یو ځل بیا د واشنګټن په وخت د ماښام په شپږ بجو او پنځه څلوېښت دقیقو د ایران اسلامي جمهوریت پر پوځي اهدافو نوي هوايي بریدونه پیل کړي دي.
د افغانستان انټرنشنل- پښتو د موندنو لهمخې، د نورستان له ویجاړونکو سېلابونو وروسته له سېلابځپلو سره تر اوسه یوازې، سعودي عربستان ایران او هند مرستې کړې دي. طالبان وايي، په دغو مرستو کې اوړه، غوړي، غنم او یو شمېر نور اړین خوراکي او غیر خوراکي توکي شامل دي.
د امریکا ولسمشر ډونالډ ټرمپ ویلي، تر بلې خبرتیا پورې به بېړیو، د هغوی بارونو او هر هغه څه ته چې له دغو بېړیو سره تړاو لري، د اوښتو ټولو زیانونو تاوان د ایران د هغو شتمنیو له لارې ورکړل شي چې د امریکا په واک او کنټرول کې دي.
د هرات یو شمېر اوسېدونکو د پنجشنبې په ورځ افغانستان انټرنشنل ته ویلي چې په دې ولایت کې د موبایل، موټر او موټرسایکلونو غلاوې ډېرې شوې دي. د دوی په وینا، دې وضعیت په ښار کې، په ځانګړي ډول د ماښام او شپې پر مهال، تګ راتګ ستونزمن کړی او د خلکو د ناامنۍ احساس یې زیات کړی دی.
د ایران د اصفهان په ښار کې درې افغان وګړي، چې د ۲۰۲۶ کال د جنورۍ میاشتې د اعتراضونو پر مهال نیول شوي وو، د دغه ښار د انقلابي محکمې له خوا د اعدام په سزا محکوم شوي دي. دا پرېکړه داسې مهال شوې چې د راپورونو له مخې، د همدې قضیې یو بل افغان بندی په روانه اوونۍ کې په پټه اعدام شوی دی.
نن د افغانستان د وروستي پاچا محمد ظاهر شاه د مړینې نولسم تلین دی. هغه شخصیت چې د څلورو لسیزو واکمنۍ له تېرېدو سره سره، د هغه د سیاسي او تاریخي کارنامو په اړه لا هم بېلابېل نظرونه موجود دي.
والسټریټ ژورنال راپور ورکړی چې د سپوږمکۍ انځورونه ښيي، ایران د هغو تاسیساتو د بیارغونې بهیر په چټکۍ پیل کړی چې د امریکا او اسراییل په هوايي بریدونو کې زیانمن شوي وو.
په ناروې کې د هند سفیرې ګلوریا ګنګټې په اسلو کې د طالبانو له سرپرست سفیر نجیبالله سره په کتنه کې د دوه اړخیزو اړیکو د پیاوړي کېدو هیله څرګنده کړې ده. په اوسلو کې د طالبانو سفارت لا تر اوسه په دې تړاو څه نهدي ویلي.
د بنګلهدېش د ولسمشرۍ ماڼۍ ویاند رویټرز ته تایید کړې، چې ولسمشر محمد شهابالدین به د جمعې په ورځ په رسمي ډول له خپلې دندې استعفا وکړي. دا پرېکړه وروسته له هغې کېږي، چې د دغه هېواد پخوانۍ لومړۍ وزیرې شیخ حسینه له جلاوطنۍ څخه د بېرته ستنېدو او محکمې ته د ځان سپارلو خبر ورکړی دی.
تحریک طالبان پاکستان (ټيټيپي) د پنجشنبې په شپه (د زمري لومړۍ) د خیبرپښتونخوا د ډېره اسماعیل خان ولسوالۍ په منجيخېلو سیمه کې د پاکستاني پوځ او پولیسو پر ګډې اډې د برید ادعا کړې ده. د پاکستان پوځ او پولیسو لا تر اوسه په دې تړاو څه نهدي ویلي.
د پاکستان د پوځ لوی درستیز عاصم منیر، ویلي چې پوځ به یې د وسلهوالو ډلو د پټنځایونو او مرکزونو پر ضد عملیاتو ته تر هغه دوام ورکړي چې د ده په وینا، د امنیتي ګواښونو جرړې په بشپړه توګه له منځه ولاړې شي.
په افغانستان کې د ملګرو ملتونو مرستندویه پلاوي (یوناما) په نورستان ولایت کې د وروستیو سېلابونو له امله د اوښتو زیانونو په اړه اندېښنه څرګنده کړې او د زیانمنو کورنیو لپاره یې د بشري مرستو د زیاتولو غوښتنه کړې ده.
د طالبانو د افغاني سرې میاشتې ټولنه وايي، همدا څو شېبې مخکې (پنجشنبه د زمري لومړۍ) د لغمان د الینګار ولسوالۍ په نور لام صیب درې کې د سختو ورښتونو او سېلابونو له امله یو کس مړ او د «سندروا» سیمې یو شمېر اوسېدونکي په سېلابونو کې بند پاتې دي.
د ارګ د دفتر پخواني رییس عبدالکریم خُرم خبرداری ورکړی چې د امریکا، اسراییل او د ایران اسلامي جمهوریت ترمنځ جګړه په بشپړ ډول د نړیوال کېدو په لور روانه ده او دا وضعیت به پر افغانستان او پاکستان مستقیمې او ژورې اغېزې ولري.
د طالبانو له پېښو سره د مبارزې چمتووالي اداره وايي، د نورستان د ویجاړونکو سېلابونو له امله د مړو شمېر ۲۴ ته ورسېده او ۸۵ نور ټپیان شوي دي. د دغې ادارې د ویاند مرستیال زیاتوي، له دغې پېښې د څلورو ورځو په تېرېدو سره لا هم ۱۵ کسان لادرکه دي.
د ایران د سپاه پاسداران له خبرداري وروسته د بریتانیا حکومت ویلي، د دغه هېواد وسلهوال ځواکونه د هر ډول احتمالي برید پر وړاندې د غبرګون ښودلو او د هېواد د دفاع لپاره بشپړ چمتووالی لري.