د اېډز نړۍوال سازمان د اېډز ناروغۍ د نړۍوالې ورځې په درشل کې په خپل تازه راپور کې خبرداری ورکړی، چې د نړۍوالو بسپنهورکوونکو د مرستو کمښت د اېډز پر ضد د مبارزې لپاره نړۍوالې هڅې له لوی ناورین سره مخ کړي.
د جرمني د کورنیو چارو وزیر الکساندر دوبریندټ وایي، چې له دې هېواد څخه به د «مجرمو کډوالو او پناه غوښتونکو» د شړلو بهیر چټک شي او له دې وروسته به دغه ډول کډوال نهیوازې د چارټر الوتکو له لارې، بلکې د مهالوېش لرونکو یا عادي الوتنو په وسیله هم افغانستان او سوریې وشړل شي.
د افغانستان د رسنیو ملاتړ سازمان په پاکستان کې د افغان خبریالانو پر ناوړه وضعیت د خواشینۍ په څرګندولو سره وايي، په دې هېواد کې افغان خبریالان له خپلسري نیونو، ګواښونو، جبري اېستلو او د اساسي خدمتونو له نهشتوالي سره مخ دي او د هغوی پروړاندې د دغه هېواد پالیسي ورځ تر بلې سختېږي.
د بدخشان ځايي سرچینو افغانستان انترنشنل ته ویلي، چې د یکشنبې په ماښام (د لیندۍ ۹مه) د بدخشان ولایت د مایمي ولسوالۍ د رضوي کلي د تاجکستان شادک مرزي سیمه کې پر دوو چینايي وګړو برید شوی دی.
سرچینې افغانستان انټرنشنل- پښتو ته وايي، د موسمي ناروغیو د ډېرېدو او له پاکستان سره د لارو د بندېدو له امله په افغانستان او په ځانګړې توګه کابل کې درمل کم شوي او بیې هم تر ۷۰ سلنې لوړې شوې دي. ناروغ لرونکي هم د درملو له کم کیفیت او د بیو له لوړېدو شکایت لري.
د طالبانو د اطلاعاتو او کلتور وزارت وایي، چې د یادې ډلې امنیتي ځواکونو د نیمروز ولایت په چخانسور ولسوالۍ کې د تاریخي ځایونو د غېرقانوني کېندنو په تړاو ۹ کسان نیولي دي.
په کابل کې د ایران د سفارت مسوولینو او د کرنې وزارت لوړپوړو چارواکو د طالبانو د کرنې او مالدارۍ خونې له غړو سره لیدنه کې ویلي، چې ایران د افغانستان له کرنیز سکتور سره اوږدمهاله همکاریو ته ژمن دی او ژر به د دواړو هېوادونو ترمنځ د نباتاتو د ساتنې او قرنطینه تړون لاسلیک شي.
د کډوالو حقونو د څار نړۍوال بنسټ ویلي، چې د یو فرد کړنه باید د هغو افغانانو لپاره د ډلهییزې سزا لامل نه شي، چې په وفادارۍ سره یې د امریکا ماموریتونو ته خدمت کړی. دغه سازمان همداراز ټینګار کړی، چې د افغان کډوالو ساتنه یو قانوني او اخلاقي مسوولیت دی.
د خیبر پښتونخوا په سویلي وزیرستان کې خبریالان د وسله والو د پرلهپسې ګواښونو، بریدونو او تښتونو له امله له ګواښ سره مخ دي. ځايي خبریالان وايي، د وسله والو ډلو سیمهییز قوماندانان دوی او ددوی کورنۍ تر فشار لاندې راولي. تازه د یوه خبریال کور وسله والو نړولی او بل یې په مرګ ګواښلی.
پاکستاني رسنیو خبر ورکړی، چې نن ماښام مهال د پاکستان د بلوچستان ایالت په نوکنډي سیمه کې د پاکستاني ځواکونو پر یو مرکز باندې ځامرګی برید شوی دی. سیمه ییزو چارواکو یاد برید تایید کړی او وايي، چې د امنیتي ځواکونو په مرکز کې دننه ډزې روانې دي.
د طالبانو تر واک لاندې د خوړو او درملو ملي بورډ ددې ډلې د رياست الوزرا اداري مرستيال عبدالسلام حنفي په مشرۍ او د دې بورډ د غړو په ګډون ناسته کړې. په دې ناسته کې د خوړو او درملو شرکتونو له خوا د احتکار پر مخنیوي ټینګار شوی.
د پاکستان حکومت د بلوچستان ایالت په چاغي ولسوالۍ کې له ګردي ځنګل پنډغالي څخه ټول افغان کډوال اېستلي او افغانستان ته یې ستانه کړي دي. پاکستاني چارواکو ویلي، کډوال یې د حکومت د پالیسۍ له مخې افغانستان ته اخراج کړي او اوس یې په پنډغالي کې د خالي کورونو او ودانیو ویجاړول پیل کړي.
د امریکا د کورني امنیت وزیرې کریسټي نوم د یکشنبې په ورځ وویل، چې په واشنګټن ډي سي کې د ملي ګارد پر غړو د برید تورن عامل امریکا ته له راتګ وروسته افراطیت ته مخه کړې ده. نوم وویل، چارواکي فکر کوي، چې رحمان الله لکڼوال افراطیت ته له مخې کولو وړاندې په واشنګټن ایالت کې اوسېدلی و.
په قطر کې د طالبانو سفیر سهیل شاهین وايي، چې دوی د واشنګټن په ډزو کې د پاکستان د لاس لرلو د احتمال په اړه تحقیقات غواړي. شاهین ویلي، چې کابل هیڅ امکان نه ردوي او دا چې یوه بې طرفه او مسلکي څیړنه باید د برید عاملان معلوم کړي.
د طالبانو سترې محکمې ویلي، چې په کابل او هلمند ولایتونو کې یې ۱۷ کسانو ته د «زنا»، نشه يي توکو د خرڅلاو او قاچاق په جرم تعزیري سزاګانې ورکړې دي.
د پاکستان د جمعیت علمای اسلام مشر مولانا فضل الرحمان وايي، چې د پاکستان افغان پالیسي ناکامه ده او په تېرو ۷۸ کلونو کې پاکستان ونه کړای شوای، چې افغانستان خپل دوست جوړ کړي. نوموړي زیاته کړه، چې دی د جګړې خلاف دی او باید د افغانستان او پاکستان ترمنځ جګړه ونه شي.
د اسراییل صدراعظم بنیامین نتنیاهو د یکشنبې په ورځ د دغه هېواد له ولسمشر نه د فساد محکمې په تړاو د بښنې غوښتنه کړې، ځکه نوموړي ویلي، چې دغه قضیه یې د حکومتولۍ وړتیا کمزورې کوي او بښنه د اسراییل په ګټه ده.
واشنګټن پوسټ په یوه رپوټ کې ویلي، چې د هند او طالبانو ترمنځ وروستۍ نږدې اړیکې په اسلام اباد کې د اندېښنې لامل شوې دي او د افغان طالبانو او پاکستان ترمنځ پر ډیورنډ کرښه مرګونو بریدونو ته په کتو سره ښايي افغانستان او پاکستان د یوې نوې شخړې پر لور ولاړ شي.
د خیبرپيښتوخوا ایالت په دیره اسماعیل خان او بنو ولسوالیو کې د وسله والو په بریدونو کې درې پاکستاني نظامیان وژل شوي او د یو افسر په ګډون درې تنه ټپیان دي. د دیره اسماعیل خان په کلاچي سیمه کې د پوځیانو یو موټر په بم الوزول شوی دی.
پاکستاني سرچینو ویلي، اسلام اباد د خیبر پښتونخوا والي فیصل کریم کنډي پر ځای پر نوي والي غور کوي. د اې این پي طالبانو ضد دریځ ته په پام امیر حیدرخان هوتي پیاوړی نوماند ګڼل کیږي. دغه راز د افتاب شیرپاو، پرویز خټک او دریو متقاعدو جنرالانو نومونه هم د ولایت څوکۍ لپاره وړاندیز شوي.
د طالبانو د ننګرهار کرنې، اوبو لګولو او مالدارۍ رياست وایي، چې د دغه ولایت په ۱۳ ولسواليو کې بڼوالو په ۲۱۵.۶ هکتاره ځمکه د مالټو بڼونه جوړ کړي چې سږکال يې حاصل ۲ زره ۲۱۴ مټريک تنه اټکل شوی دی.