په کندهار کې د یوه چینايي وګړي د واده پر مراسمو ددغه ولایت یو شمیر اوسېدونکو نیوکه کړې او په ټولنیزو شبکو کې یې غبرګونونه ښودلي دي. د ټولنیزو رسنیو د کاروونکو د ادعاوو له مخې، یوه چینايي وګړي په کندهار کې له یوې ځايي نجلۍ سره واده کړی دی.
د طالبانو تر واک لاندې له پېښو سره د مبارزې د امادهګۍ ادارې د نړیوالو بنسټونو د معلوماتو پر بنسټ ویلي، چې په فراه، نیمروز، هلمند او د جوزجان او بلخ ولایتونو په شمالي برخو کې به د اعظمي تودوخې درجه له ۴۵درجې سانتيګراډ څخه لوړه شي.
په افغانستان کې د ملګرو ملتونو د مرستندوی ماموریت (یوناما) سرپرستې اعلان وکړ چې نړیوالې ټولنې په ۲۰۲۱ کال کې پر هېواد د طالبانو له بیا واکمنېدو راهیسې تر اوسه پورې ۱۶ میلیارده ډالره مالي مرسته چمتو کړې ده.
د پاکستان سترې محکمې د پخواني لومړي وزیر او د پاکستان تحریک انصاف د بنسټګر عمران خان سره د کورنۍ او وکیلانو د ملاقاتونو د اجازې په اړه د خپل حکم د نه عملي کېدو پر سر د توهین عدالت غوښتنې اورېدنه د جولای ۲۰مې ته ټاکلې ده.
د پاکستان د اپوزیسیون مشر او د پښتونخوا ملي عوامي ګوند مشر محمود خان اڅکزي ویلي، د شوروي اتحاد د یرغل پر مهال ټولې نړۍ د افغانستان د ازادۍ ملاتړ کاوه، خو وروسته یې افغانان یوازې پرېښودل او هېواد یې د جګړو او ورانۍ کندې ته وغورځاوه.
د طالبانو ریاست الوزرا اقتصادي معاونیت وايي، په تېرو څلورو کلونو کې په افغانستان کې د غالیو اوبدلو صنعت پیاوړی شوی او دا مهال شاوخوا یو میلیون کسان په دې برخه کې کار کوي.
د اوکراین ولسمشر ولادیمیر زیلنسکي وايي، اوکرایني ځواکونو د روسیې په خاوره کې د جبهې له کرښې له ۵۰۰ او نږدې ۷۰۰ کیلومترو واټن څخه په لرې پرتو بریدونو کې دوه مهم لوژستیکي مرکزونه او د تېلو یوه تاسیسات په نښه کړي دي.
د طالبانو له واکمنېدو راهیسې پر ښځو د زدهکړو، کار او ټولنیز حضور پراخ محدودیتونو سر بېره د دغې ډلې د امر بالمعروف وزیر محمد خالد حنفي ادعا کړې چې د دوی له بیا واکمنېدو وروسته د ښځو پر وړاندې د «زرګونو ناوړه پېښو» مخه نیول شوې ده.
د پښتونخوا نیشنل عوامی ګوند مشر او د پاکستان د قامي اسمبلۍ غړي خوشحال خان کاکړ ویلي، د افغانستان او پښتونخوا برخلیک له یو بل سره تړلی دی او تر هغه چې پښتانه ملي فکر، یووالی او ګډ دریځ خپل نه کړي، نه شي کولای د خپلو حقونو او راتلونکي لپاره اغېزمنه مبارزه وکړي.
د خیبر پښتونخوا په بنو ولسوالۍ کې ۲۰۱ مېشت افغان وګړي د پېژندنې او قانوني چارو له بشپړېدو وروسته د تورخم پولې له لارې افغانستان ته جبري ستانه کړل شوي دي.
د طالبانو د سوداګرۍ او پانګونې خونې ویلي چې د دغې خونې مشر سید کریم هاشمي کابل کې د هند له سفیر یتین پټیل سره د دواړو هېوادونو ترمنځ د سوداګرۍ او پانګونې د پراختیا په اړه خبرې کړې دي.
د پاکستان د پنجاب ایالت مرکز لاهور ښار پولیسو ویلي، د ناقانونه بهرنیو وګړو پر ضد د روانو عملیاتو په ترڅ کې یې ۱۲۱ افغان وګړي نیولي دي.
د پښتون ژغورنې غورځنګ مشر منظور پښتین د کوټې د کویلهپاټک پرلت ته د وینا پر مهال وویل، هغه ولسونه چې ملي فکر ونه لري، هېڅکله هم په یو ژوندي او خپلواک ملت نه شي بدلېدای.
د روسیې د بهرنیو چارو وزیر سرګي لاوروف ویلي، چې د داعش خراسان څانګه د منځنۍ اسیا لپاره تر ټولو ستر ګواښ بلل کېږي. د هغه په وینا، دغه ترهګره ډله د خپلو پراختیا غوښتونکو موخو لپاره هڅه کوي چې د افغانستان له خاورې د پرمختګ او د خلافت د جوړولو لپاره د یوې اډې په توګه کار واخلي.
د پاکستان په پنجاب ایالت کې په دوو جلا پېښو کې د یوې ښځې او د هغې درې ماشومان، او د یوه سړي او د هغه دوه زامن د زهري موادو د خوړلو له امله مړه شوي دي. پولیس وايي، د لاهور د پېښې په تړاو د ماشومانو پلار نیول شوی او د اوکاړې د پېښې په اړه هم پلټنې روانې دي.
د افغانستان او نړۍ لسګونو بشري حقونو او مدني ټولنو د جرمونو د نړیوالې ورځې په مناسبت په ګډه اعلامیه کې له نړیوالې ټولنې غوښتي چې د طالبانو د مشرانو د حساب ورکولو لپاره عملي او همغږي ګامونه واخلي او د معافیت روان فرهنګ پای ته ورسوي.
د افغانستان ښځو د ازادۍ د لمر غورځنګ د طالبانو له خوا د نجونو له ګډون پرته د کانکور د پایلو اعلان په کلکو ټکو غندلی او له نړیوالې ټولنې یې غوښتي چې د افغانستان د «جنسیتي اپارتاید» د پای ته رسولو لپاره عملي اقدامات وکړي.
رویټرز د امریکا د کورني امنیت وزارت د معلوماتو او خپلو څېړنو پر بنسټ په یوه راپور کې ویلي، چې د ډونالډ ټرمپ د دویمې دورې پر مهال د کډوالۍ فدرالي مامورینو په بېلابېلو پېښو کې لږ تر لږه ۷ کسان په ډزو وژلي دي.
په خیبر پښتونخوا کې د افغان کډوالو د بېرته ستنېدو د بهیر پر مهال د ناقانونه پیسو اخیستو له امله د پولیسو د مرکز قوماندان او مرستیال قوماندان دندې ځنډول شوي. په داسې حال کې چې افغان کډوال وايي، له پنجاب څخه تر تورخم پورې په ګڼو پولیسو پوستو کې ترې لا هم د پیسو غوښتنه کېږي.
د بلوچستان د خضدار ولسوالۍ د وډ په بدرنګ سیمه کې د دوو موټرو د ټکر له امله د دوه ښځو په ګډون څلور کسان مړه شوي او نهه نور ټپیان شوي دي
افغانستان کې د رنګ تولیدونکو شرکتونو ټولنه وایي چې اوس مهال په هېواد کې شاوخوا ۸۰ د رنګ تولید کارخونې فعالیت لري او کولای شي د کورني بازار اړتیاوې تر ډېره بریده پوره کړي.