د خيبرپښتونخوا اعلی وزیر سهيل اپريدي ويلي، افغانستان سره پر ډیورڼد کرښه پرتې د خيبرپښتونخوا قبايلي ولسوالۍ «چې پر سرحدي سوداګرۍ تکیه لري د لارو د تړل کېدو له امله سختې اغېزمنې شوې دي».
امریکا ته د افغانانو د لېږد همکار بنسټ «افغان ایواک» وايي، شاوخوا ۱۱۰۰ افغانان، د قطر په «السیلیه» کمپ کې بند پاتې دي. په داسې حال کې چې د امریکا ادارو ویلي، دغه کمپ به د سپټمبر په ۳۰مه وتړل شي، خو تر اوسه د دغو افغانانو د انتقال یا راتلونکي په اړه روښانه پلان نه دی وړاندې شوی.
د طالبانو له بیا واکمنېدو وروسته تر ۲۰۲۶ مې پورې د دوی کورني عواید ۱۳،۷ میلیارد ډالر وو او اټکل کېږي د جون او جولای په عوایدو سره ۱۴،۵ میلیارد ډالرو ته ورسېږي. همدې موده کې نړیوالې ټولنې شاوخوا ۱۶ میلیارد ډالر مرستې هم کړي چې له دې سره طالبانو ټولټال ۳۰ میلیارد ډالر ترلاسه کړي.
د افغانستان په ختیځ نورستان ولایت کې د دوشنبې ورځې له غرمې وروسته سخت سېلابونه راوتلي چې د طالب چارواکو په وینا، لږ تر لږه ۲۰کسان په کې مړه شوي، شاوخوا ۸۰کسان ټپیان دي او له ۱۰۰څخه ډېر نور نادرکه دي.
په خيبرپښتونخوا ایالت کې په تېرو ۲۴ ساعتونو کې د زورورو ورښتونو او سېلابونو راوتلو له امله په رامنځته شوو پېښو کې د درېيو افغان کډوالو په ګډون ۱۲ کسان مړه شوي او ۱۴ نور ټپيان دي.
د افغانستان لپاره د ملګرو ملتونو مرستندویه پلاوي (یوناما) ویلي، چې په ټوله نړۍ کې خبریالي له مخ پر زیاتېدونکو فشارونو سره مخ ده او د خبریالانو او خپلواکو رسنیو پر وړاندې ګواښونه ورځ تر بلې ډېرېږي.
د کوچي شاهین په نوم د طالبانو یو غړي پر خپله فېسبوک پاڼه په یوه لیکنه کې پر خپلې تېرې جګړې پېښماني ښودلې ده. هغه لیکلي چې په تېر وخت کې به ورته سپینږیرو نصیحت کاوه چې دا د واک او چوکۍ جګړه ده او وطن مه ورانوئ.
د کندهار یو شمېر صنعتکارانو افغانستان انټرنشنل ته په رالېږلو پیغامونه کې ویلي، د طالبانو د امر بالمعروف محتسبان د کار پر مهال کارخونو ته ورځي او د کارخونو کارکوونکي د خریل شویو ږېرو په جرم له ځان سره وړي.
د فلسطین د حماس ډلې، خلیل الحیه د خپل نوي عمومي مشر په توګه اعلان کړی دی. خلیل الحیه تر دې وړاندې په بهر کې د حماس د سیاسي دفتر د مشر په توګه کار کاوه او د اوربند په خبرو کې یې مهم رول درلود.
د طالبانو د نورستان د والي ویاند فریدون صمیم وايي چې پارون کې د سېلاوبونو له امله د قربانیانو شمېر ۶۰ تنو ته رسېدلی دی. د هغه په وینا، سېلابونو ځايي خلکو ته درانه ځاني او مالي زیانونه اړولي دي او اړوند ادارې د پاتې د بند پاتې کسانو د ژغورلو عملیات پیل کړي دي.
د نورستان په مرکز پارون ښار کې د خونړیو سېلابونو راوتو سره هممهاله، د طالبانو د هوا پوهنې ادارې خبر ورکړی چې سبا سېشنبه د چنګاښ ۳۰مه په ۱۰ ولایتونو کې د تېز باران، تېزو بادونو، دوړو او سېلابونو راوتو اټکل شوی.
د روغتیا نړیوال سازمان وایي، بوره د انسان د بدن لپاره د انرژۍ مهمه سرچینه ده، خو د ازادې بورې زیات مصرف د چاغښت، د دوهم ډول شکرې، د زړه ناروغیو او د غاښونو د خرابوالي خطر زیاتوي. کارپوهان سپارښتنه کوي چې د بورې مصرف دې په اعتدال کې وساتل شي.
په نورستان کې ځايي سرچینو افغانستان انټرنشنل ته وویل، چې د دغه ولایت په مرکز پارون کې په وروستیو سېلابونو کې د ۴۳ لادرکه شویو کسانو جسدونه موندل شوي دي. سرچینې زیاتوي په موندل شویو کسانو کې د پارون د ښاروال په ګډون د ځینو نورو طالبانو جسدونه هم شامل دي.
افغانستان انټرنشنل - پښتو ته د نورستان څخه ځايي اوسېدونکو ویلي چې په مرکز پارون کې د تازه سېلابونو له امله د پارون ښاروال او د لومړي کنډک قوماندان لا درکه شوي دي. له سیمې ویډیوګانې ښيي چې د پارون د ښاروالۍ ودانۍ او د لومړي کنډک قرارګاه په مکمل ډول ویجاړه شوې ده.
اوکرایني چارواکو اعلان وکړ چې د اودیسا بندر ته نږدې د جوارو پر یوې بار وړونکې بېړۍ د روسیې په توغندیز برید کې لږ تر لږه ۱۰ کسان ووژل شول. د دوی په وینا، په وژل شویو کې د بېړۍ د عملې نهه غړي او یو اوکراینی سمندري پیلوټ شامل دي.
د طالبانو د کانونو او پټرولیم وزارت وای، تیر کال یې د کانونو د ایستنې په برخه کې له کورنیو شرکتونو سره ۱۰۹ تړونونه لاسلیک کړي، چې ټولیز ارزښت یې ۱۰،۲ میلیارده افغانۍ دی.
د طالبانو د دفاع وزارت وايي چې ددغه وزارت د نظامي عملیاتو رییس نورالرحمن نصرت په کابل کې د تاجکستان له سفیر سعدي شریفي سره د لیدني پرمهال د افغانستان او تاجکستان ترمنځ ګډي سرحدي پولي د وضعیت په اړه خبرې کړې دي.
د ایران د تایباد ولسوالۍ چارواکي وایي، د دوغارون په ازاده سوداګریزه صنعتي سیمه کې یې د ترانزیټي او صادراتي توکو د مستقیم لېږد لپاره نوې لار پرانیستې ده، څو د ایران او افغانستان ترمنځ د بار وړونکو موټرو د تم کېدو وخت کم او د ګمرکي تګ راتګ بهیر چټک شي.
د سیمه ييزو سرچینو د معلوماتو لهمخې، د نورستان په مرکز پارون ښار کې د سختونو بارانونو له امله راوتلو سېلابونو خلګو ته مالي زیانونه اړولي دي.
د جلال اباد ښار یو شمېر ریکشه چلونکو افغانستان انټرنشنل ته په لېږل شویو پیغامونو کې ویلي، طالبانو ښار ته د ننوتلو اجازه نه ورکوي او یوازې په څلورو ټاکل شویو مسیرونو کې د تګ راتګ لپاره باید هر مسیر باندی د ۳۰ افغانیو جلا پارچه واخلي.
د یفتل ولسوالۍ له څو ساعته سقوط څخه درې ورځې وروسته، طالبانو د بدخشان ولایت د یو شمېر ولسوالیو په کچه په مشرتابه، امنیه قوماندانیو او د استخباراتو په مدیریتونو کې پراخ بدلونونه راوستي دي.