آرشیف

د بلوچستان د خضدار ولسوالۍ د وډ په بدرنګ سیمه کې د دوو موټرو د ټکر له امله د دوه ښځو په ګډون څلور کسان مړه شوي او نهه نور ټپیان شوي دي

افغانستان کې د رنګ تولیدونکو شرکتونو ټولنه وایي چې اوس مهال په هېواد کې شاوخوا ۸۰ د رنګ تولید کارخونې فعالیت لري او کولای شي د کورني بازار اړتیاوې تر ډېره بریده پوره کړي.

د ملګرو ملتونو په جنیوا دفتر کې د افغانستان دایمي استازی نصیر احمد اندېشه وايي، په بدخشان کې وروستیو پېښو یو ځل بیا وښوده چې د افغانستان خلک د ظلم او اسارت پر وړاندې چوپ نه پاتې کېږي.

د ملګرو ملتونو اړوند د بشري مرستو د همغږۍ دوو کاري ډلو په یوه تازه سروې کې ویلي، په افغانستان کې مرستندویه ادارې د طالبانو د محدودیتونو له امله د ښځو د کار د دوام لپاره له جدي ستونزو سره مخ دي او د اضافي لګښتونو د برابرولو ته اړ شوې دي.

د امریکا سمندري ځواک د امنیتي اندېښنو له امله امر کړی چې د بېړیو او د دې ځواک د قوماندانانو رسمي انځورونه او ژوندلیکونه دې له عامه وېبپاڼو څخه لرې کړل شي. د سمندري ځواک چارواکي وايي، د دغو معلوماتو خپرېدل کولای شي پوځیان او د هغوی کورنۍ له امنیتي ګواښ سره مخ کړي.

د افغانستان لپاره د پاکستان پخوانی ځانګړی استازی اصف درانی وايي، که څه هم طالبانو په ۲۰۲۱ کال کې تر واکمنېدو وروسته په افغانستان کې څلور لسیزې جګړه پای ته ورسوله، خو ونه توانېدل چې اقتصادي ودې، سوکالۍ او د خلکو د ژوند د ښه کېدو زمینه برابره کړي.

د جمهوریت پر مهال د افغانستان دفاع وزارت سرپرست شاه محمود میاخېل وايي، د طالبانو «د عسل میاشت» پای ته رسېدونکې ده او د ولسي او نړیوال مشروعیت نشتوالی، سیاسي انزوا، فقر او د خلکو نارضایتي ورځ تر بلې زیاتېږي.

د ملګرو ملتونو پراختیايي پروګرام (یو این ډي پي) وايي، د ترکیې د بهرنیو چارو وزارت په همکارۍ به په افغانستان، غزه، میانمار، سوډان، جنوبي سوډان او سوریه کې د لومړني بیا رغونې د هڅو د پراختیا لپاره ۵۰ میلیونه ډالره پانګونه وکړي.

په خیبر پښتونخوا ایالت کې پولیسو د بې اسناده افغان کډوالو پر ضد پراخ عملیات پیل کړي، چې پکې د کورونو نړول، د پېژندپاڼو پلټنه او د افغانانو نیول او ایستل شامل دي.

د افغانستان د وچې مېوې د صادرونکو ټولنې غړو په کابل کې د سوداګرۍ او پانګونې خونې له مشرتابه سره په ناسته کې وویل، چې د ایران د جګړې له امله د دوی سلګونه ټُنه صادراتي وچه مېوه له نامعلوم برخلیک سره مخ ده.

د ايران سپاه پاسداران ويلي، چې د ایران پر پلونو او ټرانسپورټي بنسټونو د امریکا د بریدونو په غبرګون کې یې، په بحرین کې د امریکایي بې‌پیلوټه بېړیو د ساتنې او د مصنوعي ځیرکتیا مرکزونه په نښه کړي دي.

د خوست د مرکز متون په کچیرې کلي کې د فوټبال یو لوی ټورنمنټ چې شاوخوا درې میاشتې وړاندې پیل شوی وو، د کچیرې کلي د فوټبال کلپ په اتلولۍ پای ته ورسېد. د سیمې اوسېدونکو افغانستان انټرنشنل ته وویل، چې په دغو سیالیو کې د خوست له بېلابېلو سیمو ۶۵ لوبډلو برخه اخیستې وه.

د بشري حقونو د څار سازمان څېړونکې فرشتې عباسي خبرداری ورکړی، چې د ښځو پر وړاندې د طالبانو پراخو بنديزونو او د نړيوالو مرستو سخت کمښت، په افغانستان کې بشري او اقتصادي ناورين نور هم ژور کړی. هغې له طالبانو وغوښتل، چې پر ښځو لګول شوي ټول بنديزونه، په ځانګړي ډول د کار بنديز لرې کړي.

د بلوچستان ایالت په مرکزي ښار کوېټه کې د زيارت د پېښې پر ضد اعتراضي پرلت د ځايي حکومت او پرلت کوونکو ترمنځ د یوې هوکړې په لاسلیک کېدو سره پایته رسېدلی او پرلت کوونکو ويلي، چې په پرلت کې اېښودل شوي مړي به له ۱۲ ورځو وروسته نن (شنبه د چنګاښ ۲۷مه) خاورو ته وسپارل شي.

د ښځو د خوځښت شبکې له پاکستان څخه د افغان پناه غوښتونکو او کډوالو جبري اېستل په کلکه غندلي او دا کار یې یو «غیرانساني» اقدام او د بشري حقونو له اصولو او د جبري نه ستنولو له قانون څخه ښکاره سرغړونه بللې ده. پاکستان له ۸ ورځو راهیسې په یو مخیز ډول د افغانانو د شړلو بهیر پیل کړی دی.

د امریکا د پوځ مرکزي قوماندانۍ (سېنټکام) ويلي، امریکايي ځواکونو د ايران پر ضد نور بريدونه کړي او په وینا یې، له دغو بریدونو یې موخه د ايران د نظامي وړتياوو راکمول او له‌منځه وړل دي.

د ایران د بهرنیو چارو وزارت د پارلمان، کونسلي او د ایرانیانو د چارو مرستیال وحید جلال‌زاده کابل ته د خپل څلور ورځني سفر په پای کې اعلان وکړ، چې دغه هېواد په خپله نوې طرحه کې د ځانګړو مهارتونو لرونکي افغان کډوال جذبوي.

د خيبرپښتونخوا کوز دير ولسوالۍ کې ۲ ورځې وړاندې پر پوليسو له وسله‌وال بريد وروسته په دغه ایالت کې د پوليسو امنيتي ګزمې ډېرې شوې دي. تر دې مخکې د جمعيت علمای اسلام ګوند مشر مولانا فضل الرحمان ویلي وو، چې په پښتونخوا کې له ماښام وروسته د حکومتي ځواکونو پر ځای وسله‌وال حاکمیت لري.

ځايي سرچينو د جمعې په ورځ (د چنګاښ ۲۶مه) افغانستان انټرنشنل ته ويلي، چې طالبانو په تېرو دوو ورځو کې خپل ځواکونه په شخصي موټرو کې د تخار د چاه‌اب ولسوالۍ او د بدخشان د درواز ولسوالۍ او د فيض‌اباد ښار ته استولي دي. طالبانو تر اوسه د دې اقدام د لامل په اړه څه نه‌دي ويلي.

د کرېکټ نړیوالې شورا (ای‌سي‌سي) د پاکستان د کرېکټ ملي لوبډلې سپېنر بالر او الرونډر محمد نواز د ډوپپنګ ضد قوانینو د سرغړونې له امله د درېیو میاشتو لپاره له هر ډول لوبو څخه محروم کړی دی.

د پاکستان پوځ ادعا کړې، چې د خیبرپښتونخوا په بنو ولسوالۍ او شاوخوا سیمو کې یې د تېرو ۲۴ ساعتونو په لړ کې د سختو نښتو پر مهال لږ تر لږه ۲۴ وسله‌وال وژلي دي. خو پوځ په دې اړه چې ایاد په دې نښتو کې دوی ته څه زیان رسېدلی او که نه، څه نه‌دي ویلي.