د امریکا مرکزي قومندانۍ (سېنټکام) د شنبې په ورځ (د چنګاښ ۲۷مه) په یوې اعلامیې کې وویل، چې دوه امریکايي پوځیان په اُردن کې د ایران د بالسټیک توغندیو او ډرون الوتکو د بریدونو پر وړاندې د دې قومندانۍ د ځواکونو او متحدینو د دفاع پر مهال وژل شوي او یو بل امریکايي پوځي لا هم لادرکه دی.
اوکراینۍ رسنۍ «لیویف هیرالډ» د شنبې په ورځ په یوه راپور کې ویلي، چې طالبانو په افغانستان کې د ښځو د حقونو په سیستماتیک ډول ځپلو سره د هېواد نیمه ټولنه لهمنځه وړې ده. دغه راپور زیاتوي، چې پر ښځو لګول شوي بندیزونه د دې لامل شوي، چې افغانستان د جنسیتي اپارتاید پر لور لاړ شي.
د لویدیځ زون د پنځو ولایتونو لپاره د طالبانو واليانو او نورو مسوولینو په همغږۍ غونډه کې د کارموندنې د فرصتونو د رامنځته کولو، د جنايي پېښو د راکمولو، د نشه يي توکو د کر، تولید او قاچاق د مخنیوي او خلکو ته د دیني او عصري زدهکړو د لا ښې زمینې برابرولو په اړه خبرې کړې دي.
د اروپايي پولیسو ادارې (یورو پول)په همغږۍ د انسانانو د قاچاق یوه مشکوکه شبکه په نښه شوې چې ویل کېږي افغان کډوال یې د بالکان له لارې لوېدیزې اروپا ته انتقالول. په نیول شویو کسانو کې د شبکې یو اصلي مشکوک مشر، دوه پولیس افسران او د دې ډلې دوه نور احتمالي غړي شامل دي.
د جاپان د کاماکورا ښار په «ګالري انیشي» کې د افغانستان د دودیزو لاسي اوبدل شویو غالیو نندارتون پیل شوی دی. د جاپاني رسنیو د راپور له مخې، دغه نندارتون د هغو افغان کډوالو ماشومانو د ملاتړ لپاره جوړ شوی چې د جګړو او سیاسي بېثباتۍ له امله له خپلو سیمو کډوال دي.
د هند پولیسو د شنبې په ورځ ټولنیز فعال او د زدهکړو اصلاح غوښتونکی سونام وانګچوک له ۲۱ ورځني خوړبندیز او د روغتیايي وضعیت له کړکېچنېدو وروسته روغتون ته ولېږداوه. ډاکټرانو ویلي، چې هغه په روغتون کې هم له څښاک او خوړو ډډه کړې ده.
سیمهییزو سرچینو افغانستان انټرنشنل ته خبر ورکړی، چې په دایکندي کې د ملي امنیت یو پخوانی افسر او د غزني په قرهباغ ولسوالۍ کې یو قومي مشر په دوو جلا پېښو کې وژل شوي دي. د دوی په وینا، پخوانی نظامي محمدعلي توپان د پنجشنبې په ماښام ناپېژاندو وسلهوالو وژلی.
د تورخم د ګمرک سرچینې وایي، چې افغانستان ته په تېرو څو ورځو کې د ملګرو ملتونو د خوراکي توکو ۷۳ موټر تللي دي. سرچینو افغانستان انټرنشنل ته وویل، چې د ۱۳ نورو کانټینرو د ګمرک د تصفیې چارې روانې دي. افغانستان ته د تورخم له لارې د زر کانټینرو لېږد په پام کې نیول شوی.
د طالبانو د اطلاعاتو او کلتور وزارت معیین حیاتالله مهاجر فراهي خبرداری ورکړی چې د واخان دهلېز د ناامنه کولو هر ډول هڅه به د دوی له سخت غبرګون سره مخ شي. نوموړي ویلي، چې د هېواد کورني او بهرني دښمنان باید په دې برخه کې د طالبانو د امنیتي ځواکونو جدیت او حساسیت درک کړي.
د هلمند ولایت د لښکرګاه ښار په بولان سیمه کې د «وطن غږ» په نوم یوې نوې سیمه ییزې خصوصي راډیو پر اف ام څپو په فعالیت پیل وکړ. د دې راډیو د نشراتو مدیر ویلي، چې د دوی موخه اسلامي او ملي ارزښتونو ته کار کول او هلمندي ولسونو ته په دیني، ښوونیزو او اقتصادي برخو کې خدمت کول دي.
ملګرو ملتونو ویلي چې د افغان ښځو پر زدهکړو او کار د طالبانو د محدودیتونو له امله، په افغانستان کې د هغو ښځو شمېر چې د شخصي کاروبار رسمي جواز لري، ۱۰زرو ته رسېدلی. د ملګرو ملتونو د معلوماتو له مخې، دا شمېر د پنځو کلونو مخکې په پرتله لس برابره زیات شوی.
د هند فضايي شرکت سکایروټ اېروسپېس د دغه هېواد لومړی خصوصي جوړ شوی فضايي توغندی «ویکرم-۱» فضا ته وتوغاوه، چې د هند د خصوصي فضايي صنعت لپاره مهم ګام بلل کېږي.
د طالبانو دفاع وزارت خبر ورکړی چې د «عبدالله بن مسعود د جګړهييزو ګډو زدهکړو قوماندانۍ» څخه ۹۵ تنه ځوان منسوبان یې فارغ کړي دي. د وزارت په وینا، دغه کسان د سیمهییزو قطعاتو او قولاردوګانو غړي دي چې د څلورو میاشتو لپاره یې د بيايم-۲۱ ۴۰ میله دستګاه مسلکي زدهکړې کړې دي.
په هرات کې د طالبانو سیمهییزې ادارې اعلان کړی چې د ګازو د بیو د راټیټولو په موخه، د هرات د نفت او ګاز حوزوي ریاست په ۶۰ افغانۍ د یوه کیلو اوبلن ګاز د پلورلو بهیر پیل کړی.
په بلخ کې د طالبانو د والي په مشرۍ ددې ډلې د امنیتي او تصفیوي کمېسیون نوبتي غونډه شوې ده. یوسف وفا له ادارو څخه د «منفورو » کسانو پر لرې کولو ټینګار کړی او له ګاونډیو هېوادونو سره د اړیکو پر پراختیا، د سرحدونو پر امنیت او د قاچاق پر مخنیوي یې خبرې کړي دي.
د طالبانو تر واک لاندې د پولیسو اکاډمۍ محصلان وایي، د ژمنیو رخصتیو له پای ته رسېدو نږدې څلور میاشتې تېریږي، خو لا هم د دغه روزنیز مرکز درسونه نه دي پیل شوي. محصلان وایي، د ځنډ لامل لا نه دی روښانه شوی او ځینو کسانو پر خپلې راتلونکې د بې باورۍ له امله د کډوالۍ لاره غوره کړې ده.
روسیې افغانستان ته جون میاشت کې د پټرولو صادرات ۳۴ سلنه او د الوتکو د تېلو صادرات ۹۲سلنه کم کړي دي. په ورته وخت کې د روسیې د ډیزلو صادرات ۴۲ سلنه ډېر شوي دي.
پخواني ولسمشر حامد کرزي د افغانستان له خلکو سره په راتلونکو دریو کلونو کې د برېټانیاد هر کال ۱۰۵ میلیونه پونډو مالي مرستې د اعلان هرکلی کړی. کرزي هیله ښودلې چې له افغانستان سره په بېلابېلو برخو کې د برېټانیا دا ګټورې همکارۍ په راتلونکي کې هم ادامه ومومي.
د جرمني د کورنیو چارو وزیر الکساندر دوبریندټ ویلي چې د هېواد امنیتي وضعیت یې د پخواني «عمومي احتمالي ګواښ» له کچې څخه د «لوړ ګواښ» کچې ته پورته کړی دی.
د طالبانو د دفاع وزارت اعلان کړی چې ځواکونو یې په تېره یوه میاشت کې په بېلابېلو سرحدي سیمو کې ګڼ شمېر قاچاقي توکي، طبي درمل، وسایط او وسلې کشف او نیولي دي. په دغو توکو کې بېلابېل روغتیایي درمل، اپین، شیشه، کلاشنکوفونه او لسګونه موټر شامل دي.
په کندهار کې د یوه چینايي وګړي د واده پر مراسمو ددغه ولایت یو شمیر اوسېدونکو نیوکه کړې او په ټولنیزو شبکو کې یې غبرګونونه ښودلي دي. د ټولنیزو رسنیو د کاروونکو د ادعاوو له مخې، یوه چینايي وګړي په کندهار کې له یوې ځايي نجلۍ سره واده کړی دی.