د مصر په شمال ختیځ پورټ سعید ولایت کې د یوې لارۍ او مساپر وړونکي موټر ترمنځ د ټکر له امله ۱۸ کسان مړه او درې نور ټپیان شوي دي. د مصر دولتي رسنۍ الاهرام ویلي، پېښه د پنجشنبې په ورځ د اکسس په لویه لاره د پورټ سعید په سوېل کې شوې ده.
د طالبانو د کډوالو او بېرته راستنېدونکو چارو وزارت ویاند عبدالمطلب حقاني وايي، چې په روان لمریز کال کې ۴مېلیونه ۶۷زره او ۸۰۸ کډوال افغانستان ته ستانه شوي. نوموړي زیاته کړې، چې له ۴۵۵زره ۸۳ کډوالو او بېځایه شویو سره یې د څه باندې ۱۶ مېلیارده افغانیو په ارزښت مرستې کړې دي.
د امریکا د مرکزي قوماندانۍ (سنټکام) يو پخواني مرستیال ويلي، که امريکا پر ايران احتمالي بريد وکړي؛ نو د بريدونو لومړۍ څپه به پر ستراتېژيکو توغنديزو مرکزونو متمرکزه وي. د هغه په وینا؛ دا هغه موخې دي چې د امريکايي او اسرایيلي ځواکونو لپاره مستقيم ګواښ بلل کېږي.
په سویلي اسيا کې په ځانګړي ډول د هند او پاکستان او دارنګه د افغانستان او پاکستان ترمنځ روان کړکېچونو سره، سره د منځنۍ اسيا هېوادونو په جدي ډول د سيمهييزو اړیکو پر پياوړتيا، د پاکستان د کراچۍ او ګوادر بندرونو ته پر لاسرسي او د سویلي اسيا له بازارونو سره پر نښلېدو تمرکز کړی دی.
د ایران پوله ساتو ځواکونو له افغانستان سره په پوله له سخت باران او توپان څخه ۷۰۰ افغان کډوال ژغورلي دي. د ایران خراسان رضوي د پوله ساتو ځواکونو قوماندان جنرال مجید شجاع ویلي، دغه کډوالو غوښتل له افغانستان نه ایران ته واوړي چې په سخت باران او سړې هوا کې ایسار پاتې شول.
د طالبانو ویاند ذبیح الله مجاهد د افغانستان لپاره د امریکا شارژدافیر ډان براون څرګندونو ته په غبرګون کې ویلي، چې طالبان او واشنګټن په افغانستان کې د امریکايي زندانیانو د برخلیک په اړه په خبرو بوخت دي.
د امريکا ولسمشر ډونالډ ټرمپ وایي، د ونزوېلا ۵۰مېليونه بېرله تېل د ټېکساس ايالت هيوسټن بندر ته روان دي. هغه له خبريالانو سره په خبرو کې د تېلو په صنعت کې له ونزوېلا سره د امريکا مرستو ته اشاره وکړه او ويې ويل: «اوسمهال ۵۰مېليونه بېرله تېل په ډېرو لويو بېړيو کې هيوسټن ته روان دي».
د طالبانو تر واک لاندې د کډوالو ستونزو ته د رسېدنې کمېسیون وایي، چې یوازې پرون د نیمروز، هرات، کندهار او تورخم له لارو ۹۰۶ کډوالې کورنۍ افغانستان ته ستنې شوې. طالبانو ویلي، چې په همدې ورځ یې ۹۶۸ نورې کورنۍ خپلو سیمو ته لېږدولې دي.
د تخار ولایت د ورزش برخې چارواکو لهخوا د ورزشي فعالیتونو د ځنډولو په اړه د رسمي مکتوب او فرمان له خپرېدو وروسته، اوس په کندوز او هرات ولایتونو کې هم د سیالیو او ورزشي فعالیتونو د ځنډولو رسمي مکتوبونه خپاره شوي دي.
د طالبانو لهخوا په ولایتونو کې د روژې په میاشت کې د «رمضان» جام کرېکټ سیالیو بندیز په اړه د افغانستان انټرنشنل- پښتو له راپور وروسته، دغې ډلې په هلمند کې په مشروط ډول د شپې لهخوا سپورټي لوبو ته اجازه ورکړه.
واشنګټن پوسټ ورځپاڼې د پنجشنبې په ورځ د امریکایي چارواکو له قوله راپور ورکړی، چې د ډونالد ټرمپ حکومت د ایران پر وړاندې د پراخ او ښایي اوږدمهاله برید لپاره چمتو دی. پنټاګون وایي، په منځني ختیځ کې یې یو ستر ضربتي ځواک د بشپړیدو په حال کې دی.
د امريکا د متحدو ايالتونو ولسمشر ډونالډ ټرمپ د پنجشنبې په ورځ ادعا وکړه، چې پخواني ولسمشر بارک اوباما د فضايي موجوداتو د رښتينولۍ په اړه په خپلو وروستيو څرګندونو کې محرم معلومات افشا کړي، خو ټرمپ د دې ادعا لپاره هېڅ ډول سند يا ثبوت نهدی وړاندې کړی.
ایران د ملګرو ملتونو سرمنشي انتونیو ګوترېش ته ویلي، که دغه هېواد له پوځي برید سره مخ شي، نو په سیمه کې به د بریدګر هېواد ټولې اډې او تاسیسات قانوني اهداف وګڼي.
یوه نوې څېړنه ښيي، چې په جرمني کې توکمپالنه یوازې د اشخاصو فردي چلند نهدی، بلکې د رسمي بنسټونو د جوړښت او ورځنیو کړنلارو برخه ګرځېدلې ده. د لایپزیګ د ټولنیز یووالي د څېړنو د انسټيټیوټ څېړونکو له درې کلنې ارزونې وروسته خپلې دا موندنې خپرې کړې دي.
په ملګرو ملتونو کې د قطر استازې یو ځل بیا له فلسطین څخه خپل ملاتړ څرګند کړ او د اسراییل وروستی اقدام یې د سولې پر وړاندې لوی خنډ بللی دی. په ملګرو ملتونو کې د قطر استازې ویلي، چې د فلسطین خلکو ته د خپل برخلیک ټاکلو له حق پرته په منځني ختیځ کې ثبات ناشونی دی.
د لنسټ ګلوبل هېلت مجلې یو څېړنه څرګندوي، چې د اسراییل د پوځي برید په لومړیو ۱۵ میاشتو کې په غزې تړانګه کې د وژل شویو فلسطینیانو شمېر تر ۷۵ زرو اوړي. دا شمېر د هغو نږدې ۴۹ زرو کسانو پرتله ډېر لوړ دی، چې همدې موده کې د غزې روغتیايي چارواکو اعلان کړی وو.
د امریکا ولسمشر ډونالډ ټرمپ د ایران حکومت ته خورا سخت او بې ساری خبرداری ورکړی او ویلي یې دي، که ایران د خپل اټومي پروګرام په اړه معنا لرونکې هوکړه ونهکړي، نو په راتلونکو ۱۰ تر ۱۵ ورځو کې به له خورا بدو پایلو سره مخ شي.
د افغانستان پخوانی لوی څارنوال محمد فرید حمیدي پر طالبانو په نیوکو سره وايي، دغه ډله د متقاعدینو د حقونو په ورکړه کې غفلت کوي. هغه زیاته کړې، چې په روانه روژه کې باید له ظلم څخه ډډه وشي او دغو اړمنو کسانو ته خپل حقوق ورکړل شي.
جانټن ټراټ د ۲۰۲۲ کال په جولای کې د افغان لوبډلې د مشر روزونکي په توګه دنده پیل کړه او تر پخوانیو روزونکو یې ځان په خپله دنده کې بریالی ثابت کړ او د نوموړي تر روزنې لاندې افغان لوبډلې د نړۍ سترو لوبډلو ته ماتې ورکړې.
د جرمني لومړي وزیر فرېدرېښ مېرڅ د چهارشنبې په ورځ اعلان وکړ، چې په راتلونکې اونۍ کې به چین ته د خپل سفر پر مهال له دې هېواد سره د اقتصادي او سیاسي همکاریو پر فرصتونو خبرې وکړي.
د ملګرو ملتونو د ماشومانو د ملاتړ صندوق یا یونېسف په ایران کې د وروستیو لاریونونو پر مهال د نیول شویو ماشومانو په اړه ژوره اندېښنه ښودلې او له ایران څخه یې غوښتنه کړې، چې ژر تر ژره دې نیول شوي ماشومان خوشې کړي.