د امریکا ولسمشر ډونالډ ټرمپ ویلي، چې د اسراییل لومړی وزیر بنیامین نتنیاهو به امریکا ته د سفر پرمهال ونه نیول شي. دغه څرګندونې وروسته له هغې شوې، چې د نیویارک ښاروال زهران ممداني ویلي و نیویارک ښار ته د نتنیاهو د سفر پرمهال د هغه د نیولو موضوع څېړي.
د طالبانو تر کنټرول لاندې د کډوالو ستونزو ته د رسېدنې عالي کمېسیون خبر ورکړی، یوازې پرون دوشنبه (د چنګاښ ۲۹مه) له پاکستان او ایران نه ۶۱۶ کورنۍ چې د غړو شمېر یې ۳زره او ۲۹۳ کسان کېږي؛ افغانستان ته ستنې شوې دي.
د هرات د زرګرانو ټولنه وایي، چې اوسمهال په دغه ولایت کې د زرګرۍ ۳۰۰ هټۍ او ۲۵۰ کارخونې فعالیت کوي. دوی وایي، هرات کې دغه ټولې کارخونې په معیاري ډول فعالیت کوي او د هر ډول ډیزاین چمتو کولو وړتیا لري.
هغه نجلۍ چې په ۱۴۰۱کال کې باید اووم ټولګي ته تللې وای، اوس شاوخوا ۱۷ یا ۱۸ کلنه ده. که هر څه د معمول په څېر روان وای؛ نو نن به یې ښوونځی بشپړ او د کانکور ازموینې ته به یې چمتووالی نیولی وای، خو د زدهکړو پنځه کلن بندیز د هغې د ژوند لوری بدل کړی دی.
د خیبر پښتونخوا د سولې جرګې مرستیال اعجاز خان د ناپېژاندو وسلهوالو په ډزو وژل شوی دی. د پولیسو د معلوماتو له مخې؛ اعجاز خان له خپل کور څخه د نوښار پر لور روان و، چې د کنډر سیمې ته نږدې پرې ناپېژاندو وسلهوالو ډزې وکړې.
د طالبانو تر کنټرول لاندې د المپیک، بدني روزنې او سپورټ عمومي ریاست خبر ورکړی، چې د افغانستان د غېږنیونې غوره لیګ سیالیو لومړی پړاو د هېواد د بېلابېلو ولایتونو د لسو لوبډلو په ګډون پیل شو.
د پاکستان سترې محکمې د اډیاله زندان ادارې ته لارښوونه کړې، چې د پاکستان تحريک انصاف ګوند بنسټګر او پخواني لومړي وزیر عمران خان د بند موده کې د هغه له کورنۍ، وکیلانو او نورو دوستانو سره د ملاقات تفصیلي راپور دې په درېیو اوونیو کې محکمې ته وړاندې کړي.
د ایران او افغانستان د ګډې سوداګرۍ خونې مشر محمود سیادت وایي، چې د افغانستان او پاکستان ترمنځ د لارو تر تړل پاتې کېدو وروسته د ایران او افغانستان ترمنځ د سوداګرۍ د پراختیا لپاره مناسب فرصت رامنځته شوی دی.
د ټاکل شوي ضرب الاجل تر پای ته رسېدو وروسته پاکستان د بېاسناده افغان کډوالو پرضد د اېستلو لړۍ چټکه کړې او د جولای تر ۱۰مې وروسته افغانستان ته د ستنېدونکو کډوالو شمېر د پام وړ زیات شوی دی. پاکستاني چارواکي وايي، د تورخم او چمن له لارو هره ورځ زرګونه افغانان خپل هېواد ته ستنېږي.
د امریکا حکومت د یوې خبرپاڼې په خپرولو سره په منځني ختیځ کې له خپلو وګړو غوښتي، چې له احتیاط کار واخلي او هغه کسان چې منځني ختیځ ته د سفر پلان لري؛ باید له سفر کولو ډډه وکړي.
د جمهوري نظام پر مهال د افغانستان د عدلیې وزیر فضل احمد معنوي وايي، په نورستان کې وروستي ویجاړونکي سېلابونه یوازې د طبیعي پېښو پایله نه ده، بلکې دغه ولایت له «کلونو بېپامۍ، بېعدالتۍ او ظلم» څخه هم کړېږي.
د کاناډا او پاکستان د بهرنیو چارو وزیرانو په اسلاماباد کې د افغانستان د وضعیت، له افغانستان څخه د راپورته کېدونکو ترهګریزو ګواښونو، امنیتي همکاریو او د دواړو هېوادونو د اقتصادي اړیکو د پراختیا په اړه خبرې کړې دي.
د افغانستان لپاره د بریتانیا ځانګړي استازي ریچارډ لېنډسي، د ملګرو ملتونو له لوري د رباب فاطمه د افغانستان لپاره د ځانګړې استازې او د ملګرو ملتونو مرستندویه پلاوي (یوناما) د مشرې په توګه د ټاکل کېدو هرکلی کړی او ویلي یې دي چې له رباب فاطمې سره نږدې همکارۍ ته سترګې په لار یو.
د ملګرو ملتونو د عمومي اسمبلۍ مشره انالینا بربوک وايي، نړۍ کې هر کال په ترافیکي پېښو کې ۱،۱۶ میلیونه کسان مړه کېږي او شاوخوا ۵۰ میلیونه نور ټپیانېږي. په افغانستان کې هم د روان لمریز کال له پیل راهیسې په ۱۲۰ ثبت شویو ترافیکي پېښو کې لږ تر لږه ۱۰۱ کسان مړه او ۱۹۸ نور ټپیان شوي.
د بې پولې ډاکټرانو سازمان وايي، په بلخ ولایت کې د ۲۸ کلنې نفیسې پنځهګوني ماشومان، چې له وخته مخکې او په کم وزن نړۍ ته راغلي وو، د دغه سازمان په ملاتړ د ابوعلي سینا حوزوي او تدریسي روغتون د نوي زېږېدلو ماشومانو د جدي پاملرنې په څانګه کې تر اته ورځنۍ درملنې وروسته روغ شوي دي.
د افغانستان د حقونو څار بنسټ یو ځل بیا له طالبانو غوښتي چې د نجونو لپاره له شپږم ټولګي پورته د زدهکړو حق بېرته اعاده کړي او د نجونو پر مخ د منځنیو او لوړو زدهکړو بندیز پای ته ورسوي.
د افغانستان د تېر جمهوري نظام یو لوړپوړي پوځي جنرال سميع سادات ويلي، په افغانستان کې مو يوازې په تېرو درېيو میاشتو کې «څه باندې د ۱۸۴ پخوانیو سرتېرو وژل کېدل مستند کړي دي چې ډېری یې له وحشتناکې شکنجې سره مخ شوي وو».
د طالبانو د لوړو زدهکړو وزارت وایي، د تخار پوهنتون له اتو پوهنځیو او ۲۶ څانګو څخه ۸۰۴ تنه زده کړیالان فارغ شوي. خو د دې پوهنتون د فراغت په مراسمو کې یوازې نارینه زده کړیالان شامل وو، ځکه طالبان لا هم ښځینهوو ته د لوړو زدهکړو اجازه نه ورکوي.
د ملګرو ملتونو د ماشومانو څخه ملاتړ صندوق (یونیسف) وايي، د هرات ولایت په نواباد روغتیايي مرکز کې یې د مالي شریکانو په ملاتړ نږدې ۵۵زرو کسانو ته، چې راستنېدونکي او ځایي اړمنې کورنۍ هم په کې شاملې دي، روغتیايي خدمات وړاندې کړي دي.
د امریکا د بهرنیو چارو وزارت په منځني ختیځ کې د سختو ترینګلتیاوو او د وضعیت د ناڅاپي لا خرابېدو له احتماله په خبرداري سره، له خپلو وګړو غوښتي چې که په ایران کې وي، «هرڅومره ژر چې امکان لري» له دغه هېواده ووځي او له منځني ختیځ څخه د سفر یا تېرېدو په اړه دې له سره غور وکړي.
د ملګرو ملتونو د کډوالو عالي کمېشنري وايي، په نیمروز ولایت کې د ۱۹ هغو افغانانو څخه چې غوښتل یې قاچاقي ایران ته لاړ شي، د پنځو مړینه تایید شوې او د ۱۴ نورو کسانو د موندلو لپاره لټون لا هم دوام لري.